8
1
0
港鐵九龍塘站 C2 出口, 步行約5分鐘 繼續閱讀
電話號碼
27883881
營業時間
今日營業
12:00 - 14:30
18:00 - 21:30
星期一
12:00 - 14:30
18:00 - 21:30
星期二
全日休息
星期三至五
12:00 - 14:30
18:00 - 21:30
星期六至日
10:00 - 14:30
18:00 - 21:30
付款方式
現金
其他資料
電話訂座
食評 (13)
等級8 2019-11-04
1044 瀏覽
由於近來嘅社會事件,我嘅細胞小組好耐無聚會過喇,改完一次又一次,多謝各組員嘅配合,卒之約得成,不過,地點又喺另一要考量嘅地方,以往就大家方便,都喺落太子,但不時有突發,我哋組內有好多細路仔,安全先行,結果有組員提議「又一居會所酒樓」,實在喺極佳提案。雖然喺會所酒樓,但街客一樣可以嚟飲茶食飯,內裡嘅環境跟一般嘅酒樓無咩分別,喺地方無咁大,一眼都睇晒,但樓底高,加上今周日嚟到,意外地人客唔多,我哋一行大大細細13人已經喺大戶,所以,整體感覺都喺闊落。見佢張點心紙寫住星期六、日適用,估計喺平日價錢會平啲,周六、日就貴少少,另收茗茶$10位。而點心紙一大張睇晒,分即做點心、蒸飯粥品、廚味推介共33樣嘢,無出面啲酒樓咁多,但一般而言都夠晒揀。而另外仲有一張A4紙菜單,喺啲小食、小菜、湯羹及飯麵。由於有組員早餐都未食,哈哈!大呻肚餓,晌大家研究揀咩點心之時,就先嗌兩客飯麵。蛋白瑤柱炒飯 $88比預期嘅碟頭大,雖然叫會所樓,但定價都親民。睇都睇得出落咗唔少瑤柱粒,貨真價實,最稱心喺啲飯粒炒得爽身,而且,唔會好油,三扒兩撥成碟炒飯就清晒。乾炒牛河 $88同碟炒飯一樣份量十足,亦喺好足料,牛肉落咗唔少,而且,啲河粉唔止炒得均勻,每條粉都上晒色,更正嘅喺,食到尾嗰炷都唔油膩,炒功了得,有水準,抵食。轉頭,陸陸續續上點心,一下子就堆滿成枱,不過,相上嘅點心都未喺齊晒,但無理由仲要等齊先食架,組員們,起筷吧!自家XO醬炒腸粉 $37點心都喺即叫即做,而且,感覺都好夠誠意,就好似呢碟炒腸粉,加上蛋絲,撒上芝麻、蔥花,靚仔咗好多。味道亦都唔錯,炒得香口惹味,啲腸粉仲喺好軟滑。皮蛋肉片粥 $51啲小朋友嗌住要食粥,一嚟到就好搶手,所以,我都唔好意思再撈起啲料嚟影相。簡單而言,啲粥好綿,肉皮比相像中滑。水晶鮮蝦餃皇 $34啲蝦餃皮望落雖未致於如「水晶」咁透,但咬落軟綿又唔黏牙,裡面全喺蝦肉,好鮮甜,極之彈牙。荷葉珍珠雞 $27例牌,一客有兩隻珍珠雞,裡面嘅糯米蒸得口感黏糯,餡料惹味香口,食落又確喺有微微荷葉香。豉汁蒸鳳爪 $23又喺點心中嘅經典,鳳爪蒸到腍透,而言,帶有濃濃豉汁香,就連底下嘅花生都唔好錯過。鮮州蒸粉果 $23相對鮮蝦菜苗餃(無影到個別點心相),小弟就覺得籠蒸粉果麻麻哋,大概因為粉果較厚皮,還好食得出落足料,味道方面本身喺唔錯。鮮蝦炸春卷 $23小朋友唔好食咁多油炸嘢,唔健康吖嘛,就由我哋啲大人嚟。春卷外皮甘香又脆口,完全無油膩感,裡面混有鮮蝦,比起淨肉更爽口。黑椒金錢肚 $25金錢肚不時都有食,一喺就飲茶食點心時,一喺就食麵時會遇到。繼鳳爪,又喺另一道惹味點心,金錢肚軟腍帶點點爽口,黑椒味濃卻唔會太嗆喉。北菇綿花雞 $27綿花雞我就麻麻哋,因為一般嚟講都會較油,啲魚肚亦好似海綿咁吸滿油。不過,有組員就讚算喺唔油,啲雞仲仲勁滑添。蜜汁叉燒包 $23叉燒包喺港式點心嘅經典之一,唔點就好似差咁啲,況且,我哋咁多人,又多細路,嗌定兩籠都無問題。叉燒餡好惹味,最緊要喺無肥膏嘛。椰香奶黃包 $25奶黃包向來喺我心水嘅包款之一,雖然,包中嘅奶黃唔喺勁流心嗰種,但軟滑而富椰香,蛋香味濃,包身軟熟唔黏牙。懷舊馬拉糕 $25個馬拉糕幾得,鬆軟得嚟口感綿密,回彈力強,估唔到啲細路都好鍾意食,真喺大人細路都爭住食。原盅北菇滑雞飯 $56我哋一大棚人,當中食得吓嘅人唔少,所以,揀多個煲仔飯打打底,怕大家食唔飽。每盅份量唔少,雞件亦多,無欺場,飯粒蒸得分明,撈埋豉油已好好食,加上啲雞件頗嫩滑。棗紅糕 $23雖然甜品我最啱,不過無食到,影低張相留個記錄,睇樣就唔錯,好唔好食就真喺唔知。除非去啲點心專門店,否則,去一般酒樓飲餐茶喺唔平得去邊,不過,一大棚人飲茶卻喺最好選擇,一來圍住張大圓枱,方便一齊傾偈,二來可以點好多點心「些牙」,較易攤分「成本」,感覺會抵啲。 繼續閱讀
(以上食評乃用戶個人意見 , 並不代表OpenRice之觀點。)
等級3 2019-01-13
1034 瀏覽
朋友新居入伙, 邀請我去屋企 參觀及食晚飯, 參觀完畢,他帶我去又一居的會所食晚飯 ,呢度環境清靜, 酒樓的燈光 光猛, 枱與枱之間非常闊落, 絕對係三五知己相聚的好地方, 晚餐 有多款小菜選擇, 而且價錢合理, 由於我哋得兩個人,所以點了其中四款小菜, 分別是蜜味咕嚕肉、 白飯魚煎蛋、 翡翠炒桂花蚌,烚菜心以及上湯米粉。 咕嚕肉 酸甜度適中,整得非常好食。 食完晚餐之後,待應送上果盤及蕃薯糖水2碗, 我哋兩個吹水吹咗接近三個鐘頭,大家都攬住個肚 , 飽飽的 行出酒樓。 繼續閱讀
(以上食評乃用戶個人意見 , 並不代表OpenRice之觀點。)
🏵桃源房🌳九龍塘是九龍的樂土,當年英國有心打做低密度的高尚花園城市,並以英國地名為街道命名。由港鐵c2出口,信步至達之路,進入恬寧休閑的社區。似置身「多啦A夢」的小鎮,卻多幾分高雅。又一村名取自形容遊山西鄉村的著名唐詩句-「柳暗花明又一村」。其後加建又一居,面積更廣闊,格局更統一。在深水埔長大,對又一村區域有特別感覺。偶爾發現鄰近桃源街的此店,如漁夫入桃源。沿又一村道行,轉右入。屋舍均呈淺棕,疏落有致,如村莊,如別墅。會所落成多年,似家舍多於酒店,俱樂部。此店「不知有餐牌,無論招牌菜」(改寫自桃花源記名句)。沒有恆常餐牌,每季更換餐單紙,按季節設計菜單。我食的是夏饌。我挑有特色的,厨師推薦的,配合時令的。可視之為「怡然自樂」的會所,私房菜,桃花源,我的飯堂。1自編自導特色菜這個「桃源飯堂」容許熟客討論菜單(三日前預訂),個人化,家庭化,獨特化。金荷🍀良伴(涼拌)午餐方面,我推薦食荷葉飯。荷葉飯的歷史悠久,明末屈大均《廣東新語》:「東莞以香粳雜魚肉諸味,包荷葉蒸之,表裏香透,名曰荷包飯」。香港茶樓每以「鮮蝦荷葉飯」作招徠,以蝦配合荷葉的香味。此店有龍躉鮮蝦和金銀蒜鮮蝦兩款。厨師建議後者。此金銀蒜鮮荷葉飯特色是以金銀蒜引爆撲鼻香味,不同坊間的太乾旱,飯粒會散。蝦粒,冬菇粒佔的比例大,故米飯入口,味蕾的感覺很棒,鮮氣迫人,令我食指大動,饞蟲亂舞。荷葉香,迂迴盪漾,歷久不散。正午火熱如炙,宜食冷盤。我建議不食他們「拿手」的風沙雞翼,轉換為涼拌手撕雞。手撕雞是中西方均有。此店以鹽焗手撕雞形式饗客。當然會較咸香,可要求厨房「輕手」,加葱或加麻辣,悉隨尊便。慣食涼拌香麻手撕雞,近年多混合日本胡麻醬,嚐到客家風情的手撕雞,頗有新意,海蜇煙韌,爽丫丫。冰❄火🔥海晚市我們點選冰鎮鮑魚。鮑魚大如羹匙,鮮嫩多汁,一點兒也不嚡口。除了佐酒小食,此店少供應油炸小菜。金沙製作比坊間少油少鹽,黃金海中寶拌茄子充滿了咸蛋黃味。蝦肉爽甜,酥軟味腴。茄子是金沙的良伴,入口即酥,當然是佳餚,令我饞涎欲滴。份量一般的都偏大,與酒樓大不相同。青龍🐟白玉青龍是清蒸龍躉背翅。我喜愛龍躉翅,每次是吃古法烹煮,炸後蒜炆,濃味稠汁。厨師建議清蒸,並可指定部位。背翅近尾段特別嫩滑,清蒸的口感突顯私房,家菜,健康的風格。不裝飾,不塗抹,反映龍躉是鮮味貨。造型挺拔,如湖海揚帆,如鯊闖七海,如揚旗立萬。翅針最滑,刺在口,暢在心。但遠不及膠質皮脂,甘香馥郁,滿口油脂。澎湃魚味游入口腔,不是凡品,是鮮品。白玉指八寶冬瓜盅。天氣太熱了,來一個清熱、降火、消暑的燉冬瓜盅。 夜香花甚多,令燉後的冬瓜盅發出誘人清香。 屬纖細型,約有8碗。八寶有夜香花,瑤柱,蓮子,蝦……,是個小家碧玉,甜姐兒。大個子的清而不甜,快餐店的甜而不清。此白玉藏八珍,故甜美而清純。2🏡家菜🏠如無預訂,此店供應家常菜,少鹽,少油,少味精,有機,有紙本菜牌,有散點,有套餐。曾試嚐咸蛋蒸肉餅,難得是肉質鬆軟,汁液豐盈,有「阿媽」煮餸的感覺。蒜蓉炒有機菜芯清麗可人,似農家菜。所謂菜根香,正是如此。食了瑤柱蒸水蛋,因同檯有幾位小童,需以此作為扒飯良伴。瑤柱所佔比例,恰到好處,顯露了厨房的功架。在家吃的,我慣常食蒸淨水蛋或三色蛋,此店加了瑤柱,大大添鮮添甜。煎荷包蛋有懷舊感。與快餐店的燶邊煎蛋不同,會摺疊成半月形,數目為8,甚有「意頭」。可要求燶邊程度呢!配合仲夏的,有腐乳通菜牛肉,或蠔皇草菇牛肉。平實有住家風味。 我較推薦紅椒季豆炒豬肉絲。豬肉絲刀工細膩,辛辣度適中,鑊氣充足,熱騰騰的,口感豐腴,紅綠黃三色煞是好看。莧菜魚蓉豆腐羹是極樸素的羹湯,頗為懷舊。菜清,魚鮮,豆腐淡,酣暢淋漓,愜意極了。3🐦鵲局菜此店第三個特色是供「打麻雀」鵲友食的鵲局菜。有電動麻雀檯供應。8小時耍樂,有4款小菜,湯和飯。夏天宜吃菠蘿咕嚕肉。美朝首腦聚餐都要食。此店的咕嚕肉,與酒家的不同,不講求脆皮,肉質稔滑,少酸少甜。如不是鵲局菜,可選蜜桃菠蘿咕嚕肉,鳳城欖梅肉排,或菠蘿京都焗肉排,增加酸度,更配合炎夏。🏵🏡桃源正在又一居🌲🏵多吃尋常酒樓,現在想歎家庭式的隱世小菜。「有得揀,才是老闆」,在此可做一家之主,「怡然自樂」。已上載今季餐單,價格與一般酒家相近,約20多元一盅點心,約90元一碟小菜(非海鮮類)。享用精緻小菜海鮮餐,約200一位。免加一費。愈食得豪,愈覺得與酒樓的差價愈大,十分「低食」。須預約,宜預訂「度身菜」,因應喜好,泡製「自家菜」。有時租車位提供。 繼續閱讀
(以上食評乃用戶個人意見 , 並不代表OpenRice之觀點。)
等級4 2018-03-26
1323 瀏覽
又一居附近環境清幽,偶然也會聽到雀仔的歌聲。入門口個位左邊有麵包賣,方便居民不用行太遠也可以購買到新鮮麵包,因為又一村附近連便利店也沒有一間。環境非常舒適,午膳時望住出面個泳池,和煦的陽光, 感覺特別心曠神怡。今日點咗叉燒菜脯煎蛋角,京都焗肉排,另外有牛肉球及蝦餃,點心即煞叫蒸,好新鮮啊! 還有一個肉餅蒸飯。眼角粒粒菜脯爽口,這裏師傅有一定的高水準。京都肉排豬扒不會太硬也不會太淋,酸尾尾又有幾件菠蘿,特別醒胃。點心水準也不錯,可惜牛肉球沒有腐竹,蝦餃大大粒也很美味。這個飯最後先上,章魚肉餅香口送飯好有特色。 繼續閱讀
(以上食評乃用戶個人意見 , 並不代表OpenRice之觀點。)
等級1 2018-03-04
813 瀏覽
推介菜式,食物足料冇味精,實屬難得1. 發財好市大利 2. 蟹肉扒西蘭花3. 招牌菠蘿咕嚕肉4. 瑤柱桂花炒魚肚5. 又一當紅炸子雞6. 瑤柱蛋白炒飯7. 頭抽銀牙炒麵8. 蒜片牛柳粒雖然款式不是太多,但味道及用料絕對值得讚賞,家中老人食得讚口不絕 繼續閱讀
(以上食評乃用戶個人意見 , 並不代表OpenRice之觀點。)