印尼沙爹屋

營業中

休息中

一出筲箕灣地鐵站B出口，就被串燒嘅香味吸引，雖唔係肚餓，但都忍唔住買了一串沙爹牛。牛有少少乾，但個沙爹醬好好味，食一串有d唔夠喉😂，下次路過再幫襯其他串燒！支持香港小店！

朋友食過好食；有一日揸車遊車河去揾食，諗唔到去邊食。朋友就突然想起食串燒，便提議佢好耐無去的印尼沙嗲屋，一致決定後便起步前往。揸車人士不怕無地方泊車，因為附近有好多時租停車場和錶位，因當時晚飯黃金時段，所以附近錶位已滿便隨意進入停車場泊車，當日選擇了峻峰花園的敏記停車場泊車，停車場位置離印尼沙嗲屋只是一條街。去到沙嗲屋，是沒有堂食的，鋪面前放置了一個著了燈的餐牌，只要在餐牌選好了自己想要的美食，向在前方職員說你想要的美食，落好單付錢等叫號取便可。當日我們點了沙嗲豬、牛、雞各三串、沙嗲雞扒飯和沙嗲豬頸肉飯、碳燒魷魚鬚及燒白鱔，價錢合理唔貴。因為外賣無堂食，取餐後我們便駕車到山頂道的的涼亭享用美食，一開始先食了沙嗲牛肉串，每串肉串都好大好足料，每串都食到碳火既味道，最出色都係佢嘅沙嗲汁，感覺是自家調配，偏辣的，和平時吃到的沙嗲汁不同，相當特別。但最最最出色其實係燒白鱔，肉嫩味美，用燒既方法相當惹味，必點之一！最後評價係一間想起食串燒會先記得既食店之一🤤

今日，我去咗間平平地嘅小店，心諗：「味道最緊要，裝修什麼的都係浮雲！」店內嘅沙爹串燒，一試愛上口。實不相瞞，我吃過好多間食沙爹，但呢度嘅料理方式，有種家庭式嘅貼心味道。🍢我揀咗三款肉類嘅沙爹 - 牛、羊、豬。牛肉沙爹嘅味道夠晒醇厚，俾人印象深刻；羊肉方面，夠哂肉味、唔會太羶，臘臘地嘅口感同沙爹醬嘅配合，簡直「正到彈」！豬肉嘅沙爹就真係令人回味無窮，肥瘦適中咁口感豐富，每啖咬落去都令人嗌「靚！」😋而且，店家嘅沙爹醬正宗到不得了，濃郁嘅花生香氣，同麻麻哋嘅微辣，真係百吃不膩。係咀嚼間，可以感受到肉質柔軟、汁液噴發，想點形容都覺得言不及意！嗲嗲地嘅甜，兜住辣和香，食咗一串又一串，真心覺得世界都美好咗。😍總之，呢家店嘅沙爹，絕對係街市隱世美食嘅代表。要評分嘅話，我會俾滿分逐顆星。可惜啲咩? 可惜，一個人只有一個胃，下次我一定要叫多幾個朋友，一齊嚟享受呢份實在嘅快樂！👍

🍗🐟🥩餐廳名: 印尼沙爹屋地區: 筲箕灣評語:沙爹雞肉 HK$13 - 未係燒到最滑秘製燒白鱔 HK$35 - 鱔肉幾滑夠油 不過以呢個價錢好似少貴炭燒牛舌 HK$15 - 燒得乾左少少結論: 本身以為好有串燒風味 叫左三串 點知有少少失色 點都好 都係即燒串燒 係熱辣辣既環境衛生: 🌕🌕🌕🌑🌑食物味道: 🌕🌕🌕🌑🌑服務態度: 🌕🌕🌕🌗🌑

每次去東大街食嘢，一出地鐵站都會聞到一陣强勁嘅燒烤味，來自呢間印尼沙爹屋。今日等friend 未到又見難得唔駛排長龍，忍唔住試吓。串燒幾多嘢揀，價錢$11起跳，叫咗豬同牛試試，即叫即燒，離遠都見佢個炭爐火光熊熊！咖喱大中少辣任揀，叫咗少辣。店員俾汁份量極慷慨，成串串燒掛滿汁😍😍豬肉瘦得嚟易咬，牛肉有咬口，兩者肉質都幾好。沙爹醬濃度恰到好處唔會太稀，花生粒滿滿，口感甜得嚟有辣勁，肉就帶有濃烈嘅炭燒香味，一入口好食到停唔到口。雖說是街頭小店，質素勝過好多餐廳，難怪嚟買串燒嘅人未停過！如係串燒愛好者，經過筲箕灣絕對值得一試。

帶屋企人黎掃街，一定要帶佢地黎試印尼沙嗲屋。是日係星期日, 人龍不算多，落單都好快手點了3串豬肉和3串牛肉，一攞上手香噴噴滿滿嘅沙嗲汁，唔會濃到搶咗豬肉同牛肉嘅味道，而且沙嗲汁好多，食極都有。沙嗲汁絕對係精髓，勁香花生味。屋企都食到好滿足

筲箕灣街頭香到街尾串燒 因為佢一間店 搞到呢到 keep住煙霧離漫 平時中午冇人 通常夜晚開始多人排隊 等緊旁邊pancake果時 見到都幾多人買串燒 吸引左我試試.⭐️雞/牛/豬串燒$14 如果點⭐️招牌沙嗲飯$48 有各1串圍番叫飯都係加$6 所以直接試哂3串叫飯佢地用外賣盒裝住 ok多沙嗲汁 同埋菜😋醬汁係佢重點 夠辣 重沙嗲味 會食到好多花生香料粒粒👍🏻最鐘意豬肉串燒 佢肉質最腍 而且最入味🤦🏻‍♀️牛肉好硬 咬唔到 唔多講如果你唔鍾意食豬肉 可以食雞肉如果下次比我選擇 可能我會揀3豬 或2豬1雞🔥今次串燒叫咗小辣 冬天食 都辣到有小小出汗.雖然佢幾好食 醬汁都特別但我最鐘意都係港式蜜糖沙嗲汁🤣.#hkfunfoodrecord窮遊香港#hkfunfoodrecord_筲箕灣.#印尼沙爹屋 (筲箕灣)地址：筲箕灣筲箕灣東大街76D地下.⭐️評分：味道：3.5/5 串燒keep住煙到旁邊店舖🤣牛肉1.5分環境：-/5服務：-/5抵食：3.5/5.鐘意睇野食既朋友仔 記住幫手like分享 同撳埋右上鐘仔超感謝你嘅支持🙏🏻一齊見證我脂肪成長.‼️想睇更多資訊‼️呢邊有貓貓睇：@hkfuncatr

聽聞去東大街一定要食呢度嘅沙嗲外賣店舖排長龍，抽油煙機對住排隊個位出氣，排隊時都聞到陣陣香氣😲🔥串燒牛舌（$15）· 豬頸肉（$26）· 牛扒（$25）等咗大概15分鐘左右就有得食，都唔算太耐👍🏻 lucky 🍀 醬汁係沙嗲汁，質地好厚身，好香濃，仲有花生粒粒，送飯或撈麵真係一流👏🏻睇住佢哋用炭火燒肉，燒到食物有少少燒燶邊，食落口好香炭火味🙌🏻 豬頸肉都幾爽口，牛舌同牛脷算係薄切，唔會太靭😉 一定要試吓

啱啱今日嚟到筲箕灣同朋友食嘢朋友就介紹我去食蕃茄焗豬扒飯咁食完之後，我介紹返佢去隔離搵一間《印尼沙嗲屋》食沙嗲串燒互相分享一下好西每一次都想食下啲沙嗲豬扒飯牛扒飯咁樣好想試吓佢個沙嗲醬配攞飯底會係咩效果？但係嚟到次次都想試多幾種唔同嘅串燒所以都冇機會試吓個飯底因為怕太飽食唔到其他嘢今日叫咗牛扒 / 豬頸肉/ 牛舌 輕食一下炭燒牛舌喺舖頭門口基本上你都見到佢用炭火燒串燒牛舌係充滿炭香味牛味都好濃厚配上佢哋沙嗲汁係好惹味！每次到筲箕灣都係必食推介！牛扒牛扒燒到外皮係焦香脆口食落水份並沒有流失肉質軟嫩牛扒係都好好食！豬頸肉豬頸肉脂肪比較多燒出嚟有一種油脂香食落口感爽口 配搭上沙嗲惹味係完美嘅配合！可以不停咁樣瘋狂吸入正！好食！

📍$13沙爹牛肉🐂📍$13沙嗲雞肉🐓📍$13沙嗲豬頸肉x2🐖📍$35秘製燒白鱔🐍📍$23魷魚🦑港島東掃街必食之選👍🏻炭燒味🔥由出地鐵站開始街頭香到街尾，你一定唔會miss【味道】 • 沙爹牛肉🐂因為係外賣，等咗陣先食，凍咗有啲硬，不過還可以 • 沙嗲雞肉🐓永遠唔會輸嘅肉串 • 沙嗲豬頸肉x2🐖永遠唔會輸嘅肉串x2，好嫩好多汁 • 秘製燒白鱔🐍冇諗過白鱔🐍都有得燒，配埋個沙嗲醬好好味 • 魷魚🦑唔會好厚，唔會好硬，唔會好乾，而且好juicy所有串燒個炭燒味🔥都好膿，聽講唔係間間餐廳都用真炭燒🔥，呢間應該係碩果僅存嘅炭燒🔥餐廳【環境】喺正筲箕灣地鐵站出口同大東街旁邊，一定唔會搵唔到佢全部外賣冇得堂食，如果去到先排隊應該等45分鐘都買唔到建議先打電話落單，記住個牌號🎟不過唔記得都唔緊要，佢有你電話☎️，會搵得返你

特登去筲箕灣試下個串燒沙嗲醬好梗要夠花生味吾可以咁稀我一早落左order 過左半個鐘都仲夠熱既佢哋將外賣放晒門口張枱有好多人買外賣拎走每件份量都幾足 吾會系hea你魷魚加埋啲醬正加埋啲醬都幾正 夠惹味肉都夠嫩夠滑 好有驚喜埋單100蚊

黎到東大街附近，好多人都會掃街，今日試左呢間沙爹串燒店。我地揀左好多款串燒：（佢地既沙爹醬好好味，好濃好掛汁，微甜，而且有加少少花生🥜，增加口感）🤌🏻秘製燒白鱔：最推介，肉質好彈牙，完全冇泥味或者腥味，非常好食！🤤🤌🏻沙爹牛扒：好林，類似牛柳，口感不錯。🤌🏻沙爹豬頸肉：好爽好彈牙🤌🏻沙爹牛肉：因為細細粒，比牛扒沾到更多汁🤌🏻沙爹雞肉：標準，彈牙滑既。不過，佢只有外賣，想即時食就只好去附近公園了，不過應該係東大街食野既常態吧🤜🏻

.📍印尼沙爹屋📍#饅頭去筲箕灣 #饅頭食印尼菜 #饅頭的掃街系列------------------------------1️⃣ 沙爹牛肉 ($13)2️⃣ 沙爹羊肉 ($14)3️⃣ 沙爹豬肉 ($13)因為要遷就唔太食到辣嘅同行友人🫡，小編今次就揀咗小辣嘅沙爹醬。我覺得呢度嘅沙爹質地非常濃稠😚，結遢遢咁會見到入面啲香茅、薑蒜蓉同花生粒，味道上反而係以辛香料味道(特別係黃薑😍) 為主，辣味較香濃突出，為舌尖帶嚟真實嘅刺激感，花生味道雖然明顯，但相較香辣反倒成為配角，主要用作點綴，令沙爹味道層次冇咁單一，甜味亦相比一般沙爹醬低，係我好鐘意嘅調味同質地，配烤過嘅肉嚟食真係好惹味😆。肉類我哋就揀咗牛肉豬，用碳火燒過嘅肉帶有些微碳燻香，過小一段時間食都依然keep到溫度，再喺燥熱嘅辛香料加持下，食完感覺人都升溫咗幾度🥵，非常適合喺冬天食。牛羊豬唔會片到好薄，三都肉質都足夠鮮嫩軟腍唔嚡口💯，牛可以話係完全冇筋，牛味濃郁突出；羊肉係我認為最好食嘅一款，嗰陣由肉汁散發出嚟羊羶香明顯但唔霸道，配沙爹醬真係OMG；豬肉比嘅部位亦係半肥瘦，脂香四溢。我最欣賞嘅係呢度嘅沙嗲醬濃郁得嚟又唔會蓋過肉味，感覺肉同醬兩者都

行完 龍脊回程入夜了，回程來到筲箕灣已經餓到不行了，我們出發到行山前後在這裏著名食街東大街「掃街」！ 看到很多舖門前都有一堆人在等外賣，非常熱鬧！ 看到甚麼就想吃甚塺遠處聞到一陣陣香燒肉味道，我們便首先試這間印尼串燒先印尼沙嗲屋鮮魷 ：會分做 2串，不會過韌、不會太硬，火喉控制得好，鮮魷有咬口，鮮味不流失，不會很乾雞腎：薄片，比較淋沙嗲汁叫左唔辣，好濃。花生味好重，可咬到粒粒花生有機會會再返黎試其他串

東大街成條都係食街，而呢間只係做外賣為主，係其中一間出名小店，閒日去都幾多人排隊。有午市飯餐，見佢地做到冇停手，好好生意。淨要串燒嘅話要等耐少少。沙嗲汁要左小辣，辣味比想像中突出，好惹味，但唔會辣到搶哂focus。嗰醬夠濃味，花生味都好出，就咁食會偏咸但用黎撈飯一流。要左豬頸肉($25)反而一般，可能有咬口得濟唔太襯做串燒，食落比較韌，性價比冇咁高。仲要左羊肉($14)，羊味冇比沙嗲蓋過，都唔錯。雞($13)夠滑，仲有肉汁。最後要左秘製燒白鱔($30)冇骨，食落夠滑，魚味幾出，不過就貴左啲。