卿記工房

卿記的無離脆脆雞球這個大斜坡值得行上去, 因為有卿記的無離脆脆雞球, 真是無敵好吃, 我不愛吃雞肉, 但這裡的炸雞球我強力推介, 因為實在太好吃了, 22元實在超值。首先脆皮很香口, 沒有油膩感, 不會食到一口油, 而是相當爽脆。我喜歡它做成一口大小, 一口咬下相當滿足, 然後雞肉確確實實非常juicy, 而且粉和肉的比例恰當, 不會只有一點點雞肉。最驚喜的是吃到雞肉的鮮味, 沒有雪氣味, 相當滋味, 不用沾醬本身已經很好吃了, 真是這間小店的名物。欣賞這即炸的雞球, 吃起來仍是熱騰騰的, 相當新鮮, 沒有半點馬虎。外皮顏色炸到相當金黃但沒燶或黑, 很專業。…查看更多

卿記的蒸燒賣點了卿記的蒸燒賣，水準相當高，感覺健康，因為是蒸的，不是炸的，燒賣皮薄，用的材料上乘，質素高又好吃，價錢並不貴，才12元，大多市民都能負擔，經濟實惠，回饋社會大眾，是良心企業，所以我經常支持這間小店。店員親切有禮，服務態度有善，難怪如此成功，就是因為種善因得善果。食物質素很高，餡料彈牙亂畫，尤其是鮮蝦很大粒，豬肉沒有腥味臭味，材料新鮮又不過份油膩。而且非常細心體貼，提供了足夠醬油給我們，因此起來非常夠味，服務態度100分，燒賣份量很足夠，做下午茶一流。下次定必繼續光顧，喜歡這間小店。…查看更多

西環出晒名既炸鷄髀，家庭式經營小食店。招牌炸雞髀大大隻，份量滿意。 炸之前已預先喺關鍵位置切開，令成隻雞髀炸得啱啱好。 即叫即生炸，熱度十足。 唔單止表面炸得十分香脆，連骨肉相連位置亦都炸得通透。 中間厚肉既位置，生熟程度啱啱好，熟而保持鮮嫩有肉汁。 由於用料好，唔需要重味醃已經夠鮮味。 絕對係食過咁多間炸髀之中，其中一間最好既。墨魚卷表皮炸到香脆通透，入面墨魚膠爽口彈牙，有墨魚味。花雕醉雞翼好入味，成隻雞翼既肉都有濃濃嘅花雕香味，啱晒喜好酒味人仕。 下熱天時，涼地涼食住等之選。煎釀四寶件件都大大件，上面釀上厚厚既魚肉，滿足感十足。其實已經有唔少媒體報導過呢間舖，難得仍然好有心思會問食客攞意見，力求進步值得支持。…查看更多

卿記工房的燒賣食評：燒賣外皮而言,皮質是薄的, 不會很厚, 而且它呈透明、能清晰看到餡料, 一點也不會過厚, 而是厚薄適中, 個人覺得這厚度剛剛好, 包到餡料不會穿之餘食客食得很舒服。皮薄之餘有韌性, 吃起來是不黏牙的, 品質很好。關於餡料, 一吃便覺得很足料, 食材很新鮮, 雖然是夏天, 但味道很鮮, 不會有臭味或變壞, 而且餡料吃起來很juicy, 又爽口, 肥瘦比例恰如其分, 而且咬下去鮮嫩多汁之餘帶有嚼勁。蝦餡味道鮮甜。蝦的顆粒大小適中又完整, 完全不會有霉霉爛爛的感覺。材料的新鮮度和口感我都很滿意, 味道亦很好。餡料不會偏鹹偏淡, 而是剛剛好, 吃到材料的鮮味, 風味豐富、調味得當。而且價錢超值, 是市民大眾都負擔得到的, 是出色的一間小食店。…查看更多

毫不誇張 可以話係我食過最Juicy嘅雞扒 第一次食其他小食就覺得平常嘅味道 第二次係突然想食炸雞，附近都搵唔到，又唔想食M記Jolibee。諗起斜路上面呢一間，買咗個雞扒，見到係即場裹漿即炸，第一啖已經好驚艷，啲汁多到一路食一路流緊 第三次係食過返尋味，喺地鐵站嗌定外賣，上到去啱啱好有得拎。都係一樣都係咁多汁，不過自己比較重口 要拎返屋企再加椒鹽（其實佢個底味係夠，係我自己重口）圖二係拍片cap圖，矇咗啲，但係都見到佢好多汁唔知佢個生炸髀會唔會同雞扒一樣咁出色，見好多人推薦老細都nice嘅，希望一直做落去，一直有咁Juicy嘅雞扒食…查看更多

之前睇過有人介紹呢間炸雞髀，話佢好好食！今日特登過嚟堅尼地城試吓，間舖頭喺斜坡上面，由地鐵站行上去，都幾係嘢！終於去到舖頭，發現呢間舖頭好細，只提供外賣，老闆一個人一腳踢，但係睇得出佢好用心製作，真係要支持一下年青人！由於係生炸嘅關係，嗌咗之後都要等10分鐘先有得食，想食好嘢，冇辦法！最後等咗10分鐘，最後見到老細落啲椒鹽落雞髀度，之後就遞俾我！終於有得食啦！真係好熱！簡直冇辦法可以食，要攤凍一陣！先講吓啲雞肉，由於係生炸嘅關係，真係食到好多肉汁，一滴滴滴落去，而且個雞皮好脆，佢係用好港式嘅醃料去醃呢隻雞髀，係得食得返細個嘅雞髀味道，完全冇落其他辣粉同孜然粉！食得出港式嘅味道！我絕對可以咁講，佢真係香港島世一雞髀！大家快啲嚟幫襯啦！…查看更多

之前見到有不少報道，說得天花亂墜，好不威風。今天晚上有車剛好到了堅尼地城，經過此店，心血來潮，也好久沒吃過炸雞髀了。店是小店，店主年輕有禮，兩個人做，小食十款八款，看似都有心做。生炸雞髀，$35，說貴不貴，確也不便宜。晚上六點左右，客三兩個，生炸要等，是常識吧。等了十分鐘就有了，到附近體育館吃，步行5分鐘左右。體積不過不失，目測其實估到有點乾身。有一說一，成隻脾就表面有味而已，個心無味，唔知係無醃定刻意唔做咁夠味？你問我，脆又唔係好脆，汁又唔係話好有汁，味又唔係話好夠味，想點SIZE 又唔大脾，想點😅？$35一隻咁嘅質素，對我嚟講，都幾有落差。有興趣自己試吓。我就無下次啦。…查看更多

偶然係網上睇到介紹呢閒小店嘅炸雞脾，好想試下， 今次專登好遠咁走咗去買嚟食，希望唔會令我失望。買咗一隻炸雞脾，即買即炸，要等大概15分鐘。 等候期間買咗一份燒賣 ($10/6粒) 攝時間。 燒賣 ok， 有魚味，但唔算太彈牙， 係食咗就算，唔會留有深刻印象果種。主角 "炸雞脾" 終於炸好。 呢度嘅炸雞脾唔係 sell 大隻，所以唔好諗 size會好大。 食第一啖無肉汁，但雞肉唔鞋， 炸得好脆，雞肉醃得幾入味。再食幾啖，肉汁就開始澎湃湧出來。 因為隻雞脾唔大隻， 好快手就食完。 以炸雞脾來講, 算唔錯，無失望。…查看更多

想試呢度嘅炸髀同煎釀三寶好耐，趁住放假終於嚟個西區半日遊！地鐵站一出行少少斜路就可以行到卿記工房，怕熱嘅朋友可以帶定風扇仔😂當日我哋兩個人企咗喺度食差唔多45分鐘就嚟試晒成閒鋪啲嘢，我哋當日一共叫咗六樣嘢，差啲嚇親老細，點解呢兩個人可以不停食😂😂😂😂樣樣食物都咁出色！！！價錢亦好合理！滿足晒想掃街嘅慾望！🥹🥹🥹·煎釀四寶 $22 6件由於煎釀四實太出色所以要ENCORE再食多兜鯪魚肉好香足料一啲都唔孤寒！個鯪魚肉係厚身㗎，我終於明白點解之前一個人佢會嗌六嚿都係豆腐！我好肯定我下次都會咁做🤓個魚肉係帶有陳皮嘅香味！呢個調味真係喺其他地方食唔到！！！如果出埋炸魚蛋真係不得了！！！· 魚蛋燒賣 各$10 6粒陳皮魚蛋比起一般坊間嘅好似再炸過下好出眾，相信魚蛋愛好者（亦即本人）都會喜歡🫶🏻· 脆脆雞球 $22份份量唔少㗎，明顯地係自己上炸粉唔係叫貨返嚟就咁炸！應該係小朋友好鍾意嘅炸物🤭·生炸雞髀 $35炸髀連我平時唔鍾意食皮嘅人都會愛上超多汁超脆！！！· 凍粉+椒麻雞 $38以凍粉作結超級透心涼完美冇平時麻辣店嗰陣雪咗好耐嘅味成餐都好滿足😌店主一家人都好用心，令大家都食得好開心，超級有禮貌之餘仲不停問你啱唔啱口味啱唔啱食，我哋已經諗緊遲啲放工都想過嚟食🤭🤭係港島區掃街嘅好地方！！很推薦！！…查看更多

去咗西環 上網揾睇下有咩好食 見到都幾多人推薦食呢一間 所以去試一試😋買咗炸雞髀同GD燒賣 大約等咗15分鐘 —————————————————————-真係好好食！雞髀多汁 肉質嫩滑 雞皮好跪 好味！燒賣同平時嗰啲唔同 特別有魚味 好軟糯 正！推薦！👍🏻支持小店！員工好有禮貌！下次會再特登黎食！❤️——————————————————————————————-…查看更多

特登由澳門過黎試下港島最強炸雞髀，名不虛傳！好味雞髀嫩滑多汁，外皮夠脆夠香口，一隻炸雞髀應該有嘅嘢佢都做到。鯪魚肉好香鯪魚味，完全冇骨，食到係新鮮鯪魚肉。整體食物用心，老細又好客，滿分！…查看更多

喺網上見到佢哋嘅炸雞髀吸引左 ，今日專程同男朋友過嚟試吓 ，堅尼地城A出口 轉彎有個斜路直上就到，去到都有幾個人等緊 ，好快我哋嗌左距地燒賣、雞球、招牌炸髀 ，燒賣正常 辣度可以自己揀 ～感覺雞球中伏 ，揀咗椒鹽味 ，丁點椒鹽味都冇 😖而且炸粉好多 ，炸得過左火 ，我要將走曬先食 ，甘入面肉係滑既 ，有些少雞嘅腥味 而炸髀口味啱d ，出面都炸得香口 ，冇炸得過火 ，可惜雞肉醃得唔夠入味 ，只有表面稍為有味 ，試下無妨 但唔會令人再想食。…查看更多

小弟住九龍區，上網睇到就襯放假過黎試下，雖然要行斜路但當先運動後充飢，叫左魚蛋/燒賣/牛肉餅/雞球，而最出名既炸脾怕食得論論盡盡就暫時未試，個人覺得最有驚喜係雞球，外皮夠香脆而且雞肉嫩滑而唔會過硬過乾Overcook，其次係燒賣配自制辣椒油夠惹味食得出有蝦米香少少似潮洲辣椒油，咖哩魚蛋正常可能陳皮魚蛋會好味D，而牛肉餅都幾Jeng不過得三片唔夠喉，全部即叫即整而且老細好有禮貌，食得出全部食物都係有比心機研究過，唔同街邊個D刷同胞錢既小食店，值得再覆桌，下次會試埋煎釀四寶同最出名既炸髀…查看更多

住咗堅尼地城近一年，才來光顧呢間小店。以前同friend出去食嘢嘅時候就已經留意到佢哋嘅舖頭，今次就來試吓啦。點咗佢哋嘅招牌生炸雞脾同埋雞排，出鍋熱辣辣，香氣撲鼻。初嚐一口就已經感覺到外皮酥脆，裡面嘅雞肉真係juicy到汁水可以流出來，好快我就食晒。老闆都係好好人，非常熱心會同你傾計。呢日唔好彩碰到暴雨，老闆俾我進店內食晒才出來。價錢又平，真心抵食，係一家好有人情味，高質素嘅小店。之後仲會幫襯佢哋，期待下次可以食到更多嘢🤩…查看更多

生炸雞比好脆，炸粉好薄，雞肉好新鮮同埋冇奇怪醃料味，真係好好食涼粉加椒麻雞好食，如果可以有Option可以多芫茜就跟加好，稍為有D太辣，同埋可以麻D，但係個涼粉夠凍同埋好滑，真係好比心機做👍🏼The deep fried chicken thigh is amazing. Fresh chicken meat with no strange flavours from the rub. Must try itemCold noodles with spicy chicken is good as well. Very refreshing as the noddles are chilled. Will be even better if there’s an option to add extra coriander. Overall, a small shop which puts effort in the food they make. Must try in ktown!…查看更多