友樂亭爐端燒居酒屋 (已搬遷) 新店位置

因為朋友好鍾意食日本料理嘅關係，所以好辛苦咁係美孚呢個密密麻麻嘅住宅搵到一間日式餐廳去食lunch😂，因爲呢區主要係以茶餐廳做街坊生意為主。Set B - ($148)一個set有3樣野，多重享受❤️，主菜黎之前仲有碗麵豉湯飲🍲。1️⃣紅蘿蔔燉牛肉，牛肉燉得好入味，肉質又林又軟熟。2️⃣有金菇、冬菇、帶子配沙律醬和芝士😋，帶子美味鮮甜。3️⃣火炙三文魚飯，火槍燒過後帶出了三文魚既油香。食完之後仲有抹茶雪糕球作為甜品附上🍦，感覺完滿了😊。

今日午餐黎左呢度食，本身諗住唔食刺身的。但見個lunch set咁抵就試下。 我叫左個刺身飯158，朋友就叫左個b餐148.講真，我朋友果個正好多！ 一set三樣野。有帶子菇🍄，有三文魚飯，有牛肉。有湯有雪糕。我就得飯（鮑魚，帶子，海膽），雪糕，麵豉湯。 我果個魚生飯都新鮮既，但份量太少。我朋友果個就多重口感多重享受。重點！個燒牛舌同雞翅明太子好正好正好正！ 牛舌好脆好入味，雞翅都好脆皮又嫩！ 我本身其實想叫燒銀鱈魚🐟伽！但唔夠時間。

友樂亭的食品質素一向出色，雖然不是經常光顧，但每次水準都能維持，算是美孚出名的日本餐廳。前幾天在公司附近食了刺身飯，總覺得意猶未盡，趁放假便到友樂亭食午飯。因為是星期五而且時間早所以人不多，午餐款式選擇多，最後選了自己最愛的貝類刺身，價錢不平要$155但絕對沒有令人失望，刺身種類有鮑魚、海膽、帶子及赤貝，新鮮好味，套餐配有前菜、麵豉湯及綠茶雪糕，真的十分抵食，唯一美中不足的是飯量對於一個飯桶來說實在太少，但整體還是令人感到滿意。

本身係美孚居民，一直都好支持呢間響美孚開左好耐既日本壽司店，不過今次真係食到一肚氣平心而論，呢間餐廳食物水準的確高，而且價錢相對大眾化，好似今次叫左既壽司Set，刺身好新鮮，而且切得好厚身，絕對無偷工減料之不過服務態度就真係每況愈下，話說每日午餐1pm時結帳可享有9折優惠。就得果日食完1pm前已經結帳，而且咁岩有電話打黎，見外面無人等位，半個場都係空位，咁就坐多5分鐘先走，當我差唔多走人果時，點知短髮女侍應走過黎勁無禮貌咁話「你地用9折優惠，最多坐到1點」，我同朋友即時O左咀，心諗不如退番9折比你，我地坐到3點唔得？？洗唔洗咁快趕客走。。。如果佢態度婉轉d都算呢間服務態度真心差，唔會再幫襯

日式定食嚟講性價比算幾高🌝呢個價錢已經係包咗 漬物 沙律菜 麵豉湯 刺身 壽司 烏冬 同埋甜品🤪特選刺身同埋壽司係每日都會唔同 我嗰日去食係油甘魚 好開心啊因爲我去之前已經好想食油甘魚🐟食落都幾新鮮 魚油香幾重 不過如果再切厚啲嘅話口感會更加好! 而壽司嘅就係油金魚 三文魚 同埋帆立貝🌝而且三款質素都好高 另外帆立貝係勁厚切 個外貌同味道絕對不比貴價壽司鋪食到嘅差㗎/由於個刺身同壽司朋友事前已經同我講過話係幾高質 反而個烏冬我本身冇乜特別期望 點知食落真心有令我覺得驚喜到😂佢係涷烏冬嚟 醬汁係甜甜地嘅日式醬油 烏冬食落質感非常之彈牙 而且重點係佢原來有隻好大嘅溫泉蛋係上面🥚 蛋黃汁同烏冬撈埋 簡直係將成個烏冬嘅味道昇華咗去另外一個層次🤩而且天婦羅嘅炸粉亦都唔厚 食完成個餐之後勁滿足 仲要有一球綠茶雪糕做甜品 超級正🥰

喺公司附近，每次有事慶祝都會想黎食，不過平日lunch time都要預早book，唔係會冇位架。今次食呢個 京燒銀雪魚 ，煎到啱啱好，聞落香，食落滑，個汁亦啱啱好，唔會太濃蓋過魚味！ 其實個茶碗蒸都好味好滑，不過唔記得影相囉🙈

係美孚民居發掘日本居酒屋！係橫街見到掛滿紅紅日式燈籠既餐廳，入內有40個座位度，夜晚去食都幾滿座！餐牌有刺身、壽司、鍋物、串燒，熟食.......太多選擇，好難揀呀😣😣鵝肝壽司😍😍外脆內軟😈😈好邪惡！！燒明太子，之前未食過咁既整法既明太子，但又幾香脆，食到明大子另一番風味！燒鰻魚！呢個好好食，外面脆，裡面滑，唔會淋pat pat！推薦😋😋😋壽司set🍱魚好新鮮！飯唔會太酸！大愛帶子同油金魚！toro小卷亦好好味！正👍🏻美孚的高質日本菜！Oiishi~

望落去個menu每個午餐都唔平，由$78至$148，但啲食物配搭全部都好吸引！又想食壽司又想食烏冬或拉麵，所以我就叫左胡麻汁刺身沙律配壽司及天婦羅冷烏冬。大部分午餐都配火龍果沙律，麵豉湯，漬物及綠茶雪糕。壽司有3件，分別係油甘魚，三文魚同帆立貝壽司。每件壽司都大大件，魚生好厚切，帆立貝都好大粒，用料非常之高質素，價錢貴啲都合理。而天婦羅冷烏冬就配左1隻天婦羅蝦，1條粟米仔，同1隻溫泉蛋。溫泉蛋係個冷烏冬嘅亮點，無佢相信個烏冬會無咁好食！最後以綠茶雪糕作結，1個字 - 正！

我同男友尋晚第一次去，諗住幫佢慶祝生日，我買左一件切餅去，請佢地幫我雪住，個陣佢地完全冇提過要收切餅費。食完晒我問佢地拎返件餅，呢個時候都冇話要切餅費，於是我同男友唱完生日歌就開始食，食到一半，佢地先無啦啦走埋黎話：「小姐你地係度食我地要收切餅費架喎。」埋單仲要收我地$80，呢個價錢夠我買多兩件cutcake，我連刀都冇用過佢一隻。唔憤氣問左佢一句係咪個個人都收$80，佢地啲店員係咁而講左句「餐牌寫住架」，我心諗你早啲講我就唔係你間鋪食個蛋糕啦，我個蛋糕拎出拎入你都「唔記得」要提我係要收切餅費，係要到我食到一半先講，咁我可以點？山長水遠專登入美孚book埋檯食飯，都係想男友條有個開心既生日，搞一搞完全冇晒心情，以後唔會再去。😢

幾年前食過晚餐覺得燒物燒得好好， 個雞扒個皮外脆肉好嫩同juicy~刺身亦好新鮮～個presentation又靚今日經過美孚再想起lee間地方性小店梗係去食個lunch la,依舊的好☺️☺️☺️

今晚媽媽叫食飯, 阿妹推薦佢屋企附近呢間友樂亭, 我地一行七人去開餐啦~門面 OK, 但鋪面吾大, D位有D逼, 算夠坐嘅... 但放嘢食就吾係好夠位啦...伙記超級親切, 同我地有講有笑, 呢樣係我地食得開心嘅原因之一.地方雖細, 但人齊, 氣氛好, 招呼好, 食物OK, 乎復何求!  是晚前菜係醬汁田螺, 每人3只, 埋枱就有, 賣相靘, 又好味~總共點叫左6個主菜, 其中最推薦個洋蔥蒜香牛舌粒.牛舌夠林, 好入味, 媽媽都咬到, 洋蔥吸晒醬汁, 送飯一流.跟住天婦羅烏冬, 湯底好清甜, 烏冬麵係好幼果隻, 好滑.鹽燒三文魚好OK, 皮脆肉嫩~炸軟殼蟹吾錯, D蟹腳脆卜卜~鰻魚炒飯都可以, 好味吾太鹹.剌身飯... OK, 吾算驚喜.埋單前仲每人送一客 jelly, 滿足.

今日貪新鮮，去左試哩間居酒屋，中午既餐牌都有幾多選舉既，我叫左個花錦刺身飯，聽落去個名幾好聽，但買相就一般般😂😂有陣時，我只可以話外觀都影響食慾，見到佢既擺設，無話好有衝動行筷😭而且佢既刺身飯用既唔似珍珠米，唔係太好吃至於d刺身都係d普通既材料，唯一驚喜既係有海膽囉🙄🙄

A family of 5 (3 adults and 2 kids – 2 yrs old and 7 mths old) arrived the restaurant before 7pm. The waitress was abit hesitated and asked how many people we have. I told her that we have 3 adults and 2 kids. First, the waitress said they don’t have any high chair or booster for kids. They can only provide a cushion (2 inches height), but they will charge one head if they provide the cushion. Anyways, I didn’t ask for the cushion because I don’t think that cushion can support my baby to si

上星期去美孚搵朋友食lunch既時候，無意中比我搵到哩間居酒屋，難得過到黎美孚，當然要好好食返餐啦🤣🤣我黎到已經差唔多兩點，過左個lunch潮，但係入而都仲係好多人，只係叫做唔使等位，岩岩好有兩個bar位可以俾等地坐😂😂雖然係lunch,但都好多選擇，比我想像中多👍🏻我叫左個精選弁當既c餐睇樣係咪好吸引呢😋😋最左邊係胡椒帆立貝，其實胡椒味就唔係好種，佢配搭埋雜菇同個醬，味道香濃鮮味，值得讚賞鵝肝飯個汁濃味，鵝肝煎到岩岩好，同埋都幾厚幾大舊，咬落去仲有鵝肝既油慢慢滲出黎，食過返尋味😍😍

約了舊同事聚舊下，佢之前食過覺得OK,於是便幫襯多次！坐低就送上前菜同茶，等你舒舒服服咁食個晚餐牛舌-一d 都唔騷，同係日本食既牛舌都咁好味天婦羅 - 熱辣辣、又外脆，即叫即炸什錦壽司 - 全部都好新鮮天婦羅烏冬仲有甜品送