叉燒大王

營業中

休息中

叉燒大王果然名不虛傳，在豬肉價格騰飛之際，這碟叉燒份量仍然不小，而且燒得恰到好處，焦黑地方不多之餘，還保留了鮮嫰肉質不起柴，適量的蜜汁更是畫龍點晴。啫啫芥蘭煲—別小看這個煲，它的容量比想像中多得多，兩個人絕對夠食有餘！芥菜下還有燒得滋滋作響的蒜頭，最適合注重健康飲食的男女。黑椒牛仔骨—未上桌便已嗅到鐵板上的香味，事前有用蒜汁稍為醃過的牛仔骨實在好味，肉質稍韌。總括而言，三道菜對二人而言絕對是足夠有餘，意想不到今天三道菜都在一般餐廳的水準之上，有驚喜！

本來對中菜都無咩好大興趣，個日放工經過又吾想食日本野台灣野，又好似好耐無食過中菜，就揀咗叉燒大王！！果然無令我失望！佢出面排好幾張椅預備好多人排長龍，不過佢同時好多人買外賣燒味，我地企咗等的5分鐘，都起碼見到成4個人黎買叉燒！令我更加期待個招牌叉燒！佢都好多野食揀，星期一至五仲有平小小的套餐，我覺得都吾算貴既，個價同大牌檔都不相伯仲！我地2個人當然叫2個肉1個菜已經好夠！蜜汁牛仔粒薯仔🥔好有bbq的感覺，甜甜的！薯仔也是脆脆的！牛仔粒有一點肥，所以很很很很好食好咬口！牛仔粒的分量比薯仔還要多，這合理嗎haha當然要叫招牌叉燒！我地2人點了例牌咋！哈哈吾知係幻覺定點，我覺得佢例牌比一般店的更要多，而且佢的叉燒果然名不虛傳！半肥瘦，又滑又入味，很推薦！！！最後到我最愛嘅茄子！醬爆脆皮茄子！我第一次吃，好搞笑！個皮係點咗麵粉脆卜卜，入面又有茄子應有林，再咬入去有塊肉，一共係3個口感！好特別!!佢用鐵板上所以吃既時候仲係熱辣辣！！

放工又係附近吃個快飯，見到中菜好耐無吃過，即刻行去無食過，平時都多人既叉燒大王！！！行到入去，由於仲好早都吾算多人haha不過多上咗年紀嘅人😂我地得2個人，但都安排我地坐卡位，好闊落好舒服！當然要叫佢招牌菜！！！叉燒！例牌咋！！都幾多！有起碼20幾件叉燒！超好食😋半肥瘦！！仲要冧滑，唔會好un要咬好耐！好入味！係我最近吃過最好食的叉燒！認真推介！！！！！！我不停搶住食！薯仔牛肉粒啲薯仔甜甜地，脆脆地好好食！平時我都小食薯仔，都食咗起碼三大舊！牛肉粒都吾鞋，好易咬，而且好入味！佢仲要牛肉多過薯仔，性價比高！脆皮茄子！！佢係有料㗎茄子入面，有啲肉夾住炸！好Special!!!第一次食咋！吸哂啲醬味！仲要鐵板上，熱辣辣好好味！！我地2個人吃到飽哂！！佢份量比一般餐廳多而中菜黎講，好抵!!!!

其實好耐之前有食過叉燒大王， 不過印像真係麻麻地， 但係最近睇佢嘅食評 又好似唔錯喎 就畀多次機會佢，食多次啦 估唔到今次 真係超水準表現，好耐冇食過咁好味嘅叉燒 ， 叉燒佢用咗梅頭肉， 一啖就食得出 梅頭夠淋， 仲有少少肥入口即溶 一啲硬身感覺都冇， 我個仔淨係食叉燒 都食咗成碗飯 另外再試埋佢嘅，開邊蒜蓉蝦 ，雖然啲蝦係細隻啲， 但係夠曬鮮味 蒜蓉 落得剛剛好， 絕對冇蓋掩嗰啲蝦嘅味道， 另外再叫多個金銀蛋豆苗， 豆苗當造梗係好味啦 加埋兩碗飯飽曬

記得早幾年興捉精靈，我同太座都當時非常瘋狂，會揸車四圍去玩，有次去到河畔花園呢度，晚飯就入咗去叉燒大王度食，記得當時非常失望，今次係嚟附近搵嘢食，見裝修過同擴充咗咁，一於再試過，入去見都幾滿座，剛剛有一張枱，好彩唔使等，坐低轉頭已經有幾枱客喺門口等位；嚟到當然係要食叉燒，叫侍應整碟靚D淋D嘅俾比卡豬，佢最鍾意食叉燒，睇吓張單真係會寫住肥、靚D、淋D，食一舊簡直刮目相看，真係好味，如果我自己食一定要求有小小燶，不過比卡豬一齊食就唔好喇，佢都食咗一碗飯，可想而知舊叉燒幾得；蒜蓉蒸開邊海中蝦，可以話係我近年喺街食得最好味嘅一次，蒜蓉份量剛好，海蝦非常新鮮唔會梅，要同太座爭食，金銀蛋浸豆苗，蔬菜都係不時不食，豆苗雖然而家四季都有，但冬天仍然係當造，好明顯呢度個貨源揀過，今年食得最靚嘅豆苗；睇餐牌呢度仲有好多特色小菜，我見到有鐵板爆田雞，下次我一定要食呢個!

叉燒大王果然名不虛傳，呢度啲叉燒你望到其實佢都冇乜肥，係食落去同半肥瘦嘅口感真係冇乜分別。肉質嫩口又多汁，皮脆。佢仲要特登切到每件叉燒都有個厚度，食落去好眩惑值得一試。燒鵝一般來講好多地方食半隻都係198呢個價錢，佢呢度呢個燒鵝我就食咗佢好多次㗎啦。不過呢以前佢就真係比而家大隻好多嘅。而家佢個燒鵝細隻左，但係味道就唔大大分別。佢個燒鵝皮係最好食嘅地方，不過我嫌呢個燒鵝嘅皮同肉之間嘅肥膏比較厚，變咗佢做唔到肉滑皮脆嘅感覺。呢個酥炸筒蠔個水準都可以保持到，食落去佢個筒蠔嘅肚都比較大，唔會好似一般出邊食嘅咋筒蠔咁縮囇水。不過佢唯一嘅不足之處，再去查嗰個被炸到比較黑唔太美觀。依個蟹粥我就真係第一次食，不過食落去嗰啲蟹就真係好甜，個粥就好有蟹嘅鮮味，整體成煲粥來講個感覺都唔錯，你會覺得值回票價整體來講總數食咗八百零蚊五個人都係每人百幾蚊就算合理。

朋友仔搬咗新屋，今日就去咗佢新屋附近食返餐飯佢平時話見到呢間餐廳都要排隊，咁多人黎食都應該唔會有伏，所以就同朋友試一試餐廳好似舊式茶樓咁，因為就算晚市都會上茶而入面有唔少大圓枱，當日都座無虛席，如果人多嚟聚會都真係要記得book枱叫得叉燒大王呢個名，就當然要試吓佢嘅叉燒啦Menu入面仲有介紹到佢哋嘅叉燒係曾經獲得獎項雖然呢度嘅叉燒價錢同酒樓差唔多，但份量就比係酒樓食嘅雙倍咁制，單睇份量都已經好抵食叉燒一部份肥瘦得宜，肉質當然滑啲，另一部份就係偏瘦，更適合宜家現代人嘅口味叉燒外層烤得夠香亦帶焦香，醬汁濃味之餘唔會蓋過肉味話梅豬手一上枱就已經聞到香味，分量亦係比想像中大，有六至七舊，每件大大件呢度豬手質素好好，完全感受到骨膠原係口腔中嘅張力，食落一啲油膩感都無豬手嘅肉結實得黎咬落又夠嫩滑惹味醬汁亦係不可或缺既功臣，非常之容易送飯喜歡豬手嘅朋友仔唔好錯過！金銀蛋浸豆苗呢個餸菜係侍應推介，話宜家豆苗當造所以就揀咗金銀蛋浸豆苗一試果然非常清甜，原來時令同未時令既味道係會有咁大差距金銀蛋當中嘅皮蛋非常之彈牙、炸蒜頭都非常之香而大家食完餸，記得飲埋個湯因為真係好清甜整體來講，餐廳嘅食材質素本身已經相

好耐好耐好耐無食叉燒。要食就要揀一間好食既叉燒餐廳，咁就唔會浪費quota。今日去左叉燒大王食叉燒。餐廳夠大，又有卡位坐。好舒服，唔洗搭檯。餐廳俾人感覺舒適，裝潢都好得體，唔似典型燒味店。叫左個叉燒飯。睇落普通既叉燒飯。食左一啖叉燒先發覺。呢舊叉燒一啲都唔普通。叉燒肥肥地，脂肪同肉比例啱啱好，好juicy。叉燒既味道又好，唔會太甜。有陣燒過既味道。又唔會太燶。咬落去出邊個層有少少黏牙，口感好好。肥肥地既叉燒真係好好味。送飯一流！之後叫左個避風塘炒蟹。一上菜就香噴噴既避風塘味攻過黎。聞到陣少少辣既味道，齋聞都興奮。蟹肉成舊可以攞出黎。好甜好新鮮。加埋避風塘既配料真係好惹味。辣椒乾真香辣味令人好開胃。因為食落唔會好辣，但聞落去味覺真係好豐富。好多肉既蟹。食完真係覺得好滿足。又平又抵食，下次再黎！

Hands down best barbecue pork place in hk! It’s a very local restaurant that famous for its barbecue pork!!!The staff there are extremely friendly and hospitable. Don’t expect a fancy space tho!It’s a rather basic setting with outstanding dishesTheir signature barbecue pork is a must try! Very juicy with just the right tenderness. And it’s crispy on the outside

上次去沙田圍食日本野，經過一間賣叉燒既餐廳好多人食，所以星期五晚想出街食就專程黎試下。入座時我地算比較早到，唔駛等位，但食食下就見到坐滿哂，好彩黎得早。專程黎到，梗係要試吓佢呢度最出名嘅叉燒，八十八蚊有個例牌，都幾大碟，兩個人夠食有餘之外，最重要既就係叉燒肥瘦適中，每舊斬得黎有份量但入口又要唔洗用力咬，蜜糖汁好香入晒味。天氣寒冷，揀左個鐵板黑椒牛仔骨，鐵板上冇咁快凍，上台先「渣渣」聲香氣撲鼻，黑椒味濃配搭啲紅椒青椒岩岩好，牛仔骨都幾多肉唔會好肥。叫咗兩個肉，點都要叫返個菜，就揀咗金銀蛋豆苗，好大碗，豆苗好鮮甜。鹹蛋皮蛋撈飯食好夾。兩個人叫三個餸一人一碗飯真係夠晒數，食到好飽。餐廳除左堂食，仲有個外賣部，見到好多人幫襯，個個都斬料返屋企加餸。

今日lunch 去左沙田圍附近，想食燒味，於是入左呢間叉燒大王。行入嚟地方都好企理，裝潢好似酒樓既格局，空間好寛敞。可能係撞到lunch 時間正一正，人山人海，好彩都唔使等位：p本身黎到應該試下佢d叉燒。一時間心血來潮，叫左個乳豬五寶飯。錯有錯著...估唔到佢個乳豬仔係咁出色，脂肪同肉既比例岩岩好，最正係面嗰層脆皮，口感一流😛叉燒大王應該係我食過咁多間茶記，乳豬最好食既一間，可以考慮改名做乳豬大王...仲有燒鴨、咸蛋紅腸都係水凖以上，配合埋佢地既醬汁，認真算好唔錯😆可惜係食得太飽了，想試埋佢地既叉燒，話晒佢地係叫叉燒大王😂之後叫左杯凍檸茶，茶記水準，正常發揮，所以我唔多講了。下次過黎，我一定會黎食佢地既叉燒，應該更加會有驚喜：）

話說幾年前的午市來食過一次，記憶中這兒的叉燒不錯，仲有咖啡飲。今日接女兒放學後，因晚上7:15仍要去補習，所以，就趁這中間空檔時間，拖女去搵食，逛到去叉燒大王附近，剛下微雨，就帶女兒入去，心諗亞女鐘意食叉燒飯，我也有杯咖啡飲。 坐下後，侍應問飲乜嘢茶?(吓....我諗住飲咖啡咋噃，已心知不妙😂)再打開Menu睇，全部都係小菜(天呀！我可以掉頭走嗎？但、又唔好意思，唯有硬食好了，只怪自己唔小心😭。) 叫了一碟例牌叉燒比亞女試(叉燒Keep住水準，我不喜歡吃有肥的豬肉，試了一嚿便停手)，另叫了生煎咸魚肉餅(完全食唔到咸魚的咸香味道，咬落去好彈口，但、入面有肥豬肉，趕快吐番出嚟)，石窩麻婆豆腐(沒有麻婆豆腐該有的香辣味道)。 除了叉燒外，呢餐真係食完喊住走，早知去番花園城果邊食番果兩間泰式或越式囉！因為，以小菜嚟講，我食到厭既屋企樓下茶餐廳都整得比呢度好!☹

今晚陪朋友去河畔拎野順便係果邊食埋飯河畔花園有連環食今日星期五周邊多數多人行晒全部食店,拎咗二三間票睇吓邊間有位點知比"叉燒大王"跑出咁就試下啦第一時間睇餐牌,都有好多選擇喎會令人有選擇困難証🤔每人要諗一款,我諗都唔諗更係叫佢店舖名"叉燒"啦😏 跟住朋友仔叫咗個"黃金蝦"佢話呢個好考功夫架，同埋屋企都好少會煮呢d 餸，出街食更係叫d 屋企唔常煮度嘅餸啦😬另外叫個菜平衡吓👉🏻就叫"金銀蛋浸菜"👉🏻例牌"叉燒" 見佢唔係半肥瘦,心知不妙。。。 點知😱估佢唔到👍🏻👍🏻超腍😋😋👉🏻🦐"黃金蝦"🦐香脆之外脆得嚟唔會乾身👍🏻 仲要每隻蝦都包住d 咸蛋黃😋😋👉🏻 🥬"金銀蛋豆苗"🥬出面一般都只係配時菜, 咩菜都係收果個價錢，但係呢度竟然比豆苗 宜家呢個時間真係最合適👍🏻👉🏻 全部食晒😋😋總結：真係名副其實"叉燒"大王,有回頭

這是走時拍攝的，記得一去到餐廳就見到很多人圍著，以為要等很久，原來人群是等外賣的😂😅內在局部環境-一大班親友來也可以容納以其命名的燒味之一：蜜汁叉燒真的很美味！值得再次嚐嚐！是晚人數不多，只能點一份例牌，但也能試到不同肥瘦的部分，蜜汁的部分也十分「入肉」！讚！再來是黃金蝦，即蛋黃炸蝦🍤尚欠些少脆度，要不就完美了！同行人也大讚！爽，新鮮，好味道！補多張相，補充一下這裡的靚仔（絲苗白飯）也很香軟...猜到接下來要介紹的是？當然豈只是菠蘿🍍其實是豬大腸配醋和菠蘿粒這次一推反傳統，留待最後的不是最好呢🥺😰單單對這碟比較失望，反而留意到鄰桌點的咕嚕肉看樣子更為吸引...也許是隔離飯香吧！哈哈😄

上次來這個屋苑食日式料理，見到很多人在叉燒大王門口排隊「斬料」，好像很吸引，這天就入内食個晚飯，試試它的招牌叉燒及其他小菜。六時多來到細枱幾近坐滿，以菜餐廳來說頗為寬敞，卡位舒適，就算普通的櫈椅背亦夠軟夠高身。另一邊是大枱，亦不至於背貼背坐餐牌印刷精美，食物圖片很吸引，招牌叉燒更佔據整個版面。雖然是茶記格局，沒想到茶水仍可讓顧客選擇茶葉，壽眉很清香。叫了一碟叉燒例牌，再加兩個小菜。叫的餸頗多，只叫多一個白飯來share，沒想到份量超多，分出兩大碗😂招牌叉燒 (8/10): 叉燒超淋，醬汁不會過鹹，用來送飯不錯。金銀粉絲浸勝瓜 (9/10): 勝瓜比較清淡，平衡了肉類的膩感；粉絲夠淋，和金銀蒜很配。鐵板黑椒牛仔骨 (7/10): 醬汁好香，洋蔥爽甜，牛仔骨肥瘦適中，下次試試牛柳粒～