原味煮意 (已搬遷)

位於上環的原味煮意港式餐廳，睇介紹主打健康食品，並提供素食,屬區內少見的類型餐廳，是上班一族的健康之選。於是乎特意來幫襯，我們來到門口有個親切嘅服務員在拉客，門外沒什麼人排隊等候我們好快就有位了，餐廳有兩層環境非常之狹窄坐得非常不舒服，周圍又堆滿雜物，餐具和桌面稍為污糟，最最最令我反感是樓上落單服務員態度非常非常超級完完全全惡劣沒有禮貌。食物方面價錢算經濟，湯清淡味道還可以，豬扒雞翼有少少油膩，唯一好處就係麵有很多配菜。總結來說服務員態度差一肚氣，就算食物還可以都沒有用奉勸大家千万别踩雷。…查看更多

今天午飯時間經過上環，再次幫襯這間以健康為主題的餐廳，幸好不用排隊。今次點了「雞扒麻醬撈茄麵」配合掌瓜湯。在麵條方面，麻醬夠多夠香，能夠掛在麵上。雞扒也煎得又香又嫩，還忍不住食埋最邪惡的雞皮。唯番茄粒沒有番茄味，數量也比較少，只得幾粒，如果選用一些較靚的番茄並加多少少，應該能與麻醬作出呼應。在合掌瓜湯方面，味道一般，幸好還有湯料如蘿蔔和合掌瓜等，加了不少分數。這間餐廳的食物不算突出，但簡單健康， 一定會再來幫襯。…查看更多

第一次行去果邊食飯因為我早食飯，所以無咩人見到依間店名幾特別，所以去試下叫左個香茅豬扒配炸雞翼面。妳有台式風味，味道一流。但我最欣賞係佢果個紅菜頭湯，超級足料，齋飲湯都夠飽。…查看更多

本局長以局長之尊，平日酬酢頗多，即漸肚滿腸肥。是日與手足完成一天工作後到上環體育館運動，完成後不想運動成果化為脂肪，有手足指出上環有一健康餐廳，遂出發前往幫襯。餐廳陳設簡單企理，晚市有set dinner供應。本局長點了雞扒撈金麻醬番茄麵，飲檸檬薏米水。雞扒肉質頗鮮嫩，麵質爽滑彈牙，醬汁甜而原膩，食落開胃醒神，同時沒油膩之感。檸檬薏米水則清清淡淡，薏米量不多，屬正常之作。總括而言，此餐廳食物頗美味，屬健康進食之選。…查看更多

呢排流感高峰期作病咁，有時中午都好似冇咩食欲咁，行經呢間餐廳，主打原味同自家制蕃茄麵，就入去試一試。餐廳有一大本厚身餐簿，有好多選擇，未能盡錄。小妹係因為口淡淡同為左自家製蕃茄麵而來，最後嗌左個「雞柳湯蕃茄麵」。剩係睇圖都見到個麵舖滿蔬菜，有西芹、椰菜、蕃茄、洋蔥同紅籮蔔粒。下面仲埋藏左好多舊燒過既雞柳。雞柳好嫩滑，層皮燒過香香地咁，好味。個麵個自家製蕃茄麵，蕃茄味唔算濃，不過可能蔬菜麵本身都比較偏淡DD，都幾好既。湯底用左大量蔬菜同蕃茄煲，所以係好香濃既羅宋湯味，開胃又營養!!同事嗌左「滑蛋牛肉湯蕃茄麵」，佢都話唔錯!總括來講，呢間餐廳既野食天然又有營養，平日食得多味精濃味野，間唔中食下呢度既營養湯麵都唔錯架!~…查看更多

今日年三十晚，放一點鐘，所以專登去上環搵野食，見這間以健康美食為主題，所以便入去試下。紅菜頭湯清甜足料，雞扒麻醬撈茄麵的雞扒外皮煎得十分香脆，外脆內嫩，配以麻醬，十分醒胃，唯一不足之處就是吃不出番茄麵中的番茄味。匈牙利牛肉飯的汁醬十分濃郁入味，牛肉多汁嫩諗，配以紅米飯，非常有益健康。…查看更多

工作忙咗成日一時之間唔知食啲咩好，去到上環亂逛之下嚟到哩間餐廳～🦀蟹肉焗釀蟹蓋配輕量田園沙律 $39見到咁平就有焗釀蟹蓋食，所以叫咗個嚟試下 😛蟹蓋好迷你好可愛同menu上圖片size一樣 (誤) 咬落食我出有少少蟹肉同蝦膠，唔算太彈牙，但係幾好味的，就性價比嚟講其實都OK~ 加上有個🥗輕量田園沙律，配上沙律醬食落幾refreshing~🍄黑椒蘑菇漢堡意粉 $56一上枱就聞到黑椒香味撲鼻，未入口已好醒神！仔細研究個醬汁幾足料，有黑椒、蘑菇、三色椒、粟米同煙肉碎，入口幾豐富~ 另外漢堡扒幾厚身，而且幾彈牙，算幾驚喜~ 不過個意粉就較淋，茶記質素咁上下咁。🥬三色素菜腐皮卷配自家手打菠菜麵(鮮茄雜菜湯底) $62個手打菠菜麵顏色青綠，加埋個蕃茄雜菜湯底，望落已令人好開胃👍🏽 本身睇落個鮮茄雜菜湯底好似羅宋湯咁，但飲落冇酸辣味，反而有微甜嘅蕃茄味，加上有好多好多煮到淋晒嘅雜菜，令人忍唔住飲多幾啖湯 🤤 腐皮卷大約手指咁上下粗，一份5條好似有隻手爬緊出嚟咁😂 餡料食到除咗有大路啲嘅紅蘿蔔同冬菇絲外，仲食得出有爽脆嘅沙葛，食落更有口感~🍋自家制低糖青檸鴛鴦薏米水麵餐會送一杯自家制低糖青檸鴛鴦薏米水，薏米好足，加上青檸微酸，為哩頓健康多茶晚餐完美作結。總括而言，哩間餐廳嘅食身未必係好完美，但味道都算中上，如果想食啲住家風味又健康嘅食物，不妨嚟試吓~…查看更多

聽講呢度少味精推住家菜如果係真既，真心覺得好hm.. 對於住家菜呢個說法，我有保留先睇座位…搭檯不在話下很迫，同隔離果個人手貼手咁同朋友講野，人地咩都聽得好清楚服務員又會催你交檯呢度變相成為速食咁…！點了札肉香茅豬扒湯檬油膩到一個點…甚至十級鹹唔飲野都唔得…咖喱豬扒雞奕紅米飯，賣相唔討好個飯底相對健康d，但個d 餸都係好油膩個雞奕炸得好乾身個飯可以配中湯，水稀稀說好的住家菜呢？鄰邊大把好野食，價錢又相宜d食乜真係要諗過……查看更多

踏入禧利街，好多時都會去孖沙茶餐廳食番個三眼仔。有時唔想咁重口味，就會去對面嘅生記食碗粥。今日路過原味煮意，阿姐話佢哋啲嘢食標榜健康，唔落味精，啲麵條同漢堡牛肉係自家製嘅。聽落有啲興趣，就叫咗個黑椒牛肉漢堡試下。『黑椒牛肉漢堡』充滿住家製嘅感覺，無落芝士、煙肉果啲配料，只係用少少青瓜沙律做底，醃洋蔥擺面，中間放一塊厚身嘅自家製漢堡扒。旁邊嘅沙律菜亦都只係例牌落少少沙律醬，尚算新鮮。麵包夠厚身，雖然烘咗會更好食。塊漢堡扒比起一般嘅瘦啲，所以有多啲咬口而無咁juicy，調味亦比較清淡，貫徹呢間舖頭嘅風格。…查看更多

實在是大愛！有曬我喜歡的完素：人情味，健康，少人好多素食choices ,老闆娘見我15/16 , 仲話可以盡量滿足我Tailor made. 於是食到menu沒有的dinner haha ! 自創天貝茄汁飯😋紅菜頭湯好足料，飯菜也很新鮮喔另一推介惹香雞排烏冬～Just loving it !…查看更多

健康之選🥟🥦自家手造菜肉餃子配菠菜麵🍜（$42）上環好多野食 但健康又好味既非原味煮意莫屬😇（當然仲有其他choice 既）⋯菜肉餃子好似自己屋企包咁 清清地 味道都唔錯啊🙃🤩…查看更多

「原味煮意」設有go green餐牌，天天都有素食選擇，而且每款都很吸引，當中最特別的要選「天貝」這種食材。相信大部分香港人都未試過「天貝」，光看名字也無法理解是甚麼食物，所以餐牌上也有介紹。原來「天貝」源自印尼，是一種黃豆發酵製品，含有豐富蛋白質，適合素食人士補充蛋白質。店裡也有出售自家製的麵餅，感覺非常天然無添加，所以就點了一個又有「天貝」又有自家製麵的天貝菠菜麵。天貝的味道有點像納豆，但又比納豆容易入口，香煎過略帶脆口，是一個不錯的體驗。撈麵的醬汁由柚子和麻醬混合而成，十分開胃。菠菜麵不會太硬又不會太稔，煮得剛剛好，不知道如果買麵餅回家是否可以做出相同質素呢。…查看更多

作為一個食肉獸,為將來可以食更多嘅肉,有必要喺適當嘅時候食返啲相對健康嘅嘢平衡番.睇到門口嘅餐單比較少肉,一定係主打健康(膚淺),咁啱有個單人位可以即刻入座,梗係入去啦.望落去女士明顯佔大多數,鋪面好細,好似有二樓.餐牌上都唔係中式嗰種煎炒煮炸果種鑊氣野,見咁多食客都點意粉就跟風啦 .等餐期間見到有其他客人要等位,店員都會叫佢哋去對面有瓦遮頭嘅地方等會冇咁曬,呢啲咪行服務囉,雖然好多人聽到就直接走咗.湯好快就到,雖然估計紅菜頭湯比中湯健康,但都係叫做中湯.鮮淮山,杞子,紅蘿蔔,圓肉湯. 唔算好淺色,而且圓肉出奇地多,唔應該咁淡味.雖然主打健康,落多少少鹽提味應該可以加分不少.牛肉麻醬撈茄面終於到啦,其實我希望呢個意粉係有少少涼嘅.出面 三十幾度嘅高溫,食意粉,配麻將,薄切嘅牛肉.意粉應該涼食地是常識吧~現實個意粉當然係熱辣辣啦.意粉比較林而且幼身,每條意粉都必定沾到麻醬,配蘿蔔絲,蕃茄粒夠曬開胃.牛肉雖然肉味好淡,但至少無渣,算係合格.…查看更多

是日嚟咗呢度食。店內環境一般都有啲迫，叫咗個香茅豬扒飯，飯係紅米飯，撈埋啲蔥油好惹味。有兩大塊豬扒，份量足、味道唔錯。另外叫多杯杏仁蛋白茶，正評主要係比呢杯茶既。佢唔似坊間開粉沖，真係好香杏仁味而唔係個種藥水好臭嗰隻味。埋單兩人都係＄100幾抵食…查看更多

我明白有人會話佢hea，但講味道呢到其實唔差架~我比較鐘意食佢嘅雞扒麻醬撈麵，唔會話一試就覺得此味只應天上有咁出眾，但係入口舒服，覺得好夾。我食個日蕃茄麵無哂，所以轉咗菠菜麵。對比起附近餐廳可能無咩特色無咩名氣都無咩出眾嘅地方，但至少佢嘅食物令你食完之後覺得舒服...…查看更多