南國紅豆餅 (已結業)

📍 南國紅豆餅 ————————————————————🍚｜滷肉飯配台式香腸💰$45————————————————————🗿滷肉裡面肥肉比較多 鍾意🤣🗿不過啲飯比較淋 份量適中🗿而且性價比幾高 台式香腸都好好味————————————————————🦦味道評分：6.5/10 ［‼️抵食便當］🌟性價比：🌕🌕🌕🌕🌑————————————————————地址：西灣河筲箕灣道57-87號太安樓地下G1號舖

買左兩個便當同甜品，其中叫了雞扒香腸飯$45，返到屋企發現得雞扒同飯，冇左香腸，即刻打去餐廳想反映，打左十幾次都冇人聽電話。睇番餐牌，雞扒飯$38，我蝕左$7又食唔到香腸！好嬲又灰心！下次唔會再光顧！

今日突然之間好想食台灣紅豆餅，咁啱有去港島區搵到而家喺太安樓附近嘅店舖，決定特登揸車去順便試一試，本身想全部都叫晒。但可能只有一個工作人員，佢話嗌四個要等15分鐘，再嗌多啲可能就再耐啲啦。咁所以我就揀咗三個味道；分別係芋泥肉鬆$15、2個，珍珠吉士$12x1 ,同芋泥$12x1 ,等咗15分鐘一上車即刻試吓仲係暖嘅，好慶幸佢係咁啱即叫即做，一咬落去外層好似食緊雞蛋仔加蛋糕嘅感覺，外面脆脆地入邊就係啲餡唔會話太甜，重點一提我本身唔係好鍾意食吉士，但因為佢係珍珠吉士所以都決定試一試，出乎意外，一啲都唔膩珍珠仲係好QQ，芋泥都唔錯但肉鬆可能味道唔係太好所以拉低左芋泥味嘅味道。整體來講如果能夠再做到飽滿厚d,咁就真係10分高質！

一點都唔好食..$48 ？笑大個口份量超小，又唔好食 超唔掂 雞扒超級細塊，面頭全部都係粉完全唔知點解可以收呢個價錢...🤮🤮太安樓大把野食 駛簡你呢間⋯一d都唔吸引

即叫即整要等十分鐘, 先黎左個豆腐味雪糕車輪餅,以為佢係會個車輪餅熱,同雪糕溶溶地一冷一熱咁食. 但個餅係凍而且脆既, 有d失望. 紅豆車輪餅- 一撕開好多紅豆, 紅豆唔會太甜Oreo吉士車輪餅- 成塊oreo係餅既中間, 唔係曲奇碎. 個餅係熱同軟, 入面d吉士幾好食, 甜甜地有d奶味. 芋泥肉鬆車輪餅- 未食過呢個味既車輪餅, 肉鬆咸咸地夾埋少甜既芋頭一齊食都ok, 食完會少少滯

坐車搭過龍去左西灣河 醒起有檔好想去嘅檔魚蛋太多人排我趕時間 所以就去左角落嘅呢間舖冷糕係來自潮州嘅甜品 鑽石山有分店🤓———————————————————懷舊冷糕-粒粒花生醬🥜 ($22)首先講舊冷糕 佢就好似一粒巨形雞蛋仔🥚邊脆 內蛋漿夠厚又濕潤🥳加上我最愛嘅花生醬+淮鹽花生粒🥜🥜🥜一鹹一甜真係好正😍花生醬都比得好足正～整體分數: 7.5/10🤓🌤

冷糕一直是我很喜歡的小食之一，自從離開前公司就沒有機會再吃到正宗版本。幸好這間紅豆餅店有賣冷糕，讓我這位港島區人士可以想吃就吃！由於每次都是即叫即做，所以製作需要一點時間，當送到我手上，新鮮熱辣的感覺真的難以形容，就算我瘋狂拍了多張照片，冷糕依然保持外層酥脆，裡面棉滑的口感，加上洽到好處的砂糖花生碎等等的餡料，大滿足滿足！

暫時有5個口味，分別係：雙重朱古力、士多啤梨、夏日芒果、香滑豆腐，曲奇趣趣原價$15 ，現在試食價$12：：一入口，車輪餅帶着淡淡的蜂蜜味，甜度適中，餅是脆口的！這個價錢和質素，實在太驚喜了！：：肥仔波指數：4/5分

南國，從太安樓向太古城方向行多一個街口，似是新開張。它有個冷糕系列，我家人最愛，非常掛念的掃街小食之一，像失傳了一樣，消聲瀝跡，所以一見到他們當眼的 menu 就用了18蚊，試試有沒有期待已久兒時味道?可惜，可惜。。。。為做而做，而沒有領略到冷糕的精粹，從前一大餅，灑上砂糖，花生碎，因它的熱力，把糖和花生碎抓住，一大餅，也令到它變得好有嚼感，外脆，內軟。南國的只是一個餅，花生粒太粗也全跌出來，沒有了質感，因冷糕底變細了，沒有應該有的厚身。有句話，未見過真鑽石，見到水晶都覺閃。但難得見到一對年輕人好努力，希望他們如果真的要將冷糕有真正從前的味道，要考慮換個煱了！

本來諗住去西灣河搵金旦(著名义燒)，原來星期日唔開，行吓行吓見到有間新糕點店一南國，竟然有有冷糕我記得細細食過，我喺香港搵唔番，聽聞係澳門有得食，不過始終都未去試，好似係潮州食品，傳統係好大塊，再切成8-10片，佢哋就改良咗，將佢變做細細塊，用麵粉同蛋等材料撈勻之後，用鐵板煎熟，再喺上面加沙糖，椰絲，碎花生粒南國重有其他新口味，創意是有的，不過同以前嘅風味就差好遠，食落似街邊嘅夾餅，完全冇冷高嘅味道唔知邊度可以再重溫冷糕，唔通要去潮洲

開左咁耐終於都試到喇～～～之前上網睇到介紹已經一直想去試⋯但成日都一係太早，一係太夜⋯一直都食唔到呢間鋪既懷舊冷糕～今次終於教岩時間去試喇～叫左個紅豆冷糕⋯⋯要等大約10分鐘～因爲係即叫即整既～所以去旁邊買杯野飲一齊等雖然叫冷糕，但一拎上手係好好好熱既😂只可以揸個袋邊⋯⋯熱到食唔到⋯所以都吹左陣⋯⋯不過就聞到好香到凍左d⋯終於食得喇～～～第一啖個餅邊有小小微脆，中間有點微硬既⋯有香香既蛋味⋯而入面有超多紅豆唔太甜好香好好食～整體既味道係好似雞蛋仔加左紅豆咁⋯不過個口感係唔同既～好食下次重想試下佢個懷舊冷糕～睇睇個原味係點先～

難得來到香港名所太安樓，但因為太飽了，沒有去吃什麼。在去太古城的路上見到這家買紅豆餅的店家，這種夾餅在小時候的八百伴常常排隊吃，現在見到立馬買了一個。可惜餅皮放在鐵板上太久了，變得很硬不鬆軟。紅豆美味，豆蓉好吃，就是有點過甜。

曾經在台灣高雄偶然食過一件很美味的吉士同紅豆餅，一試難忘。適逢經過西灣河太安樓這家南國紅豆餅店，店舖乾淨企理，售貨員示謙恭有禮。 店舖不設堂食只提供外賣。食品以餡餅為主，種類咸甜皆有。招牌款式紅豆餅 （HK$12)，以台灣進口紅豆自家製作紅豆餡。紅豆餡量適宜，味道不會太甜。 另外吉士餅的吉士味相對淸淡，配合餅料後未能突出其味道。 兩餅味道雖未及高雄的，但以價格及餡料分量絕對値得推介。 下次有機會要試下他們的咸味餡餅系列，特別是芝士鹹牛肉薯仔餅。

夜晚要係西灣河食糖水實在有唔少選擇唔介意等耐d 就必定係食太安樓第二街既來來不過今晚唔想等 就買另一間有三款豆花揀左黑糖珍珠豆花 $20其實買兩碗$30 抵好多不過未食過都係唔好咁貪心拎到返屋企 先發現係熱豆花 哈哈 既然店員無問熱定凍 menu又無寫咁我諗呢度只有熱豆花喇珍珠唔係特別多 但食落幾Q彈而且唔同平時台式飲品店煮得咁甜我見佢本身有吉士珍珠餡既車輪餅所以珍珠無咁甜都好合理豆花豆味唔夠 亦唔算好滑 但係配淡淡地既黑糖水又ok好食喎一碗係正常白色發泡膠碗份量即係太安樓美姐糖水既大碗下次可以再幫襯豆花系列可以再多d款就好喇P.S. 係太安樓少數可以俾八達通既小店 哈哈

滿滿紅豆的紅豆車輪餅 $12即時製作的紅豆餅！看到介紹後，裡面的餡料是一整匙。因為剛開工，所以店裡還未有人排隊，所以就決定走買一顆試試看！店員選取了保溫著的紅豆餅，而要是即時製作的啊，這裡有點兒失望，我很想要的是即很的紅豆餅餅，溫溫的感覺有點。。。蛋糕面是淡淡的奶油味，內裡紅豆餡料味道也是淡淡的，不太甜，內裡是滿滿的紅豆餡料😍啖啖粒粒紅豆！每一口都是幸福的感覺☺️💙mylittle評分：8👍🏻