99
25
6
港鐵筲箕灣站 B1 出口, 步行約1分鐘 繼續閱讀
所有分店 (2)
電話號碼
28865796
附加資料
惠顧滿$200以上設有外賣送貨服務
營業時間
今日營業
16:00 - 00:30
星期一
全日休息
星期二至日
16:00 - 00:30
付款方式
現金
座位數目
12
其他資料
泊車 詳細介紹
電話訂座
食評 (154)
等級4 2020-06-15
325 瀏覽
或許「武漢肺炎」的實際殺傷力和影響力,比我在十七年前遇過的「沙士」更加厲害,結果一條本來十分熱鬧,擠滿食客的著名食街「筲箕灣東大街」,忽然變得人流稀疏,死寂一片。有些食店例如著名印尼菜食店「印尼沙爹屋」,也因為「武漢肺炎」的關係,食店店已經沒有再安排在晚上,於店外放置摺檯膠櫈,讓食客即場享用擁有濃厚甜味的印尼沙嗲醬串燒食品。不過我沒有所謂,今晚阿媽在家裡面的晚餐,剛剛好還有煎黑椒薄切牛扒作為餸菜,只是牛扒實際製成品的份量,始終不及「牛腩」那麼滿足我對「牛肉」的強烈渴求,所以我在「印尼沙爹屋」付款購買了一塊「沙爹牛扒」。「印尼沙爹屋」裡面負責製作沙嗲食品的師傅,很快就順利製作完成,有大量甜辣味沙嗲醬包圍,而且已經切成很多塊的切件「沙爹牛扒」。恰巧我在「筲箕灣東大街」的另一個角落,購買了一杯甜味的手調台式「水蜜桃紅茶」飲品,讓我可以一個人拿着外賣「水蜜桃紅茶」跟「沙爹牛扒」,坐在公園長櫈上面慢慢享用「沙爹牛扒」宵夜。「印尼沙爹屋」廚房製作的「沙爹牛扒」雖然被切成很多小塊,但是「沙爹牛扒」的實際口感,仍然被「印尼沙爹屋」廚房師傅燒得很軟腍又沒有筋,牛肉很容易被牙齒直接撕開和嚼爛。最重要的是「印尼沙爹屋」的「沙爹牛扒」,「沙爹牛扒」裡面的「沙嗲醬」實際味道非常甜美,甜美到讓當時的我有強烈衝動,想把甜味「沙嗲醬」完全舔得一乾二淨。不過我的理性後來忽然告訴我知道,一般製作印尼「沙嗲醬」的實際過程裡面,在所難免地需要加入不少甜味調味料,例如「糖」、「椰奶」去調味,所以「沙嗲醬」實際的「糖」含量之高,絕對非善男信女的級數。所以我最後無奈放棄,放棄享用「印尼沙爹屋」廚房師傅製作完成「沙爹牛扒」之後,浸淫着切件「沙爹牛扒」的大量甜味「沙嗲醬」。下次如果再有機會來「筲箕灣東大街」的話,我覺得應該花多點錢,購買享用「印尼沙爹屋」廚房師傅製作,擁有大量甜味「沙嗲醬」的「沙爹牛肉飯」。 繼續閱讀
(以上食評乃用戶個人意見 , 並不代表OpenRice之觀點。)
等級2 2020-07-22
33 瀏覽
幫襯咗好多年,每次都買成百蚊。呢兩次都好失望,上次好Un.今次啲羊,一反底睇,全部黑晒。其他豬/牛/牛脷未試。其實佢啲肉一向算正常,個汁同燒烤味係忠誠咁多年嘅理由,偏甜,有香料味,又有花生,燒烤味,好易入口。所以特別落飯。先去幫襯咁多年。好想問老闆,係咪排隊就唔休做?係咪見附近無乜印尼沙嗲,就可以唔控制品質?我希望只係因為你老咗,大意,如果係咁,請多加留意。有老人家眼唔好,會食壞人。買咗:羊x3牛x2豬x1牛脷x1 繼續閱讀
(以上食評乃用戶個人意見 , 並不代表OpenRice之觀點。)
等級3 2020-06-24
119 瀏覽
每次去東大街,地鐵站一出就聞到燒烤味。 呢間印尼沙爹D串燒有水準架,今次食雞沙爹,豬沙爹同鱔沙爹🐥🐷 ,雖然咩野料都係用同個醬!但三種唔同沙爹肉味夠又多汁(不過豬肉可以再燒耐D),唔會比沙爹醬蓋曬,呢D真係功夫呀👍🏻 繼續閱讀
(以上食評乃用戶個人意見 , 並不代表OpenRice之觀點。)
等級3 2020-05-05
395 瀏覽
同題目一樣,你去過東大街,你無食過呢間野唔好話你去過,呢間係我朋友推薦我,佢就係用呢句推薦我黎食,咁我開頭叫左雞、豬、牛串,係外賣企係街邊食既!呢度個沙嗲汁係老闆秘製的汁超級好食 好食到我忍唔住再叫多份真係想飲埋d汁或者我想買個汁返去之後我再叫左個雞肉串同埋魷魚串,但個魷魚串係唔夠熱不過都熟既放心臨走時我仲幫襯左買門口的炸蝦片返屋企因為印尼人做的炸蝦片一定無得輸果然返到去食不負我所望大家去東大街記得幫襯 繼續閱讀
(以上食評乃用戶個人意見 , 並不代表OpenRice之觀點。)
等級3 2020-02-09
770 瀏覽
之前試過一次六點幾黎到想買印尼黄薑飯食,結果賣晒,食閉門羹。今晚再接再厲,抱住失望既心理準備去,結果竟然有,因為我去到都已經八點幾。今晚依然係好多人排隊買外賣。買完等左一陣,比想像中快就有啦。去左隔離個小公園食。打開個飯盒,估唔到有餸架,我以為剩係得黄薑飯,點知仲有一隻雞翼,一塊牛脷,一塊薯仔,兩塊青瓜,花生粒仲有蛋絲。成件事變得好豐富。食落好有印尼風味,飯粒粒分明,係我鍾意既乾身飯。牛脷夠淋,花生夠香口,只係雞翼偏乾。整體黎講都ok。留意返印尼黄薑飯得星期六日先有供應。 繼續閱讀
(以上食評乃用戶個人意見 , 並不代表OpenRice之觀點。)