14
5
0
港鐵油麻地站 A1 出口, 步行約8分鐘 繼續閱讀
電話號碼
55403134
營業時間
今日營業
08:00 - 18:00
星期一至日
08:00 - 18:00
付款方式
AlipayHK 支付寶 現金
其他資料
加一服務費
當面支付
食評 (21)
等級4 2019-06-24
1174 瀏覽
經常去台灣旅行嘅香港人對主打呢類多士嘅早餐店一啲都唔陌生,價廉物美又可以打下卡。但係香港感覺上就少啲,好耐之前我已經見人介紹過呢間餐廳,奈何佢位處工廈唔算方便,假日都冇咩機會食到,最近知道佢地遷至油麻地,就搵左個週日專程過黎試試叁拾壹堂高烤吐司位於油麻地德昌里,距離地鐵站頗遠,位置又幾隱蔽。店面小小,裝潢花過心思,以黑色、水泥色為主調,加上店主手寫嘅字句,成為簡單打卡背景。開放式廚房一覽無遺,都設有三張吧枱,稱唔上舒適,但勉強可以坐下,當然啦,人多嘅時候,都唔好意思佔座太耐。食物即點即製,有心理準備需時等候餐牌全早供應早餐,有港式早餐、全日早餐、多款多士、小食、飲品等。特色多士有7款配搭,例如蒜香雞扒蛋、香茅豬扒蛋、手撕雞炒蛋,單點定價$28/38,可以加$27升級成套餐,包括炸薯條及飲料。個人認為單點價格相宜,反而套餐價格少貴,再訪嘅話我都只會單點。五香肉丁蛋吐司 $28麵包烘過後搽上牛油,仲有一層薯仔醬,薯蓉保留薯仔口感,連同蔬菜,口感較一般沙律醬清爽,又唔會食到漏哂汁。主角揀左五香肉丁,份量大方澎湃,配上煎雞蛋,真正港式風味多士分式一半,以紙、紙袋包緊,不過我地將多士拎左出黎,可能因為搽過牛油,麵包較濕偏軟身,唔夠新鮮,食落仲「煙韌」,愈用力愈咬唔開,所以都係建議盡快食用。蒜香雞扒蛋吐司 $28另一份點選雞扒,比起五香肉丁那款,更厚身,原來有三層麵包,性價比高啊雞扒煎香,油份不多,配合蛋、蔬菜、薯蓉,都唔會膩。雞蛋更厚實,略嫌蛋汁,麵包邊位稍硬。炸薯條、凍檸茶 +$27其中一份點套餐,我覺得可加可唔加,並無特別推薦。薯條粗身即炸,只係加左好少鹽份,有需要可以向店員索取茄汁。凍檸茶有啲似雀檸,只係天氣太熱,實在無辦法唔點飲料。香港並唔多呢類型早餐專賣店,作為嚐鮮,都可以嘅。 繼續閱讀
(以上食評乃用戶個人意見 , 並不代表OpenRice之觀點。)
等級4 2019-06-01
1664 瀏覽
呢間早餐店喺果欄附近嘅一條小巷之中,裝修好簡潔,店舖面積不大,好有台灣嘅特色。門口就掛住一個木牌,木牌上面寫着「高烤吐司」,令一邊就擺放左「開心食一個早餐囉」,其實都係一個容易提醒繁忙嘅香港人,早餐真係好重要呢。。由於係全日早餐店,所以餐牌嘅選擇唔算太多,除咗all day breakfast, 仲有台式嘅特色吐司呢。。吐司由$28至$38不等套餐係包括吐司、炸薯條同埋飲品。多層次蛋吐司$28凍奶茶$18第一層:吐司🍞第二層:新鮮蔬菜🥬第三場:煎雞蛋🍳第四層:薯仔醬料第五層:煎雞蛋🍳第六層:吐司🍞吐司都係即叫即製選擇都好新奇蒜香雞扒蛋吐司香茅豬扒蛋吐司多層次蛋吐司五香肉丁蛋吐司手撕雞炒蛋吐司叉燒煎蛋吐司餃子吐司。多層次蛋都ok麵包烘底。薯仔雞蛋既配搭好少出錯😋奶茶少冰嘅濃度。甜度都適中如果正常冰可能會有啲淡。▪️小總結:由於早餐店人手不足每份吐司係即叫即製要食一份早餐要學懂慢活店舖只有四個座位點餐後最少要等候15分鐘🙈叁拾壹堂高烤吐司 (油麻地)油麻地德昌里1-9號德喜大廈地下4號舖 繼續閱讀
(以上食評乃用戶個人意見 , 並不代表OpenRice之觀點。)
雖說這間地方極細,主要提供外賣,堂食座位只得三個的小店屬於油麻地區,其實它比較接近大角咀多些,不過這間小小的咖啡店位於一條小街德昌里上,既不近奧運站,與油麻地站又有一段距離,要非特別專程到訪,除了在附近居住或工作的人外,相信不會有多少區外人會知道這個地方。其實我本來也不知這間名字有趣的小店的,不過之前有飲食網站報導過它,說它售賣的吐司挺特別的,全日早餐又抵食,那便去試試它吧!從油麻地地鐵站前來,跟著 Google Map的指示往大角咀方向前進,大概行了七、八分鐘的路程,終於找到了它。地方極小的它,前面可供客人用餐的地方只得面向街外的高身座位兩個,旁邊還有一個位置可以用餐,除此以外,店舖後面便是一男一女,相信是店主兩夫妻製作食物和飲品的開放式廚房。店舖裝飾簡單,店外地下放有數盆盆栽,水泥牆上鑲有一個木架,上面一左一右放置著兩棵以玻璃杯子盛載的綠色植物,中間有一個「全日早餐店」的木牌,讓人一看便知道這小店賣的是甚麼。踏這店內,兩盆從天花上吊掛下來的盆栽繼續為這小店增添綠意,一部古舊的黑色撥輪電話也頗吸引,不過這店子最吸引我目光的始終還是那些垂掛在一邊黑色牆上的木牌子,上面寫著自愛、真心、醒覺、無常、恐懼、虛榮、慈悲、貪等字詞,令我不禁猜想店主是否有宗教信仰,所以才會以這些字詞作為店舖的裝飾。小店生意不錯,這天我與太太早來,才不過中午十二時多便來到了,所以幸運地可以即時入內坐在店中絕無僅有的向街座位享用午餐,而大部分遲來的客人就只能叫外賣或在店中稍候,才能在我倆結帳之後有一席之地用餐。是時候說說這兒的食物了。這兒除了份量輕怡,價錢便宜的「簡約早餐」($20)和份量豐富,價錢合理的「全日早餐」($85)外,還有各式鹹甜吐司和三文治可供顧客購買。此外,也有一些炸雞翼、餃子、炸薯條等小食。不過我與太太吃的,則是店內最吸引,也最特別的「特色吐司套餐」。這「特色吐司套餐」共有7款,價錢由$55至$65不等,包括「蒜香雞扒蛋吐司」、「香茅豬扒蛋吐司」、「多層次蛋吐司」、「五香肉丁蛋吐司」、「手撕雞炒蛋吐司 」、「叉燒煎蛋吐司」和「餃子吐司」,全部都可以單點,不包薯條和餐飲,價錢就便宜一些。不過吃東西怎能不喝點飲料,而且我倆都想試一試這兒的「炸薯條」,那便點套餐好了。這兒即叫即炸的「炸薯條」沒有令我們失望,新鮮炸起的薯條熱得燙嘴,外面極脆,裡面仍粉,蘸點蕃茄醬,感覺挺好。兩夫妻點的兩款吐司,分別是「多層次蛋吐司」($55/套餐價) 和「手撕雞炒蛋吐司」($65/套餐價)。兩份吐司,都已切成兩半, 正好讓我倆一同吃到兩款吐司的味道。「多層次蛋吐司」特別的地方,在於烘過的吐司內放進了一層層的煎蛋,在蛋與蛋之間就夾附了用薯蓉、紅洋蔥和店主秘製的醬汁調配而成的薯仔醬,煎蛋與薯仔醬帶來的不同口感,讓這吐司成為一款別處所無的特色吐司。不過吃時可真要小心,不然讓起沙的薯仔醬漏瀉出來,沾到手上、身上的話,便可能會有點狼狽了。「手撕雞炒蛋吐司」除了主角的手撕雞、軟熟的炒蛋和脆口的生菜外,還下了爽甜的芽菜,也是一款別樹一格的特色吐司。飲品方面,太太喝的是「凍檸茶」,味道過得去,但茶味不算太濃。我喝的則是跟餐半價的「檸檬梳打」(原價$20,跟餐+$10)。有氣的梳打,清新的檸檬味,結合成一杯解渴怡神的特飲。香港吃早餐的特色小店實在不多,難得有有心人願意製作有誠意的特色早餐,而且食物水準不錯,即使小店地方細小,人手不多,無論堂食還是外賣都要等上多一點的時間,服務方面也未必可太周到,我覺得還是好應該支持一下的。 繼續閱讀
(以上食評乃用戶個人意見 , 並不代表OpenRice之觀點。)
呢間早餐店喺油蔴地傳統舊區小巷入面早餐店食物意想不到幾高質!店面只係得百幾呎微舖,室內裝潢好有文青風格仲好有台灣早餐店feel,有一秒身處台灣感覺簡約早餐 $20有香腸、火腿、餐肉、煎蛋或炒蛋、多士半片仲送飲品,但咖啡就要另加$5All Day Breakfast貴啲,但就有雞肉漢堡扒、腸仔、煙肉、煎蕃茄、煎雙蛋或炒滑蛋、牛油多士多層次蛋吐司(單點$28;套餐$55)有2份吐司,一個人食或同人開心Share都得套餐仲有炸薯條同飲品不過我食唔晒,就只單點成份吐司餡料超豐富蛋吐司餡料口感似蛋沙律餡料激厚!一口咬落去極滿足! 繼續閱讀
(以上食評乃用戶個人意見 , 並不代表OpenRice之觀點。)
等級3 2019-08-16
116 瀏覽
喺網上見到啲相好似好吸引特登過黎食,點知一黎到先知原來間舖咁細只得4個位。如果諗住chill下一定不可能。只可以食完快快走。我地叫左一個手撕雞吐司一個多層次蛋吐司。手撕雞幾特別,同埋我食到佢個醬應該係薯仔沙律,幾好食。另一個多層次蛋就非常普通,只係一個炒蛋一個煎蛋加埋一齊。我覺得不值得。薯條同奶茶都一般。其實我喺ig見到人食覺得裝潢幾靚可以同朋友hea 下,但地方細加上夏天真係太熱佢冷氣又唔夠,仲要喺外面曬一排先入得去。我諗如果有下次都要係冬天了。 繼續閱讀
(以上食評乃用戶個人意見 , 並不代表OpenRice之觀點。)