南山白汁冰

營業中

休息中

食完品香樓飯後梗係要食甜品4人冒着雨各自擔一把遮都願意排隊等買完等大概5分鐘左右好快就有雖然落雨，但係都有唔少人流同3個朋友叫咗同一款芒果白汁冰原本叫咗堂食，但係因為落雨冇可能喺嗰度迫住食，所以即刻轉外賣自取餐廳嘅姨姨好好人即刻幫我哋轉，而且好好服務態度因為大家都想食到芒果肉，所以就一定要叫有芒果嘅白汁冰，冇叫到楊枝甘露或者係涼粉第一次食，冇中伏，芒果唔酸不過我食嗰碗冰就比較多，西米都唔錯夠煙韌有機會下次試埋其他款因為飽得滯已經食唔到其他嘢呢個價錢真心算唔錯香港人平甜品最高境界:唔算好甜

呢碗白汁冰真係童年回憶返晒嚟👶🏻 簡單到極致但超治癒💖 牛奶冰底🥛 打得超綿密☁️ 入口即化唔會水汪汪💧 最正係個煉奶白汁🍶 甜度剛好唔會膩👌🏻 撈勻之後每啖都奶香爆棚💥 傳統到不得鳥🏮 配料只有西米同大大啖既芒果🥭同牛奶冰超夾💯 芒果新鮮清甜 😍見住佢五六位職員即叫即剝😵粒粒皆甜無得輸🥰$35蚊碗夠一個人食都好正🤭阿姐手勢好快⚡ 門面職員唔明會好好咁解釋俾我聽個分別☺️雖然鋪仔細細但乾淨企理✨ 夏天行到身水身汗💦 食碗白汁冰即刻降溫❄️

慕名為這個出名白汁冰而黎南山邨，雖然門口都目測十幾二十人，但買完飛直至可以拎大約5分鐘內，好快手。白汁芒汁西米 - $35白汁冰係雲尼拿味，出面多數都係椰汁，心諗會唔會好唔夾？？ 點知好okay，芒果香甜，西米大大粒好煙韌楊枝豆腐花 - $27楊枝甘露好好食但少少偏甜，豆腐花滑滑的，好後悔無加球白汁冰，呢個冰真係重點令個糖水更冰凍更好食，而且佢可以發揮中和無咁甜清爽啲，夏天食一流。P.S.一定要加白汁冰！！

南山白汁冰喺網上面好出名，呢排終於去到試喇🥳！ 咁啱嗰日去到嗰陣冇乜人，所以好快就攞得👍🏻不過之後就見到條隊冇停過，所以排隊都要睇彩數！白汁芒汁西米 $35 ⭐️⭐️⭐️⭐️⭐️嗰日天氣好熱，食冰就最消暑喇🧊🍧！白汁係雲呢拿味，唔算好甜，啱啱好😋！芒果都幾多，都好甜，唔酸🥭。西米都好多，大大粒，幾煙韌。好大碗，幾抵食，食完仲想再食多碗呀！😋白汁西米（配芒果）$30 ⭐️⭐️⭐️⭐️⭐️呢碗只係冇芒果汁，但都有芒果🥭，呢碗更加食到白汁冰嘅雲呢拿味！各有各好！😋

早前因為揸車入油，發現南山邨開了一間南山白汁冰，但當時不肚餓所以沒有食，今次再來是為了一試南山白汁冰！經了解後，白汁冰原來是雲呢拿沙冰，他的沙冰真的幾好食，不過外賣回家時沙冰開始溶，否則應該更好味。個人覺得即食會更好，難怪這樣多年輕人企在店外即時食。其實一班年輕人聚集在一起食，都幾有氣氛。另外，我見芒果類的甜品都幾多人叫，雖然我沒有食，唔知是否好味，不過見到份量十足，都算抵食。今次忘記照食物的相片，下次有幾會再補回。

Blingbling美食推介✨📍石硤尾🥭南山白汁冰✨本地老字號｜獨家秘製白汁 × 芒果控必去💠💠💠💠💠💠💠💠入夜微涼，走入石硤尾嘅街角老店「南山白汁冰」，尋找一份童年嘅味道～呢間小店主打自家製白汁甜品，好多街坊一食就食咗十幾年，今晚終於嚟打卡試吓佢傳說中嘅白汁芒果系列！💠 白汁芒汁西米 $35一接到碗冰，已經聞到芒果香撲鼻而來～白汁係佢哋嘅靈魂‼️似煉奶又唔太甜，又有vanilla味，食唔出係咩味，總之就好好味🤣而且芒果汁超級濃郁香甜，撈埋冰凍西米，口感超有層次，夏天食啱晒～✨💠 白汁芒汁豆腐花（加芒果）$40呢碗真係芒果控必試！豆腐花超滑，又香豆腐味，配上新鮮芒果塊，加上白汁＋芒果汁combo，甜度啱啱好！好凍但口感又香又滑～每啖都係幸福感爆棚🥹✨貼士：記得要快啲食，真係冰黎架！唔好等佢溶晒先食～冰涼口感先係精髓呀！餐廳環境：💎💎💎💎/5（街坊風情滿滿）服務質素：🌸🌸🌸🌸/5食物味道：😋😋😋😋😋/5性價比：💰💰💰💰💰/5

-同班朋友喺深水埗食完飯，順路行咗去石硤尾食糖水，聽店員講無論係白汁西米定係白汁芒汁西米都係有芒果肉，我最後叫咗最多人叫嘅白汁芒汁西米，兩者嘅分別就係白汁芒汁西米有芒果汁另一款冇，入面勁多芒果，而且芒果同埋芒果果汁都唔會食落覺得好酸，再配有雲呢拿沙冰底，冰係人手打嘅😂，口感咬落一片片，同雲呢拿西米好夾，食完會仲想再食多碗-。《白汁芒汁西米》 | $30-📌#sorriso_石硤尾 #sorriso_深水埗區-👅【南山白汁冰】📍石硤尾大坑東道111號南山邨南山商場平台CCC9號舖🕑星期一至日 15:00 - 01:00-

今次嚟石硤尾食超出名嘅南山白汁冰💖🥹本身都知網上有好多人分享人氣爆登🔥食完之後冇諗到佢比預期中仲更加好味$30 一碗夠經濟實惠 啲料夠曬多！好幸運當日去唔使排隊 出餐速度都好快一路見到廚房切緊啲新鮮芒果🥭芒果大粒深色好新鮮✨食落甜味夠完全0酸味西米都放到好滿 起初白汁冰未融西米未係好入味食食下之後同白汁冰仲有芒果融合咗就超正💗白汁冰食落完全唔死甜 似係微微嘅雲尼拿味道食落去好清新好冰涼好解渴🧊夏天成身汗食一碗真係爽曬 啖啖都透心涼🤤

#吃在南山邨嚟到 #南山邨，就好似入咗個 #美食結界 一樣，由邨口嘅人氣小店，到傳統老店，總會搵到啱大家嘅口味🤤食完 #炸髀 同 #夾餅，梗係要嚟一碗「南山名物」 #白汁芒汁西米！滿滿嘅芒果肉🥭 配埋用雲呢拿汁造成嘅沙冰，混埋軟腍腍嘅西米一齊食，甜得嚟好creamy，口感真係好豐富… 不過後來我先知原來有啲款式係可以走冰㗎😅 對於一向怕食冰嘅我，下次一定要試🤤🤤📍 #南山白汁冰 (石硤尾)大坑東道111號南山邨南山商場平台CCC9號舖

星期日下午三點幾到已經見到人山人海原來有一大部份人係等緊雞蛋仔兩間舖其實係隔籬🥢白汁西米$30白汁即係雲呢拿沙冰份量好足，價錢平好多芒果肉同西米食到最後白汁溶化，食到濃濃雲呢拿味🥢至尊楊枝甘露 $32有西米，柚子加一球白汁白汁溶化之後會被楊枝甘露嘅未蓋過反而食唔到雲呢拿味個人覺得白汁西米好食啲🌸🌸🌸🌸🌸假日雖然好多人但係出餐嘅速度都幾快等大概五至10分鐘就有得拎店員亦都好好笑容，態度幾好整體係一間好抵食嘅外賣甜品店

一直南山邨嘅甜品舖都好出名，嗰日閒日未到開門時間就已經排晒隊，今次就試試佢！椰汁豆腐花豆腐花口感嫩滑，好香豆味，價錢好平又大碗，啲椰汁好香，又唔會太甜，椰汁同埋豆腐嘅味道清香融合，又不膩口，絕對適合喺夏天嘅時候食，可以用嚟消暑！芒果白汁冰🍧見到面頭嗰層芒果就知道佢好足料，入邊啲西米都好爽口，配合埋底層嘅白汁冰，口感豐富，擺到落口啲冰超級解渴，有好香嘅芒果同埋椰汁味，配上新鮮嘅芒果肉，簡直係一流！可惜嘅係地方比較細，冇得坐低慢慢食，只可以捧住兜冰係側邊品嚐，食得有啲辛苦，但係以咁嘅價錢同埋質素可以買返屋企食或者側邊試吓都唔錯👍🏼

白汁芒果西米芒果粒食落香甜 下面係一層雲呢拿冰口感幼細 好有冰粒感味道淡淡地 有微微嘅奶香芒果汁甜甜酸酸 加重咗成個芒果味大大粒西米口感幾彈牙 甜度啱啱好✅整體味道正常發揮白汁水晶粉雲呢拿冰上面放滿水晶粉 口感滑溜除咗水晶粉 仲可以揀豆腐花/涼粉/西米

朋友話石硤尾有間好出名嘅甜品 早一兩年入舖到而家依然受歡迎👥 雖然有少少隔攝 今次終於有機會嚟開呢邊試下 見佢舖頭細細 但至少有4位員工😮 效率都頗高 等15分鐘左右就有啦⌚️🥭白汁芒汁西米 $35新鮮芒果粒 雲呢拿冰 西米 芒果汁餐牌寫得好清楚 邊啲係白汁冰系列 邊啲有芒果粒 唔會嗌錯🤭 望落好似細細碗 不過啲料裝到滿一滿架👏 冰底有淡淡嘅雲呢拿奶味 芒果汁甜甜酸酸平衡返奶味 西米都處理得唔錯好彈牙😍 最重要最重要係新鮮芒果粒 又香又甜🥹 鋪滿碗面 蓋都冚唔到😂 現場即刻食會更正架‼️溫馨提示: 舖頭晏晝三點先開 直到凌晨一點⛺️南山白汁冰📍香港石硤尾大坑東道111號南山邨南山商場平台CCC9號舖

最近我哋去咗南山邨試白汁冰，真係好好味！一碗$30，份量足夠兩個人share。白汁沙冰唔似一般刨冰，口感好綿，唔會水，仲有啲大粒西米，咬落去有啲彈性，真係好正！上面嘅芒果份量多，味道香甜，每一口都滿足。白汁味道清新，甜度啱啱好，完全唔膩。呢個夏天真係好適合食，無論係學生定街坊，路過都一定要試！下次再嚟食其他甜品！.不過有一樣要提一下，我哋見到牛奶放喺室溫，個盒出曬水，感覺唔係咁好。希望佢哋可以改善下呢個情況，保持食材新鮮。整體來講，白汁冰真係好味，值得再試，多啲注意食材質素就更完美！

南山邨｜南山白汁冰📌 南山邨南山商場平台CCC9號舖專登揸車到訪🚘，隔籬就係另外一間出名嘅雞蛋仔，建議下次可以預留多啲胃口，試吓更多唔同嘅甜品同小食！💫白汁芒汁西米$35美味指數：🌕🌕🌕🌕🌕芒果又香又甜，西米粒粒分明，係好有質感嘅冰！加埋一齊，天氣再凍都想嚟翻一碗！整個配搭💯