影片
今日踏單車由屯門去上水，迷左路唔知點咁搭埋橫水渡入左南生圍⋯將架單車搬上搬落之後已經沒哂力，落船後直行見到南生圍士多馬上沖入去，差電！人人都食豆腐花唔通我又想食豆腐花咩。但唔食食咩好？豆腐花+燒賣啦豆腐花係凍既燒賣夠熱，食完安心再出行。
繼續閱讀
去南生圍踩單車，除左影相之外，食豆腐花似乎都係一個指定動作嚟踩完熱辣辣食返碗凍豆腐花都真係唔錯咖凍豆腐花 $10黃糖同糖漿都係自助可以任加好坦白講😂😂😂豆唔香，都唔太滑，可以再雪凍啲😂絕對稱唔上係一碗好食嘅豆腐花不過，依到既人情味真係不得了我哋同行有個人整壞左個單車，徬徨之際，個店鋪叔叔出手幫我地整好左真係好好人因為嗰日落雨，佢仲叫我地小心啲慢慢踩雖然豆腐花唔係好好食，但踩到入嚟食碗都無壞既📍超主觀+有偏見評分 (5為最多)📝📃hunger(食物🤤/🤮): 🤤📃anger(感覺🥰/🤨): 🥰🥰🥰🥰📋hangry(整體🤬/😟/😛/🥳/😍): 還可以😛
繼續閱讀
543 瀏覽
大年初二，同朋友去朗屏摘完士多啤梨，難得揸車長途跋涉去到元朗區，順道去南生圍一遊。第一個打卡點，當然就是香港碩果僅存（據筆者有限認知）的人力橫水渡碼頭（大澳橫水渡已經消失）；第二個打卡點，就是山貝河對岸的豆腐花舖了。其實南生圍範圍內、山貝河對岸，應該共有四間食店，其中一間主打幾味簡單農村風味菜式，另外三間則清一色以類似士多形式經營。當中以「南生圍士多」位置似乎最佳，因為最接近橫水渡碼頭；不過講到景色，就及不上位置深入南生圍、並且靠近魚塘旁邊的「有記」了。「南生圍士多」位處空曠地方，又只是用木柱及鋅鐵皮屋頂搭製而成的檔口，竟然可以捱過去年的「山竹」？又抑或是重新搭建？但從士多的種種破舊痕跡看來，結構似乎仍然古舊，應該是原本的結構，並沒有遭到「山竹」徹底摧毁。簡陋的塑膠海報餐牌肯定在多年前製作，現時只簡單用膠紙掩蓋舊價、並填上新價錢（抑或只是新春臨時加價？）。據了解，南生圍內的全部四間食肆都兼賣宣稱自家製作豆腐花 ⋯⋯ 非常懷疑「自製」的真確性，皆因三間士多不是每天營業，一般只在週日及公眾假期才會開門，似乎沒有可能「自製」？冰櫃內有一片片急凍至硬如石頭的凍菠蘿片（$7）；到底是新鮮菠蘿切片抑或只是罐頭菠蘿？未食過，唔知道。豆腐花（$12）必須加入黃糖，因為特別香甜、但又不會過分甜膩。本來冬天應該叫碗熱豆腐花暖胃，但今日氣溫有點反常，回升至24度，所以揀了凍豆腐花。豆腐花唔夠凍，滑溜程度一般，肉眼也可窺見少少氣孔，豆香亦唔夠濃。質素實在非常一般，只在平均水準以下，唔太明白為什麼所有遊人來到南生圍一定要食豆腐花，相信也是沒有選擇下的唯一選擇吧？雙拼麵套餐（$38）味道正常。煎蛋的蛋黃做到半生熟效果，午餐肉亦有稍微煎香；即食麵僅僅淥熟，麵條仍然保持小小鬈曲。出品質素只是麻麻地，尤其是人人推介的豆腐花就更加令人失望。但去到南生圍，如果唔食碗豆腐花，又實在說不過去 ⋯⋯備註：openrice 於地圖上的餐廳位置標注有誤，更正確的位置應該是Google Map 的圖標。
繼續閱讀
難得假期，當然想出外走走! 南生圍的大名聽了很久，可惜一直沒有機會前往。剛好當天天氣不錯，決定踏足這遍遠離繁囂的地方。沿途有人野餐，有人踏單車，有人拍照! 感覺很輕鬆!走著走著，就去了一間小士多。在我印象中，好像所有依山而見的小餐廳或者小士多, 也會有一種食物- 山水豆腐花可能由於成本低，利潤高，而且又可以"山水"作為招徠，故常於郊遊或行山中途看到。由於我們也累了，故也叫了一碗試一試!嚐得出有豆味，有嫩滑感一般，沒有什麼驚喜! 但當找個地方坐一坐也無妨的。
繼續閱讀
去南生圍行下在工作煩碌既香港，難得去吸一口清新空氣 經過南生圍士多就試下佢自家製既產物豆腐花自製既好有豆味唔係好滑但清清地唔錯，可惜無糖水落🙈紅豆榚超多豆既紅豆榚咬落去好有口感以為好似酒樓紅豆榚好軟好散食落好似砵仔榚好實！唔錯唔錯
繼續閱讀