87
11
10
港鐵上環站 A2 出口, 步行約8分鐘 繼續閱讀
所有分店 (3)
電話號碼
25596221
開飯介紹
串燒店門面採用古式日本小店設計,予人輕鬆暢飲的氣氛。你可品嚐以不同肉類及海鮮製作的串燒和燒物,配搭日式清酒會更加滋味。 繼續閱讀
營業時間
今日營業
12:00 - 15:00
18:00 - 23:30
星期一至四
12:00 - 15:00
18:00 - 22:00
星期五
12:00 - 15:00
18:00 - 23:30
星期六
12:00 - 15:00
18:00 - 22:00
星期日
18:00 - 22:00
公眾假期
18:00 - 22:00
公眾假期前夕
12:00 - 15:00
18:00 - 23:30
*最後落單時間: 21:00
付款方式
Visa Master AlipayHK 支付寶 現金 AE 銀聯 Apple Pay Google Pay 微信支付
座位數目
44
其他資料
網上訂座
Wi-Fi
酒精飲品
自帶酒水 詳細介紹
切餅費 詳細介紹
泊車 詳細介紹
電話訂座
外賣服務 詳細介紹
加一服務費
以上資料只供參考, 請與餐廳確認詳情
有關獎賞計劃
食評 (121)
等級4 2022-08-13
17 瀏覽
中環高質居酒屋,餐廳環境好有日本傳統居酒屋嘅feel,侍應服務殷勤, 餐牌多選擇,亦有提供不同款式的日本酒,很適合情侶拍拖約會,或一班朋友聚會聊天。Sapporo Beer啤酒最重要係夠凍前菜 - 鮮野菜條野菜條新鮮爽脆,冇特別調味但係清甜脆口。佐酒小食 - 燒鱈魚乾鱈魚乾輕輕烤過,香脆得來又不失鱈魚乾本來的香味,送酒一流。蕃薯番薯味濃郁,外皮烤到有少少似焦糖嘅香脆口感,裡面又綿又香甜。鴨舌醃製過嘅鴨舌烤得焦香,好入味,咬起上嚟彈牙,亦有肉汁。燒牛肉牛肉好嫰,燒到啱啱好,冇燶好juicy,厚切有口感。帶子輕烤帶出帶子本身的鮮甜,而且肉質彈牙,大粒有咬口。廣島蠔每一啖都充滿住蠔香, 外脆內軟,蠔汁鮮甜,完全沒有腥味。糖纏燒糖纏燒原來係烤馬仔,好特別,未試過,第一次食,馬仔燒到熱熱哋,味道香甜,口感鬆軟,個人認為必點必試。燒丸子燒丸子輕烤後有米香,口感軟糯煙韌,配上醬汁好夾。雞腎、雞肝、牛舌、雞脾肉、燒豆腐、露筍豬肉卷、明太子燒飯團、鰻魚燒飯團,呢間嘅串燒師傅有料到,唔同部位嘅食材,都燒得恰到好處,帶出食材本身嘅味道,同埋提升咗食材本身嘅質感,除了串燒以外,燒飯團也是一絕,烤到外面的飯帶有焦香,少許焦脆,再配上很脆的紫菜。總結: 很有日本地道居酒屋的感覺, 食材高質,師傅亦燒得好有水準,服務招呼亦很貼心,絕對食過返尋味。 繼續閱讀
(以上食評乃用戶個人意見 , 並不代表OpenRice之觀點。)
等級4 2022-08-09
39 瀏覽
南亭,由我讀大學開始,久不久就會食,自從工作後就少左去!今次想食串燒,即刻諗番起久違的南亭,同以往一樣都係座無虛席,好彩有訂定位!!一坐下,侍應好快就送上前菜,可以等串燒時食,亦可以之後同串燒一起食消膩。食串燒個人覺得一定要配啤酒🍻,即刻叫左Suntory the premium $68牛舌$48 /串每次食串燒都必叫牛舌!呢度的牛舌好夠厚身,咬落juicy ,燒得剛剛好!我地食完再encore 了!月見。免治軟骨雞肉棒(2串) $76這個是串燒店推薦的,配上甜甜的醬汁和生雞蛋。免治軟骨雞肉棒表面燒到微脆,沾上蛋汁,好惹味,入面啖啖肉,因為有免治軟骨所以好有咬口,幾特別!生蛋醬汁我哋有留住之後繼續用。燒豆腐$25以前一定會叫的,今次也不例外!這個燒豆腐整個都燒得好脆,配上甜甜的醬汁,再加上木魚碎,好夾!燒白鱔$59這個也是串燒店的名物!白鱔好厚身,燒到皮脆肉滑,咬落去juicy !!! 啖啖肉,無得頂!墨魚香腸除咗外表之外,食落都好重墨魚味。整體好彈牙,有咬口日本和牛他他燒$268期待已久的名物之一!用上日本和牛,所以肉味濃,脂肪比例均勻,微微燒過,所以更香。配上附送的生洋蔥和香蔥,再點特別的醬汁,好夾!燒飯團$28燒飯團有很多種口味,我們選擇了三文魚燒到表面微焦,所以好脆牛肉烏冬$98牛肉分量幾多,最重要的是沒有煮到牛肉全熟,不怕浸在湯裏會過熟,而且幾厚身和大塊!湯底十分好味,我地差不多飲曬!雖然已經好多年冇食,但係水準依然保持到,直至現在依舊在我串燒店的名單上屹立不倒! 繼續閱讀
(以上食評乃用戶個人意見 , 並不代表OpenRice之觀點。)
等級4 2022-08-01
68 瀏覽
呢間居酒屋氣氛幾好,啱哂我同朋友一齊聚餐,一路食一路傾計真係好正。店舖座位多,全店滿滿客人,日本美食多款選擇店員放上沙律前菜,新鮮沙律菜夠爽脆,之後叫咗份 [ 漬物盛盒 $88 ] 包括有牛蒡漬、螢光魷魚、蒜頭,開胃前菜。友人叫咗碟食唔停口嘅 [ 燒雞泡魚乾 $86 ] 唔太乾身嘅雞泡魚乾好味,煙韌度一流,值得推介叫咗份 [ 明太子燒飯團 $28 ] 及 [ 梅子燒飯團 $28 ],燒過嘅 飯團燒到金黃色,咬落去夠哂香脆,飯團內無沙律醬,入面包住明太子,另一款係梅子 (口感酸酸甜甜),燒過嘅飯團會有少許乾,但都好好食,外層仲有塊脆卜卜嘅紫菜包住燒物每款都要叫2串起,所以串燒都即叫即燒,保證熱辣辣,當你每食完一串後,店員就再上另一串[ 月見•免治軟骨雞肉棒 $76 ] 一份2串,雞肉撈埋啲雞軟骨一齊食,咬落有口感,雞肉棒夠Juicy,再點埋啲蛋液及醬汁一齊飯,真係好正[ 燒油甘魚鮫 $198 ] - 油金魚鮫無細骨,肉質嫩滑,啖啖肉,鮮甜好味[ 雞皮 $34 ] - 燒得香脆,又唔油膩[ 雞骹軟骨 $32 ] - 細細粒,口感咬落脆卜卜[ 牛舌 $48 ] - 肉質彈牙,口感軟滑[ 燒牛肉 $46 ] - 牛味香濃,味道鮮甜,帶一點油膩[ 黑毛豬大蔥 $44 ] - 黑毛豬肉質嫩滑[ 雞皮蝦大葉卷 $46 ] - 雞皮包住無蝦殼嘅蝦,中間用塊葉包住蝦夠哂特別,鎖住肉汁,超正,值得推介[ 燒白鱔 $59 ] - 魚皮燒得香脆,肉質鮮甜[ 墨魚香腸 $30 ] - 口感爽口彈牙又多汁,墨魚鮮味突出[ 燒豆腐 $25 ] - 燒到外脆內軟,健康好味[ 日本長芋 $29 ] - 帶點焦香味,食落口感爽脆,一串真係唔夠喉[ 銀杏 $23 ] - 燒到金黃色,口感軟軟的,健康好味甜品:[ 燒丸子 $32 ] - 芝麻餡,煙韌好味[ 燒芝士年糕 $32 ] - 外層燒得較乾身,內裡係煙韌嘅流心芝士飲品:[ 梅子酒 $68 ] - 冰內藏梅子,有特色又好飲[ 柚子蜜梳打 $46 ] - 清甜好飲南亭 中環蘇豪士丹頓街55號地下 繼續閱讀
(以上食評乃用戶個人意見 , 並不代表OpenRice之觀點。)
等級4 2022-08-01
32 瀏覽
🧡Please follow my IG : orororenji☆ 南亭中環蘇豪士丹頓街55號地下✦ 月見•免治軟骨雞肉棒✦ 厚切牛舌芯✦ 燒白鱔✦ 銀雪魚✦ 廣島蠔✦ 雞翼✦ 雞腎✦ 燒豆腐✦ 燒雞泡魚乾✦ 燒飯團(三文魚、明太子)✦ 鮮野菜條✦ 日本抹茶可樂✦ 巨峰梳打店面雖然唔大,但好有日本傳統居酒屋感覺,服務都好好。坐低無耐就會先上野菜條,新鮮好食嘅,但注意唔係免費。然後食物方面都好出色,即叫即燒,調味又剛剛好,特別鍾情免治軟骨雞肉棒,雞肉棒入面有少少軟骨,口感有層次,點埋佢個汁同生雞蛋感覺更加嫩滑!厚切牛舌芯真係唔可以唔叫,唔叫你就走寶啦!超厚身勁爽口,食落啖啖肉但係又keep到肉汁,真係好正!仲有一樣都一定要叫,就係燒白鱔,燒到皮脆脆,食落無乜骨,肉質帶少少彈牙,然後有種魚油脂香味,超高質!燒飯團又係唔可以錯過,喜歡飯焦感覺嘅一定會鍾意,外脆內軟好good good。其他食物其實都好好味,不過就留返大家親身體驗試下,唔形容太多(๑˃̵ᴗ˂̵) 繼續閱讀
(以上食評乃用戶個人意見 , 並不代表OpenRice之觀點。)
朋友生日話想食串燒, 之前去開中環打卡, 無意中經過發現咗間門面幾有居酒屋氣氛嘅串燒店, 上網search過見評價唔錯, 就book定檯今晚同朋友食餐生日飯。店內昏暗燈光營造了日本地道居酒屋感覺, 雖然地方細細, 但串燒選擇多, 仲有少量小食、主食供應。串燒即叫即燒。 【牛舌】HK$48/串表面焦香有油光, 口感爽得黎唔韌, 中層keep到嫩紅juicy, 面層加咗少少鹽同埋黑椒吊味, 惹味, 值得推介。【燒白鱔】HK$59/串白鱔都幾厚, 魚皮金黃香脆, 魚質爽彈, 富有鮮魚香, 好睇彩數, 某件可以啖啖肉, 但有某件勁多幼骨。【雞胶軟骨】HK$32/串軟骨超香脆, 偏乾身, 焦香香口, 但嫌太細粒, 口感差咗少少。【黑松露鵝肝釀雞翼】HK$88/串雞翼外表燒得甘香, 一咬juicy爆汁, 黑松露混入於已熔化嘅鵝肝中, 味道甘香, 松露味相當濃郁, 雞翼肉質幾嫩, 跟餡料一齊食, 整體味道有d回甘。【日本和牛他他燒】HK$268和牛外層邊沿稍為烤過, 內裡為粉嫩肉質和牛刺身, 分佈了牛脂, 咬落去有少少煙韌, 幾有彈性兼有肉味。配搭清新爽口洋蔥絲、蔥一齊食, 洋蔥嘅唱口感令味道更有層次, 正! 繼續閱讀
(以上食評乃用戶個人意見 , 並不代表OpenRice之觀點。)