南洋餐廳 (已結業)

同同事食飯，12.45落單，13.05先到，果時計埋我地得2枱。我地叫左3個印尼炒飯，1個巴東牛跟白飯，1個椰漿炒飯，1個喇沙，1個雞絲炒面係同事個喇沙食完，印尼炒飯先到。最後全部飯到哂發現，全！部！都！係！唔！熱！既！啲蝦餅唔止林，係 un! 個咩美綠恐龍，根本就係普通凍美綠！個侍應倒瀉野仲唔講對唔住！仲要找少錢！352當355收！搞錯呀無下次！

2歲妹妹生日，南洋餐廳有肉骨茶打邊爐又有魔鬼魚，仲要係香港仔近近地，可以舒舒服服食。由於星期日無訂到，結果打唔到邊爐。魔鬼魚，本身出來唔太夠脆，路經既經理聽到即時幫我地燒多次，結果係外脆肉嫩，脆骨香口。串燒，汁香，肉唔太乾獅蚶，份量唔太多，四個人岩岩好，無泥又鮮甜仲食左福建炒麵，like埋facebook換左杯足料薏米水食物質素唔錯，服務好有誠意。想hea得舒服，下次再來^^

有朋自遠方來探小妹，和他到開了一段時間的南洋餐廳晚飯。正值晚飯時份，還有一半吉位，我兩可以慢慢坐。由於小妹喉嚨不適所以只好乖乖地忍忍口。盡量吾點煎炸野。海南雞飯是必選。立體的尖長三角形香茅飯拼上啖啖肉的海南雞賣相很得小妹歡心，配上三色醬油亦是指定動作。以冰鮮雞來說也不俗，雞肉嫩滑有雞味和香茅一起簡單但令人滿足。隨之而來有是南洋特色炒飯。以濕炒飯配上一些海鮮和豬肉等。醬汁略甜，但感覺很似福建炒飯。蝦醬炒椰菜芯以砂窩上，椰菜芯嫩口冇渣，濃郁的蝦醬以蒜蓉炒更香口。最後多點了一容串燒，分別有雞和豬各三串。兩款均燒得表而香脆而且灑上白芝麻粒更添香口。最後店員和我閒談還送上美綠布甸, 味道有別如朱古力，更加特別和可口。全晚食物滿意，可以再光顧

一排無來，叫蕃個招牌菜。可惜，肉骨茶的茶湯比之前來吃的淡了很多，而且沒有爐一齊上。 還有，滴漏咖啡沒有漏杯，跟茶餐廳的咖啡無異。這樣，是否因為加了露天位置，廚房做唔切？這樣，好快便流失客源。

趁得閒同gf到香港仔舊大街拍拖揾食,途中聞到一陣濃香肉骨茶味,睇一睇發現原來開了一間星馬餐廳,勾起從前在馬來西亞返工的回憶,決定要試一下那記憶中的肉骨茶,但居然室內滿座了,經理先生同我地講仲有露天位,原來餐廳後門有一個秘密小花園當然先黎一個肉骨茶, 有幾種配料不同既選擇, 居然仲可以做火鍋@@ 心大心細下叫左個2人份量的黑草羊腩肉骨茶 , 連埋個精緻小火爐上菜,夠細心,讚～味道方面正宗,非常正宗的黑肉骨茶,火蒜跟藥材平衡得非常好,跟黑草羊腩好夾再黎一份加影市沙嗲牛腩串, 沙嗲汁風味不錯,牛腩好林帶少少焦香, 有跟紫洋蔥同青瓜菠蘿番茄做伴碟,正宗食法抵讚主菜當然要食gf大人既“飛佛”Rendang,巴東牛肉.味道非常有驚喜, 牛肉口感不錯,gf大人要加份Roti沾汁食最後緊係要食甜品ka-iā啦,佢地有個㗎吔金磚, 細問下原來幾大件,可惜太飽食吾落,失望之下老板告訴我可以做一個會有驚喜既細咖吔多士給我地, 嘩嘩嘩～好脆好脆,老板用左3層焗到奇脆既法包,每一層都有一片大牛油及咖吔醬,正～～總結今餐係我地今年最難忘既一餐 , 服務五星係因為侍應細心,經理有趣而親切,這就是我們鐘情既所謂“ c

本人是旅居香港的新加玻華僑, 當然好希望能夠在外地食到正宗的南洋菜.餐廳有兩個部分, 一入門的內廳同埋最入面的露天茶座, 也附有BB凳.差不多一個月都會去三四次, 必點的應該是肉骨茶, 印度薄餅, 沙嗲串燒, 黑椒螃蟹.肉骨茶是比較濃郁的黑肉骨茶, 而且排骨的也多, 是南洋人早上中午提神補充體力的良品, 附送小量油炸鬼可以點湯食.印度薄餅連咖喱就是印度師傅用麵粉手打成的薄餅, 香煎過後皮脆內柔滑, 濃稠的咖喱有肉同洋蔥好開胃, 如果薯仔多點就更好.串燒有分雞/豬/牛, 大大串烤得很香而且醬汁很多很惹味.黑椒螃蟹是斯里蘭卡的大蟹, 約一斤多重, 肉多彈牙食主要特色, 鉗很大很多肉, 唔算太辣兩個人分會食得好過癮.獅蛤是地道的用水灼熟然後點特別的辣椒醬食, 爽口而帶點血不過喜歡貝殼類的朋友會覺得很好食.喇沙都是不錯的選擇, 有很多不同的配料可以選擇. 其他好似炒粿條, 炒飯野做得不錯.餐廳之前有送薏米水同埋$180黑椒螃蟹優惠系好唔錯的, 如果有繼續就更好了.

我兩唔想煮飯.今次第一次去Lee間"南洋餐廳"食晚飯，上網睇到有肉骨茶，就去打試試點知...膏蟹仔蒸蛋：D蒸蛋唔夠滑，膏蟹無膏，鍋地有粉絲(唔加會好D)...但蒸蛋真係有蟹的鮮味麥片海鮮炒飯：OK la~ 海鮮只見到原蝦及魷魚片，其餘的海鮮我就睇唔到LU~~~香茅豬扒：豬扒無咩香茅味麵包咖哩雞：好特別，對我黎講辣味適中肉骨茶：無我在檳城飲的甘好味，藥材味更濃及飲到去口嚨會有辣辣地的感覺，但lee到就無，可能為配合港人的口味.服務及環境唔錯!!可以一讚!!!!

尋日行畢業禮.......但諗唔到食咩......結果返左家.....但返到後又唔想阿媽煮.....(話哂供左咁多年讀書,點都要請佢地食餐飯)結果坐巴士去左香港仔搵野食........行行下就黎左呢間南洋餐廳原本就唔入去既......但靚女侍應出黎打交道(又幾好傾)所以就同父母阿公四個人入去試下喇~~先黎個小食拼盤俾分雞翼香脆.....但冇乜味.....3分)(魚餅........應該叫薑餅只食到薑味.........1分)(蝦餅.........ok,正常..........3分)(春卷..........正常............3分)總括而言........一般第二道沙嗲串燒俾分雞肉......一流.......5分)(牛肉......正常.......3分)(羊肉......唔怕蘇既朋友,好似我咁佢就會值........4分)總括而言........必試第三道麵包咖哩雞俾分麵包個蓋實在只能用四個字形容,外脆內軟咖哩汁亦不過不失.......唯一佢太正宗......咖哩汁會直接倒進麵包之內令麵包吸哂 d 汁.......變得唔脆了所以佢既分數有........3分)第四道參巴燒

好少去香港仔食飯，為咗就朋友方便，去咗呢間南洋餐廳，以下係食後感：裝修：幾雅致，幾舒服，仲有露天位置，如果有十幾個朋友包起露天來坐就正哂，不過要好似而家咁涼涼地嘅天氣先得﹗服務：整體尚可接受，係有個別一兩個侍應反應有啲慢同呆滯。食物：１）麥皮蝦：第一次食，外層有少少甜甜地，味道幾得意，幾開胃，但略嫌唔夠脆同唔夠熱。２）馬拉盞膏蟹仔蒸蛋：蒸蛋食得多，有蟹嘅蒸蛋都係第一次食，隻蟹幾香，多膏，啲蛋都幾滑，不過啲蛋都似淡咗少少。３）惹米水：呢個係超讚，必飲﹗足料，有惹米、有糖冬瓜，好有口感，甜度剛剛好，通常熱飲都細細杯，但呢杯都好夠份量，飲完都有點飽肚，啱哂要減肥嘅女士。４）燒蝦、燒蟹：呢兩款實在太好味，好香口，一嚟到就忍唔住食咗，忘記咗影相。

由於香港較少星加波菜，所以午飯時間到香港仔選擇了這間餐廳，一行３人點了海南雞飯，海鮮laksa，麥片海鮮炒飯。朋友點了海南雞飯，雪藏雞肉鞋而無味，辣醬味道不香，油飯味道太淡。另一位朋友點了海鮮laksa，laksa並不正宗，豪無椰香味，仔不辣，較像咖哩湯溝水。不過海鮮種類繁多，包括有蝦、魷魚、魚片 、豆卜 ，什至連獅蚶也有，外面較少機會見到。因為想回味一下麥片蝦的味道，我點了麥片海鮮炒飯，配料大至和laksa一樣，味道香甜，飯粒硬度適中。而且外面的確較難找到這款炒飯，十分滿意！最後還要特別介紹它的拉茶！茶香香味，質感嫩滑，即使要+$8也是值回票價！總結：當作普通茶餐廳，它絕對合格，可是作為星加波菜，海南雞飯和laksa兩道主要菜式完全是失敗，laksa即使配料可以還不及湯底重要。

因迷路向到這兒,見它客似雲來便一試。點了兩客午餐牌上的肉骨茶，包一杯飲品，埋單一百元有找。 肉骨茶是原鍋連爐上枱，配白飯/油飯/新竹米粉一客，有睇頭。爐是無火那種安全爐，有現代感。肉骨茶是味道濃郁的葯材 base, 跟星加玻市販或 prepacked DIY 的那種胡椒 base 的肉骨茶是兩回事。個人認為很對味，然而有人喜歡有人唔喜歡，我是前者，內子是後者。(remarks: 後話 below)油飯香糯甘軟，不會搶去肉骨茶的風頭，不錯。內子的新竹米粉是 OK 的。兩杯冰薏米水挺足料。午市價錢合適，餐室企理簡約，可一試。

小弟好少食其它地方菜式,驚d味道古怪,但有朋友請我去呢食,唔冼錢咪去,但又唔知食乜,個服務員講佐幾樣,咪試下,又幾盞鬼,d南洋咖啡好香,粉絲蝦米煲好正,個乜鬼肉骨茶好濃好夠味,而且個衛生環境都幾好,d服務員又好禮貌,又肯介紹菜式,低讚,下次帶條女去試下其它菜式.

尋日去左睇men in black 3D，睇完已經唸好去試香港仔南亞餐廳，一來新開張未試過，二來有我至愛獅蚶同肉骨茶。去到南亞餐廳係夜晚9:50，侍應話ok可以入去，我一到就叫獅蚶，侍應話可以燒（半生熟）亦可以放湯（全熟），我問話新唔新鮮，侍應話新鮮，咁新鮮就燒啦，其實問黎多餘實話新鮮架啦，不過問過又好似安心D，另外就叫肉骨茶，侍應話係咪要濃味，我心唸緊係要濃架啦，原來特濃係要加錢架，但餐牌我只見肉骨茶既價錢喎，真係到埋單先知呀！另外就點左娘惹炒蝦、蛤粿粉。燒獅蚶一上枱我就覺得唔係好掂…份量唔多，有D獅蚶係好細隻，但最重要都係味道，獅蚶．竟．然．唔．甜！獅蚶好食在於鮮甜爽口，所以雖然話貝殼類污糟但對獅蚶既鮮甜我係唔會拒絕既，但今次D獅蚶唔係好掂，得幾隻我覺得鮮之外，大部份可能因為燒既關係比較乾，無咩鮮味，都係靠個汁去吊返個味！失望！娘惹炒蝦、蛤粿粉又唔記得粿粉即係河粉，一見餐牌寫"粿"字就以為係煙煙韌韌既野，叫之前問左唔食辣，侍應話唔辣，但食到先知係微辣啦，仲見到辣椒絲添，雖則唔係辣到食唔到（我朋友完全唔食辣），但落單前已問清楚話唔辣先至叫架麻！呢碟份量幾大，見到好多料，蝦、肉絲、芽菜

香港仔又新開咗間餐廳，作為著名食家點都要試下，本來午餐時間去，但太多人所以兜咗一陣食tea，但原來個tea啲食物只係平咗around $2，是但喇。叫咗個海鮮喇沙同印尼拉茶，海鮮喇沙絕對對辦，麵底係摻摻嚟，米粉似乎粗咗啲，湯底一流，咖喱香料同椰汁份量平均剛好，唔會偏重某種味道。海鮮則有蝦、魷魚、魚片 、豆卜等，但係冇螄堪就差咗啲，我唔驚肚痛喎。之後見佢有個印度人做茶水，就叫咗杯印尼拉茶，嘩！真係好好飲香滑，茶味獨特而濃，好！跟餐加$5飲靚拉茶絕對超值。三十零蚊一個咁靚茶餐絕對超值。

香港仔開左間新野，叫南洋餐廳，開響呢個位真係無乜人知，實在太難見得到是日只係叫左個下午茶，咖央多+熱檸茶=$18咖央多無乜特別，甜甜地咁囉，分量不能強求，下午茶想點丫係咪先杯茶黎既時候已經有點暖，等左十分鐘個多士先黎到，凍晒喇，扣分服務都係一般，新開張唔夠人掛，坐低左一陣都唔識自己執檯下次試Laksa