博日本料理 (已結業)

位置不起眼，但食後感不得不提筆點讚希望將好野分享。全店裝修正常，光猛坐位約20多。食物種類尚多，有魚生🍣、🦪、串燒🍢、拉麵🍲，价格也算相當合理🤑，所以不得不推荐給大家，分享分享🤘。魚生每天有飛機貨，保証新鲜，魚生師傅態度親和，關注每位客人的特别需要，因我是個麻烦的食客，很多貝類都不吃，師傅也细心照顧，當晚我感受有如Omakase的招待，收費絕對是開心價🥳串燒有日本雞屁股，哈哈😂，大家可以一試又香又滑的滋味，牛舌，吉列朱排，吉列蠔也好yummy…….! 從食物中完全感受到師傅用心制作，不是在屋邨交行貨。是次特別執筆去寫是真心喜歡及支持，希望小店在現今社會經濟差的環境下，繼續保持水準及支持下去。I must be back again & again!!!

今天下午路過此店，見門口的餐牌內容幾吸引，有各種套餐，什至有池魚及鲭魚刺生，便入去試試。最後，叫了個七色魚生丼，等餐時間適中，雖然碗和匙羹有點不夠日色，但魚生都幾新鮮，不用wasabi, 只加少點豉油便很有鮮味，入口正常，味噌湯又不是味精湯，蒸蛋和沙律正常，埋單不需200元。

ig: xoxofoodieee今日同同事放lunch心情已經差 諗住食好嘢平伏下心情點知仲衰過唔食😞睇下menu 見到個「七色魚生飯」好似幾吸引 點知…海膽勁臭 超腥 超唔新鮮 🤮魚生厚度超唔合理七色魚生飯 每片魚生都好厚厚到好似食扒咁🥲分量合理 但感覺似懶得切性價比好低 唔會想再去食😶壽司飯溫度適中 酸度適中魚生包括兩塊三文魚（厚切）(正常)一隻灸燒帶子 (正常)海膽(極臭極難食)鯛魚 (微腥 厚切)油甘魚 (okay正常 厚切)大蝦 (甜 正常 蝦頭微腥)吞拿魚蓉 (成個飯最好食)如果仲有下次嘅話 唔會食魚生🤨

店內超吵，上菜極慢。佢試業初期，見屋企附近開左。買左個外賣刺身丼。入面本身寫明有元貝但係打開見到冇左。冇唒元貝係完全唔出聲靜雞雞換左。仲要等左接近45分鐘。好啦。開返堂食，打算比多次機會佢。一入去樓面超無禮貌，全店又吵又啤住你。咁佢行泥一開口第一句問：做咩？我心諗咪食飯。唔係做咩。答佢二人，堂食。佢聽完一聲唔出行左去。我同女朋友都唔知咩事。佢直接超大聲話。過泥啦等咩。坐低之後又係唔想做咁。一泥就：食乜？日本餐廳嘅價錢花園餐廳嘅服務。以後唔會再食。😀

呢間喺美孚嘅街坊日式餐廳 真係好隱世 唔係住呢度附近 真係唔會知道呢度有間餐廳🍴而家佢哋嘅午市套餐 仲做緊外賣優惠 超級抵食 上次就嗌左個豚肉泡菜鍋 真係超大兜 豬肉好多塊 而且好滑！除左豬肉仲有超多配菜 唔洗食個飯都夠飽 好滿足🥰

呢間美孚嘅日式餐廳真係超抵食🤑上次就介紹過黑豚泡菜鍋🍲今次就食番啲日式啲嘅定食🍱.📌鹽燒鯖魚配飯 $68 -> $52折後$50 不過外賣要加$2 今次仲抵食過上次🤩一盒日式便當 有飯有餸有埋沙律都咁平😨兩舊鯖魚都好厚肉 燒得好香 鹽味唔會太鹹啱啱好🧂平時好驚鯖魚有陣腥味 但燒過之後再加啲檸檬汁 完全唔腥🍋我冇用到佢配嗰個汁 點左個沙律嘅醋汁 超夾 仲好開胃😚不過可能拎到番屋企耐左 外皮已經唔脆 同埋啲魚肉可能煮得過熟 有啲鞋唔夠滑😮‍💨個珍珠米一樣都好正 今次仲出色 有埋飯素😍喂 真係高質喎呢個飯‼️

餐廳細，座位不舒服。光線清潔度尚可。簡單一個晚餐定食，選了泡菜豚肉石鍋飯。職員告知石鍋飯不是用石鍋上 (已O咀)，是一碟餸菜+一碗白飯。其實係因為想食石鍋先幫襯，況且晚飯堂食重開，諗住支持吓小店 … 人都坐低咗，都無計。不過都講咗出口，話其實因為想食石鍋先坐低，禮貌建議職員更新返menu 非石鍋上，讓顧客自行決定。點知職員竟然回應：「哦，下次吖」無得頂 ! 唔緊要，嘈都嘥氣，生意唔係做一次，幾好食都保証無下次。食物誠言唔差，無意外無驚喜。食飽即走，祝君生存下去。p.s: 吧枱有客人在豆腐潤咁大間嘅舖內大叫大笑玩電子大話骰，嘈到自己隔離嘅人講嘢都聽唔到，令到料理店cheap到變大牌檔。絕無下次。

呢間喺美孚嘅日式餐廳真係夠晒隱世 唔係街坊真係唔會發現到👀而家疫情關係 所以淨係做外賣🥡有部分午市套餐仲做緊75折 超抵食🤑.📌黑豚泡菜鍋配飯 $92 -> $72折後$68 不過外賣要加$4 但係七十蚊嚟講都幾豐富🤩有一個鍋物+一大兜沙律+白飯😚覺得一間餐廳高唔高質 睇個飯就知😎呢到係用左珍珠米 夠米香又煙韌有口感🍚沙律菜份量十足 好新鮮 用左柚醋醬 酸酸甜甜🥗講番主菜 唔係普通豬肉片 真係黑豚肉靚豬嚟 食到陣肉味🐷total有六大片都可以😌下面底有超多配菜:粉絲, 豆腐, 娃娃菜, 大白菜, 冬菇, 金菇, 紅蘿蔔🥬🍄🥕味精唔多 我連個湯都飲埋 酸酸辣辣🌶就咁食呢兜野都飽🤣唯一唔好係…說好的泡菜冇左😮‍💨

呢間小店位置較偏僻，朋友介紹下，就搵左一個晚上來享受美食。有晚市定食，另有二款二人餐。我哋就揀咗一個較高級嘅會席料理「二人前」最初睇菜單，覺得好似一般，但係當每一樣食物上菜的時候，都有不同程度的驚喜。廚師推介刺身每一樣都好新鮮而且鮮甜。特別係帶子及拖羅食完就覺得值回票價一半。串燒三款不同串燒都睇見師傅嘅用心, 即燒即食，香氣撲鼻。壽司四貫及小卷出乎意料的驚喜，兩款手握壽司上嘅剌身真係入口即溶。小卷亦都新鮮。時令煮物每日都不同，由師傅選擇。當晚推介是汁燒魚頭。味道非常突出，而且增添左日式嘅味道。甜甜的。食完以上已經好飽了。餘下仲有手打牛肉烏冬，同埋飯後甜品，食完感覺真係大滿足。

餐廳師傅有誠意. 服務態度好 以呢個質素同埋呢個份量絕對對得住個價錢環境清靜可以舒舒服服休閒地食一餐 絕對冇好倉猝嘅感覺 咁我咁啱今次坐喺吧枱可以睇住壽司師傅慢慢咁整嘢食別有一番風味Wasabi係磨嗰啲 有心值得一讚

隱藏在居民區的日本餐廳，店不大，食物質素很高，從前菜開始就令人驚艷，蒸蛋、漬物，每一樣都做得很用心。我們選的Lunch Set有十貫壽司，所有食材都非常新鮮，海膽、白蝦、北海道帶子尤其鮮甜，手打喬麥麵口感冰爽Q彈。食完還可以去旁邊的荔枝角公園行行，和朋友約飯又多了一個好選擇👍👍👍

走到美孚呢個住宅區，之前試過隔離的Cafe 82，發現博日本料理呢間隱世日本菜，Weekend對自己好d一於試試。設計十分日式既門面，真係令人好懷念日本旅行既時光。位置不多，一邊吧台一邊4人枱，全場大約20個位，去到2點依然坐滿，望住各款刺身真係流曬口水我地叫左一份壽司定食配牛肉烏冬（$138）&安格斯牛肉壽喜燒（$148），價錢雖然唔算平，但呢個價錢包埋沙律/漬物/蒸蛋/味噌湯，性價比高沙律新鮮淋上柚子汁，漬物看似細碟但有蒜子/黃蘿蔔/牛蒡非常開胃，蒸蛋亦非常滑，食完呢四樣已經飽左一半主菜終於黎啦！壽司見到每件都係師傅人手準備，非常新鮮，組合都好完整有各款魚蝦帶子魚同軍艦；另一邊，壽喜燒湯底甜甜的，靚牛配日本米味道不錯，仲有好多菜同粉絲好入味，慢慢享受我既午餐。整體感覺非常滿意，餐廳一路播住輕快既日本歌，環境舒服，食物質素絕對對得住價錢，意外地付款時見到有9折，住宅區匿埋一間高質隱世日本菜，食完飯行去美孚嶺南之風公園散散步，渡過左一個好滿足既星期六

第一次係學校附近食午餐，見到呢間好似好多好評嘅日本餐廳，即管試吓。餐廳細細的，大概二十個座位左右，好彩今日係冇訂位嘅情況下都有位，不過要坐bar 枱，但感覺好似食omakase 咁，等緊上菜嘅時候，見到師傅係度整壽司，都幾好睇呀。午餐選擇都好多，我就揀咗七色魚生飯，仲包埋沙律、味噌湯、燉蛋。沙律菜夠新鮮，個汁酸酸地，好開胃好fresh; 味噌湯唔會死鹹；燉蛋都好滑好好味。主菜七色魚生飯真係堅得，有極鮮味海膽😋，又有大粒鮮甜帶子，蝦又係好大好甜，吞拿魚蓉好大pat，三文魚刺身都好厚好新鮮，加上又唔會太多飯，剛剛好每件刺身加一口飯，真係大滿足。朋友食壽司套餐連牛肉烏冬都非常吸引。總括嚟講，一定會再去試埋其他款式嘅午餐。

當日係星期六，大約下晝兩點，我地一行人大概等左15mins就有位坐，唔算等得好耐。入到去個裝修俾到我嘅感覺係好光猛、好乾淨，從餐廳嘅擺設睇得出老閣係對日本文化有深入了解嘅人，個環境俾到我嘅感覺係細緻同舒適嘅。我地都叫一樣嘅lunch set，全名就真係記唔到，不過個餐嘅重點係壽司十貫，印象中其他嘅餐好似有魚生飯、湯烏冬等等作為main course。成個set包左前菜、茶碗蒸、main、冷/熱蕎麥麵同餐湯。前菜係醃菜同沙律。醃菜係三種日本醃菜，分別係醃牛榜、醃蒜同埋醃蘿蔔。雖然我個人覺得如果就咁食，無飯配嘅話係有d咸，但係三種醃菜味道都十分獨特出色，尤其醃蒜簡直鶴立雞群，唔單止去除左蒜頭嘅辛辣，醃蒜嘅清爽口感更帶俾人一種食緊馬蹄嘅錯覺，十分有趣。侍應見我地食曬d前菜，就上茶碗蒸同麵豉湯。到我地食到咁上下時，師傅就整好左個壽司十貫。serve到上枱時，成個感覺好精緻同埋d魚生嘅色澤好光亮，一睇就知d食材新鮮。我地對每件壽司嘅味道都十分滿意，不約而同認為呢餐係物有所值。到最後侍應上埋冷蕎麥麵為整餐飯作結。當日我地人均消費大約$200。

適逢母親節老公話同我興㊗️吓，就帶我去食 Omakase ，咩嚟㗎？㕑師話事👍🏻魚生超新鮮特別！三文魚原來🉑️以爽口的（因為新鮮），靖魚刺身😱超甘甜，茶碗蒸🥚從來都唔食，不過今次輸咗，超🉐️；食品安排🉐️啱啱到位👍🏻重🈶️個燒牛舌，必定令你愛上🉐️。