卿記工房

營業中

休息中

住咗堅尼地城近一年，才來光顧呢間小店。以前同friend出去食嘢嘅時候就已經留意到佢哋嘅舖頭，今次就來試吓啦。點咗佢哋嘅招牌生炸雞脾同埋雞排，出鍋熱辣辣，香氣撲鼻。初嚐一口就已經感覺到外皮酥脆，裡面嘅雞肉真係juicy到汁水可以流出來，好快我就食晒。老闆都係好好人，非常熱心會同你傾計。呢日唔好彩碰到暴雨，老闆俾我進店內食晒才出來。價錢又平，真心抵食，係一家好有人情味，高質素嘅小店。之後仲會幫襯佢哋，期待下次可以食到更多嘢🤩

生炸雞比好脆，炸粉好薄，雞肉好新鮮同埋冇奇怪醃料味，真係好好食涼粉加椒麻雞好食，如果可以有Option可以多芫茜就跟加好，稍為有D太辣，同埋可以麻D，但係個涼粉夠凍同埋好滑，真係好比心機做👍🏼The deep fried chicken thigh is amazing. Fresh chicken meat with no strange flavours from the rub. Must try itemCold noodles with spicy chicken is good as well. Very refreshing as the noddles are chilled. Will be even better if there’s an option to add extra coriander. Overall, a small shop which puts effort in the food they make. Must try in ktown!

昨晚看完MIHK 的YouTube, 今天中午過來試左煎釀三寶和炸雞髀, 十分好味道. 附近居民有口福了. 煎讓豆腐是自家打手魚肉、豆腐也是自家出品. 炸雞髀十分出色, 外脆內肉嫩, 好Juicy. 老闆用心和認真制作. 下次再幫襯.註: 老闆在調教咖哩魚蛋和燒賣的醬汁.

之前聽日講話蒲飛路開左間卿記工房，個炸髀好味道，今日揸車經開就過黎買黎試下。因為佢標榜生炸，所以我預先早十分鐘打定去落order，去到唔駛等好耐就有得拎，免得抄牌。一拎上手果然新鮮熱辣，雖然望落去就冇想像中咁大隻，但外皮炸到金黃色，證明佢地啲油唔會好耐都唔換，即刻忍唔住即刻攞出黎食。一咬落去，個雞皮係炸到好脆，入面啲肉好嫩好多汁，冇乜雪藏味，啲椒鹽同五香粉醃得好入味，幾好！既然一場黎到，冇理由淨係買雞髀就算架，所以再買埋佢個燒賣同腸粉返屋企食。呢度嘅燒賣$10 6粒，雖然唔係夜市嗰啲$20 四粒咁大粒咁抵食 😆😆，卿記亦都唔係重點賣辣椒油，但以$10 6粒黎講，佢對得住個價錢嘅，燒賣亦唔會一咬落去就一pat粉咁又或者散開曬，都食到魚肉嘅味道，同埋佢個辣椒油又真係幾喜出望外喎，有咸香亦唔會太辣，我食得出嘅入面有炸蒜同蝦乾咁，所以特別香，不過個辣汁就唔太掛得住喺啲燒賣上面，感覺上兩者好似分開左咁。最後個混醬腸粉都唔錯，腸粉有米䊢嘅香味，又唔會好死實實咁，混醬足夠，係外賣返到屋企先食凍左少少，如果唔係應該會再好味啲。總括黎講，佢個炸髀係值得突登黎食嘅，其他都係水準之作，下次黎再試埋佢個炸雞粒

「卿記」最近在這區幾出名，不過位置在斜路上，專登去食就咪攪我，今日行過就試吓啦。GD燒賣($10/6粒)：燒賣好食，魚肉唔係死實實那種，但出色嘅仲有辣椒🌶️豉油，夠香😋陳皮魚旦($10/6粒)：魚旦雖然無預期咁大陳皮味，淡淡的、但可以喇。個咖喱汁唔辣，用來點埋燒賣都唔錯。脆脆雞球($22/6塊)：我點咗椒鹽&芝士味兩種，雞可以炸得再脆啲，椒鹽好嘢味，反而是芝士味有點失色，但又比M記好食😄總括來說，附近學生多對小食有一定需求，這小店水準、價錢都是不錯嘅選擇👍🏻

魚肉燒賣熱辣辣夠煙靭，辣有豉油好味好香都係買$10最出色都係生炸雞髀，脆卜卜的外皮好香，裏面多汁軟淋淋，好耐都未食過咁好食嘅雞髀🍗😋😋😋魚蛋有兩隻爽彈豬蛋同陳皮魚蛋咖喱醬老闆日日煑，好夠香可想撈飯添，都係買$10 😂😂還有酸辣凍粉同埋麻椒雞，天氣熱啱晒好正😀😀仲有炸雞粒，即炸的可以有幾種味選擇，我要咗椒鹽同甘梅，香噴噴脆卜卜好味加多一罐可樂，十分滿足🥰🥰我日日行過都想食😃😃😃😃😃

一直喺士美菲路街市嘅豆腐店買開豆腐，機緣巧合之下，知道店主喺附近新開左一間小食店，咁就梗係要來幫襯吓啦😊星期日嚟到點知唔好彩摸門釘，趁星期二同老公放假我哋再過嚟，因為已經食咗lunch，所以我哋只係買咗魚蛋同炸髀。魚蛋有分爽彈魚蛋同陳皮魚蛋兩種，我哋揀咗爽彈魚蛋咖喱汁，果然好爽彈，咖喱汁亦唔會太辣，店主話咖喱汁係自家炒嘅，好啱我嘅口味。炸脾亦都好好味，即叫即炸，雞皮炸到脆卜卜，雞肉亦都好嫰滑多汁，正👍🏻👍🏻👍🏻以後去開附近嘅烘焙店學習烘焙時一定會再幫襯😋😋😋

今日行過見到士美菲路新開左間小食店，又有少少肚餓，就買左份燒賣食下😋燒賣10蚊有6粒，店主話燒賣個豉油同辣油都係自己調配，依家好少見到啲咁有心既小食店，咁就要試真啲喇🥰🥰🥰呢期見到燒賣關注組話有時啲燒賣會唔熟，但呢間燒賣係熟既👌🏻燒賣好有口感，而豉油食得出落左蒜頭黎整。不過如果可以再咸啲就好喇（我鐘意重口味多啲）🤣🤣🤣個辣油就真係無得頂，夠辣夠香，啲辣椒渣又好食🤤見其他人食佢啲雞粒都話好好食，下次再試下佢其他既野食🤗🤗