影片
開飯介紹
街坊推介的正宗旁遮普咖喱專門店，當地主廚嚴選20種以上香料製作咖喱，每日新鮮熬製6小時，味道層次複雜、香辛惹味。咖喱種類與配料選項豐富，店家特別推介香料咖喱軟殼蟹配農夫包。
繼續閱讀
營業時間
今日營業
11:30 - 21:00
星期一至日
11:30 - 21:00
以上資料只供參考, 請與餐廳確認詳情
有關獎賞計劃
相關文章
今日大家本來約去大澳遊，但呢個勞動節實在太多訪港旅客，真係驚難入難出，都係留喺屋企hea ，夜晚先一齊出去食返餐。有人帶路，今晚去食印度菜。店子裝潢有特色，內有一些民族掛畫、吊燈，仲有一個巨大印度熊仔，好有趣！MENU分得好清楚，共有五款咖喱口味，包括香料咖哩、奶油咖喱、黑扁豆咖哩、腰果咖哩和菠菜咖喱，各有特色。另外仲有特色烤餅、特色小食、印度香料飯和飲品。每款咖喱套餐均配白飯和罐裝或紙包飲品，加$15就可以轉烤餅或蒜蓉包，我哋揀了三款唔同口味和一款特色烤餅。先上胡椒脆餅 ($28) 很薄身，整得極之脆身，咬下去時卜卜聲，帶點香辣的胡椒味，入口無油膩感，單單食它的原味已很美味!香料咖哩牛舌配蒜蓉烤餅 ($83+$15)有唔少牛舌，仲大大塊同厚切，讚！蒜蓉烤餅表面都沾上蒜粒，邊位烤至帶少少焦燶，很香！嚐到淡淡的蒜香味，口感柔韌，好吃！牛舌燒得好靚，味道鹹香，口感爽嫩，伴上獨特的香料咖哩更美味，當然要同埋烤餅一齊食，最佳拍擋。腰果咖哩魚柳配奶油烤餅($83+$15)腰果咖喱滿載果仁香和奶香，質地濃厚，有磨至幼細的腰果粒，味道香辣中有果仁香，非常好味，推介俾鍾意果仁嘅人。魚件好有質素，一大件，好厚肉。外金黃內潔白，肉質好嫩滑，以咖喱烹調，香辣吸引。奶油烤餅好薄身，柔韌有麥香，淋上咖喱醬汁，夾件魚柳，正！黑豆燴羊肉咖哩配蒜蓉烤餅($78+$15) 羊肉份量多，啖啖肉，整得好嫩，用料優質！不錯。揀了配黑豆咖喱，以大量原粒嘅黑豆製作，相當特別！黑豆粉綿，辣度就中等，伴在烤餅上，再加埋羊肉，真係好飽肚，滿足！無糖茶、甘蔗椰汁馬蹄爽、可樂（$0/跟餐）冰涼透心，邊飲邊食香辣咖哩，爽呀！小店真係令我喜出望外，數咗幾點：1）上枱擺得有心思；2）用料優質；3）各款咖哩各有特色；4）好足料：每籃烤餅和主菜都有好多件；5）抵食好食，定價親民。今晚大滿足！
繼續閱讀
北印度咖喱偏香而少辣，較為合適香港人不太能吃辣，北印度旁遮普咖喱，以香料香氣煮成咖喱，香味十足。印度野就在北角大型屋苑之內，地方不算大，座位都充足。前來時候尚早，沒想到坐下，就已經8成滿座。餐廳以香料咖喱為主，還有菠菜咖喱、黑豆咖喱和奶油咖哩。此外，香料飯和印度小食。食物跟飯和罐裝飲品，可以加錢轉配烤餅和飲品，價錢經濟實惠。炸乳酪波 HKD48，乳酪外皮都幾脆，點酸甜醬汁幾好食。印度烤雞 HKD48，3件都幾厚肉，以香料醃製，配上白汁多一種風味。香料咖喱軟殼蟹 HKD78，配奶油烤餅 HKD15。原隻軟殼蟹炸得夠薄脆，吃上口啖啖肉，香料咖喱味道香，帶點微辣。奶油烤餅共有6片，伴著香料咖喱吃好滿足。海德拉巴羊肉香料飯 HKD78，印度米細而長，加入香料煮成帶色彩，伴著海德拉巴羊肉都不少，煮到肉非常淋，略帶點羊羶味，配著咖喱和香料飯吃又不錯。餐飲 Plain Lassi HKD15，乳酪味不錯，酸甜味道適中。餐飲 Mango Lassi HKD15，芒果味都幾突出，甜甜地好潤喉。
繼續閱讀
今次試咗一間隱世印度小店，主打家庭式風味，唔收加一，仲包罐裝飲品，性價比高。菜式充滿印度特色，香料運用純熟，味道層次豐富。🐟奶油咖喱魚柳魚柳肉質嫩滑，厚身啖啖肉，份量好多。咖喱底以番茄同奶油為主，入口香甜，幾乎吾辣，後勁有茴香同芫荽香氣，配烤餅一流。🫓蒜蓉烤餅即叫即烤，餅身蓬鬆帶焦香，蒜蓉分量慷慨，油香十足。🍞菠菜烤雞配農夫包菠菜蓉煮得細滑，混入少量芝士，濃郁中帶清新草香。烤雞嫩滑，農夫包外脆內軟，撕開蘸汁食，風味樸實有滿足感。 🍤蒜香蝦香料飯蝦肉爽彈，蒜香突出，飯粒用咗細長香米，加黃薑同香料調味，香口惹味。🍗印度烤雞用乳酪同香料醃過夜，雞肉嫩滑多汁，炭烤香氣濃烈。附送乳酪醬同辣茄醬，前者清新，後者酸辣醒胃。🍹Mango Lassi & Plain Lassi芒果版本甜度適中，果香自然；原味乳酪飲質地濃稠，解辣一流。 🌟正宗印度風味，香料運用恰到好處，烤餅同咖喱必試。裝修富有民族風，價錢親民不收加一，服務親切。
繼續閱讀
這間新開的印度餐廳位於北角的城市花園商場，鄰近炮台山站，主打正宗地道的印度料理，價錢定位經濟且大眾化，食物的份量非常充足。店內環境寬敞舒適，牆身以五彩繽紛為主，掛上民族裝飾充滿異國風情，適合多人聚會。香料咖哩牛腩 – $68濃稠的咖哩有著多種香濃的印度香料味，帶有微微辛辣，多塊牛腩炆得軟腍細膩，牛味濃郁富有膠質。奶油咖哩魚柳 - $68香濃的印度咖哩有忌廉的順滑感，完全不辛辣，大大塊雪白肉厚的魚柳嫩滑多汁不腥。印度烤雞 - $48三塊肥美飽滿的無骨雞件嫩滑多汁而不乾柴，印度酸奶醃製令口感更加蓬鬆柔軟，塗滿特色風味的印度香料，再蘸上兩款醬汁，風味十足。燒牛舌 - $48一片片厚切的牛舌燒得外焦內嫩，咬開軟腍多汁富牛肉味，有豐腴的牛脂甘香。奶油烤餅 +$15印度家庭常見的麵餅，厚度較薄、口感也較紮實。蒜蓉烤餅 +$15膨脹得像薄餅般，有著鬆軟蓬鬆的口感，帶有陣陣蒜蓉香氣。印度香料奶茶 +$15跟配基本罐裝飲料，可升級其他飲品。那股濃郁辛香的茶味令人難忘，奶味相當明顯，有著濃濃的肉桂、丁香、茴香、荳蔻、胡椒等滋味。
繼續閱讀
印度野😘😘😘美味地道印度菜北角城市花園、地道印度人主理、廚師善用香料、融入菜餚、滋味濃郁、好惹味！特色印度馬賽克吊燈、彩圖、更顯印度色彩🤩✨奶油咖喱軟殼蟹$78有驚喜🤩、脆炸香口軟殼蟹、原隻上、攀爬在農夫包上、賣相吸睛、濃郁的香料咖喱、香氣四溢、帶有微辣的風味、與椰漿的甘甜相得益彰、搭配鬆軟、外脆內軟農夫包、麵包吸收咖喱的醇厚，口感層次豐富、美味可口、回味無窮😋😋+$30農夫包、烤烘金黃、外脆內軟綿綿、入口溶化！+$15芒果奶酪色澤金黃、滑順細膩、creamy與果香交融、帶來清新愉悅的口感享受😎✨菠菜牛腩咖喱$68菠菜蓉濃郁creamy、香氣撲鼻、菠菜的清香與牛腩的濃郁肉味交融、辛香料為菜餚增添層次、口感滑順、齒頰留香、回味無窮！+$15奶油薄餅薄餅柔軟帶質感、奶油香濃滑順、微鹹香的口感與香料相輝映、讓人心滿意足、飽肚滿足😌✨蒜香牛油雞翼$48雞翼外皮酥脆、內嫩多汁、蒜香濃郁、牛油香滑、微辣的調味令人垂涎、是完美印度的美味小吃😁✨印度烤雞$48色澤紅亮、外皮香脆、印度香料腌製、融合了香菜、辣椒和檸檬的風味，味道層次分明、咬一口、濃厚的香氣、充塞口腔、蘸點醬汁、更滋味又惹味😃✨巨型咖喱角$48咖喱角外皮金黃酥脆、內餡豐富、香氣四溢、咖喱的香辛料與馬鈴薯、豌豆的鮮甜交織、口感豐滿、搭配酸辣醬、色彩鮮艷、令人垂涎🤤✨油炸酥皮餅$28油炸脆皮餅、外層金黃酥脆、內裡鬆軟、口感對比鮮明、搭配香料和醬料、味道濃郁❤️印度野北角城市花園233號城市花園商場第10座地下G45號舖港鐵炮台山站B出口，步行約6分鐘
繼續閱讀