叁寶皇 (已結業)

近北角地鐵站渣華道出口，地盤旁邊有一間小食店，有油炸食物有熟食製品，座位不多，大部分都是外賣。腸粉$10四條，之前是即買即剪，今早已剪好一份份在膠兜，膠兜應該是奈熱吧因是放在蒸鍋內的，買時便倒入發泡盒，加豉油醬汁即可拿走。腸粉滑淨，加上甜醬、花生醬、芝麻、豉油，吃得舔舔脷。…查看更多

其實我通常都會堂食每一次我食外賣嘅時候我都覺得地球要食埋個外賣盒就覺得有啲唔公平所以我食親都係魚蛋不過今日真係好肚餓買咗個豉油王炒麵如果佢啱啱新鮮炒起真係好好味個炒麵堅係彈牙用了又足而且佢啲蔥係切到好細有啲似細個食嘅味道佢嘅三寶真係好好食賣得又平辣椒堅係好辣但係老闆話係random食得好開心呢間都係人情味小店睇得出好多街坊幫襯啲嘢係好好食嘅老闆態度都係一流睇得出佢 用料唔會慳雖然係堂食都係要用外賣盒下次會帶自己嘅食具…查看更多

今日LUNCH時間又係食窮野既時候 日日都要食LUNCH 唔通日日都要食好野咩所以今日要介紹啲絕頂平價頹食比大家登登登 就係北角地鐵站一出就會見到既叁寶皇LUNCH一個二十二蚊飯 去邊搵喎 當然啦 隔離街市都搵到啲廿幾蚊既但呢間既雞扒飯我覺得其實個煎雞扒幾好味添仲有蛋同埋火腿同埋午餐肉跟添 只係賣二十二蚊咋 抵到爛但係呢個飯盒有個好嚴重既問題 就係啲飯係爛既仲要係幾爛下個隻 係啲餸煎得幾好食咁架咋雞扒煎得唔錯 連啲皮仲有少少脆口 午餐肉同火腿都煎得岩岩好既 唔會話煎濃咗咁隻煎蛋佢會煎太陽蛋比你 仲可以比人你篤串佢等佢留啲蛋黃落啲飯到撈下飯咁但係佢啲黑椒汁就好一般 真係好一般 冇乜味既不過最嚴重係啲飯 我已經食過幾次 都係爛既所以我都只係比二星佢 因為我相信好不少人都接受唔到佢咁爛既飯但二十二蚊的確係抵既 見到佢咁多餸就知啦所以我都食過好幾次呢間既雞扒飯 我都有試過豬扒 比較乾 所以食過一次冇食LU但呢個雞扒飯我係覺得幾抵既…查看更多

魚蛋雖然冇乜魚味，但係超級彈牙又夠咬口識簡一定要簡辣，佢d咖哩汁超正，辣得黎又幾過隱，令我就算30幾度響條街經過都好，都會去吉串魚蛋，流住汗食都幾有香港味度超級抵食6蚊5粒有一次夜晚8點左右經過冇曬魚蛋準備收檔，佢地既煎釀三寶一盒盒咁賣15蚊一大盒，𥚃面有20幾塊多到喊岀黎，值得再翻去食…查看更多

熊大同兔兔放工會經過北角，有時口痕會買下小食~呢度雖然叫三寶皇，但實情煎釀三寶($6有4件, $10有8件)味道普普通通，如果晚上七點前來到就比較多款又夠熱，但好多時太夜收工來到就得返幾款凍凍地的。真正令熊大兔兔回味的係咖哩魚蛋，$6一串有5粒，而且每粒都算大，以現在的物價來說比其他小食店都算平~魚蛋彈牙有鮮味，雖然唔係話入味到內裡都變黃色，但就保留到個口感而不會太淋~咖哩汁好香，少辣帶甜，食完之後仍有辣味留在口中，往往叫人有種唔夠喉的感覺，所以熊大兔兔經常都去翻食，推介！…查看更多