85
38
26
港鐵九龍塘站 C2/ H 出口 繼續閱讀
電話號碼
2180 8908
開飯介紹
又一棧匯集中國南北風味於一身,以上海菜最為出色。 繼續閱讀
特色
家庭親子
營業時間
今日營業
11:30-15:00
17:30-23:30
星期一至日
11:30-15:00
17:30-23:30
公眾假期
11:30-15:00
17:30-23:30
付款方式
Visa Master AE 現金 銀聯
座位數目
600
其他資料
酒精飲品
自帶酒水 詳細介紹
切餅費 詳細介紹
泊車 詳細介紹
電話訂座
加一服務費
電視播放
招牌菜
火瞳翅 北京填鴨 東坡肉 松鼠黃魚 富貴雞 蔥爆牛肉
食評 (154)
等級2 2017-05-17
308 瀏覽
又一棧在九龍塘站上蓋又一城。一向人好多。晚餐限時一個半小時。沒人等位就不會叫你走。如果不是就朋友应不会選Festival walk, 太多人用餐。點了個2人套養幫朋友慶生。拉皮和素腐方比期待好吃。素腐方入味,拉皮很爽口小黄鱼外脆內軟,沒有魚腥味炒蝦仁普通貨色湯則料足(螺頭雞腳瘦肉)但一點燉湯感覺也沒有。我本人喜歡那無錫骨因為很入味。但朋友觉有點硬。楊枝金露的柚子芒果都有點少。我不喜歡雪糕讓整個太奶了。。二人七百大元其實可以有其他更好選擇。但明顯不会在又一城。 繼續閱讀
(以上食評乃用戶個人意見 , 並不代表OpenRice之觀點。)
等級2 2017-05-15
171 瀏覽
同朋友短聚, 揀咗又一城嘅又一棧。由於冇book枱嘅關係,我哋只能坐一個鐘多少少,就要喺八點鐘之前交枱。時間唔多所以都只係食點心為主,結果除咗炸醬麵之外,其餘幾樣菜式都幾滿意。四川成都蒜泥白肉($80):一碟都有幾多塊,個醬汁辣辣地,白肉夾住青瓜同蒜泥一齊食,開胃好味。上海鮮肉鍋貼($60):一客有六隻咁多,隻隻都有肉汁,有夠飽肚,趁熱食最好食。成都紅油抄手($50):呢樣都係有六隻,同樣個醬汁都幾好食,雲吞就冇鍋貼咁大隻,咁仲好,可以作為一個輕盈啲嘅點心。北京六必居炸醬麵($52):呢個就麻麻哋喇,首先可能因為我哋食得慢啦,食第二碗嘅時候已經凍哂,但就算食緊第一碗,我都覺得冇乜特別,個面本身係偏粗少少嘅,有麻醬、醋同炸醬比你撈,但冇話特別好味咁樣,普普通通啦。蔥爆牛肉($98):呢個都係一般,如果要講,我就覺得啲京蔥比牛肉好食,甜甜地又夠脆,牛肉就落得太多鬆肉粉,過淋了。綜合叫左5樣嘢食,都係點心好啲。 繼續閱讀
(以上食評乃用戶個人意見 , 並不代表OpenRice之觀點。)
等級3 2017-04-29
748 瀏覽
又到中餐時間!今次約左舊同事去「又一棧」。夜晚七點幾鐘無人等緊位,所以服務員即刻幫我地三個人安排就座。我地都極度肚餓,所以叫咗唔少野食。以下同大家介紹先:1. 花雕醉雞通常前菜我都「無雞不歡」...今次上菜我真係嚇左一跳,點解可以得咁少件雞?!真係同大家喺幅相見到得咁多... 食落去味道OK既,只不過唔係好抵食咁咯。2. 清炒菇菇小棠菜本身想叫豆苗,最後都係決定試新野。普通normal咯呢道菜。無咩特別驚喜...3. 蔥爆牛肉肉食反而有驚喜。牛肉好惹味,但又唔會好油膩。食多幾塊都唔使驚!4. 小籠包 (一客六隻)聽朋友講,呢度既點心都幾好食。當然小籠包就屬於必點之選啦。大家都可以試下...5. 嫩雞煨麵麵食唔錯,都幾足料!6. 乾扁四季豆四季豆炒得好惹味,出街食飯點可以無佢份呀!此外我地仲叫咗「醬爆里脊絲」。隨菜會送四塊單餅,等你可以放啲料落夾餅食。都幾有北方味道... 服務都算唔錯,不過同其他美心中菜廳比,呢度就唔算話好抵(用埋信用卡優惠之後計)。試一次都OK夠架啦! 繼續閱讀
(以上食評乃用戶個人意見 , 並不代表OpenRice之觀點。)
等級2 2017-04-04
1285 瀏覽
平時都小去又一城的,今日屋企做了一個小裝修,和牛脷嫂都攰到攤攤腰,諗住搵間舒舒服服的餐廳坐坐,就誤打誤撞訂左又一棧。一去到,見到幾張位枱吉左喺度,而知客姐姐又帶我地去左張4人圓枱坐,就問可唔可以轉去卡位坐呀?點知...原來已訂滿哂!噢,同牛脷嫂講,下次我地都要訂位講明先,不過大前提係下次會再來的話,因為仲未試食嘛,唔確定下次一定嚟架,心諗....不過坐圓枱都OK,幾寬敞。點菜先,由於好肚餓,一叫就叫左好幾樣,本來想叫鱔糊,點知當日無貨,改左叫豆酥魚,仲失望,因為呢個麻麻地,魚唔夠滑,豆酥味太濃,完全搶左魚的鮮味,可惜...或者我食唔慣啦。 好彩呢味唔係第一度上,否則成餐肯定大打折扣。第一度上的是米莧鮮魚羹,好正,鮮魚同菜切得夠細,一個例牌有4碗,最緊要夠熱,加少少胡椒粉,鮮味極佳。跟住上嘅係馬蘭頭豆干,莫名嘅喜歡馬蘭頭,一見到呢個菜,實會點,唔通因為佢切碎哂上?懶咬,哈,唔係掛,主係菜粒加豆干粒好夾,而今次呢個馬蘭頭仲加入左松子,奇喎,又幾好食,不過次次叫馬蘭頭都有個缺點,就係太細個,唔夠食也,或者咁先令人回味啦。和菜戴帽,一個純粹因為個名同幅相吸引牛脷嫂而叫,你話餐牌上嘅相幾重要呢,其實頂帽就係煎蛋,裡面的就係肉碎炒粉絲,味道不過不失。不過跟幾塊餅可包住嚟食都唔錯,竟然最得牛脷嫂歡心嘅係跟隨上的海鮮醬,佢話好出色,我就無點過。總結來講,環境加食物加優惠,性價比唔錯,可讓我地今日辛勞的小裝修橫上句號。仲提自己,如果下次再嚟,記住訂卡位。 繼續閱讀
(以上食評乃用戶個人意見 , 並不代表OpenRice之觀點。)
等級4 2017-02-21
2319 瀏覽
去完澳門食得太多星期一晚就來點蔬菜吧先來個:楊柳青青萵苣絲($98)即係清炒油麥菜莖可能淨食關係感覺有少許油北平鍋鎉豆腐($80)豆腐都幾滑不過上菜時已經唔係太熱而且淋左蝦子獻所以外皮變得淋左下次都係叫熱氣嘢好味同香口d魚湯桂魚片燴雲耳($168)清清地之選不過我地冇叫白飯就咁食都有d鹹應該撈飯會好d天津花素蒸餃($45)5隻熱辣辣上檯我真係好鍾意食新鮮熱辣的點心因為冇肉的關係好清爽又夠飽肚無錫灌湯小籠包($54)6隻都係熱辣辣上檯咬一口都流汁唯一挑剔係個肉餡好似調味咁重咁整體水準還好不過食食下都飽想食全素結果又有叫肉同魚距離200磅肥c9的警戒線愈來愈近了 繼續閱讀
(以上食評乃用戶個人意見 , 並不代表OpenRice之觀點。)