南屋仔 (已結業)

地方雖然不大，但打卡位都幾靚，值得一嚟😙如果要泊車，建議平日或避開午飯時間，因為好多人🙈，唔夠位泊車😮‍💨公眾假期中午1點到達，都等咗45分鐘先有位，原來有好多人專程踩單車嚟食嘢😱。由附近無其他食店，所以都照等。打卡位全部圍住餐廳，好方便😂重點分享！！餐廳食物質素好好🤤👍🏻，大約$70個餐包凍飲，絕對可以放入回頭食list 😙唔知點解隻炸雞髀可以咁大隻😱，外脆內軟又Juice，超有驚喜公司三文治亦都好好食，超厚餐肉加濕潤炒滑蛋，配埋軟熟厚多士， 好好食（又講😂）打完呢份食評想聽朝即刻再去食🙈唯獨有一樣嘢需要改善，洗手間好污糟🫣🫣

地點一定係偏遠，而且係要有車先去到既地方，一係揸車前往，一係踩單車前往。上水新城購物城冇咗之後，另一個近排最Hit 既打卡點必定係馬草壟莫屬。馬草壟南屋仔士多 環境清幽，遇上好天氣更加Chill 既感覺。餐廳定位都係港式茶餐廳。並非西化Cafe.價錢定位都係比市區的高，當然環境絕對無敵同值回票價。今次一於食魔鬼餐蛋出前一丁，無他的因為套餐黎講算平了，所謂「魔鬼」= 超厚嘅午餐肉，如果踩單車入嚟既車友其中至愛。最有驚喜既位係飲品（咖啡或奶茶），茶味濃，可以值得一試，係戶外地區都飲到港式茶餐廳質素嘅飲品。

真是超級巨大炸雞脾，以前都有在紅磡一家食過好吃的炸雞脾，但是再大也就只有這次的一半，上桌時我都驚呆了，包括西多士也都是其他茶餐廳的一倍大，味道都很好，可惜當日要排隊，沒有坐到靠河邊的位置好遺憾！

疫情下往外走呢度有室外坐既地方望住水塘景食野感覺空曠一點往郊外走係舒服既食物價格係偏貴去趁呢d地方都想食一丁但係個價👉👈最後都係叫左碟頭飯不過都有驚喜蔥油豬扒係大件既、味道都唔錯、蛋流心，合格以上泰式雞飯就無咩特別，唔算係出色，雞唔鞋口，個醬就都一般。個西多幾乎每枱都叫新鮮食果陣係好鬆軟，口感都特別係三樣食物入面最欣賞既杯奶茶一般建議正門入去 等人安排坐位較好大家都亂坐就會好混亂#疫情好去處 #親子遊 #美中不足係多野飛黎飛去#壁畫係靚既#食物比起榮昌好似無咁好#但環境就較好較悠閒#南屋仔 #上年10月開#好多單車人#可帶狗餐廳

星期二早上在上水租單車，沿著大水管入，先上頂再約下午兩點多到達南屋，遊客也不少。野外環境，十分開揚，有山有水，使人心情舒。但當天頗大風，太陽傘開了有吹倒危險，要用腳踏實個傘座。服務員不足，我們等了有成10分鐘，仍未落到單，去到收銀又叫我回座位等，但都是有禮貌，落單時也細心介紹。食品制作用心，色香味俱全，連大配角芡汁都十分正，份量大，價格不高，仲不用加一，我們3人食完都好話無得彈。黑椒牛扒 - 牛扒有肉汁滑嫩不韌，黑椒汁夠香辣。大脾香蔥 - 好大隻雞髀，肉嫩不乾，但稍為熱氣，香蔥就十分美味。咖喱牛腩 - 不辣有椰香，牛腩好腍。

連續兩天去馬草壟郊遊,兩日都幫襯南屋仔,店舖環境,鳥雨花香,第一天還看到季候鳥。食品種類多,招牌作大大大雞脾及高層西多士均是打咭之選。好可惜入座安排混亂,連續兩天更看到"唔知是村民還是像"我亞巴是李剛"那種人,完全不守跌序,眾人排隊攞飛,佢地見到空枱就自己霸住坐,當職員無到,當其他等位客人無到。見職員叫他們守秩序,班老粗當睇唔到,聽唔到。被人感覺像陀地般,講真,我同家人只是遊客,連續兩天見到咁混亂情況,幾靚幾好味都唔想再去。唔通食餐飯最後要鬧交打交收場。餐廳想做好些,唔該好好改善,排隊落飛問題。 連續兩天都見到插隊打尖。職員服務一般,可能因為唔熟手或因為惡霸客人多,唔敢得罪。不會推介朋友,因為避得朋友去到見到咁樣等位現象發火鬧交。

21/11/2021 星期日，今日去咗近期大熱打卡食店「南屋仔」，預咗人多，不過店員好有程序咁話比大家知，要先登記攞籌。好彩只係等咗一陣，就有枱喇。店員比一張寫咗枱號嘅紙仔給我，跟著睇好餐牌，自己想食乜，再去收銀櫃檯，將枱號紙仔給收銀姐姐，落單比錢。收銀姐姐比收據我，返回自己枱，慢慢等店員將食物送到。我哋利用食物未到期間，喺枱附近影吓相，打吓卡。我哋叫咗馳名嘅 香香香蔥豬扒飯，豉油蔥+蛋撈飯，加豬扒，好美味！大大大脾蔥飯，製作需時，大概30分鐘，是值得的，超大雞髀，皮脆肉嫩，要讚呀！甜品：高層西多士，給高層品嚐，都係值得推介！呢度對面就係深圳，遙望遠方，好特別！放假給自己享受人生，舒服愉快的好地方。

見最近網上有好多人都講呢個地方, 可以望到北面嘅風景, 所以特登揸車入嚟望一望有啲乜嘢風光, 網上寫有一架51B小巴可以入到嚟(但注意好耐先一架), 我見多數嘅人都係揸車或者踩單車入嚟入到黎呢到, 只係唯一由呢一間餐廳主要係食茶餐廳嘅食物或者係常餐類別, 而我本身對呢個位置都冇諗過有啲咩嘢可以食得到, 但求有嘢醫下肚就OK啦坐低等咗好一段時間先由侍應落單, 叫咗個全餐, 而朋友叫咗個常餐, 佢哋午餐肉非常厚切(估計有2cm厚), 飲品亦都比預期中高, 坐喺度舒舒服服的確寫意, 4人食左$240, 價錢相庸😀

病假休養中，咁啱老友星期三放假，難得好天陽光普照，咁就約埋去郊外食 lunch散散步呼吸新鮮空氣。上次嚟食早餐非常之普通，今次已經同老友講定唔好期望好食，至在喺陽光下坐室外悠閒食個晏。去嗰時都諗平日開唔開呢，去到嚇一跳，都幾多人喎，有單車客，有一家大小，有地盤工人。好彩我哋仲可以揀位坐，坐近池塘邊，風景靚啲，又避咗泥頭車行過揚起嘅塵。3 個人叫咗香葱豬扒飯，泰式雞飯同五香炆豬肉飯，泰式雞有雞味，蚊豬肉鬆化入味，豬扒飯唔鞋新鮮炸，3 款都有驚喜。今次揀奶茶，個人覺得幾香口，走嗰時啲客已經要等位啦，有機會可以 encore lunch 😋

我哋單車隊友成日經過今次我們的聚會是一群70人的慶功宴。我們預先通知餐廳不過畢竟這個地方比較偏僻人手還是不足。連餐凳都要自己尋找。但是他們盡量安排其實我們亦諒解。 我自己叫了一個最出名的炸雞髀年太陽蛋甜豉油蔥花飯。 不過真的等到花兒也謝了一個鐘頭後才可以吃飯我連凍檸茶都飲完。雖然咁樣講但係其實佢就炸雞髀真係真係真係好好食😋。外皮鬆脆、炸到非常香！裏面的雞肉很juicy！ 還有他們的太陽蛋，應該亦是用大火煎出嚟因為都會濃邊！ 甜豉油蛋黃加蔥花落去白飯真係好味！ 雖然等了一個鐘不過他們的服務員被我們差遣很多次但是都很友善。我覺得我們70人的聚會去這間小店他們亦是盡了能力。 到最後我們切蛋糕他們亦提供紙碟及餐具！若是有漏單他們的服務員亦盡快跟進。這裏的景色一流！ 空曠的環境、新鮮的空氣、有熱誠的招呼、會再度來臨欣賞馬草壟及深圳的景色！

呢間近排應該都幾多人收藏嘅餐廳，星期日早起身就快快梳洗出門口，諗住快人一步嘛 🤭🤭8：30 未到就去到，店主話 8：30先有食物供應，叫我哋四圍參觀吓先，咁就影吓相先啦，環境的確唔錯，周邊仲有啲小工程。餐廳的確花咗啲心思喺四周環境，可能仲新，工作人員未協調到，落錯單送咗錯食物攞返走就唔記得整返個啱嘅食物，所以等咗好耐，食物質素普通，應該係以前喺天水圍開嘅茶餐廳搬咗入嚟改咗名，餐具同單仲係舊名。洗手間地面比較濕，又無梘液供應，呢方面差小小！上午好多單車客，我哋食完早餐店主就介紹我哋過對面上山，行十多分鐘可以望到魚塘景，夜晚望日落會靚啲，上完山又去附近行魚塘，的確好舒服，到我哋走嗰時就有隊 mini cooper 操入嚟，好彩我哋夠早 🤣🤣