南記冰室

營業中

休息中

講真依家香港地 好食嘅茶餐廳真係唔多， 一係就又貴又細碟， 南記就真係算係咁， 早餐係講又多選擇， 價錢合理， 同埋我最鍾意嘅沙爹牛肉佢真係做得好， 出面好 多啲牛肉一係就拿到 冇質感， 一係就一陣臭腥味， 沙爹牛麵嚟講佢叫做做得有水準， 太陽蛋豬柳麵包 正正常 常好食嘅， 牛油 都唔孤寒， 用靚牛油， 咖啡 茶餐廳嚟講叫做好飲， 當然你冇得同starbucks比較 ，人哋買緊 成 40蚊一杯， 呢度你食個早餐連咖啡都有， 特別想讚一讚呢度嘅辣椒油， 鍾意食辣嘅人一定要試下， 其實佢唔係特別 好 辣， 但係 加咗落去就非常惹味， 我呢個食肉獸 覺得 改善嘅地方係 ，如果碗麵 多啲牛肉 就 更加好🤣🤣🤣 所謂一日之計在於晨，食個靚早餐 make my day非常之重要。 佢呢度早餐種類都算多， 健康啲仲有麥皮早餐， 任君選擇。

黎開意邊做野 都一定會食意間茶餐廳最期待就係個早餐 因為佢有得轉羅宋湯個羅宋湯好足料 好多雜菜 仲有牛肉牛腩湯底夠曬濃 辣度係微辣 總之係啱啱好我今日叫左叉燒同煎蛋通粉 （尋日食左漢堡扒🤣) 其實個墨魚春卷都好吸引轉左羅宋湯後碗粉豐富到😇😇🥳真係飲曬食曬架見食評好多人讚個車仔麵正 尋日下午茶想食 可能太受歡迎 好多款都沽清 有機會再試

今日去咗葵興做嘢，路過南記冰室，門口經常好多人排隊，今日可能落雨冇乜人，所以就入去試吓！我和同事叫咗兩碗車仔麵，我果碗係紅腸、蘿蔔、魚肉春卷河粉，加咗腩汁和小辣，味道非常之好，蘿蔔好甜又淋，春卷真材實料👍🏻👍🏻朋友果碗是魚肉春卷、雞翼尖河粉，雞翼尖入味又淋 ，湯底好濃但不會覺得咸，我哋都非常滿意😋

🍗南記冰室豬扒出前一丁·火腿奄列多士幾好味塊豬扒～咬落鬆軟夠味唔會好(鞋)😂一丁爽口唔淋👍👍奄列多士正常發揮😎炸雞髀配薯條兩樣炸過左火～咬落乾身～雞髀唔juicy🥲🥲盛惠💰$1xx好味指數(7級最佳)▁ ▂ ▃ ▄ —————————————————☻非專業食評·純個人口味☻—————————————————📍總結:經開依頭先會黎～豬扒一丁好食既～其他就一般般😉

有一段時間要喺葵興kcc 上堂，有一日就去咗呢一間茶餐廳食飯🙌🏻嗰日食咗咸魚雞粒炒飯，成個飯好正常。炒飯入面有咸魚而且飯粒粒分明🍚調味都唔會過鹹，自己一個完全可以食晒成個飯。

幫女女去工廠大廈拎田叔叔書本之後好肚餓要搵嘢食見個門面都乾淨企理啱心水於是入去試一試見到餐牌都好多選擇隔離食客啲食物賣相都唔錯見到其他openrice 食家嘅咖喱牛腩飯賣相唔錯所以決定叫一個黎食份量確實夠一個大男人食味道可以再濃少少差啲八角及香草嘅香味我自行加咗少少辣椒酒提升層次牛腩夠冧可以翻卓！

KCC都唔少茶記嫁 但依間南記冰室 每次都見到唔少打工仔同學生幫襯佢 今次我就試下佢啦咖哩牛腩飯$51咖喱味唔係好特別 係常見茶餐廳會整到既咖哩味 牛腩份量好多 多到食完飯 都仲剩一半 好良心 而且 牛腩好夠淋  有筋有肉 唔錯！車仔面$37 幾抵食 叫左豬扒豆卜 個豬扒大大件 2大塊 雖然唔係炸 但都幾好味 湯底清清地 正正常常 真心幾抵食粟米魚柳飯$54一上枱 就好震驚 份量真係好多 炸魚柳 至少6-7舊 加埋滿到瀉既粟米汁  整體味道都係算ok😋食完真係勁飽唔怪得呢間野 咁多打工仔同學生幫襯 原來佢真係算抵食 環境企利 同埋 食物味道不錯 良心小店 支持支持 

好鍾意你南記食下午茶，貪佢抵食夾大件，又好食，老闆娘又好人今日就揀咗個干炒豬扒意粉，鑊氣足，雖然係下午茶餐，但係豬扒都有4、5舊，所以一定夠飽，如果係正常份量的話，一定食唔晒豬扒肉質鬆軟，唔會好硬，意粉亦都夠彈牙，最怕啲茶餐廳炒到林晒，所以整體來講唔錯最鍾意嚟呢度飲埋杯凍檸茶，茶底濃郁，配埋檸檬，非常清新。不得不提呢度有個自家製辣椒油，炒得好香，唔會太辣，去買意粉食一流老闆娘得閒就會過嚟問吓我哋夠唔夠食啊，好似同啲客人係好朋友一樣，呢啲就係香港嘅人情味啦

今日又去左KCC開會，有朋友推薦要去試下呢間「厚多士」，估佢唔到茶記都有咁既卓頭，咖哩薯仔魚柳焗多士🍞，又飽又薯仔仲可以加配飯底，根本就係醣肥仔餐🤣🤣🤣大胃王都實會到飽以$58呢個價位嚟講叫平靚正，大件勁抵食。咖喱汁叫香，上面仲有厚厚既芝士🧀焗得香香濃，一上枱就超熱同熱香，不過就係汁唔夠多，比個🍞吸曬，可式佢得牛肉，如果有牛腩就仲開心，不過都係嗰句，唔夠汁，包有少少乾食😵‍💫有代改善🤤🤤🤤回食指數：65分👍👍（主要因為食晏太飽都不適宜😅😅😅）

星期日下午3點在葵興工作完畢後覺肚餓沿路行去Life@KCC搵食，因為不熟路，直上到3樓見冇乜嘢啱食就轉身搭電梯落地面（後來才知樓上也有食肆）走出街尋找美食。步行不遠來到南記冰室門口被其餐牌多款下午茶餐牌吸引，下午茶餐來說南記的選擇算較多，必定有一款啱你由於假日客人不多，坐得舒服，仲有窗口位（雖然望後巷）。我和老公叫了一份牛腩湯米粉配咖啡和一份美式熱狗配沙律配熱0茶。牛腩湯米大大碗，係大興果隻米粉質地，碗內有菜有多舊牛腩，湯汁好濃好味道，老公話如果牛腩煲得再軟身啲就仲好。熱狗餐賣相不錯，眼利的你會看到師傅把香腸開了邊呢。沙律味道調校得剛好。常飲0茶的我覺得此處的頗好飲，是茶胆不同或是水質好？起碼沒有水喉味。冰室唯一不好是侍應姐姐態度麻麻。

自從係呢頭返工，食過南記既車仔面，再食返出面其他既車仔面，真係會覺得出面個d差幾皮，料少，面又細碗🙈不過今日我主要想分享下今日發生既好人好事💛話說我今日後join 同事去食lunch,加單嗌左碗車仔面，平時好快就到，但今日等左10-15mins 都未黎，搵侍應哥哥了解下，原來話碗面本身送錯左去另一張枱，然後以為落錯單，所以碗面無左。因為我本身無咩胃口，就叫哥哥幫我取消碗面。老闆娘好快就走過黎話：「整份蛋治比你好無，餓死你呀阿妹！」因為我真係無胃口，就話唔使了。於是老闆娘就話下次我地再黎，請我地食小食。之後我地等老闆娘改返張單，但見等左一陣都無比我地，就直接出去埋單。離開冰室，上左KCC, 有個侍應姐姐上氣唔接下氣咁跑上黎追我地，遞上一份餐蛋治，話老闆娘請我食。🥹💛真係超好！💛雖然我成日去食lunch, 但從來無同老闆娘有特別交談，所以本身係唔認識的。真係第一次遇到間餐廳漏單個老闆娘竟然會擔心我餓親🥹本來今日因為工作上既事而好灰謝謝老闆娘給我苦中的一點甜❤️🥰

同學仔介紹之下試下， lunch時間門口要排隊， 但位夠多都好快等到位。環境: 座位有點迫，但環境乾淨企理服務: 服務員安排入座有禮， lunch多人但落單都冇催促我哋， 食物送上枱時間都好快，服務員又提我哋小心熱，服務唔錯。食物: 三個人都係食焗飯意粉， 有麵包底， 一人一個應該無可能整個食完，個包底實在唔野小…… 味道正常，唔會好難忘但個麵包底都吸睛，直得一試，不過建議兩人share，否則食剩又不便打包，因為個包已經吸左唔小汁，打包都唔好食。

A bit hungry, we came here after taking a look at the Christmas decorations from the mall as it was Sunday and  we discovered not much was open.A regular cha chan teng, it offered an afternoon tea menu. Menu in Chinese only. There is no English and no 10% service charge.I decided to just stick with what I know. A beef stir fried noodle ($48). A few bites in, there wasn't any seasoning. Then suddenly one the other end, it was very salty. It appeared the chef didn't stir fry it evenly. The beef wa

個日係12點去食都幾多人食,食完出黎仲見到有d人係度等位🙌🏻而坐位方面都唔算好密,都有少少距離😉🔸焗芝士魚柳飯🧀 $57一黎度個陣認真嚇親😳心唸明明叫焗飯點解會個包黎🤣原來落單個陣店員有問過要唔要走包但因為聽唔清楚就話唔洗🤭點知就成個磚頭包上碟😂講返正題先個樣真係好睇得😍芝士都幾多下🧀仲可以拉芝🤤而魚柳就炸過嘅🐠但皮有d太硬,魚肉嘅比例唔係好多🤫飯就係平時嘅茶餐廳蛋炒飯💁🏻‍♀️汁係忌廉汁都係正常水平🙌🏻個包嘅皮係脆嘅都幾好食👐🏻🔸自選車仔麵🍜 $46河粉 $13,龍蝦春卷$13,香菇貢丸 $11,蘿蔔$8大家要留意佢有最低消費所以要計返清楚😂車仔麵當然要加腩汁😆湯底係正常水準😉個人認為牛腩應該幾好食🐮湯裡面有d牛腩肉碎,食落都唔錯😙而蘿蔔都好多舊仲要好入味🤤推薦大家叫🙌🏻而貢丸好細粒,有3粒👐🏻個人就麻麻啦🤭龍蝦春卷又d似龍蝦丸但外皮脆咗😬🔸整體黎講食物水準係中上🙌🏻而份量就十分多😙飯加包根本係冇可能食得哂🤭兩個人食都夠😜下次再食呢個絕對會走包😂

南記冰室超抵食車仔麵一個面$13如果加底就$10仲有出前一丁$8一個送分別有$13 $11 $9價錢特別推介牛腩$13超多平均一碗都有5件以上而且湯汁可以選擇腩汁小辣中辣辣仲可以多沖叫一碗基本上一個成年人都夠飽因為超級大喎