友義氣‧茶居

營業中

休息中

店舖係建生商場裏面，環境衛生尚可接受🫠，店面非常大，流轉速度快。路過可以入嚟飲個快茶，全日免茶芥免加一。是日中午來食，價錢合理，味道唔錯👍🏻。友義氣流沙包——大點一籠有3件，size適中，夠熱，餡料好流心有鹹蛋黃味，食嘅時候都要小心慢慢食。薑蔥牛柏葉——特點調味適中唔會好鹹，薑蔥味特岀，整體味道好惹味，牛柏葉爽口彈牙，好食🤤。鮮蝦菜苗餃——大點餡料比例ok，菜苗鮮甜蝦仁大粒但有些少雪味，餃子皮唔算好厚，仲有少少煙韌。翡翠叉燒腸——特點腸粉皮好厚唔滑冇米香，餡料少，比例唔適中。味道一般，口感0分。唔推介。友義氣蝦餃皇——尊點餃子店略嫌厚左少少，皮同蝦仁有少少分離，但味道唔錯，蝦仁夠大粒。整體來講性價比幾好，可以一試

本人於 28.4.2025 21：00透過外賣平台購買猪扒外賣， 直至 21：22到屯門建生店時,本人出示證明予店員取食品，惜店員只顧進食、嬉戲聊天，部份更談天說地，本人召唤店員但未有人理會，其中一個包括店長在内仍然如此般接待客人，難怪此店開業不久，街坊已傳出店員的差劣服務態度，全是店長教導，不需對客人太好招呼理睬，唔满意可以不來的谣言是真的，各位真的不要去，接受如此體會

屋企人提議話做冬飯食呢間,咁都知呢2個星期啲餐廳都多人,就一早Book定14/12夜晚6:30訂張12人枱,屋企人都6:20分到達,店家收銀位著深藍恤衫女士先至突然講話要我地7:30要交番枱出嚟,如果唔係就唔俾枱我地,眼見佢不停放無預約嘅人入去,根本提早訂枱係無意思,訂枱果陣亦無講過要我地7點半就要交枱,到左先臨時叫客1個鐘交枱,當日現場book枱仲問要邊一邊嘅角落大枱,選好左,但14/12當日睇到2邊角落枱都坐緊人食飯,咁問咩要邊張枱?仲話佢地無聽過book6:30,話佢地餐廳係無6:30book嘅,只有6:00book,臨時要我地坐低到走得1個鐘食,你估食快餐呀,你一係訂枱果陣就講明係咁樣,而唔係book好到埋場果陣先焗人一個鐘交枱,咁樣做法不知所謂,一句唔好意思都無,就係知當日會人多所以提早訂枱,訂完枱同無訂枱無分別,而家唔食你呀!打住個牌頭寫友義氣?點做生意㗎?改名啦!根本係趕客!

個個星期都去幫襯佢哋，點知搵一次買海鮮去加工整鹽焗奄仔蟹，整完就係煲仔上加薑蔥，仲要話比我地知鹽焗奄仔蟹係咁整嘅咁都算🤦琴晚提早一星期做冬節飯，11月尾就book左枱6：30到，佢哋都作實左話無問題，點知琴晚屋企人6點半去到話係要book6點嘅，仲要7點半一定要交枱，如果唔係唔比入去坐低，大佬呀，我成棚屋企人一路到緊，仲要放工先去，點樣7點半交枱呀，玩野咩🤬，仲要book枱果陣完全無講過話要6點到，仲要7點半交枱！做生意唔可以咁做囉，旺日就可以咁？？唔得嘅話我book 枱果陣可以同我講，我可以book 另一間囉，對呢間野做生意嘅手法好失望，最終好彩無幫襯佢哋，去左另一間都喺附近嘅花月宮，服務態度超好，物有所值，值得去試，而呢間真係一肚氣🤬🤬

有朋友剛剛搬入屯門所以特意去送入伙小禮。之後朋友帶去試特色美食說此家味道非常好。所見店外很多人在等位，等了大約10分鐘便可入座， 店內很闊落地方清潔，座位都非常舒服。之後朋友點了幾道小菜， 最快送到是一大盤酸菜魚，熱辣辣還有微煙在升中， 朋友即說快試試酸酸辣辣的很開胃。即夾一塊魚肉是長形厚厚的，入口的魚肉是軟而有彈性另全吸收了酸辣椒油的香味，即時一股刺激味道直刺入腦袋中太好味了！辣道不太辣而適中，而且酸菜酸道剛剛好不太酸及咸。之後是椒鹽炸火箭魷，一大盤黃金色的還有椒鹽味道飄到鼻子裏,迫不及待即夾了一塊入口，一咬“咔咔”的響起之後是淡淡的椒鹽味跟著是熱熱而軟綿綿的魷魚肉，很新鮮而且肉厚厚的，多種味道夾著在口腔中太複雜了。跟著來了一道朋友都力推的說是炸軟殼蟹，見滿滿的配料蓋在軟殼蟹上感覺很豐盛很吸引，當然即夾了一塊送入口，入口又是脆脆的，咬下是軟軟又鮮味的蟹肉連脆脆的蟹殼一起咀嚼起來，口中滿滿而複雜著的蒜香、蔥香、鹽香、高溫爆炸後的蟹油濃香，之前都試了很多此類菜， 但這次真是另有風味。這餐入伙餐真是太回味了！店內還有很多菜式及點心但實在太飽了無法再食了！

今朝突然好想食粥，就去左樓下新開既友義氣度飲茶！因為新開關係，環境都靚，坐得舒服，經過可以入嚟試試👍魚腩粥魚腩份量都唔少，無魚腥味，但有骨，食時要小心d!啲粥好綿滑，唔係水溝飯果隻，應該係經長時間熬出嚟，口感好好，份量都唔少，我同老公一人食左3碗，唔錯！蝦腸透過張相，都見到好大隻蝦，啲蝦除左大大隻，都好彈牙，，岩曬我！但腸粉比較厚，唔太滑，呢樣爭少少，但都唔錯既👍奶皇流沙包奶皇流沙包入面真係流沙架，食落去好有奶皇味，鹹鹹哋甜甜哋，好正👍食物整體ok，環境ok,可以一試👍

新開張！已去過幾次午餐捧捧場。以下純粹個人口味分享體驗😅點心及炒粉麵飯整體都幾好，熱辣辣👍🏼尤其蘿蔔絲酥餅最出色，每次必食！！😋蝦餃燒賣平均都唔錯，感覺用料新鮮。奶皇包、馬拉糕都好味，唔會太甜👍🏼鳳爪及白花魚肚，幾次都覺得個係汁汁咸咗啲。炸両嘅腸粉皮係可以嘅，但油炸鬼就真係唔掂☹️（好似一嚿硬粉咁仲有啲怪味）。炒飯炒米味道都可以，夠乾身，唔會太油。服務員態度都幾好，希望廚房師傅唔係因為新開張先嚟嘅幫工，如果食物質素水準keep 到，都會繼續去支持的，大家努力加油👏👏💪🏼💪🏼🙏🏼🙏🏼

我一行3人今朝11點去飲茶，點知坐低之後發覺冇乜冷氣，「因為間舖啲分體冷氣機係梅花間竹開既」，之後就叫職員開冷氣，職員回覆話開唔到🙄🙄其實間鋪甘多人食野，乜吾係應該開晒全場嘅冷氣機咩？莫非係裝飾品？🤣🤣雖然依家冇收加一，但食物價錢其實都有少少貴既😅總括黎講食物味道可以😆，冷氣吾得😡，最搞笑係職員竟然吾識睇手機app排隊號碼😡😡😡

見佢新開，出面冇價錢牌，諗住用試試伏既心態尋日去左食早市，有鑑於對面羊城裝修，朝早7點幾都好爆場，座位間距都ok，唔會話點迫，直接入正題，叫左三樣野食，鳳爪排骨飯，蝦餃，豬肚燒賣，鳳爪排骨飯：鳳爪同排骨我自己覺得完全冇味，鳳爪冇任何醬味，排骨感覺冇醃過，飯食落好旱，冇米香味蝦餃：皮比較厚，入面啲味ok，不過打唔起膠，啲餡好散豬肚燒賣：出面比較少見，所以我比較唔到，豬肚同燒賣夾落係完全分開，冇痴埋既，第一舊食落有小小，好輕微既臭味，然後第三第三舊就冇，呢個整體啲味係幾好食，只係唔知豬肚同燒賣 係出面會唔會痴埋，整體黎講不過不失，服務態度幾nice，免茶芥免加一，飯同蝦餃係尊點，燒賣大點，賣單$102，太耐冇飲茶，到底依家飲茶係咪呢個價既，真係唔知

見屋企附近開新餐廳，就同屋企人揀平日中午去試下飲茶啦！去到果陣冇人排隊，仲覺得好開心。入到去收銀姐姐俾左個未執檯嘅位俾我哋，然後叫我等。一等就等十分鐘，附近5-6個樓面個個唔知忙緊乜，冇人黎執檯。搞到我去揾收銀姐姐先終於有人執。寫完點心紙依然冇人黎收，我又要自己去收銀俾點心紙。其實我都唔知自己係黎飲茶定係食快餐。然後等大約十分鐘就開始陸續上點心，結果炸兩等極等唔到，我仲心懷期待覺得佢應該即叫即整。點知一黎到，真係好嘢，炸兩係凍㗎！係凍㗎！同樓面講完，佢又叫我等。請問我要等乜嘢？等到佢變成芒果河粉先食嗎？最後佢雖然同我退左個炸兩，但我真係覺得好嬲好嬲。臨走我抬頭一望「全日免茶介、免加一」原來一早有答案🙉