影片
5-5-2007 1338某日係附近經過，在樓下入口無意中發現這間食店的燈箱，這個毫不起眼的熟食巿場都有印度餐食？趁今日放工後，去圖書館借碟前，順便係隔離食個lunch。這裡的熟食巿場非常細，只有兩三間舖頭，其中一間已準備打烊，而呢度亦只有兩三檯客，但亦有人叫外賣，以咁隱蔽的地方及呢個鐘數，都算係咁。這裡一至六都有午餐供應，通常黎親呢類地方，我會叫Mutton Masala (馬沙立羊肉)，今日就轉一轉口味，叫了咖喱蝦配plain nann (烤餅)，及加10蚊轉為salt lassi (印度酸奶)。餐還包一碗餐湯，為印式雞湯，除左油稍為多左少少外，起碼叫做有基本的雞香味，都不差。等左一陣主菜上場，烤餅會比一般的軟身，唔駛點汁都覺得鬆軟；咖喱蝦用了約中蝦的尺碼，約有7舊到，咖喱汁還有薑絲，辣度當然不及Masala 勁，都幾適中；而salt lassi 另有一番風味，但始終喜歡甜。埋單共43蚊，如比較在五洲大廈內的雙辣屋及其環境，無疑是貴左些少，不過呢度食的是另一番風味。
繼續閱讀