影片
以上資料只供參考, 請與餐廳確認詳情
老實講，金鐘區平時買個午餐🥣閒閒地一個大家樂焗豬扒飯都50幾蚊，平均都40-60蚊不等，所費不菲。作為長期糧尾既我，偶爾經過金鐘海富中心二樓，發現有間「原味家作」主打無味精住家飯，仲有不同款式老火湯賣，款式都算多。但今日重點係我發現一個秘製鹽焗雞髀🍗飯都係26元，絕對是窮人恩物，小資女必簡。店舖提供不同醬料，有豉油、麻油、辣椒蒜蓉、同埋自家製菜甫供應。客人可自行添加或入盒子再拿走。本身26蚊既我無咩期待，但飯同雞髀🍗分開上，誠意可加，飯量有一碗半左右，雞肉非常焾身，用筷子都夾到起，不用拿起去咬，可能因為標榜無味精無添加，雞肉只係得點點鹽焗味，菜甫用上蝦米🦐，所以用黎送飯一流，又脆口帶有蒜香🧄。總結：26 蚊秘製鹽焗雞髀飯同自家製菜甫是必食🍗
繼續閱讀