10
10
1
港鐵寶琳站 A1 出口, 步行約2分鐘 繼續閱讀
付款方式
AlipayHK 支付寶 現金 八達通 微信支付 We Chat Pay
其他資料
當面支付
食評 (24)
等級4 2020-05-11
635 瀏覽
好想去旅行呀🥺幾時先可以有得飛呀😭食完呢餐,令我梗加掛住台灣......😔呢間「南勢角」當然唔可以同台灣比啦☹️不過都叫做不過不失啦😌但都算抵食❗️主食+小食+飲品🤩$58有交易‼️🔹紅燒牛肉麵$58 :湯頭比較清淡,藥材味較牛味重🥴不過湯頭比較油膩,所以有少少扣分❗️牛肉都算腍身😊食落都唔會韌👍🏻蘿蔔都夠入味,唯獨係湯頭太油,有少少影響😐整體中規中矩啦😎🔹鹽酥雞扒飯$58 :反而呢個比牛肉麵好食😋雞扒夠晒酥脆👍🏻份量都算多❗️同樣都係$58,感覺呢個比較抵食😂🔹台式香腸(跟餐):香腸味道正常,帶點蒜味😋不過就切到好薄😐口感差左少少🤏🔹涼拌肉燥小茄子(跟餐):小小辣辣地,都幾惹味👍🏻3款小食之中,最高分😂但份量就少左啲😌唔夠喉🔹滷水豬大腸(跟餐):滷水味唔夠濃郁😐不過豬大腸都算腍,容易咬開😌如果味道濃郁返啲就更好😎味道:3/5服務:3/5環境:3/5抵食:4/5 繼續閱讀
(以上食評乃用戶個人意見 , 並不代表OpenRice之觀點。)
等級1 2020-05-04
487 瀏覽
這裏的午市餐牌不算貴,58蚊已有一份主食、一份小食和一杯台式飲品,學生可以平18蚊,所以大部分食客都是學生。一行五人每人均選擇了午市餐牌上的套餐,叫了兩份紅燒牛肉麪、兩份鹽酥雞扒飯及一份鹽酥排骨飯,小食就全部叫曬(得五個選擇),飲品亦全部凍飲都叫曬(得四個選擇)。牛肉麵的麵質很差,不掛湯及不彈牙,口感很差,牛肉亦overcooked,不夠軟,湯底稍濃,建議淡返d,但蘿蔔就幾好味。但這個價錢尚可接受。雞扒飯和排骨飯表現較好,飯很多,餸亦足夠,不過又係overcooked左少少,而且略鹹,要一直不停飲嘢。小食方面,滷水蛋不錯,調味適中,豬大腸就可以不叫了,好大陣雪藏味,而且冇咩調味,真係好難食。其他小食就正常,但個人認為小食可以大份D,主菜大大份但小食就真係好迷你,兩淡就食曬。飲品就絕對係哩一間餐廳嘅敗筆,珍珠奶茶D奶同茶既比例做得好差,奶好似係奶粉沖,茶味好淡,加上冰的關係,成杯野好淡,而且D甜係死甜,珍珠好細粒而且唔夠多、唔夠味,不夠彈牙。芒果玉露同荔枝玉露個味好chemical ,而且好甜(已叫少甜),水蜜桃紅茶個問題都係茶到。如果單叫一杯野飲要20-40蚊,而且係咁嘅質素,建議去第二度買。睇返晚市個價錢都貴好多,冇套餐,如果係相同質素就絕對唔洗食 繼續閱讀
(以上食評乃用戶個人意見 , 並不代表OpenRice之觀點。)
等級1 2020-04-19
626 瀏覽
一行三人,晚上6時到達,等候了20分鐘,吃了$118放題, 放題只在晚上五時開始,限時一小時三十分。 我們點了差不多全部小食,小食飲品上得快,食物味道還可以, 一般的台灣小食也包括了, 鹽酥炸雞,花姿丸,台灣香腸,牛雜,鹵水雞翼,豬大腸, 娃娃菜,豆角,茄子。 另有三款湯品 ,很多湯料, 感覺真材實料味道不錯。 點了薄荷朱古力及蜜瓜牛奶。可惜牛奶飲品用的只是奶精,很失望! 現在市面上很多台灣飲品都不會再用上奶精了!!服務員工作勤快,態度良好。 繼續閱讀
(以上食評乃用戶個人意見 , 並不代表OpenRice之觀點。)
等級3 2020-03-22
886 瀏覽
係FB見到佢哋鋪頭租約期滿到3月尾既夜晚放題,於是心思思約朋友一齊去試下。星期五晚去到都要等下位,等位就吾係等好耐,但係開頭落左單之後等得比較耐d,老闆娘都好友善甘同我地同埋其他客講,落左單等野食都要等耐少少,態度好好。講返個放題內容,其實就係佢餐單上面都可以叫,小食果d就係劃1就一人份量,麵就一大碗甘上,最好既係,佢連佢後面既台式飲品都係放題內容入面,盛惠每人118,免加一。我們食得好飽,食左兩個蕃茄湯牛肉麵,佢個蕃茄湯頭真心好飲,蕃茄味濃,睇了睇原價要70幾蚊碗,真材實料,但原價黎食感覺略貴,一分錢一分貨。佢牛肉的確係幾多,而且都軟腍好入口,味足,第一碗麵相對第二碗好食,一來可能我們比較餓,二來第二碗麵相對淋左d,第一碗既麵比較好咬口。我叫左個珍珠朱古力,朱古力味濃,感覺到滿滿的朱古力跟卡路里吾會太甜,幾好飲。我朋友叫左個巨峰提子乳酸定果汁,佢話味道熟悉,似唧唧冰既味道之後我們又有再叫多杯飲品,我叫左珍珠沖繩黑糖牛奶,可惜有點晚了珍珠賣光了,但黑糖牛奶都很好飲,甜甜地。我朋友叫左個綜合水果茶,的確係有一層水果係茶上面,佢話都吾錯,酸酸甜甜,佢食光了上面d新鮮水果切片。我們仲有試到佢個魯肉飯,雖然同我們去台灣食既有點不一樣,我想佢應該係做有自己特色自己味道既魯肉飯,都幾好食,滿滿既骨膠原。小食方面我們基本上試了一大半,椒鹽杏鮑菇好食,炸的脆口又帶點咸咸的椒鹽味,鹽酥雞都炸的很香口好味,睇黎係真係落左order先一次過炸,黎既時候都仲香脆可口,還帶著剛出爐既脆口。滷水雞翅好食,入味,我們都食左好幾隻,大腸還不錯,拼盤滷蛋有半隻,都係一樣入味。總結黎講係好食既,可惜佢既放題優惠做到3月31日就無了,之後都未必有得食了,我同朋友今次食到飽的要行了一段路之後先無甘飽,的確係好抵食既價錢,也都可能係我們食d飽肚既麵飯比較多。比我既話,下次都會再黎過的,不過要注意叫完一輪,上左一d野食之後要盡快叫第二輪,因為的確要等好一陣。 繼續閱讀
(以上食評乃用戶個人意見 , 並不代表OpenRice之觀點。)
等級4 2020-01-31
762 瀏覽
🍙等待時間:公眾假期紅日晚上八點,市區冷青青,冇咩人,唔洗等🍔室內環境:有一定自己既風格,但唔算靚🍰服務質素:係門口睇左餐牌一陣,店員有專等出來招呼我入去,不錯🔺用餐簡評:由於係第一次來呢間,就決定叫佢既招牌牛肉麵,有齊三款料。食面當然先試湯,可能係個人喜好問題,個湯我覺得真心唔掂,好唔岩我口味,差評。而三款肉方面,只有牛𦟌我係推介同滿意,但牛腩同牛根都好一般。🔹總括來講:一碗平平無奇,不好食的牛肉 繼續閱讀
(以上食評乃用戶個人意見 , 並不代表OpenRice之觀點。)