南亭 (凱譽)

營業中

休息中

環境ok，地方大過跑馬地，坐得舒服啲，不過燈光有少少昏暗，係有懷舊居酒屋嘅感覺，整體都可以🍶串燒好好食，我地去親，食食下都食好多野，每次都滿載而歸hhh，我特別推薦雞翼、白鱔、牛舌、羊架、鹽燒牛小排、蘆筍豚肉卷。燒雞翼外脆內嫩多汁。白鱔幾新鮮，塊皮香脆可口，鱔肉彈牙，燒牛舌好香好淋，爺爺都食到。個牛小排真係好香好淋，油脂分布得好均勻，一啲都唔韌，一塊接一塊，好好食。蘆筍豚肉卷，新鮮嘅蘆筍同香口嘅豬肉都係絕配！口感層次豐富，食落唔會好膩，幾清新，真係好好食🤣個雞軟骨都好好食，好酥脆香口，鹹淡啱啱好，真係一粒接着一粒，自己都食咗三串。另外個羊架大大件，好香，一黎到都忍唔住咬咗啖先打卡🤣外層燒到微脆，充滿烤肉嘅香味，入面就保持嫩口多汁，口感豐富好食！😋除左野食，服務態度親切友好，員工好nice，樂於解答問題，服務效率高，佢地會主動關心我地嘅需求，令我地成個用餐體驗愉快，小朋友佢地好開心，以後會再黎！

前幾日同男朋友一齊去食左哩間日式串燒居酒屋，本身我都鐘意食串燒，食完之後我真係徹底愛上左哩間串燒店。講真嘅，價錢方面佢地同其他日式居酒屋差唔多，佢地嘅員工話佢哋大部分串燒都係當日串，咁的確啲野食感覺上係比較新鮮，好似雞肝白鱔果啲。以前成日覺得係香港搵一間好食、價錢又抵食嘅串燒店真係好難，直到遇上佢😍😍😍，真係要再講多次，深深愛上❤️佢地嘅雞皮蝦大葉卷，喺其他地方好少見！我最愛❤️(本身我都鐘意食海鮮既🙈)香口嘅雞皮同新鮮嘅紫蘇葉包住鮮嫩的蝦肉，味道口感超正。雞皮既燒得岩岩好，脆脆地，蝦肉又可以保持鮮甜既原汁原味，再帶啲紫蘇葉點綴下，成個feel就係清新又美味，我地仲嗌左sake，配搭起黎，除左正，諗唔到其他詞。之後就係燒日本刺身帶子！！帶子燒得岩岩好，外層燒到幾香口，同時入面仍然保持到鮮甜鮮嫩多汁。我哩個e人真係好想去問師傅點做到，真係好好食🙈(但比人阻止左🤣)燒雞翼係店員誠心推介，聽說呢度嘅燒雞翼好似經過特別既調味同處理，所以好好食好香，的確係好好食、好香，肉質鮮嫩多汁，外皮香脆，真心回味無窮。燒雞翼應該會係肉食愛好者既最愛之一🥰呢度嘅雞皮係令我覺得呢度既服務態度真係好好，有求必應，因為

之前一直幫襯開港島區南亭，前幾日第一次去尖沙咀食，串燒質素都非常之好，白鱔燒得好香，唔腥唔多骨，羊架成熟啱啱好，最鍾意食佢哋嘅鴨舌，好香口餸酒一流，個雞腎就還好，不過雞肝又幾唔錯幾新鮮。啲員工好熱情好有活力，服務態度都好好，問佢地推薦咩sake，佢地都好熱情推介，無hard sell嘅感覺，唔同價位都有推薦一支。同埋因為我哋鍾意慢慢食飲下酒傾下計，所以我地同員工講可唔可以慢慢出啲嘢食，佢地都真係好warm有求必應。

訂咗7/9，8pm星期四夜晚，入到去全場先至得嗰幾台客，都要安排個客兩個人間隔，坐二人枱，張枱又細，座位又逼夾，張枱仲細過啲連鎖店，請食物質素差劣，燒物完全唔合格，燒烤功力全部嘢唔湯唔水，淡而無味，茶泡飯，我淨係覺得自己用好似用開水撈飯，稻庭熱烏冬個湯都係一樣，淡而無味嘅清水湯，加幾條紫菜就就俾人，月見免治雞肉棒叫做可以食落肚，我只係覺得佢整返熱俾我，一啲都唔覺得係燒出嚟，冬菇全部淡而無味，冇一樣嘢係可以比正面評價，服務唔係特別好，成個場冇人都唔會考慮俾個客坐得舒服少少，串燒一定要兩串起，每一項食完嘅食物，完全唔會有想影相嘅感覺，亦都冇辦法記起食咗乜嘢味道，淨係覺得整體感覺極差。比咁嘅錢，早知食佢隔籬嗰間。真係求其自己燒都好難難食過佢。連帶子都可以燒得咁差，又細粒，賣相又唔吸引。連俾個客坐舒服少少都唔捨得，連冇人都唔會俾個客舒服少少，等人哋開心啲買多啲野食都唔識。係唯一一餐食居酒屋，係覺得難受，45分鐘都未夠，真係就食完即刻埋單走。真係好難有咁差嘅體驗。

同朋友兩個人經過尖沙嘴見到入去試下環境都坐得幾舒服食物唔錯 選擇都幾多服務都幾好但我係唔明點解餐廳制度所有串燒一定兩串起先比叫如果係成本問題其實可以set最低消費或者set total果個串燒數呀乜都要叫兩串變相唔可以試多幾款有d得我一個想試既又要逼住叫兩串又例如我朋友唔食冬菇我又想食平時其他餐廳可以叫一串我一個人食岩岩好但依度一叫就要叫兩串 一個人食4舊冬菇又太多變相咁樣好多野都無叫黎食我覺得個制度好奇怪

老爸父親節想吃燒鳥，由於疫情關係，已經有兩三年沒有幫襯，食物水準依然保持得很好，燒雞翼，雞皮，芝士年糕，豆腐，牛舌，羊扒，銀鱈魚，銀杏，飯團全部都處理得很好，外脆內軟。更重要的是全店所有同事的服務態度也超級好，笑面迎人、誠懇熱情、對老人家也很有耐性，所以真係好希望喺呢度講聲 thank you! 我們真的吃得很愉快，以後也會多多幫襯。平時很少寫任何食評或留言，但尖沙咀南亭同事的服務實在太好，想借此表揚一下！❤️❤️❤️

非常受歡迎的日式料理1. 味道：串燒味道很香，在燒烤的過程中，食材的自然風味被釋放出來，再加上燒烤時所使用的調味料，讓每一口都充滿了美味的滋味。2. 質地：牛肉串通常嚼勁，但有少許咸3. 新鮮度：串燒的食材新鮮保持到最佳的口感和味道。4. 服務：服務員的態度友善、用餐環境整潔。總體而言，呢間串燒是一種非常美味的料理，但要品嚐到最佳的口感和味道，就需要選擇好的食材和店家，並注意食品的新鮮度和衛生問題。這店是不錯選擇！

如果你是個喜愛日式串燒的美食家，那麼我強烈推薦你去試試位於城市中心的這家串燒店。雖然這家店的環境比較昏暗，但這種氛圍反而更能讓你感受到日本的酒吧文化，讓你能夠更好地享受串燒的美味。我個人非常喜歡這家店的免治雞肉串、牛舌和鴨舌，它們都非常的鮮嫩多汁，加上店家的獨特調味，讓人一吃就愛上了。除此之外，我也推薦你試一試他們家的紫蘇葉豬肉卷和雞泡魚乾，這些菜式的口感也是非常的出色。雖然這家店的人流量比較少，但這也意味著你可以更加輕鬆地享受你的美食之旅，而且你不需要提前預訂。此外，我還要再次強調這家店的裝潢和氛圍，它們都非常地能夠帶給你一種舒適和放鬆的感覺，讓你可以盡情地享受你的美食享受。總的來說，我非常推薦這家日式串燒店，它的美食、環境和氛圍都非常地出色，你不會失望的。

🎈推荐指數: 🤍🧡🧡🧡🧡｜✏️環境: 7/10｜✏️位置: 6/10｜✏️服務: 8/10｜✏️味道: 9/10｜✏️選擇性: 8/10｜✏️價錢: Around $700/person [ 有order酒 ]｜✏️Prefert: 提前預訂｜✏️特別留意:  居酒屋會有收費前菜、串燒通常會order酒｜✏️推介: 厚切牛舌心、羊扒、雞翼、香蔥豬肉卷、燒豆腐🚗 呠呠車停泊: 轉入黎直行右邊有停車場，好多車周街泊，K-11有停車場5分鐘步程但成日無位，中間道有停車場行過黎5-8分鐘。👴📢 講古佬 《 STORY TIME 》 :串燒，我至愛。南亭，我黎過不下十次，我一直都幫襯佢地，而且有出外面唔同既串燒舖頭食，但係我始終係會返黎，外面花花世界雖大，但我都係搵返呢棵樹，因為佢先有個種 "串燒既味道"，老實講，佢地好似十年不變咁，但又有少少改變，時代進步之餘又保留返原始既感覺，所以我先一直會返黎幫襯。莫怪我HARD SELL，因為呢一間係我個人真心推薦，佢地唔會搞咁多花巧野就為左收你錢，我只係想享受美食，我又唔係要SHOW OFF，呢度先係我最中意最欣賞既地方。好啦，講返飲飲食食先。有樣野一定要講，就係佢地既

1x 雞翼（2串）新鮮、滑嫩，調味點到即止，不錯👍🏻1x 月見 • 免治軟骨雞肉棒（2串）餐廳遺漏了「月見」（生蛋黃及醬油）⋯⋯雞肉棒味道及肉質都不錯，但沒有月見就太乾了，一道好好的菜式就這樣缺了一半的靈魂。希望餐廳以後在打包的時候能多加小心。1x 燒白鱔（2串）新鮮、嫩滑、皮脆、調味好，完美。1× 蘆筍豬肉卷（2串）蘆筍鮮甜、爽脆、多汁，豬肉肉嫩、易咬、沒有腥味，完美。1x 雞皮（2串）不會太乾，能夠吃得到嫩嫩的脂肪，又有脆的部分，中上。1x 雞肉大蔥（2串）新鮮，但調味一般般。1x 明太子雞翼（2串）調味很好，惹味之餘又不會太過，雞翼皮脆、肉嫩、多汁，近乎完美。1x 牛舌（2串）調味還好，肉質方面比較失色：肉軟，但有泥，咬到中段時咬不斷，有輕微的牛臊味。1× 磯燒鮑魚新鮮、味道好、入味、易咬。中上。1x 明太子龍蝦沙律調味非常好。龍蝦肉新鮮、彈牙、肉嫩，完全不乾柴。菜新鮮。必點。1x雞頸肉（2串）肉質不差，調味一般般。1x 雞較軟骨（2串）調味好，外脆、內軟，惹味之餘不會過鹹。中上。1x 豬頸肉（2串）一般般。1x 燒鰻魚串（1串）味道不錯👍🏻中上。整體食物質素非常好👍🏻但外賣包裝

喺尖沙咀又揾到間高質日本嘢😚 不過價錢真係唔平🥹 但係質素完全有保證！佢地大部分串燒都需要 2 串起落單的～🐟 燒白鱔 $59必點‼️ 燒得勁香 外層個皮香脆之餘會爆少少魚油🤤 係最好既狀態～ 而肉質真係嫩滑又juicy 魚味十足 會唔捨得食晒既一串( ´•̥̥̥ω•̥̥̥` )🍙 燒飯糰（明太子） $28又係烤得剛剛好脆度(*´ω`*) 雖然脆但係唔會乾或者油 真係完美飯焦感 明太子味都推薦！雖然唔會話好爆料 但係明太子粒粒分明唔會過鹹🥰🐔 雞心 $30好淋但係又保留到口感 咬落有肉汁的雞心😋 而且 Size 都唔會太細👅 鴨舌 $34全條都好脆好脆 不過偏油膩～ 食到後面頂唔順要飲返啲茶先可以繼續🤣雖然叫得唔係太多嘢 (因為每款 2 串起跳兩個人試唔到多🥲) 但係整體質素十分滿意～ 而且成個裝修佈局都好日本居酒屋feel 🏮

典型嘅尖沙咀串燒店其實去之前冇乜太大期望因為去尖沙咀睇戲又咁啱想食串燒所以揀咗呢度。坦白講舌頭真係被寵壞了😅覺得尖沙咀普遍嘅餐廳，尤其是yakitori 都係普通，麻麻哋… 上次食過佢哋隔離鋪嘅Kido 都覺得小小伏。港島區，中環四大串燒嗰啲真係好食啲😅南亭聽過好耐但係第一次食，雖然佢港島區有分店，但係呢間質素都真係好尖沙咀😂唔可以話係難食，但係就好普通好平庸，冇乜特別。佢唔係貴，其實同銅鑼灣嘅炭火地雞差唔多價錢，但係炭火地雞好食好多😅唔係好明點解過咗海就會神仙尖沙咀食過好多嘢都係伏味濃😅😂我覺得呢餐最好食係芝士年糕。串燒方面比較好就係雞尾同埋雞皮，同埋牛，但係大部份嘢都燒得比較乾。最失望係最鍾意食嘅雞髀肉，唔係平時食開嗰啲脹卜卜連皮喺上面嗰款，係一粒雞丁咁嘅雞肉，仲要係偏鞋，雞脾肉都鞋真係嚇一條。燒鱔又唔夠脆。店員都唔係太專業，幾次上菜嘅時候問佢係咩嚟，佢話唔知😂😅整體上來講，中規中矩，環境唔錯嘅，坐得幾舒服，價錢唔貴，如果真係想喺尖沙咀想食串燒飲下啤酒可以食下嘅，但係預咗唔會驚為天人。Rating : 6/10 Around $400pp

餐廳好有日本居酒屋的氣氛，感覺真的像去了一次日本旅行。餐廳內的酒櫃裝飾，令我與朋友都想飲番杯。月見•免治軟骨雞肉棒 | $76 2串雞肉棒點了雞漿更加滑溜帶有雞香味，軟骨給雞肉棒增添了一些口感。燒飯團 | $28飯團外層燒得香脆，饀料夠濃味。蕃薯 | $29串蕃薯幾甜，厚切口感豐富。燒豆腐 | $25串外層燒得脆脆，內裏熱辣辣。翠玉瓜 | $23串帶點焦香味，內層仍然有蔬菜的清爽。煙肉車厘茄 | $32串煙肉包著車厘茄，車厘茄多汁吃起來帶酸味，一點也不覺得肥膩。帶子 | $69串帶子不會燒得過熟，有清甜味，每串有兩大粒。羊扒 | $68 串羊扒啖啖肉，不會太羶。

慶祝朋友轉工今日去咗尖沙咀食串燒，呢度串燒有唔少選擇，餐廳環境同氣氛都好有日式居酒屋嘅感覺，仲有大量日本酒可以選擇。串燒大部份都需要兩串起咁叫，部份可以單點一串。坐低餐廳店員就會附上野菜條，蔬菜新鮮爽脆。雞翼開邊雞翼外皮烤得好香脆，咬落雞肉有肉汁好juicy雞軟骨粒粒香脆，有咬口羊肋串好濃郁既羊味，羊肋軟熟易咬，加少少鹽味道更出蘆筍豬肉卷蘆筍好新鮮配豬肉卷，好好食，同朋友一人食左2串，豬肉卷薄切，油脂分布平均。紫蘇葉豬肉卷呢個串燒好有層次感，紫蘇葉味道好出，配搭好夾燒鰻魚串鰻魚汁相當惹味，夠哂咸香味。銀鱈魚魚油脂充足，好滋味，魚肉鮮甜，十分推介。燒豆腐豆腐咬落依然可以保持滑嫩，面層仲有木魚絲。明太子燒飯團先用紫菜包好飯團，飯團燒得好脆，脆卜卜味道肉米餅，有啖啖明太子味。燒芝士年糕年糕香軟芝士味咸香味道夠濃郁食咗咁多嘢埋單八百幾蚊同朋友都好滿足。偶爾有慶祝活動，推介嚟呢度食。

好肚餓又好掛住日本呀! 真係日日食日本餐都唔會厭呀! 今日去到棉登徑嘅串燒店試試，燈光暗暗的戲氛好好。店內超多推介，先點了鹽燒明太子，上菜時還以為香腸，明太子軟林林的唔腥，作為佐酒前菜一流。再來燒雞泡魚乾，師傅燒得剛剛好，魚身黏度夠不會乾身，少少醬汁同吃已很夠味。當日推介了燒北海道白貝，白貝果然非常大隻，入口絕對啖啖肉，而且鮮味甜味突出😋我連湯都完全KO了！燒油甘魚鮫水準不俗，外皮脆香但內裡魚身保留彈性，魚肉也很多，兩人食用非常足夠。雞皮蝦大葉卷頗特別，雞皮包著蝦肉及大葉再燒，這個配搭估你唔到呀，但味道又出奇夾，大葉太香啦，雞皮又唔油膩👍🏻 燒白鱔抵食又多肉，真想再encore但好飽啦！燒飯團🍙燒得外層金黃少少脆身，真係無得輸呀，內餡是梅肉，清清的加點酸酸的，就是日本特色啦，再送一啖梅酒梳打，嘩！正呀！