原味家作 (中信大廈)

今日冇帶飯，要喺出邊食。原味家作一路比我嘅感覺都真係住家飯，又有靚湯飲。今日就叫咗個相對平啲啲嘅鹹蛋肉餅飯配蓮藕蘿蔔湯。識落，肉餅唔錯，唔會好似出邊啲茶餐廳咁食到肥豬肉，或者個底有好多油。鹹蛋黃都有蛋黃味，但係蛋白略鹹得滯。肉餅同飯嘅份量啱啱好。最尾，個湯都幾好，蓮藕有啲硬。飽。…查看更多

公司附近有原味家作，一直都想試下但又無機會，今日有時間就決定黎買個外賣試下。鋪位係中信大廈2樓，都有唔少人排隊，等左10分鐘就有得自取，不過如果有得電話訂餐就仲好啦，希望遲d會有啦！我揀左個滷水雞翼飯，配節瓜湯，鹵水雞翼好入味，啖啖肉，又唔會太肥，大大隻雞翼食到我飽一飽，鹵水汁仲可以撈飯食，雖然無菜唔係好健康，但一餐半餐就放縱一下啦！食完個飯仲有湯飲，個湯都好足料，好似住家湯咁好好味，又唔覺得好重味精，果然係主打無味精，無雞粉既原味家作阿！我買飯個陣都見到又好多人會買原味家作既飲品，下次買takeaway 個陣又可以試下新野啦！…查看更多

在金鐘發現肉餅新品，好難得以預製食物而言，呢個蒸肉餅的確唔錯有些微流油的鹹蛋，雖然說不上油潤酥香，但比區內其他用 (1) 鹹蛋白多過黃 或 (2) 100%硬芯鹹蛋的肉飯，已經相當討喜配消暑黃瓜湯，大滿足密啲手，早啲回家幫手煮真‧家作先#金鐘肉餅控的憂鬱#好鹹蛋可遇不可求#午餐日常…查看更多

我間中都會去買午餐因為佢地冇味增，但食物味道一般。但是這一次我好😡。食物處理得唔好，有曱甴是不可接受。食物衛生是很重要的。所以今次要話比其他人聽，希望佢地要注意衛生。…查看更多

試左公司附近既主打 無味精 無雞粉 原味道 sell健康既take away lunch! 🍱蟲草花紅棗蒸🐔：一打開蓋，蟲草花既香味撲鼻而來，煮得夠稔；雞肉夠入味，有紅棗既甜味，我連汁都淋埋落d飯度食埋😋😋番茄大眼魚湯：有🍅酸味有🐟鮮味，好有老火湯既味道，好開胃，正！👍🏻👍🏻可惜無湯渣食！🙈🙈…查看更多