印度及巴基斯坦咖哩屋 (已結業)

已經去過呢間食左好幾次晚飯，每一次既食物都係咁有水準！今次五個人去食，叫左兩碟炒飯（一個雞肉一個羊肉）、一個芝士薄餅、乳酪同埋雞串沙律。炒飯真係好香，羊肉同埋雞肉兩款都好食，我鍾意羊肉多D，覺得羊肉味同黃咖哩隻味好夾。芝士薄餅芝士味夠濃，下次會再叫。乳酪夠奶味，落少少係炒飯度原來又幾好。雞串沙律朋友話好食，不過我唔鍾意食入面D豆，所以食得好少。服務都幾好，我地一行五個人，店員拉多左張枱俾我地，坐得舒服好多。埋單一人都係三十幾蚊，真係超抵食！

4個人去吃晚飯，點了4道菜，不計汽水，每個人不到$34，價錢絕無問題。去到的時候不到19時，全場竟然一個人都沒有……除了雜肉燒烤拼盤和芝士薄餅的焦度個人不能接受(本人極討厭焦味)之外，芝士薄餅、乳酪雜菜、羊肉咖哩炒飯的水準和用料都絕對值得讚賞！熱辣辣的芝士薄餅的芝心不是某連鎖店的糕狀物，而是令人回味的半流質芝士，芝味一流！皮也有濃香，要是師傅沒失手燒焦那麼多，一定好吃得令我痛哭流涕！乳酪雜菜的味道有點像沙律醬的那種酸味和口感加上新鮮奶油的味道和香味，不只味道絕不奇怪，用來混炒飯、燒肉吃，效果一流！羊肉咖哩炒飯實在正點！很久沒吃過這種濃香的炒飯！平時我吃到的，多半只有顏色……

最近呢間餐廳又換左檯凳同Menu，唔知係咪又轉手，可能真係生意唔好卦，或者土瓜灣既街坊唔係咁鍾意食咖哩啦。我未試過晏晝去食，次次都係夜晚去，每次去D食物都好正常喎。今次兩個人去，叫左羊肉炒飯，仲有一客薄餅，再加多兜咖喱羊肉添。（叫咁多羊係因為女朋友鍾意食羊，其實羊之外仲可以揀雞肉同牛肉）芝士薄餅有淡淡芝士味，隨餅送多碟人地整沙律用既蔬果畀你，有青瓜、番茄、洋蔥，都係生既。薄餅夾埋D蔬果，點埋青咖喱一齊食，感覺幾fresh。咖喱羊肉會跟埋一塊細牛油薄餅畀你，味道OK，送飯唔錯。羊肉炒飯算香，就咁當碟頭飯黎食都已經唔錯。去食印度野梗係要食咖喱炒飯，唔通食白飯咩？炒飯香口之餘又唔怕食冷飯（炒冷飯仲正添啦）。食到飽飽埋單每人都唔使$40，都幾抵食。老實講，要將呢間餐廳同重慶大廈既比較就無謂啦，但土瓜灣都食到咁既水準，又唔使專特出尖沙咀同人迫，收貨有餘啦。

呢家是新接手的,之前的已幫襯過幾次,薄餅跟旺角的新疆回族薄餅差不多,今午去試下新的手勢!去到見佢地食飯時間都無客,覺得奇怪,原來大熱天時吾開冷氣,咁咪等於打邊爐無冷氣,真係搵鬼堂食,所以叫了外賣~咖哩羊肉套餐..再加薄餅二件!套餐跟飯同餐茶$30,價錢算OK!開始進餐,可能我是他們的第一個客,打開個飯盒,想咖哩撈飯,點知睇見D飯一粒粒,又有D一舊舊,又吾熱,已心知不妙,試後真係冷飯(格夜),估吾到今時今日仲有人咁做,真係當D客傻既!心想算啦,仲有薄餅,...點知!食落件餅竟然硬掘掘,又係吾新鮮既!如果新鮮D餅是鬆軟..帶小小脆家嘛!真是豈有此理!至於咖哩羊..羊肉算"林",但咖哩就死辣,而且油太多,並無香味可言!唯一可讚的是杯拉茶,香..滑..OK!其他都不值一提!如果大家要試,最好下午後才去,等D格夜食品沽清,咁...你就有新鮮的啊!