友和士多

營業中

休息中

每次黎鴨脷洲，必定要幫襯友和士多，事關呢度嘅懷舊糕點新鮮又好食。坐地鐵南港島線出利東站，A出口斜對面就到，非常方便。今日帶左阿媽黎，佢話一眼睇中茶果，3款餡係豆沙花生眉豆，要晒3款啦，$10有3個嘛。我就每次都要食豆沙西米糕，仲有漲卜卜嘅煎堆。兩隻為食貓出咗門口嗱嗱聲啪晒茶果同煎堆，真係食到lam lam脷！帶好口罩返入友和士多，阿媽話要買光酥餅同埋魚皮花生，梗係好，我都有份食嘛。我仲話最好買埋馬仔同南乳椒鹽餅乾，阿媽話我醒目。下次要帶老豆黎潮聖。

鴨脷洲大街名物---友和士多！行入友和士多，好似穿越返去舊陣時咁，佢地賣嘅懷舊糕點、零食、餅食，係傳統嘅味道！老闆俾我影張幾相珍藏，好開心！（本身呢度係唔准影相）今日遇正豆沙煎堆啱啱出爐，即刻排隊，排我前面嘅食客，都係幾個幾個咁買，真係好怕輪到我就賣晒，心裡面祈禱希望有得食，輪到我真係冇晒，點知前面大叔見我想喊，讓左一個俾我，多謝呀！豆沙煎堆實在太香口，外脆內帶少少煙韌，豆沙餡冇過甜，真係一絕，食一個係絕對唔夠喉，期待有機會再食。另外砵仔糕、西米糕、茶果、帶菜糕、眉豆花生糕...都係必食！不過眉豆茶果同帶菜糕賣晒，今次試下桂花杞子糕，好清甜喎，驚喜！最好行入d被巨型山楂餅、米通波波、花生糖吸引左，掃埋就滿足回家，下次再黎！

咁啱經過鴨脷洲又想食啲小食所以就嚟咗買傳統糕點（＾ν＾）呢度位置都算方便，幾近地鐵站一去到門口就見到各式各樣嘅糕點，行入啲仲有不同種類嘅唐餅零食!我去到嘅時候已經五點左右所以有好多嘢都已經賣曬🥺最後我試咗佢嘅豆沙糯米滋，豆沙西米糕同埋芝麻糕豆沙糯米糍嘅皮好煙韌軟糯，亦都唔會過甜，入面豆沙餡食得岀係應該係自製，好滑!不過我覺得皮太多餡太少，如果比例好啲高就會更加岀色~豆沙西米糕我都係第一次食🤣好感好特別！西米皮煙煙韌韌咁幾得意！不過都係同糯米糍一樣如果餡多返少少就好了，因為西米糕嗰皮冇咩甜味所以如果多返啲餡就會好食啲😛芝麻糕就不過不失啦!拎上手動L動L咁，食落口都幾滑😛有樣嘢幾好嘅就係啲糕點買嘅時候係涼涼地嘅，夏天食好開心🥰

週末去左鴨脷洲一趟，順便搵下有咩好野食。喺openrice見到呢間小店，所以去試下。小店賣好多款中式糕餅，我最後揀左$9兩粒嘅紅豆糯米糍。糯米糍食落好軟好易咬，係我好鍾意既質感😋紅豆餡正常甜，幾好食。有機會再去既話，會再encore😊

又嚟到鴨脷洲大街，發覺好多地方都變咗地盤返新緊，今次當然又要買返幾樣糕點食😋😋今次買咗砵仔糕、紅豆糕、馬蹄糕襯住砵仔糕仲暖笠笠，忍唔住行去海旁即刻啪咗兩個，勁好味😋😋又多紅豆，keep到水準👍🏻👍🏻其他拎返屋企第二日食，初時以為雪凍咗嘅砵仔糕唔好食，點知凍咗又另有一番風味😆凍咗嘅質地係會實正少少，夏天食真係一流👍🏻紅豆糕同馬蹄糕就唔駛講啦，都係咁足料，尤其馬蹄糕有好多粒粒馬蹄，好有咬口👍🏻👍🏻

昨天行山到香港仔，坐街渡去鴨脷洲行逛，打算吃個下午茶，經過上述士多，說是士多又似什貨舖，仲要係我細路仔時，3O幾年前紅磡土瓜灣的舊街坊店舖，見到頗多老式羔點，被其中好有趣精巧圓滿的薏米羔吸引住，即時買了1個再加個馬拉盞，立即解決，好味，尤其是薏米羔，柔軟糯滑內有(應該是荳蓉吧)3啖解決了，之後再買多2個，t-極好味，這個天氣，將羔雪凍吃，或伴雪糕，一流極級享受。

🇭🇰友和士多·我地之前咪去左Arca staycation既 難得黎到呢邊 所以我地就試左幾間網上面推介既小店😌😌呢間我哋第一日5點幾嚟到佢已經閂左 好彩我地第二日中午時間嚟到佢有開😙·紅豆砵仔糕$6呢個就有少少失望啦🥺我地去到見到勁多街坊買 而且佢攞上手暖笠笠 質感勁Q 所以超期待 點知佢食落好粉 而且超淋 唔知係咪蒸得太耐😭😭·📍鴨脷洲鴨脷洲大街110號前

朋友說去鴨脷洲必到的為食點一定要去「友和士多」，相信他開業已經好多年，所以都係比較古舊。這裏真係有好多各式各樣的中式甜品，西米糕、馬蹄糕、茶果、砵仔糕、煎堆仔…等等。今日買咗兩個砵仔糕，一個西米糕和一個紅豆糕總共$30 ，砵仔糕味道不錯，豆亦都算多而且唔係好甜。蓮蓉西米糕質感非常好，煙煙韌韌，好好味。但係紅豆糕就差咗啲，沒有太多紅豆而且不是我期望的那種質感，真係麻麻地。

鴨脷洲的傳統糕品店不多，熊貓所知有唐式糕點在賣的就僅此這家 #友和士多。但獨家不代表沒水準，這店的糕點種類多、份量大、價錢親民，所以很受歡迎。通常到下午糕點便會賣清光，每次來買糕點都是在賭運氣。中午行畢南朗山順道過來，已見到有人龍在排隊買糕點，要快手選購！🥮 豆沙西米糕 x 2件🥮 馬蹄糕 (大) 🥮 豆沙燒餅合共 HK$29推薦指數 (5分為滿)：🐼🐼🐼🐼這邊賣的糕點挺大件，特別是馬蹄糕一大碗的吃得熊貓很開心 (可選小切件)，而且味道清甜軟彈，果凍般的質感比得上西營盤的卓越；而西米糕更是這家店的招牌，每次必買！大件清甜加上絲滑又不過量的甜豆沙，真的令人太喜歡了😍 雖然沒有外邊那麼多口味選擇，但好吃的一款味道就夠。豆沙燒餅也很大件，豆沙餡亦足，但餅皮略嫌有點粘牙。真的好好食，有點後悔買了這麼少 🙈雖聽說鴨脷洲街市翻新，引入了很多不同的新派美食。但這種中式糕點的傳統味道是無法取替的。🌟 店內還有大量傳統『口立濕』可供選購📍友和士多 🇭🇰地址：鴨脷洲大街110號地下前舖#instafood #vega

鴨脷洲老店眉豆茶果大小比坊間小，味道普通西米紅豆糕好味道 估唔到凍冰冰嘅，但係就可能因為咁超級QQ彈牙，但係外層西米有小小茸茸爛爛地餐牌！！！！！！！！！！！！！！！！

去完食米線，就過左黎。搵到一間專賣傳統糕點既士多。依家呢D鋪頭，好似絕跡香港甘。(豆沙煎堆 $6 ，西米糕 $6)先講下個豆沙煎堆，外皮夠晒脆，裡面既豆沙餡做得好香，有甜味，未至於死甜，都幾足料。平時食泰國野就食得多椰汁西米糕，今次試返一D傳統既西米糕。同我地平時食既椰汁西米糕外表好唔同樣。外表係晶凝剔透既，見到裡面既豆紅豆餡。係軟糯米，但又唔會黏住。唔係貴，可以買黎試下傳統味道。同店主傾過計，每日新鮮製造，賣完就無啦！

細細個媽咪成日帶我去友和士多買糕點，砵仔糕茶粿都係我至愛。至今仲有好多兒時小食同糕點賣。例如肚臍餅、花粘餅、南乳餅都係我最愛，尋回童年回憶呀友和士多除了保留舊式裝潢，賣兒時小吃同傳統糕點外，連價錢都保留舊式價錢！值得一讚今次點了煎堆、紅豆茶粿同西米糕煎堆仔仲係熱辣辣，裹面係紅豆餡！#資料由香港愛玩生Iplayhk.com提供

正宗懷舊小食店，店面是舊式士多格局，小食是兒時零食，賣貨的大叔都是舊式士多態度～不過價錢都是舊式價錢～想要懷舊味道，這裡原汁原味無論是食物、環境、大叔和價錢買了花占餅，南乳餅，字母餅，茶果和砵仔糕 全部滿分花占餅南乳餅都是兒時味道有別於超市貨式 ，字母餅 不錯 ，因為不太甜 ，又可和小朋友當認字遊戲有得食有得玩～一流至於茶果 如果有咸味就更好 ，紅豆既食品本身都是甜 所以甜茶果我應該只會耐不耐才吃～不算必食之列至於砵仔糕 ，其實是我到此店既原因所以每次，下次再來都是必吃

今時今日要喺香港地搵中式糕點都幾難，搵一間好食嘅糕點舖仲難！適逢週末天氣好，就嚟個南港島線遊，點知俾我搵到一間專賣懷舊食品嘅士多，重點係平！靚！正！簡直就係開心大發現！舖頭有好多自家製懷舊糕點：砵仔糕、桂花糕、大菜糕、茶果、紅豆煎餅等，仲有各式各樣嘅餅乾涼果，真係花多眼亂，不過只得一個胃，今次唯有買住幾款試下先！煎堆仔呢個絕對係世界級！老闆娘話每日出爐時間都唔定，今次超級好彩撞啱新鮮出爐，離遠已經聞到勁香，熱辣辣勁鬆化，亦都唔太油膩，紅豆餡綿密，甜度啱啱好，十個讚呀～！買呢個真係講運氣，我企喺度一陣已經成盤俾人掃哂！眉豆花生糕呢款係鹹嘅糕點，第一次食非常有驚喜！本身都鍾意五香粉個種鹹鹹香香嘅味道，呢款糕幾香幾滑，大大粒眉豆同花生，非常足料，值得一試。糯米糍有3款口味，可惜我呢個花生友最愛嘅芝麻花生賣哂⋯今次就買紅豆蓉同蓮蓉，皮薄煙韌，值得一讚d餡唔會做得太甜，細細粒食多幾粒都唔怕，下次一定要試埋花生味。芝麻糕/馬蹄糕本身應該係凍食，不過老闆娘教我可以返屋企整熱或者煎嚟食，幾種食法。芝麻糕好似食緊固體芝麻糊咁，芝麻味幾香；馬蹄糕真係食到一粒粒爽口馬蹄，真材實料，個人覺得好味過酒樓個d。今

今日中午番灼鴨脷洲美食，正餐食飽後想食些甜品糕點，朋友介紹我去友和士多買紅荳香蕉糕，及其他糕點，於是我買了紅荳香蕉糕及桂花糕，紅荳香蕉糕好特別，夠煙靱，可惜唔係我杯茶，試過就算；而桂花糕好香好甜，下次會再試，還有砵仔糕及眉荳糕都好出名，可惜我不是眼闊肚寛的人，亦留待下次再試！