南대門韓國料理 (恆港中心)

營業中

休息中

尖沙咀韓國街確實幾出名，國內人到尖沙咀都會去打卡，我便特別喜歡幫襯呢間地道韓國🇰🇷料理店，屬平民美食，水準不錯👍雖店鋪不是大，但老闆娘是韓國人， 但識說少少廣東話，又有禮貌都有人情味的☺️☺️有前菜食開胃一下， 之後點了幾款野食，有：人蔘雞湯半隻份量，豐富配料又有人蔘香，雞肉夠腍又滑溜可口！辣炒芝士年糕芝士極多邪惡但好惹味紫菜包飯爽口青瓜、香腸等配料清新可口埋單唔駛$400 兩個人食到飽呀！另外麥茶都幾香

【🍜南대門韓國料理｜尖沙咀地道韓式風味🇰🇷】在尖沙咀的「南大門」雖然店面不大，但環境乾淨明亮✨，由韓國老闆娘親自主理，員工都是地道韓國人，韓語此起彼落的對話讓人彷彿置身首爾！人均$200就能吃到高性價比的韓料，絕對值得一試～必點「海鮮煎餅」🦑用料超級實在，滿滿的魷魚和蔥段，外皮煎得金黃香脆，蘸上特製醬油簡直完美！「水冷麵」🍜湯底冰涼酸甜，麵條Q彈有嚼勁；「辣炒年糕拉麵」🌶️辣醬濃郁夠味，年糕和拉麵吸飽醬汁，吃起來非常過癮。搭配傳統「米酒」🍶，微甜順口，整體搭配超有韓劇氛圍～份量充足，味道正宗，服務親切，是尖沙咀區難得的溫馨韓食小店。喜歡韓國料理的朋友千萬別錯過！ #尖沙咀美食 #韓國料理 #南大門 #海鮮煎餅 #香港韓食

尖沙咀南大門韓國料理👍🏻👍🏻正宗韓味，性價比超高！位於尖沙咀韓國街、非常受歡迎嘅～呢間餐廳真係好誇張，無論平日定假日，都經常坐滿客人，特別係見到好多韓國人幫襯，就知佢哋嘅味道有幾正宗啦！最驚喜嘅係，佢哋嘅價錢仲好相宜，性價比超高，絕對係食韓國菜嘅不二之選！鐵板牛仔骨 ($179) 呢個鐵板牛仔骨真係必點！一上枱就香氣撲鼻，熱辣辣。塊塊牛仔骨都切得夠晒大塊，而且燒到外層微焦，肉質嫩滑又多汁，最重要係醃得非常入味，甜甜哋帶少少鹹香，食到停唔到口！$179有咁大份又好食嘅牛仔骨，真係好抵！雜菜牛肉炒粉絲 ($90) 講到韓國菜，點少得炒粉絲呢？呢度嘅雜菜牛肉炒粉絲，韓式味道好正宗，粉絲炒得夠晒彈牙，而且鑊氣十足。入面有豐富嘅雜菜同牛肉絲，口感豐富，味道調得恰到好處，唔會過鹹或過甜，係一道好開胃嘅主食。海鮮煎蔥餅 ($143)另一個驚喜就係呢個海鮮煎蔥餅！佢嘅海鮮配料真係好足料，啖啖都食到鮮甜嘅蝦仁同魷魚，而且蔥嘅份量都好足。煎餅外層煎到金黃香脆，內裡軟糯，點埋佢哋特製嘅醬汁，酸酸甜甜咁，食落好有層次感，大滿足！韓式前菜小碟不得不提嘅仲有佢哋嘅韓式前菜小碟。雖然係免費奉送，但款式多樣又好食，例

系尖沙咀睇完戲行左去韓國街開街，今次試左間家庭式經營韓國料理Menu 都系一般傳統韓國料理會出現的菜式，忠於原本的味道，沒有太多的改造牛尾湯飯$120牛尾湯飯湯式好清澈，落左少少胡椒粉調味牛尾炆得腍而入味，連埋骨頭食吃有風味餃子年糕湯$92餃子年糕湯的湯底系平時食開的雪濃湯味道，比牛尾湯的味道溫和少少韓子餃子大大粒滿滿的餡料，年糕份量唔少雞肉石鍋飯$92石鍋飯滿滿的料，有齊韓式雞肉、蘿蔔絲、芽菜、青瓜絲，再加隻生蛋撈埋一齊食，系傳統石鍋飯的味道，熱辣辣好好食店主招呼周到，菜式雖然平凡，但忠於傳統韓式料理的味道，系韓國家庭菜的味道呢

服務態度勁差，叫佢refill啲生菜同泡菜咋，俾個白眼叫我哋食晒先，你阿媽個仔，一碟得嗰六塊生菜，我哋六條友，一人夾一嚿肉，就已經清晒你碟生菜啦，俾嘢度度叔叔，都唔知顧忌啲咩。你開店出嚟唔係攞嘢俾人哋食，咁就執笠啦。個套餐話就話勁抵，一個煮食家一碟燒肉，點知啲肉嚟到得嗰四塊，個煮食就細細兜咁，講緊我係個好細食嘅女仔，一啖都吞得完啦。食緊燒肉梗係勁頸渴㗎啦，一支水飲完其實已經過咗10分鐘，叫佢攞支水嚟都咪咪摩摩，大佬咁唔細心就唔好做服務業啦！

店內裝修簡潔 坐得舒適🤍 由韓國人打理 所以味道很正宗 多款韓國特色菜都能夠食到😍 很喜歡它們的泡菜煎餅👍🏻 煎得很香口和脆 每啖都能吃到泡菜的味道👅 而辣味燉雞的份量十足 雞肉和薯仔一起去燉🥔 口感很軟✨ 味道也很濃郁炸醬麵加入韓國獨特的黑豆醬調味 配菜有青瓜絲和芝麻🥙 攪拌均勻後很好食😋 味道甜甜的 很開胃🤤 再來韓式豬血糕🤭 豬血和糯米包裹在一起💓 口感很Q彈 不會太腥 沾上少許胡椒粉吃 風味獨特🫡 十分正宗🇰🇷

位於尖沙咀金巴利道有唔少韓式餐廳，今日試咗一間叫「南대門韓國料理」嘅小店。小店裝修簡潔，好有家嘅感覺，而食物則充滿正宗韓國口味。雜錦拌飯 ($85) - 飯粒粒分明，軟糯有嚼勁，配上多款蔬菜及牛肉，撈埋微辣嘅醬料，味道非常開胃。清燉牛肋骨湯 ($110) - 湯味道夠濃郁，牛肉亦十分嫩滑，入面仲有洋蔥、韓式粉絲等，非常惹味。牛肋骨湯仲配埋白飯一碗，非常豐富。韓式煎餃子（$75）- 一客有五隻，分量都幾大。餃子皮薄餡鮮，外皮金黃酥脆。紫菜包飯（$66）- 一客有10件，材料簡簡單單，包括有蛋、腸仔、紅蘿蔔及青瓜等材料，口味清新，非常有住家嘅感覺。小店有溫暖小屋感覺，店員亦親切有禮，食物係正宗韓國口味，鍾意食韓國菜嘅朋友可以一試。

鐵板牛肉炒飯$82鐵板炒飯配上鐵板蛋，混合好有風味，佢啲炒飯炒得勁入味 好口香 真係唔識講 您食完會明😆😆真係好特別既味道❣️❣️牛肉分量都好多唔洗驚2個人share爭住食～ 海鮮豆腐湯$85 呢個都係好出色，個味道完全唔係預製包裝果啲，係自己整既味道，又唔會好辣，加埋海鮮鮮甜 好正，一定要配住飯食 真心正！😋😋海鮮有蝦同蜆，都ok 拉份量，個湯真係2個人share唔夠喉😋😋辣芝士炒年糕$98 啲芝士勁多好正，不過就係個年糕同啲辣醬唔入味，好似無味甘，有啲失望🥹年糕煙韌彈牙夾埋芝士食邪惡 ，重味少少就好了～覆盤子酒 $90好濃覆盤子味 飲唔慣會覺得似藥水味，個人就覺得唔係～飲極都好似仲有甘～2個人share飲抵飲👍

尋日喺尖東附近行街，同朋友黎到呢間由韓國人主理嘅南대門韓國料理，見價錢都幾合理，一於試下：🐷泡菜炒豬肉真係色香味俱全😍泡菜酸辣開胃，豬肉唔會dry乾，肥瘦相間，仲炒得夠入味，送飯一流😆🍙 韓式紫菜包飯一上枱見到都靚仔，飯粒唔太濕，配料夠多夠平均，係韓國食到嘅味道❗️🍲 豆醬湯配白飯豆醬湯暖笠笠，豆味香濃，入面仲有蜆、豆腐及翠玉瓜等😍配料豐富！✨ 餐廳仲送各款韓式前菜，個人覺得泡菜味道仲幾地道😉

同韓國地方一樣名嘅餐廳食嘢，真係特別有感覺！廳細細，但係菜式款式超多，今次一次過食咗幾樣地道小食！餐廳環境是正，招待又好。不過前菜有腸仔都係第一次🤣幾乎係每次必食海鮮煎餅，韓國韭菜香甜，加埋特製醬汁，非常惹味，煮菜未嚟差唔多都食晒。炸醬麵都係韓國人家常便飯，叫外賣或者杯麵都會有呢一個選擇，炸醬入邊超多肉，又唔會特別甜，調味適中。除此之外，說濃湯嘅牛肉揀咗牛骨，玉嘅份量都好多加埋粉絲嗍晒湯底，怪得知韓國人解酒咁鍾意飲，清甜得來又香滑。今次人均消費$200 都唔使，仲飲得返韓國舊式嘅罐裝飲品，提子汁超好味。超級推介海鮮煎餅，大家都一定要試。

早幾日放假去了尖沙咀韓國街買調味料，見到尼間店面細細都可以容納20人左右，就入去食番餐家庭式韓國料理。坐低嗌完野食冇耐，店員即刻上了一堆小菜。 ⦁參雞湯 $189大大隻雞🐔，雞湯味道都偏濃味，肉質唔算嫩滑，勝在夠大份！ ⦁辣炒年糕辛拉麵 $95份量比我想像中多，辣度剛好，唔食得辣都接受到！仲要有好多我鍾意食既魚糕🍥 ⦁韓式煎餃子 $75餃子🥟煎得香脆，餡料可以再多少少，滿足感更加豐富。⦁紫菜包飯 $66每次食親紫菜包飯都有種媽媽的味道，會諗番起細個同媽咪一齊包。而且餐廳的配料頗多，層次感十足。⦁韓式飲品 $18/罐

最近愛上韓式餐廳，餐廳沒有華麗的裝修，是傳統的韓式餐廳風格，內裏都是傳統韓式菜式。᪥牛肉海帶湯喜歡牛肉海帶湯的味道鮮美，牛肉的肉香與海帶的交融，口感清爽。海帶的韌性與牛肉的嫩滑，吃下很滿足。᪥清燉牛肋骨湯看跟海帶湯底一樣的清燉牛肋骨湯，但原來湯味完全不一樣，清淡卻又鮮美，牛肋骨的肉質鮮嫩，湯，讓整體風味更為豐富。᪥炸醬炒年糕這道料理的炸醬味道濃郁，醬香四溢，配上彈牙的年糕，口感十分豐富。加入了翠玉瓜、蘿蔔、魚片、粉絲一起炒，更不單調。᪥紫菜包飯傳統的紫菜包飯的味道清新，海苔的鹹香與內餡的新鮮食材配料相襯，米飯軟糯，口感好。᪥芝士辛辣拉麵這道拉麵結合了濃郁的芝士與辛辣的湯底，湯頭醇厚，麵條滑順，味道令人回味無窮。這裏吃的就是韓國風味，價錢經濟實惠。

最近個心唔知點解頻頻出現水冷麵可能因為落雨之餘天氣又熱個人非常craving for 一啲比較清爽嘅嘢食而想食韓國嘢嘅話就一定係諗到金巴利街見呢間唔洗等位就揀咗佢試一試😆一落完單就俾咗啲韓國前菜我哋足足有四小碟，味道係有阿珠媽嘅感覺有大豆芽，油麥菜，翠玉瓜同泡菜除咗唔小心俾泡菜辣到之外我都幾鍾意～最緊要係食咗個水冷麵先😛我鍾意加少少黃芥辣醬同加幾圈醋切碎少少啲麵～加埋啲雪梨肉一齊食好清新泡菜炒豬肉夠辣夠惹味有洋蔥同蔥好開胃加埋個海鮮豆腐湯配碗飯似乎都幾正宗牛肉炒粉絲唔會鹹，個麻油味都幾出份量估唔到咁多，兩個人其實唔太食得晒誤打誤撞入咗呢間小店先知真係韓國人主理價錢唔貴又有阿珠媽嘅屋企感覺都幾抵食！

尖沙咀有間韓國餐廳真係唔可以唔試，尤其係佢哋嘅韓式煎餃子、紫菜包飯同埋牛肉海帶湯✨ 首先講下煎餃子，外脆內嫩，餡料滿滿，特別係嗰啲豬肉同菜，味道豐富，真係一口接一口停唔到👍然後就係紫菜包飯，佢哋用嘅紫菜新鮮又香，裡面包住嘅米飯剛好唔會太濕，搭配啲小菜真係好味😋 每一口都有唔同嘅口感，簡直係完美💖至於牛肉海帶湯，入邊有好多牛肋肉，湯底清甜，牛肉煮得剛好，軟嫩入味，食落去好有滿足感🍲 我本身自己好鍾意飲海帶湯🔥最後，就係海鮮拉麵同部隊鍋。海鮮拉麵湯底濃郁，海鮮味十足，麵條彈牙；而部隊鍋更係一個大碗，入面有各式各樣嘅食材，有豆腐金菇，午餐肉等材料，辣味剛好，食到你滿足得想再來一碗🍜總括來講，呢間韓國餐廳真係值得一試，無論係朋友聚餐定係家庭聚會，都係個好選擇！🎉

📍呢間韓國料理店已經屹立咗係韓國街好多年! 🙋🏻‍♀️價錢好平實，主打韓國家庭傳統料理，裝修都好有家庭感覺幾溫暖。估唔到平日夜晚時間都幾乎全場full🙈 每枱都會配有韓式小菜同小麥茶。🌀泡菜湯 唔知點解最近特別鍾意飲泡菜湯🙉 真係即整，一上枱時仲噴緊煙。湯鍋配料好簡單但好暖胃順喉，加入軟淋入味泡菜、豆腐、腸仔午餐肉等食材燉煮而成，湯頭微辣唔會太鹹，好啱送飯🫶🏼 🌀炸醬炒年糕 海鮮醬鹹鹹甜甜幾開胃😽年糕煙韌份量超多，加入椰菜同韓國魚糕，多咗個口感層次。不過我覺得可以再濃味少少! 本身想點個紫菜包飯，點知7點半已經買曬😢🌀雪濃牛骨湯 牛骨湯呈乳白色，入面仲加入咗好多粉絲，口感好滑溜。朋友表示牛肉份量都唔少，經濟抵食。