44
4
5
港鐵銅鑼灣站 A 出口, 步行2分鐘 繼續閱讀
電話號碼
35719230
營業時間
今日營業
07:30 - 21:00
星期一至日
07:30 - 21:00
*截單時間 20:30
付款方式
現金
食評 (58)
等級4 2019-09-12
798 瀏覽
同老媽子去左銅鑼灣Shopping,行到兩個人好攰,5點又未晚飯時間,但兩隻餓壞左嘅人,就順便在附近餐廳開飯。閒日未到食飯時間,餐廳座位選擇多,以長枱為主,每張枱之間有一定的距離,雖然是茶記的格局,但環境卻好舒適。辣妹當然要點一個招牌海鮮喇沙 HK$55喇沙麵底係油麵加米粉,食落口感好有咬口,喇沙湯底好濃郁,配料有青口、蝦、魷魚、仲有豆卜,白魚蛋,配料分量真係幾多。特別讚一下海蝦好夠鮮味彈牙, 很不錯。麵底係油麵和米粉混合食,一粗一細,米粉比較掛湯,但油麵比較滑口,一齊食幾乎合南洋風味。媽媽叫的印尼炒飯 HK$55,賣相都好吸引,食物一樣好豐富,有太陽蛋、串燒、炸蝦片。炒飯雖然顏色深,但卻唔係想像中咁鹹,反而味道適中。炒飯主要材料是蝦肉粒,很足料,食得出不是用無味道的水晶蝦,蝦肉爽口彈牙。而太陽蛋煎到有脆邊,這個我喜歡。串燒比較失色一點,個人覺得燒得有點乾,不過沙嗲醬惹味搭夠。我覺得來南山冰室,如果喜歡肉骨茶的朋友,一定唔可以錯過。這個藥味很重,整個湯好濃郁好足料,唔會好似坊間一樣清淡無味,另外碗肉有兩塊大大的排骨,肉質很稔不會硬,所以推薦一定要飲。最後來一杯柚子蜜同黑糖姜母茶,成餐飯食到捧住個肚走, 都係每人幾十蚊,係銅鑼瀛地段來講真係好抵,所以下次會再來。 繼續閱讀
(以上食評乃用戶個人意見 , 並不代表OpenRice之觀點。)
#南山冰室 (銅鑼灣)銅鑼灣新會道2號地舖-----星期六一早約朋友仔去銅鑼灣唱K 諗住walkin點知去到竟然Full曬🤨唯有轉戰去搵個地方食lunch 行行下就被呢間以天藍色做主調ge冰室吸引左 店鋪位置鬧中取靜 陽光下望落好似一片藍天咁 感覺relax 好適合做Saturday lunch ge落腳點😆-#馳名海南雞喇沙($68,海南雞轉雞髀加$8)喇沙一送到 就即刻比佢個份量嚇左一嚇 無論係海南雞定係麵底都超級多 連大食geB仔都覺得食曬有難度 🤣所以如果唔係特別大食的話 叫一碗真係完全夠兩個人食(可能夠三個人tim...)海南雞超級嫩滑 湯底喇沙味頗濃 麵底同時有雞蛋麵同米粉 一次過滿足兩個願望 唯一係麵ge份量真係比得太大方 食到最後 會有少少唔夠汁😂-#金牌厚切焗豬扒飯($56)同行朋友仔唔食芝士 所以走左芝 雖然走芝 但味道依然豐富 飯底有加雞蛋 紅蘿蔔同洋蔥炒過 蛋香頗重 豬扒唔係普通焗豬 而係切好ge吉列豬 非常厚切 肉質軟腍 而且炸得香脆得黎毫無油膩感 整體高質 係會令人想回頭再食ge選擇😊-#肉骨茶($38)材料有排骨 冬菇 豆卜等等 湯幾大碗 但餸唔算比得多(不過亦好彩唔多 因為主食份量真係好驚人)肉骨茶味道非常濃郁 藥材味重得黎無苦味 飲落清甜😋-#咖央肉鬆厚多士($24)多士好酥脆 表面肉鬆滿佈 整體配搭不錯 雖然好味 但略嫌肉鬆味太出 有輕微掩蓋咖央味 下次會叫純咖央多試下😆-----👶🏻B仔整體評價:8/10個👍🏻👶🏻B仔抵食程度:8/10個👍🏻(主食份量極大)👶🏻B仔環境評分:8/10個👍🏻(一個身上貼住trainee牌ge伯伯服務態度極好,令整體用餐體驗好加分😁)👶🏻B仔味道評分:8/10個👍🏻👶🏻B仔回頭機會:8/10個👍🏻----- 繼續閱讀
(以上食評乃用戶個人意見 , 並不代表OpenRice之觀點。)
等級4 2019-09-03
483 瀏覽
喺銅鑼灣lunch, 講到平靚正就要數到利園個頭新開無幾耐嘅南山冰室. 事關餐廳位置都OK低調, 裝修靚靚, 待應都好nice完全擺脫一般冰室粗獷嘅形象😎. >椰汁燴雞球飯 (HKD58)出餐速度快得驚人, 飯同椰汁雞球分碗上, 汁底夠杰身椰味香濃, 最讚嘅一定係勁多件雞而且件件都切得大件, 雞肉入口嫩滑, 鐘意食雞貪佢唔會太油太heavy而啖啖肉實係揀li個.>星馬咖哩牛脷飯 (HKD68)極微辣嘅咖哩, 牛脷切成粒而唔係平時食開一片片, 咬落腍身, 每羹充滿椰香嘅咖哩汁都有粒粒牛脷+脆口炸蒜, CP值高.>肉骨茶 (+HKD12)八角茴香, 大蒜等等香料加上藥材熬製而成, 味道甚濃嘅肉骨茶內有一咬離骨嘅豬骨, 豆卜同冬菇, 足料好飲.>紅豆冰, 龍眼冰 (+HKD6)午餐轉特飲每杯只係加HKD6真心勁抵! 店家採用紙飲筒更要加分♻️👍🏻. 紅豆冰嘅紅豆非常腍軟, 龍眼冰半杯都係龍眼肉呢.>咖央西多士 (HKD32)唸住唔趕時間叫多個Kaya toast四個人share食, 邪惡嘅牛油塗滿炸得均勻嘅多士, 淋上糖漿, 每啖都有咖央醬嘅風味, 偶爾來返個comfort food嘅推介. 繼續閱讀
(以上食評乃用戶個人意見 , 並不代表OpenRice之觀點。)
等級6 2019-08-03
391 瀏覽
印象中原址上一手是「喜喜冰室」,走上世紀60、70年代仿古懷舊冰廳路線,同時添加色彩及混入摩登裝修風格,都可以算係摩登化懷舊冰室嘅先軀。唔知道什麼時間結業,今日經過,已經變成了另一間餐廳;同樣是冰室,不過已經換了招牌,更加估唔到,原來係「東海集團」旗下。傳統中式酒樓搞新意思,一於試吓。裝修格局鮮明亮麗,擺脫了傳統冰室的簡陋形象、採用了摩登風格,但就沒有將舊式冰室特色融入;論裝修,比不上「喜喜」。餐牌簡單,一頁睇晒。除了早餐、三文治之外,佔了一半上選擇竟然是星馬風味咖哩、肉骨茶、喇沙等星馬小食;原來「南山」所走路線是上世紀80年代曾經盛極一時的星馬風味港式餐廳 ⋯⋯ 雖然近20年已經買少見少。再看看餐廳外語(法文?)名字「Le Mont」,雖然也是解作「山峰」,但與星馬餐廳完全沒有半點關係,簡直係風馬牛不相及,點解揀個咁嘅英文譯名?馳名海南雞配椰香飯($68)有最基本的兩款海南雞飯醬料:星洲黑甜醬油及蒜蓉辣椒醋。雞皮表面缺少油光、亦唔夠光滑。咬落去雞肉欠雞味,嫰滑程度一般;只勝在肉質柔軟無渣。椰香飯的而且確有少少椰油香氣,但只此而已;飯粒太乾身、甚至有少少硬,亦欠缺雞汁鮮甜、甚至完全沒有味道 ⋯⋯ 唔係好食嘅海南雞油飯。是日午餐吉列豬扒喇沙湯撈麵($52)。橙紅色的湯底非常油膩,只有香辣、欠缺了正宗星馬喇沙的獨特香料配方,亦沒有濃濃的蝦殼蝦頭煎香後再熬湯的鮮甜;喇沙的靈魂湯底已經率先敗下來。不過,喇沙麵條值得一讚,採用了油麵及米粉兩溝,很正宗。吉列豬扒係港式處理方法,沒有香脆可口的麵包糠(又或者只是完全不明顯的麵包糠碎粉)。薄身、大大塊、肉質亦夠鬆軟,但肯定只是普通質素的急凍豬扒,欠缺肉味及油香,亦沒有油脂,勝在夠平抵食。特厚滑蛋三文治($28)絕對是近年港式茶餐廳嘅大熱出品,基本上,所有稍為有點名氣的茶餐廳或者冰室,一定標榜這款港式美食(註:第一間茶餐廳將蛋治發揚光大,甚至誇張到可以只靠獨沽一味蛋治而生意長做長有,就一定非「澳牛」莫屬)。加 $2 轉烘底相當抵,以今時今日嘅香港生活指數,其他茶餐廳隨時收 $5、甚至方包夠厚、亦烘得均勻;咬落去熱辣辣,兼表面香口、又有少少脆身。完全符合好味道的烘底三文治的要求。雞蛋份量夠多,符合厚身雞蛋三文治的條件,但未至於特厚,不算非常搶眼。炒雞蛋味道稍為偏淡;炒蛋功夫未到家,散開成一小堆、一小堆,亦唔夠滑溜,炒得老火、過熟。味道一般,應該唔會再幫襯。 繼續閱讀
(以上食評乃用戶個人意見 , 並不代表OpenRice之觀點。)
等級4 2019-07-30
711 瀏覽
早前係銅鑼灣上完堂後, 便係附近覓食, 最後去了南山冰室食嘢.見附近唔少食客點了馳名海南雞飯, 我也一試.飲品加錢要了熱的黑糖薑母茶.馳名海南雞飯上枱. 賣相幾精緻.附有湯一碗. 雞肉肉質夠嫩滑, 完全唔覺得乾和硬. 但對於唔食生嘢的我, 雞肉較多紅色. 我反而鍾意食個飯, 飯軟硬適中.黑糖薑母茶. 味道夠濃郁, 令人感覺舒服.再點了咖央肉鬆厚多士. 肉鬆份量夠多, 但卻蓋過了咖央的味道, 我寧願咖央多些.多士尚算鬆脆, 但多士再厚身一些更有口感. 繼續閱讀
(以上食評乃用戶個人意見 , 並不代表OpenRice之觀點。)