影片
營業時間
今日營業
12:30 - 01:30
星期一至日
12:30 - 01:30
以上資料只供參考, 請與餐廳確認詳情
南山梳乎厘 @souffle_namshan 📍：深水埗元州街1F號地舖🚗：深水埗地鐵B2出口 步行6分鐘📞：+852 6849-1428💲：~HKD50-60/head for dessertsFood quality✔️：焦糖咖啡、鮮打香蕉奶昔、焦糖花生👌🏼：開心果、鮮打芒果沙冰總結：😋南山比其他地區多好多小店 呢間南山梳乎厘就係其中一間 但佢實際不在南山🤣搬咗去深水埗嗰邊😋店舖細細 專做梳乎厘/甜品 但都好多款式 今次試咗焦糖咖啡☕️即叫即整 所以要等一陣😋店主叫我周圍行先再返嚟 但由於附近實在無嘢行 所以行完一圈都係留喺舖頭外等 得外賣🥡嘅原故 但外面都放咗幾張凳可以堂食 不過夏日嚟食有點狼狽😋梳乎厘有兩層 好澎派 空氣感足食落好似食空氣感 奶香味唔太濃 主要因為佢落嘅焦糖咖啡/焦糖花生太重 好食 但個人覺得再熟啲會更完美😎🤔近期開心果類甜品大熱 呢度嘅開心果就試一次就夠 唔夠香都唔夠濃 陣開心果味較淡😣🤔+$15有得換香蕉奶昔同芒果沙冰抵飲 前者出色好香好稠香蕉味 芒果🥭沙冰都唔錯嘅🤔個人覺得小店員工比較親切啲 見我哋猶豫緊叫咩都同我哋介紹 不過如果有得入舖堂食會更開心🥳😨要打卡嘅朋友可能會失望 因為冇環境可言 擺盤都只係外賣盒 但食物本身夠靚仔😍😨冇咩耐性嘅朋友都唔太啱 因為要啲等待時間 但唔算太耐
繼續閱讀
真係頂唔順！今日專登去呢間「南山疏乎厘」朝聖，點知食到一肚火！ 叫咗個招牌疏乎厘，一啖隊落去——黐線㗎！入面流到好似疍花湯咁，一pat pat濕漉漉嘅粉漿湧出嚟，腥腥哋嘅生疍味攻鼻，我即刻打冷震！大佬，你同我講呢啲叫「熟」？街市買生雞蛋都無咁流質呀！最激氣係個老闆面皮厚過城牆！我拎住碟「生疍糊」客氣問：「老闆，好似未熟喎？」佢眼尾都唔掃下，仲要懶專業咁 「死雞撐飯蓋」：「係咁㗎！我哋特色係流心㗎！」 流你個心啊流！流心係朱古力熔啊，唔係生粉漿囉！仲要串串貢補多句：「你唔識食遮！」聽到真係火都嚟🔥我食疏乎厘多過你食米啦！ 💣 致命三宗罪：1️⃣ 食物安全零分：生疍高危啊！沙門氏菌中咗點算？睇見碟「水汪汪」都知大鑊，食兩啖直接放棄，驚肚痾到脫肛！ 2️⃣ 態度差過差人查牌：明明失手仲要 「死狗唔認輸」，當客係白痴？收50蚊俾堆生粉漿人，仲夠膽教人食嘢？ 3️⃣ 價錢搶劫級：一舊水食個「實驗失敗品」，不如我去超市買盒鷄蛋自己撞牆仲實際！ 💥 總結：伏已中！呢間嘢絕對係「疍散人亡」代言人！唔單止味蕾受虐，仲要受氣。老闆堅持「生疍糊」係藝術，建議掛去藝術館展覽，唔好開餐廳害人！ 溫馨提示：想挑戰腸胃抵抗力／享受被當水魚劏嘅快感？歡迎去試！正常人請速逃！👋
繼續閱讀
已幫襯過好多次, 款式多，價錢合理，味道一流! 營業時間到深夜，鄰近馬路，可以電話叫定, 駕駛人士購買非常方便!外賣自取包裝很好，職員非常親切有禮。個人推薦海鹽芝士，開心果兩種味道!
繼續閱讀
每次經過都好多人排隊，雖然街邊小店沒有打卡門面，但好好食平民價錢比好多好食。大概等10分鐘即整即食，Q彈上檯今日試兩款原味梳乎厘、焦糖咖啡梳乎厘空氣感 不飽腹，但係係甜品的第二個胃啱啱好原味的脆脆搭配滑cream會繼續試唔同口味！ #香港美食 #香港甜品 #香港探店
繼續閱讀
前日（15-3-2025 Sat）晏晝，同老公喺家後2.0食完芝士蛋糕後，就行埋過嚟食梳乎厘，我哋搵到喇，見到有兩組客喺喥食𡁵，我哋睇完menu，由於食唔到兩個，但見到可以一個梳乎厘有兩隻味，就決定要$60.00嘅雙重滋味（兩味）梳乎厘，老公俾我揀味道，我哋唔要開心果味喇，就要士多啤梨同焦糖咖啡，店員問我要唔要嘢飲，我答唔要。咁佢哋就整喇，但諗諗吓，好似買杯嚟飲都好喎，於是睇睇，就要以$20.00加購嘅手打香水檸檬茶。梳乎厘整好喇，我就等埋嘢飲先，影好相食得。兩種味道都對版嘅，食到咖啡嘅甘，而梳乎厘係有兩件，軟綿綿，老公話有蛋香。4分而手打香水檸檬茶，味道唔係好濃亦唔澀，但竟然唔夠飲，好快飲晒，返到屋企睇，原來有5片檸檬咁多。2.5分
繼續閱讀