南대門

好耐冇食韓式燒烤，睇到哩間餐廳幾抵食，咁試試。餐廳裝修得好韓風，晚市都提供套餐，最平288可以有埋烤肉同主食，唔錯。韓式前菜五款，一坐底就回送上五款韓式前菜，有辣白菜，涼拌菠菜等。其中醬醃魷魚爽口彈牙，辣白菜脆嫩得嚟唔會過鹹，酸蘿蔔清甜爽脆，全部都好好味。可樂同芬達，汽水搭配韓餐簡直一流，可樂氣足冰爽，芬達橙香突出，食濃味烤肉時飲一啖，瞬間沖刷油膩感。LA排骨，分量都幾大下，大大條排骨有3條。排骨用韓式辣醬醃制得超級入味，食落肉質彈牙又唔失嚼勁，啖啖肉香加咗少少甜辣風味，3件都唔夠食。醬醃薄切五花腩，五花腩片得厚薄均勻，已經預先用醬醃制。食落油脂香濃但完全唔膩。搭配新鮮生菜食更是一絕，菜葉清爽脆嫩，包裹住熱辣辣嘅五花腩，再加啲泡菜同醬汁，口感層次爆棚。辣牛肉湯，湯裡配料十足，有豆腐、蔬菜，牛肉，雞蛋等。湯底濃郁鮮辣，牛肉燉到極腍滑，一咬即化又保留肉香。成晚湯辣度溫和唔嗆喉，帶絲絲甜味同發酵豆香，用來拌飯食絕對一流。…查看更多

𓂪 𓂪 𓂪在繁華的尖沙咀金巴利道，藏着一間低調卻地道的韓式料理 — 南대門 cuisine 。這裡不僅主打傳統韓式燒肉，更將韓國街頭的樸實風味原汁原味呈現。從炭火烤韓牛到熱騰騰的牛肋骨湯，每一道菜都承載着韓國飲食文化的精髓，讓人彷彿置身首爾的巷弄小店。我們點了韓牛bbq晚市套餐 ($388) 含牛肉一份和主菜兩款。𓄔板腱韓牛選用油花細緻的板腱部位，肉質緊實卻不失柔嫩。高溫烤炙下，表面泛起誘人的焦糖色澤，入口後肉香澎湃，帶著樸實的炭烤風味，無需多餘醬料，僅以海鹽提鮮，便能感受韓牛特有的濃郁底韻。 𓄔韓式拌飯經典的熱石碗拌飯，上桌時滋滋作響。食材陣容豐富——翠綠的菠菜、脆嫩的豆芽、醃蘿蔔絲與半熟太陽蛋，佐以韓式辣醬一拌，米飯瞬間裹上琥珀色澤，鍋巴的焦香與蔬菜的清爽層次交織，每一勺都是飽足的幸福。 𓄔韓式牛肋骨湯湯色清透如茶，卻暗藏深邃的牛骨精華。慢燉後的肋骨肉輕輕一抿便脫骨，湯頭輕盈中帶著醇厚的「牛味」，蘿蔔吸飽湯汁後清甜解膩，是非常好的Comfort food。 𓄔韓式煎餃子 $55金黃酥脆的半月形餃子，外皮煎得薄脆如紙，內餡卻飽滿得驚人——肉末混入彈牙粉絲，口感立體，蘸上微酸的韓式醋辣醬，更顯風味。 這裡的每道料理，都體現了韓國傳統烹飪的細膩與真摯。無論是炭火直烤的韓牛、熱氣蒸騰的拌飯，還是暖胃的牛肋骨湯，都讓人回味無窮。若想品嚐正宗韓式風味，這裡無疑是尖沙咀的隱藏瑰寶。𓂪 𓂪 𓂪…查看更多

見到OpenRice咁多好評，雖然寫嗰啲人都係等級4可以，我都本住試吓嘅心態啦。因為工人姐姐生日鍾意食韓國菜，特登搵一間有韓國粉絲既。睇落嘅套餐價錢都算相宜，一個肉再加兩個主食，另外我就叫咗一個韓國粉絲，再加六件炸雞。粉絲嚟咗我都呆咗，明明韓國粉絲係粗啲㗎嘛，佢就幼到好似龍口粉絲咁，跟住仲水汪汪。都算啦，反正喺香港都唔知係咪真係搵到正宗嘅。最奇葩就係個炸雞， $120.6件都冇所謂，麥當勞都係呢個價錢。點知佢啲雞嚟到一件雞斬開幾件咁嘅款，一件唔係真係一件係斬開兩part，我都冇所謂，但係到最後食到有一舊雞又細嚿又冇肉，我就即時同餐廳嘅經理反映之後，餐廳經理同我講嗰個係雞胸位置，佢仲話佢啱啱斬緊半隻雞可以攞出嚟俾我睇佢點樣斬。之後佢就攞咗攞半隻生雞出嚟喺我哋張枱度斬俾我哋睇，佢係點樣分六舊，之後佢攞咗嗰一嚿我話好細舊嘅雞胸同我講就係我嗰part啦，但係佢揸住嗰舊係足足大我舊雞成一倍。最後佢只可以話我隻雞係細隻啲。佢居然喺我哋張枱度斬生雞，一啲衛生都唔顧。最後四個人埋單唔夠700 ，價錢就真係算抵㗎啦，但如果咁樣嘅質素我寧願喺屋企食好過。食完行出嚟見到隔籬嗰間韓國豬手店九點仲係坐滿人嘅，都可想而知點解呢間餐廳得小貓三四隻，然後九點啲人就走晒啦。…查看更多

尖沙咀韓國餐廳多到數唔晒，但要做到一條街開足三間分店，真係唔講得笑！今次就嚟咗呢間人氣爆燈嘅「南대門」，見佢咁有氣勢，質素都估到唔會差！😇✨ 必點超值BBQ晚市套餐 ✨呢度嘅晚市套餐CP值超高！我哋叫咗$388嘅牛肉Set，有齊燒牛肉、兩款主菜，仲可以無限續加前菜，呢個價錢食到漢牛真係幾抵⭐️無限追加前菜： 韓式泡菜、醃製辣蘿蔔、涼拌菜、辣拌豆芽、生菜沙拉，樣樣都好開胃，等食韓燒前都有嘢𡁻！⭐️BBQ肉眼： 超大塊嘅肉眼，油花分佈均勻，烤到五分熟就啱啱好，肉質細嫩多汁，啖啖都係肉香！⭐️主菜（雪濃湯+牛膝骨湯）： 呢度嘅湯底係必叫！我哋叫咗雪濃湯同牛膝骨湯，兩款都係用新鮮牛骨熬製，湯頭濃郁醇厚，膠質非常豐富。飲落暖胃又滋補，充滿牛骨精華，配料有牛膝骨、蘿蔔同粉絲，飽足感滿滿！總括嚟講，南大門嘅韓燒質素高，套餐又抵食，前菜仲任添！怪不得開咁多分店啦！👍…查看更多

[✨尖沙咀 南대門 ]#尖沙咀 #南대門🔸牛肉×1/主食×2 $388🔸韓國烤牛肉牛肉好入味香氣四溢，肉質嫩滑不乾柴，令人一口接一口停不了。🔸韓式牛助骨湯牛助骨湯濃郁醇厚，湯底帶有濃濃的牛骨香氣，入口溫暖又滋補。牛助骨肉質軟嫩，搭配湯中的粉絲和蔬菜，味道均衡又開胃。大推！🔸石鍋拌飯經典韓式料理，端上桌時滋滋作響，香氣撲鼻。飯底微焦的鍋巴增添了獨特的口感，搭配新鮮蔬菜、辣醬和半熟蛋黃，攪拌後每口都充滿濃郁的韓式風味。分量十足。————————♡♡♡♡♡♡————————🥂總結南대門的套餐性價比高，$388的牛肉套餐包含主食和湯品，份量充足，2人享用岩岩好。食物質素高，味道正宗，特別適合喜愛韓式烤肉和傳統韓國料理的饕客。餐廳位置便利，位於尖沙咀鬧市，交通方便，是聚餐的好選擇。📍南대門 🏠尖沙咀金巴利道75號東南大樓地舖 #jmhkfoodie #hkfoodie #hkeat #hkeats #hkfood #hkig #hkgirl #food #hongkongfood #hongkongfoodie #852food #香港美食 #香港食評 #香港餐廳 #為食港女 #尖沙咀 #尖沙咀美食 #尖沙咀好去處 #尖沙咀餐廳 #韓國菜 #南대門 #烤肉 #韓式烤肉…查看更多