23
0
1
港鐵深水埗站 A2 出口, 步行約3分鐘 繼續閱讀
電話號碼
94302449
開飯介紹
餐廳裝修簡單,主打西式菜餚,選材新鮮,價錢亦相對親民。 繼續閱讀
營業時間
今日營業
11:00 - 22:00
星期一至日
11:00 - 22:00
付款方式
Visa AlipayHK 支付寶 現金 八達通 微信支付
其他資料
Wi-Fi
電話訂座
以上資料只供參考, 請與餐廳確認詳情
食評 (27)
等級4 2022-02-08
267 瀏覽
本小姐兩年來都冇出個post,今次出文當然就係有啲問題啦。話說農曆新年前冇耐行過SSP,見到間「卡邦尼餐廳」Wow好吸引人嘅餐廳名,正所謂一聽就嚇一跳,食落就得啖笑!做人呢原來真係唔使太認真。入到去餐廳,正因為個名叫卡邦尼,就諗住叫個卡邦尼意粉試下,點知佢話今日賣曬 ,咁就唯有選擇其他嘢啦。燴牛脷,係我嘅second choice。首先嚟嘅係一個紅湯,即係羅宋湯, Oh No!唔係呀化?!稀nel nel,完全好似係用茄汁開水 (有圖有真相呀),然後掉啲蔬菜滾兩嘢咁樣,完全接受唔到。燴牛脷飯,個蒜蓉汁鹹到mummy都唔認得,而且個汁係行貨溝出嚟嘅,兩片牛脷,睇嚟係雪咗好耐,食得出仲有雪氣味,又唔夠淋,硬過柴皮,亦冇牛脷香,真係頹飯一碟。請我都唔會再嚟食! 繼續閱讀
(以上食評乃用戶個人意見 , 並不代表OpenRice之觀點。)
等級3 2021-08-21
618 瀏覽
復活節嗰個星期五比朋友捉咗落深水埗,佢話想買啲電腦嘢但唔想自己一個去黃金,我就對電腦嘢一啲認識都冇,不過就當係岀去hea之後一齊食埋飯啦。買完就不斷邊行邊揾餐廳,行下行下都行到差唔多六點,喺長沙灣道見有間個樣好港式嘅意大利餐廳,價格都幾平,就入咗去。前菜叫咗碟「泰式魚餅」,另外跟餐會有是日例湯同餐飲,即係紅蘿蔔湯同凍檸茶。魚餅食落好似韓式魚餅,勝在夠熱,湯味道比想像中濃,整體唔錯。既然餐廳名叫做卡邦尼餐廳咁主菜就當然要試下佢個卡邦尼意粉啦,雖然餐廳風格好似港式茶餐廳,但係意粉嘅醬汁唔係港式白汁意粉嗰啲,加埋啲煙肉喺上面同芝士嘅香味,冇得頂。埋單70蚊都唔駛可以食到個似樣嘅意粉同埋一個小食,真心平,下次可以再encore。 繼續閱讀
(以上食評乃用戶個人意見 , 並不代表OpenRice之觀點。)
等級4 2021-06-30
605 瀏覽
今日去開深水埗買電子產品,經過一間好抵食嘅餐廳叫卡邦尼餐廳。呢間餐廳專系食平價西餐,臨到糧尾梗係要試吓佢啦。我同朋友一行二人入到去就自己搵位坐低呢度嘅餐牌已經寫晒喺牆上面嘅黑板價錢都好平民化,大約50至$60左右就有交易。我哋加埋點左兩個餐,我就點左煙三文魚天使麵,友人就點左西式豬扒。啱啱點完餐,店員就即刻上咗兩個細湯俾我哋。我哋選咗蘑菇湯同羅宋湯,鍾意淡口嘅朋友可以揀蘑菇湯,鍾意酸酸美味嘅朋友可以揀羅宋湯。而我個人呢就鍾意飲羅宋湯多啲啦!飲完個湯 ,主菜就到啦。煙三文魚天使麵都唔錯天使麵啤梨白汁完全包住識落好creamy!唯一係啲煙三文魚味道比較濃味,但係整體呢都好好食。朋友嗰個餐就係西式豬扒配薯條。我哋揀咗配黑椒汁。店員好貼心咁送上蕃茄醬 俾我哋點薯條乍起脆脆嘅好好味。豬扒識落肉質豐富一啲都唔差口。如果啲黑椒汁調味跳得淡一啲就完美喇。跟餐中包埋一杯飲品呀,我哋選咗凍奶茶同鹹檸七。值得推介嘅就係鹹檸七凍冰冰,飲落好爽嘅。整體來講呢間餐廳真係好抵食,兩個人埋單都係$100多少少可以講係平民食堂。下次經過深水埗都可以再試吓其他套餐。 繼續閱讀
(以上食評乃用戶個人意見 , 並不代表OpenRice之觀點。)
等級4 2021-06-29
360 瀏覽
係深水埗行街買嘢見到呢間黃色裝修風格嘅卡邦尼餐廳,都幾懷舊咁,咁就歎下返個下午茶先。餐廳座位都幾寬闊,侍應好熱情招呼。嗌左個炸魚柳薯條🍟 好邪惡😂 成個餐跟埋嘢飲都幾抵食,有三大舊炸魚柳👍🏻 個魚柳炸得勁好,外衣炸得金黃酥脆又唔厚,睇得出係新鮮魚柳肉,仲有汁添,一啖又一啖,停唔到口。薯條都唔差,好鐘意粗身薯條,薯條一樣岩岩炸起,好脆口。我想講啲薯條勁足料囉,食唔曬咁多😂 下次試埋晚餐先個價錢都幾抵食。 繼續閱讀
(以上食評乃用戶個人意見 , 並不代表OpenRice之觀點。)
等級4 2021-06-28
270 瀏覽
位於深水埗的港式西餐廳,簡樸的設計,平民價錢。雖然名叫卡邦尼,但不只提供卡邦尼類的意粉,餐牌有各式扒類、薯菜、咖喱焗飯等。是日餐湯:南瓜湯橙黃色的南瓜湯,質感非常濃稠,嚐得出粒粒南瓜蓉。全日精選餐:香煎西冷牛扒配薯菜精選套餐奉送餐湯及餐飲。伴牛扒的醬汁是黑椒汁。牛扒不算薄片,雖近乎全熟,切下去牛肉算腍,而且咬下去不多筋腱,也沒有太多肥肉部份。淋上黑椒汁,味道頓時提升。配菜可以挑選白飯、意粉或薯菜。沒想到薯菜竟然有驚喜的,蔬菜以蒜蓉炒過,更加惹味香口。薯條是那種舊式茶餐廳常見的粗薯條。 繼續閱讀
(以上食評乃用戶個人意見 , 並不代表OpenRice之觀點。)