南京金陵湯包 (已結業)

行經佐敦，搵食理應大把選擇，一心諗住食啲平時小吃的菜式，其實本身住嗰區冇乜平民車仔麵，便想食囍記，點知太多人，便一直向前行，見到金陵湯包門口貼住餐牌，好鬼抵食，便入去一試，店務員哥哥見我一丁人，都畀我卡位隨便坐，我隨即叫咗個$48乾燒雙鮮大碗菜飯，有魚塊有蝦仁同洋蔥，酸酸辣辣咁好惹味😋仲包埋餐飲，而且選擇多，因為平時啲上海舖只有豆漿揀，下次要試下小籠包、雲吞同上海粗炒等家鄉嘢食先得。真係好抵食👏

夜晚凍凍地突然好想飲酸辣湯同小籠包，成日經過都無入過去就試下啦，叫左個雲吞酸辣湯麵同金陵湯包。其實個金陵湯包又唔係難食既，不過係比平時既小籠包細粒啲同啲皮厚啲....之但係間野叫金陵湯包，連招牌菜都係一般般就.....至於個雲吞酸辣湯麵就真係可以唔洗試，個酸辣湯本身OK，但個雲吞真係有啲失望，個皮好重鹼水味，粒雲吞又細粒，成個晴天公仔咁，除非再突然好想飲酸辣湯而唔知去邊飲，如果唔係未必有下次。

依間上海嘢真係出哂名！出哂名難食！唔信邪嘅我，今次一個人去挑戰一下。行到埋去，睇餐廳門面正正常常，入去坐低望下其他人就覺得伏已中一碗簡單嘅酸辣湯雲吞麵，望落好似好靚，但食落口唔酸唔辣，淡而無味，雲吞亦只有三粒，咁嘅份量，老實俾著我都唔敢俾客啦！講番個雲吞，都預咗佢係急凍雲吞，不過估佢唔到個皮咁厚，料仲要得嗰少少，真係搞唔掂。聽同事講，佢其他麵都真心麻麻，如果行過路過見無位想入去lunch就真係要考慮清楚喇！

這天在佐敦快食，光顧了一間上海小館，快餐店感覺，食物沒什麼寄望之時，鱔糊粗炒有驚喜，味道濃郁有鑊氣，鱔糊不會太黏身，份量佔半碟麵👍🏻正!!! 小籠包正正常常沒特別，外皮偏厚身，內裡有少許湯汁。鍋貼皮身較靭，但尚可入口。快食是OK的。

第一次來午餐。 麻婆豆腐飯， 豆腐香滑，麻婆醬順口的，面上淋了麻味辣油，少許辣，送飯很不錯，有驚喜。午餐價，略貴，但現在做9折價，也ok。疫情影響，很冷靜。全程只有我加另一枱（一大一小）

泊下車 隨便找食的決定之前其實在附近走了一下，見到有車仔麵但想食 “好” 一點點所以選了這個上海菜館.不好吃，很後悔，早知就選車仔麵更好蕃茄牛肉麵- 湯底不濃，食材無味，似是將所有材料放入滾水滾熟一碗要成$58，這個價錢在lunch time 有更好選擇囉

位於白加士街一間不太起眼的中式小龍包店。想喝一些濃味湯頭帶點辣又有口感層次的麵條，不得不能夠想起擔擔麵今天非下午茶時段，所有餐點要散叫擔擔麵這間的擔擔麵湯頭花生醬味 不算很濃，被麻辣味擔過，沒有很多花生碎，比較偏淡不知道是否下午茶跟午餐的師父不一樣呢?之前下午茶時段吃過一次，味道濃很多的說，這次有點少扣分味道:3/5分💖💖💖到期待已久的小籠包啦皮薄多汁但外皮略有少許乾但小籠包整體很不錯吃味道:3.5/5分💖💖💖由於兩個人怕不夠吃，於是再加點了一份鍋貼呃。。好厚皮呀，似肉也超少的。。後悔後悔，味道也很普通但其實有些中國地方的包子及餃子的皮是偏厚的，因為以前的人需要有豐富大量的澱粉質去支撐一日的體力所以有這樣的傳統。但去到現代，我個人偏向吃皮薄餡多的包子和餃子。這個就不便評論了，請各位自行衡量。中午時分的飲料也是要分開單點的，所以兩人埋單需要百多元，好貴。。下次還是下午茶時段來好了。整體而言，個人比較推薦下午茶時段來吃擔擔麵及小籠包套餐😂😂

今日經過食下午茶，點了酸辣湯雲吞和炸醬麵，另外配了金陵湯飽和鮮肉鍋貼。酸辣湯雲吞，個湯既不酸又不辣，淡而無味，雲吞亦只有三粒。炸醬麵味道都是淡，略帶甜味，但亦稱不上好味。。。招牌金陵湯飽，不過不失，冇乜湯汁。鮮肉鍋貼，算是整個下午茶最好味的一道菜，肉汁多到會爆汁，比湯飽還要多汁，皮亦夠脆，值得一讚。總結而言，成餐下午茶只是抱著不想浪費食物的心情去完成。性價比亦不高，商場內有多間食肆選擇，相信唔會再光顧。

見到此處以湯包為號召心思思就試一試。測試的入門「柯打」是小籠湯包和招牌擔擔麵。留意餐牌上的確是叫招牌擔擔麵的，我當然加上幾分期望。小籠包是絕對合格的。皮算是薄，湯汁豐富，雖然比不上鼎泰豐或翡翠拉麵，但可以一試。擔擔麵就失色得多。麵是上海白麵，遍淡，但是湯不夠濃。蔴醬夠多夠了，但湯就是沒有其他，肉末太少。翡翠拉麵，詠藜園的擔擔麵各有味道和特色，但這裡的就非常單調，就連湯味也沒有酸或鹹，就是悶。名字有招牌更加幾分失望。綜合以上，沒有一種大驚喜，也沒有衝動再來。

工作都不知時日轉眼間原來已到了下午兩時多肚餓得快扁了平常午餐時間這間很多人下午茶時間兩時開始餐廳內並不是很多人還能休閒地看着電視說實在價錢在下午茶來說，不算便宜但食物的質素和款式，其實算性比價高叫了一個排骨湯麵還送小籠包小籠包夠熱，可惜皮破了。不然就很完美！值得一提的，是他的排骨做得超級好吃外脆內酥軟而充滿肉汁，不像落了鬆肉粉平常不是太喜歡吃豬扒的我，也真的覺得這個太好吃了極度推薦一定要試試他的排骨麵當然選擇清湯排骨麵，味道會淡一點喜歡的話可以加些辣醬，便會更好吃了有機會在兩時後食飯的話，一定要來試！

晚晚叫左個二人餐，二餸有一個湯包，湯包冇咩事，個二餸超級細，餸就普通味道，跟本不是一個正常晚餐，食完好似冇食過野，埋單$220，好似做大陸人生意扼大陸人，真係唔會再食

最近特別想食上海野，金陵食南京菜，見到同上海野差唔多，所以都入去食。招牌金陵湯包，皮薄餡靚多湯，非常好食，唔食走寶。散嗌一籠有四隻，每粒size正常均稱。不過菜肉雲吞真係好難食😓 好失望皮無特別滑，陣味仲好似過期米整出黎咁，未食都已經聞到。個湯就似滾水，淡如無味。同行友人亦頂唔住果陣過期穀味...上海粗炒就非常普通，一般般。總結：金陵湯包值五星，好食抵食。其餘兩味就... 😅 唔怪得logo都攬住個湯包，好食到發夢都會諗起。

我一直都很喜歡吃擔擔麵，但美味的擔擔麵可遇不可求。好多時只有其香，沒有其味。四川風味已買少見少。今日食晏行過就試一試，味道不過不失。既然店名叫金陵湯包，一定要試下佢個小籠包即叫即蒸都算快手，皮薄，湯也甜，還不錯嘅~

放完假終於要收拾心情返工，今早忘得不得了，基乎連午餐也忘記。趕快去附近食個午餐再回來工作。平時慣常經過的一間湯包店，的起心肝走入去試一下。午市有套餐飯或麵，大概四十至六十之間，算ok喇。酸辣湯麵雪白白的麵條比酸辣湯包圍著，慢慢混為一體了。先嚐湯底，好夠辣，越飲越開胃，材料亦足，有嚼口。麵條滲透了湯的精華夠濕潤，好味！

佐敦白加士街是區內食肆集中地之一，而且都是較親民的消費，一般老百姓也消費得起。位於白加士街中段的金陸湯包，顧名思義，是一個食上海菜的地方，而其店名 - 金陸湯包 - 也是必吃名物 ﹗在落單之時，服務員也會作出提議，果然沒令我們失望。 (小貼士：而待湯包放在枱上稍為散熱才吃，風味更佳) 在略為看過餐牌後，我們認為二大套餐算是抵食 (含湯包，不用另外點) ，結果也沒令我們失望，而且份量足夠，足夠男士們吃個飽。前菜手拍青瓜和酸辣湯，兩者均十分美味醒胃。口水雞微辣，十分惹味﹗主菜回鍋肉及雞丁也是微辣，用來佐飯一流﹗總體而言，整餐飯都是微辣，適合喜歡吃辣的朋友。這頓飯我們吃了很久，除了是因為食物美味外，還因為我們要商談發展大計，一坐就坐了個多小時，但期間服務員不但沒趕客，而且更不斷為我們加水，服務態度很好﹗