南記粉麵

營業中

休息中

見好耐冇食，就同朋友食個南記叫左一碗辣豬肉春卷酸辣米線，另一碗冬菇魚蛋辣豬肉春卷酸辣米線。湯底味道較淡，但夠酸。辣豬肉保持到水準，爽口，春卷都彈牙，冬菇同魚蛋就一般。

今天我午餐叫了一份外賣，使用網上外賣平台訂購免運費的服務，非常方便。我點了一碗麻酸辣魚餃魚片米粉，這家店的味道一如既往地好吃！魚餃和魚片都非常新鮮，沒有任何腥味。魚餃皮薄而富有彈性，餡料豐富且鮮嫩，每一口都能夠感受到魚肉的鮮美和香氣。米粉的口感也非常棒，這碗米粉煮得剛剛好，加上麻酸辣湯汁，湯汁酸中帶辣，非常開胃。整碗麵食讓人回味無窮。我非常支持這家店，下次還會再來點餐的！唔貴又夠飽～唔錯之選～

話說以前好鍾意食南記嘅魚腐，因為好大舊，又索湯，跟住大概一年多前突然話唔再出。慘😭 喺冇得揀嘅情況下，唯有食佢嘅魚蛋。點知今日去食，見到呢張告示，笑咗。休漁期我聽過，但係休漁期會冇魚蛋真係未聽過，佢用咩魚咁巴閉🙄家陣連魚蛋都冇埋，代替嘅係兩塊又薄又霉嘅魚片。#我想講粗口

最近南記粉麵推咗出咗我好鍾意嘅「胡椒•酸菜。豬肚湯。雞扒旋風豆腐串米線」，急不及待即刻去試。💛喺呢個咁凍嘅冬天飲酸菜豬肚湯，可以驅寒，正呀！豬肚同雞扒份量都好多，雞扒好香脆，豬肚夠爽口，食到停唔到口呀！💛另外，仲有新出嘅飲品紅胡椒菠蘿特飲，夠哂特別，飲落去有少少辣椒，不過加上清甜嘅菠蘿，飲落口感爽辣好過癮。

見尖沙咀有分店 ，當然要嘗一嘗，價錢抵食，店舖寬敞，座位之間距離唔迫。南記價錢合理，有多款套餐選擇，套餐靈活，顧客又可以自選食材，牛肉、純豬肉、酸辣愛好者因物，亦有推出下午茶時段優惠。南記出名春卷，就叫左B餐：招牌滋選小窩（酸辣）（$57）入面有多款配菜：招牌辣豬肉、招牌春卷、魚片、冬菇⋯非常足料，大大件冬菇，食材唔會細小，酸辣唔會太辣 ，岩曬鐘意食bb辣既朋友，春卷配上酸辣湯，別有風味，套餐奉送可樂，$57真係抵食。

今日又黎到尖沙咀唸住食南記春卷既時候發現佢又有新野食，推出期間限定南記粉麵 「胡椒•酸菜•豬肚湯~雞扒旋風豆腐串米線」連特飲「紅胡椒菠蘿特飲 」套餐，佢湯底用左由特級黑白胡椒•爽豬肚•酸菜，熬製而成的秋冬驅寒湯底。當中的黑白胡椒的香和辣味逼入了爽、岩晒依家凍到結冰既天氣食完暖笠笠好舒服，加上厚厚既豬肚同埋雞扒仲有有吸收左每滴胡椒湯精華的超長超大塊既「旋風豆腐串」令整碗米線口感昇華不過最可惜係今次冇春卷如果唔係就更完美喇，不過份量已經好滿足😋再配上「紅胡椒•菠蘿特飲」味道新穎獨特，紅胡椒帶有甜味和香味與爽甜菠蘿凍飲，每一口都帶出溫和迷人的水果清香。菠蘿味勁出I LIKE IT😍。#好食推介 #食物遺照 #食物殺手 #food #foodie #foodiehk #zaki食評 #hongkongfoodie #hongkongfood #hkfoodie #hkfoodblogger #hkfoodstagram #hkfoodlover #instafood #hkig #ighk #hkigers #yummy #eat@namkeenoodle @chillchipr #南記 #南

平日喺尖沙咀30幾蚊可以食到一個下午茶，仲要份量都ok，有沙嗲牛麵+魚片頭連汽水，味道又唔差，抵食過某d連鎖米線舖。而且座位都唔會好窄好迫，只係人手唔係好夠，收銀排長龍。

#南記粉麵 出左新既懷舊避風塘滋味套餐(💰58) ⠀⠀⠀⠀⠀⠀「艇仔粉」湯底由大地魚和蝦🦐混合熬製而成，每口湯都散發著魚既鮮同蝦🦐既甜🤤🤤⠀⠀⠀⠀⠀⠀自選麵底加上有脆炸香口的銀魚仔、翠綠生菜同紅腸既傳統配菜外，仲有招牌春卷、皇牌爽爽豬肉，份量十足🈵而享用過程中感受到懷舊避風塘滋味👏🏻⠀⠀⠀⠀⠀⠀套餐仲有一份「炸魚皮」😍放入附送的香辣粉shake shake 吓🌶好玩又好味❗推薦大家蘸一下魚湯再食，味道更鮮香有層次‼️⠀⠀⠀⠀⠀⠀最後介紹下杯冰涼特飲【 🥭芒果冷泡鐵觀音】，清新酸甜茶香，唔會太甜❣️☺️

一諗起南記就一定要食佢嘅招牌春卷😋😋今次期間限定嘅「艇仔粉」套餐唔單止有我最中意嘅春卷 仲有皇牌爽爽豬肉、紅腸同脆炸銀魚仔添個湯底仲係由大地魚同蝦熬製而成🤩味道鮮甜 別有一番避風塘風味😌$58個套餐仲有脆魚皮加埋杯芒果泡鐵觀音 岩哂喺附近返工嘅打工仔做lunch😏

點解可以咁好食🙈🙈 芫茜控必試💁🏻‍♀️火熱全新南記期間限定「芫茜蓉湯底米線套餐」🔥我見個個同事都去試，就去試吓。特登著綠色襯番去打下卡✌🏻✌🏻認真制作，佢哋用大量芫茜熬製成濃郁的芫茜蓉湯底，湯底正好清新，忍唔住飲幾啖😋 炸豬扒好鬆脆，有驚喜，🤩芫茜丸好特別，第一次食🤪、口感唔錯🤫另外點小得芫茜的靈魂伴侶皮蛋🥚，加上創新特飲芫茜「可口可樂」🥤估佢唔到咁好飲😎啖啖米線都充滿芫茜香氣😎你試咗末？〈套餐價 $53起〉抵挑戰下，已經包哂炸豬扒．芫茜丸．皮蛋芫茜蓉湯底米線」連特飲芫茜「可口可樂」

今日陪老婆出尖沙咀做身體檢查，檢查剛啱安排晌中午打後少少時間，所以，剛好趁佢檢查嘅時間嚟食晏，食完接番佢就啱啱好。一支公，食咩都無所謂啦，所以，最後揀咗平平哋嘅「南記」。因為過咗放飯時間，所以，客人唔多，寥寥可數，三、五、七枱客，仲好啦，安安靜靜。有啲咩選擇，電子餐牌就放晌晒收銀位嘅頭殼頂，其實，大部分香港人對「南記」都好熟啦。 好奇加上貪得意，試咗佢哋個「芫荽蓉湯底」套餐，先聲明，小弟唔喺芫荽控，不過，對芫荽唔抗拒，亦喜歡飲芫荽皮蛋湯。 芫荽蓉湯底米線套餐 $53嘩！果然好芫荽喎，個湯底青到呢……，而杯可樂一樣好青吓！其實碗米線都幾大份，當然賣相就無張餐牌嘅咁靚仔啦，但一樣交足貨，有齊炸豬扒、芫荽丸、皮蛋，以及豆卜，加上份量十足嘅米線，究竟伏味濃唔濃呢？ 先試試湯底，見有人寫過以沼澤色嚟形容，其實，跟意大利麵嘅青醬咪差唔多，所以，對於顏色無乜反感。「南記」嘅魚湯底一向都唔錯，加咗大量芫荽去打，呷一口，真喺勁芫荽味，比一般芫荽皮蛋湯更強勁，誇啲講真喺有「餘韻」，芫荽味仲晌口腔內盤旋，同時，亦感受到當中嘅鮮甜味。 啲餸料都好啱食，炸豬扒大大塊，做得鬆化，又唔喺好油，不失一貫水準；芫荽丸亦

我愛南記！南記可以話係我最愛嘅米線舖，每次都會食得好滿足好感動。唔止香港人鍾意，連印尼人、菲律賓人同我身邊嘅韓國朋友都表示南記好掂！今日晏晝又去幫襯，叫咗我嘅至愛：辣豬肉魚肉春卷中麻辣米線。平時喺其他米線舖比較少叫麻辣，因為除咗麻同辣之外，我食唔到香，但南記嘅麻辣係麻、辣、香俱全！佢宜家仲出咗酸麻辣湯底㖭，嘩！簡直係完美呀！之前我成日掙扎究竟食酸辣定食麻辣好，麻辣固然好食，但我亦好鍾意食南記嘅酸菜同酸辣湯底，宜家二合一就唔使煩了！辣豬肉份量都幾多，仲好大塊，我好鍾意佢嘅調味，甜甜辣辣，有少少似鹵水味。豬肉肉質好彈牙、唔硬、唔「鞋」口，總之，一個字：！兩個字：必叫！魚肉春卷更加唔使多講，亦係南記嘅人氣之選！好食！好香！總之，好！希望佢哋可以喺屯門開分店！我日日都去！

今次南記出左新口味米線🍜⭐️胡椒豬肚湯•雞翼米線⭐️連香蘭葉桂圓茶$53今次凍食胡椒豬肚湯•雞翼米線最岩湯底由特級白胡椒、爽豬肚同雞熬製而成湯底淡淡的胡椒味，一般人都會接受到加上厚豬肚及雞翼，豬肚吸滿湯汁，入口又爽又好味😋旋風豆腐串吸滿白胡椒湯汁，精華所在😍辣爽爽豬肚$18套餐可以加$18點麻辣豬肚非常辣！適合喜歡吃辣的朋友，入口夠脆，夠爽口▶️南記有「中小學優惠」，以正價購買任何正價粉麵，可免費享用汽水或大豆漿1️⃣杯

今日去左食南記粉面既清湯系列招牌河，裡面有招牌春卷x2，牛丸x2同魚蛋x2，河粉分量都ok，感覺唔錯，尚算清淡。價錢方便都ok抵，都係$29，不過外賣落單淨係可以比現金，有小小唔方便。總體而言都ok唔錯。

經過尖沙咀，突然想吃南記，好耐都冇食啦，搵一下。原來南記現在除左喺香港有分店之外，香港、九龍、新界各處都有分店！其中一間位於尖沙咀金馬倫中心上一層樓梯就到啦！南記現在仲有新菜式推出——期間限定的「胡椒豬肚湯•雞翼米線」！湯底由特級白胡椒、爽滑的 #豬肚 和雞去熬製而成，現在天氣咁凍❄️，最啱食呢碗面🍜！而且秋冬季節時吃非常驅寒！湯底內胡椒的香和辣味再加上麵上爽厚的豬肚和 #雞翼 配合埋鮮甜爽脆的超大 #花生芽 🥜；再加上吸收了每滴胡椒湯精華的 #旋風豆腐串 🍢及米線！哇！香濃撲鼻🤩，味道真係好夾！我成碗米線同湯都清哂、食哂😂😋！價錢：🍜 胡椒豬肚湯雞翼米線 連特飲 香蘭葉桂圓茶 (凍/熱)〈套餐價 💰53 〉🌶仲可以套餐價加💰18 (原價💰28) 食小食👉🏻 辣爽爽豬肚‼️南記「中小學優惠」‼️正價購買任何粉麵，仲可以免費享用汽水或大豆漿一杯！ 真係好抵食！🤩