影片
平時見厚興瑜都係外賣店，food court 都有，二人餐經濟實惠，香蔥霸王雞半隻份量多，上面有蔥有炸蒜，仲有少少辣椒，蔥蒜辣椒好香，淋過豉油，味道都出晒黎，雞件入味，雞肉嫩滑，雞胸都唔鞋，有肉有骨，點一點醬汁撈飯食更是美味。有自選雙拼小食，揀左雞腎同豬肚，幾爽口，調味不重，好香麻油味，不會有味精感覺。上湯魚腐娃娃菜，上湯濃而不咸，仲有娃娃菜既甜味，魚腐吸晒啲湯汁，清淡幾好味。原來join 會員有coupon送，$20就食到下午茶，真係好抵。
繼續閱讀
今日要去屯門做野，做完之後想食個快飯，就諗起food court，入面有好多選擇，隨心揀左間望落性價比相當高嘅「厚興瑜記手撕雞」。餐牌上選擇都幾多，一人，二人，四人餐都有，我地一行兩人，揀左個「招牌二人套餐」，＄145 有手撕雞半隻，上湯魚腐娃娃菜，小食雙拼，靚湯兩個，飯／麵共兩個。手撕雞半隻：手撕雞雞味香濃，唔多骨，入口嫩滑多汁，唔會太肥，份量又多，真係非常吸引。上湯魚腐娃娃菜：娃娃菜份量真係非常之多， 娃娃菜煮得夠淋，入口清甜，魚腐口感柔軟，吸晒湯汁後真係非常入味。小食雙拼：我地揀左海蜇同麻辣豬耳，海蜇爽口彈牙，麻辣豬耳入口微辣，非常開胃。飯／湯麵：本身二人餐係跟兩個飯，但可以轉米粉／湯麵／水晶粉，亦可加＄10 轉烏龍麵，我地揀左1個飯1個湯麵，湯麵配埋手撕雞同小食一齊食，又係另一番風味。靚湯：是日靚湯係粟米紅蘿蔔豬骨湯，清甜可口，為我地美好嘅午餐劃上完美句號。提提大家：記得做會員！會有好多優惠架，例如用coupon$20就食到個下午茶，真係超抵！
繼續閱讀
今日食下午茶，叫咗碗手撕雞孖寶湯米粉。結果攞餐嘅時候見到得原味手撕雞同埋雞腎，同我喺菜單睇到嘅圖片同埋名稱完全唔一樣，張圖係有原味同埋麻辣手撕雞。之後同職員講咗呢個問題，職員了解後就換過另一碗俾我。不過換返嚟嘅係麻辣手撕雞同埋豬耳，同先前溝通嘅情況不一樣，所以對今次嘅體驗非常失望。
繼續閱讀
一向都好鍾意食厚興瑜記嘅手撕雞，見到佢哋喺屯門開咗堂食分店，屯門當然要試一試！🔖皇牌雞二人套餐💰168二人套餐包括咗有皇牌雞(半隻)、自選小食雙拼、上湯娃娃菜、住家靚湯兩碗同白飯兩碗😆性價比嚟講都相當高！首先皇牌雞方面有花雕、香辣、蔥香同金銀蒜香四款口味選擇，而我哋就揀選咗金銀蒜香味🧄滿滿蒜蓉加上炸蒜，蒜香味十足！而且雞肉入味，重點係肉質都幾嫩滑😙自選小食雙拼方面我哋就試咗麻辣豬耳同豬肚，個人感覺有啲偏辣🙈不過都幾惹味㗎！上湯娃娃菜👍🏼因為真係份量係超多，仲要有埋魚腐😍娃娃菜同魚腐都索晒湯汁，夠晒鮮甜😋至於湯方面，當日係青紅蘿蔔湯🥕味道就正常發揮啦🤣不過飲完冇口乾，都滿意🤓最後白飯方面係可以免費轉配米粉、水晶粉同湯麵~用少少炸蒜同埋雞肉嘅醬汁撈落個麵到，味道即刻昇華咗🤭整體嚟講，兩個人係夠晒飽肚同滿足！💫 推薦指數: 8.5/10-溫馨提示👉🏻成為會員仲可以享有其他唔同嘅優惠🫶🏻
繼續閱讀
價錢親民：喺food court入面，呢間嘢真係好抵食！豬肉鬆手撕雞： - 豬肉鬆鬆軟得嚟，味道好濃郁。 - 手撕雞肉又嫩又Juicy，醬汁吸得好好。水晶粉：滑滑的，咬落去好爽，配搭得好好。魚腐：呢個魚腐好柔軟，增添咗海鮮味，唔錯！搭配多樣：所有材料搭埋一齊，味道平衡，唔會膩。環境氣氛：food court熱鬧，食得開心！厚興瑜記嘅豬肉鬆手撕雞雞絲魚腐水晶粉係幾好味，諗唔到食咩去food court都幾好，呢間都值得一試！
繼續閱讀