又一軒 (已結業)

大角咀區內的西餐廳愈開愈多，繼 Cocina European 後，位於大全街的另一家西餐廳「又一軒」Another Kitchen 也在前陣子開業。這店環境普通，室內陳設也見簡單，不過午餐價錢尚見相宜，客人也有不少。這日的店中廚師推介午餐共有四款，不過來到的時候，當中較有特色，最想一試的「日式粟子炒肥牛飯」已經賣光，唯有退而求其次，改叫「焗海鮮忌廉千層麵」作午餐。老婆仔對四款午餐的興趣都不大，所以只是在午餐之選中叫了一個「咖喱牛脷飯」作午餐。餐湯先行奉上，不過就奇怪地沒有餐包，令自己感到有點失望。這日的餐湯有「羅宋湯」和「雞肉薯蓉忌廉湯」兩款供應。「雞肉薯蓉忌廉湯」水準平平，與一般茶餐廳的廉價出品相若，沒能讓自己留下深刻的印象。老婆仔的「羅宋湯」自己雖沒有試，不過聽她說也只是平凡之作而已。主菜方面，我的「焗海鮮忌廉千層麵」其實頗為膩滯，千層麵賣相普通，海鮮只得少許魷魚與蟹柳，實在未如理想。伴碟的沙律菜雖難得地下了油醋汁作調味，但奇怪地隨這主菜一起奉上的蒜蓉多士卻絲毫不熱，教人提不起勁把它吃進肚子。老婆仔的「咖喱牛脷飯」牛脷雖切得稍為薄了點，口感尚還可以，咖喱汁不是太辣，整碟飯的水準還

在大角咀亂走下看到這間小店，門面不起眼，內部裝修也很簡單，不過還是決定試試看，反正在大角咀吃來吃去都是那幾間，也想增加晚飯選擇。晚餐 set 好像偏貴，選擇也不對胃口，所以決定散叫。點了：松露雜菌意大利飯(素) $58燒南瓜蟹肉意大利飯 $48+10 加餐湯餐飲，選了蕃茄湯，稍稍偏鹹但可以接受+28 加頭盤甜品，頭盤有煙三文魚凱撒沙律跟焗田螺，甜品是 Tiramisu，所以決定加廿八蚊試試。頭盤選了焗田螺小小的，味道正路。兩個飯一起上:因為是意大利飯的關係，飯粒少許硬有口咬，松露淡淡的但不失香味，雜菌也不少; 燒南瓜蟹肉意大利飯配有大大粒南瓜肉，甜甜的汁拌了蟹肉碎，雖然蟹肉不是上佳材料，但跟南瓜配起來頗合拍，兩個飯的味道也不錯，不太濃又不太淡也不太膩。最後上甜品時店員才說沒有 Tiramisu，說真有點失望，因想試試 Tiramisu 才加錢要的，不過店貝的禮貌態度十分可嘉，所以也沒有糾纏，要了朱古加慕絲。雖然慕絲未夠滑，但勝在朱古力味夠。整體感覺不俗，服務好，若果不加錢要其他食物，兩個人的晚餐，這裡不算十分貴，是不錯的選擇。

早餐食過幾次 平日無乜客 但食物同環境也比附近好D 平日早餐無乜客人,19号星期六 早餐 璄有8成客人,晚餐一次, 叫了牛扒餐很正, 意粉及沙律都OK! 食得很開心 不錯的!!甜品食過也可以的,算不錯希望此店可以保持水準 (價錢算平....) 值得推介

星期天朝早，望完彌撒，去食個早餐，又來到這間餐廳，今次是第三、四次來食，因為這裏的早餐會提供至中午十二點。檸蜜脆﹣﹣麵包烘得脆，搽了檸蜜醬，甜甜酸酸，甜了點但都好味。牛脷﹣﹣輕輕煎過，很鬆化，咸味適中，很不錯。麥片﹣﹣沒有落糖，加了胚芽，很健康呢！茄牛縲﹣﹣牛肉很鮮，不韌，加上充滿蕃茄味的湯及縲絲粉，很好。唯一要彈的是餐飲，咖啡很普通，奶茶不合格，質感澀脷，要努力努力。

大角咀又有新餐廳開業,一於又去試吓先一試之下...真係唔係次次試新嘢都咁好彩架餐湯,水準平平叫做足料啦.肉醬意粉,惟一可取之處係芝士夠多,肉醬係唔錯嘅,但係對於已經食開硬食開硬身意粉嘅我嚟講實在太腍嘞我都唔記得咗佢食乜嘢,總之都係普通啦.見前面個個都話侍應服務態度好,原本甚少評論服務態度嘅我都忍唔住要講吓我淨係見到個個掛住傾偈,態度唔係唔好,不過一定未至於係好.整體水準平平冇特別,雖然唔係唔好食,但喺咁多好選擇嘅大角咀嚟講應該冇下次嘞!

家住附近, 幫襯過好多次, 逐樣講下早餐 - 厚多士唔脆, 開頭炒蛋炒得好滑, 但之後就過熟, 不過價錢平過隔離幾十年間茶記, 都食得過午餐 - 價錢同質素平衡得較好, 4 款午餐如果有豬柳o個陣, 有成兩大塊, 感覺超值, $40 左右o既午餐有餐湯有飲品, 今時今日唔算貴晚餐 - 質素不俗, 價錢還可以, 餐湯做得幾好, 主菜就一時時, 晚餐每日有 3 種揀, $88-$98, 加 $38 / $58 連埋頭盤同甜品最深印象一次係個黑毛豬柳, 未見過切得咁厚o既豬柳, 但一 D 都唔韌仲有少少脆, 好正; 慢煮雞胸都值得推介, 雞胸煮得好滑, 不過有次連埋個雞鎚位就煮唔熟, 可能因為慢煮關係牛類就麻麻地, 有次同屋企人叫兩款唔同o既牛, 一個太熟一個太生... 舊肉質素都係普通環境, 可能因為接上一手冇特別裝修, 做呢個價位o既西餐廳感覺就低檔左少少, 而且有時唔夠冷氣呢個舖位都轉左手好多次, 好似每次都做唔長, 希望呢間唔好咁快摺

當天晚上要看音樂會，相約朋友在大角咀來個Early dinner!曾經在大角咀居住，轉眼間這地方變成"食街"一樣，真不錯。最後，我們選擇了一間新開張的西餐廳。因為預期會跟隨搖滾音樂隨歌起舞，吃得太飽都不適宜，所以與朋友3人點了2道頭盤及各一份意粉／Pasta!頭盤：蕃薯蓉焗田螺 $38薯蓉味很濃，好像與一般薯蓉不同，好好食。煙三文魚凱撒沙律 $48(餐牌原本是 ”煙三文魚田園沙律“ 及 "鮮蝦肉凱撒沙律"，但當2道沙律名字遇上後，心裡滿想將煙三文魚及凱撒沙律共處一爐，最後好人的餐廳職員樂意為我提供！)大碟夾企食。主菜：燒南瓜蟹肉意大利飯 $48卡邦尼意粉 $45抱歉，因為上菜時給那意粉／Pasta的賣相吸引，到吃光才發覺沒有拍照，味道方面也非常好，而且意粉／Pasta口感很好。＊餐廳新開張，埋單有9折！真爽....加上本身非常合理的價錢及好味道的味質來說：低食!女餐廳職員服務也不錯。

說大角咀是舊區，可能只可說多幾年，因為這兒不斷在重建和有新的大型住宅落成，隨之而來的是一間又一間新的餐廳在大角咀落腳。這間又一軒餐廳在大全街，起初都不知在哪兒，原來在金家樂那條街的街中。裝修都幾普通，(前身係面檔),朋友說這兒的廚師以前在酒店做。點了個西冷牛扒配紅酒汁。有餐湯和蒜蓉包，塊牛扒整得好唔錯，厚厚的，肉汁幾鮮味，軟硬適中，都幾令我回味，當然包埋餐茶，$50，算是很不錯。估唔到餐湯不是一般難飲又稀嘅羅宋湯。蕃茄濃湯夠creamy，又有濃濃茄味(茄蓉混在湯中)，不會太咸，很有正宗西餐廳水準，配着熱辣辣脆卜卜的蒜蓉包，yummy!下次會試下個紅酒牛尾, 好似話好正, 侍應生的服務態度是十二分有禮貌。真的值得一讚！

大角咀又多一間西餐廳,琴晚收工行過見前身係一間面店溉嘅舖頭,突然變咗間西餐廳,睇睇餐牌................又幾吸引wor.見到入面唔算多人,於是掙扎咗一陣,終於都俾靚女waitress 拉咗入去.o係門睇過餐牌已經有心水,跟住叫咗焗田螺:賣相幾特別,仲要用蕃薯做薯蓉,夠心思,正!!!!澳洲厚切牛仔骨:好香好多肉汁,牛氣衝天.松露菌蓉湯:第一啖就知大廚落足料,無嘢彈.法式焦糖燉蛋白:一直都覺得西式甜品都好heavy,但呢個燉蛋白比較清清地,蛋白又健康.唯一要改善就係裝飾唔襯呢個level嘅菜色.不過一定返頭o架!!!!!