8
1
0
港鐵觀塘站 B1 出口, 步行約4分鐘 繼續閱讀
所有分店 (4)
電話號碼
55400843
營業時間
今日營業
12:00 - 19:30
星期一至日
12:00 - 19:30
付款方式
Visa Master 現金
其他資料
Wi-Fi
酒精飲品
加一服務費
電視播放
食評 (11)
等級4 2021-02-24
0 瀏覽
魚肉燒賣係叁拾士多嘅鎮店之寶,一返貨就會好快被搶購一空,所以而家每人限買兩包,好誇張😂。同其他較為出名嘅魚肉燒賣比較,叁拾士多嘅出品性價比算高,一大包先至 35 蚊,有成三十幾粒,好抵食,啱哂我呢啲魚肉燒賣控🤗。味道方面,燒賣唔腥唔粉夠彈牙,點埋附送嘅甜豉油同辣椒油一齊食,好正😍。 繼續閱讀
(以上食評乃用戶個人意見 , 並不代表OpenRice之觀點。)
等級3 2020-12-19
767 瀏覽
寫開有條引,寫埋個盤菜先。為慶祝花咪咪嘅假生日同提早做冬,12月頭就order咗呢個「香港製造」極盛盤菜。不嬲都有係佢哋度買開嘢食,所以對呢個盤菜好期待~下晝盤菜團隊出發前send咗張相俾我哋睇,跟住過咗陣就已經送到唻屋企。個盤菜d食材全部都好靚,而我最想食就係隻毛蟹。花老嘢又唔係度,我又好怕拆蟹喎,所以食咗兩隻腳仔就停手。到主菜唻喇,帶子係刺身級嘅,佢哋放係最上果層,所以都未煮到全熟,都仲好軟嫩。虎蝦超正,佢哋去晒蝦頭入面黑色果d核突嘢,成個頭都白雪雪,完全係surprise. 蝦肉彈牙,一d都唔霉!花菇勁淋,軟綿綿又入味~鮑魚食咗2隻,唔係太識食,ok喇。鵝掌好大隻,煮到好淋,正!乳鴿仔好細隻,肉嫩又入味,正!牛腩好淋,好juicy,正!Rib唔un,好入味,正!瑤柱,一般喇,都係食完好黐牙咁囉日本蕃薯超甜超粉糯,真係好想問佢其實用咗邊款日本蕃薯🍠旺菜&大根,份量得好少,如果多d會好d花膠冇食,我個人唔膠,唔鍾意食d咁膠嘅花枝丸同蝦卷太飽冇食,不過花爸爸話ok. 盤菜其實係6人份,我哋花家4口加花姨姨一共5個人KO咗個盤菜 繼續閱讀
(以上食評乃用戶個人意見 , 並不代表OpenRice之觀點。)
等級2 2020-12-10
563 瀏覽
🐷🎈觀塘終於食到呢間超黃店💛🙌🤤💥魚肉燒賣 $35好食指數:🐷🐷🐷🐷🐷/5回頭率:🐷🐷🐷🐷🐷/5一直都有聽過呢間鋪頭大名😂夠黃而且燒賣同牛丸好出名今次經過觀塘於是去左入貨佢除左觀塘仲有兩間分店網購買滿$500亦可免運費首先$35有一大包燒賣算幾抵🙌大概有差不多40粒左右最緊要味道方面堅係正嘅👍真心甚至好味過出面街邊買🤤食落好彈牙,唔會太多粉我食魚嘅野最怕係腥同有骨💀佢完全冇腥味😍調味亦啱啱好後悔冇買多幾包😢其實佢標榜住全部香港製造又係黃店,已經加哂分💛💕除左燒賣佢仲有賣好多其他小食同埋調味料例如豉油等等大家可以多多支持💪💪//💥SiuMai Made in HKDeliciousness: 🐷🐷🐷🐷🐷/5Willingness to return: 🐷🐷🐷🐷🐷/5//🎈叁拾士多觀塘成業街19-21號成業工業大廈3樓322室 繼續閱讀
(以上食評乃用戶個人意見 , 並不代表OpenRice之觀點。)
等級3 2020-10-18
2477 瀏覽
呢間位於觀塘嘅叄拾士多,已經久仰大名好耐,上網訂購滿HKD500 免費送貨,但上網買好難買到呢個價,於是一於去踩場朝聖一下,真奇怪,去現場買反而好易買到HKD500,今日當然要買出名嘅燒賣及蘭王蛋啦,如果大家去開是必買嘅東西來架除左觀塘外,其實重有幾間分店架,大家可以睇下邊間方便自己啦推介必買蘭王蛋,不過唔建議買太多,因為食蛋要新鮮,食完可以再入貨架,呢隻蛋標榜可以生吃,但個人覺得,做温泉♨️蛋食法最正。另外必買項目魚肉燒賣,食過堅好味,唔會太多粉,一pat 野甘,暫時筆者覺得係香港最好味嘅燒賣😋。 繼續閱讀
(以上食評乃用戶個人意見 , 並不代表OpenRice之觀點。)
等級3 2020-09-07
2828 瀏覽
近呢大半年,睇住某d 群組推介,周圍搵野食😀 成日見谷友話燒賣好正好正,近排終於買到黎試~當日,好幸運,比我買到最後兩包燒賣,燒賣係必買貨品🥰,而且佢其他貨都好受歡迎,諗多陣,件貨已經比人揀左😂以下係我嘅戰利品~我會介紹我比較推介嘅食品☺️燒賣其實都好抵食~👍🏻$35 蚊, 每袋入面有40粒,魚肉燒賣夠煙韌,唔駛驚有骨(自己曾經係街邊食過,有骨嘅燒賣,怕怕😓) 。每袋燒賣都會附送小包裝嘅豉油同辣椒油,如果就咁食粒燒賣唔係超級特別,但點埋豉油就好好食,可以話係相得益彰🥰豉油偏甜,如果喜歡的話,仲可以成支買👻除左燒賣,熊貓型流心奶黃包好驚喜😍 餡料足,而且堅!流心~食嘅時候要小心😆而豬仔型嘅叉燒包調味都唔錯😘門口有隻大樹懶公仔,可愛🥰 繼續閱讀
(以上食評乃用戶個人意見 , 並不代表OpenRice之觀點。)