南亞餐廳 (已結業)

晚飯時間...同朋友周圍搵下有咩地方食野...見南亞環境都幾幽靜...入左去坐行到好"支力"...坐下梳化抖下...先慢慢再諗食咩...:)南亞既menu其實都好多選擇...同朋友都一時花多眼亂..哈哈由原本要兩人套餐...到散叫...最後都係各有各叫...最後我要左 牛脷扒拼羊排配芥蜜汁鐵板餐:蒜茸包, 羅宋湯先來...蒜茸包烘得又香又脆...牛油同蒜茸汁滲哂入包中...好味:)羅宋湯就差d啦...湯相當稀...唔夠辣唔夠酸....飲落冇咩味鐵板上既時候熱度係岩岩好...不過冇沙沙聲...唔係勁熱個隻配菜新鮮...意粉都ok...芥蜜汁惹味...係個份量孤寒d牛脷扒非常既軟腍嫩滑...肉汁豐富...又勁有牛味...推介:)羊排很膻...雖然肉質鮮嫩...但似乎肥膩左d...不太喜歡:(最後黎既係檸茶同甜品...檸茶ok...正正常常甜品係芒果雪糕(伴罐頭雜果)...應該係牛奶公司!?ps. 我地食食下野...係意粉發現到條頭髮....仲有係裝檸茶糖水既壺見到一隻疑似小強"毛"腳....真係好忌呢d野...嚇死我!!!!!!!!!!呢個衛生問題...希望佢地留意同改善下啦...:(…查看更多

尋日膽粗粗同女友去左食南亞, 本身以為普通一間餐廳，食物都會唔見得好味!原來我大錯特錯!先講價錢，佢地二人晚餐都算係抵食，148蚊(未計加一)，我地揀左個餐有兩個主菜一個小食一個餐湯0既~先來一個肉骨茶，同我0係大馬飲到0既一模一樣，但如果可以用一小節油炸鬼伴住會仲正。d湯見到佢係好足料，沙參、紅棗、杞子~中藥味濃但又不失肉香味。蝦膏炒雜菜，好夠鑊氣呢，蝦膏味又濃，每塊菜都索晒d汁，好惹味!辣椒膏炒什錦海鮮，酸酸辣辣好開胃，d蝦同魚都唔錯~雞肉串燒，d雞肉有肉汁，個汁0既味好特別! 伴碟仲有青瓜，記得唔好嘥左d汁，要用d青瓜點埋0黎食~正!食到我好飽好飽呢~食完再走出門口，先知南亞係由銅鑼灣過0黎0架~唔怪之得咁有水準!留意餐廳其實好多上左年紀0既老伙計，佢地好好服務，時時都笑笑口，有一種買唔到0既親切感，見到佢開心時,我又食得開心!hehe~我下次一定要再0黎食其他好野!^^…查看更多

晚上和夫人好友在愉景新城- 南亞晚飯，Conclusion : 服務差、亂 ; 食物凍和冷。味道也不見得好。Result 亦相信不用再去：Complaint : 更多次將老遠的另一枱送錯到我們處，再三提醒也繼續錯。不去也罷。真不明白某電台名咀(So) 於宣傳廣告中大讚是否“鱔稿”。A. 海南雞脾飯（要加多五元！）雞無雞味，但尚且嫩滑。B. 個Noodle ,不但不熱，放了一會便凍了。C. 個叫XX參也的湯；侍應上菜時話小心很spicy。但結果竟然：酸到牙到軟！D. 串燒：非常明顯從微波爐“係咁e”加熱小小俾你個種。( Copy from 通吃 : 鞋口牛, 無味雞)E. 越南春卷－都叫脆，味道OK. F. 全晚最正路莫過於仔仔點的雜扒 :仔,你的堅持是對的。另外，墊枱張廣告紙，被席上男友人發現大量不能理解的錯誤：標點符號，錯別字等。你又找到幾多？從這張紙的質量去論斷他們的食物水平有欠公度；但假如這是他們經營理念……還是不去也罷。…查看更多

同女朋友行街到tusuen wan，原本好happy, 行到呢間店門外看好似幾好就入去試試!點完菜本想可以開開心心吃個飯, 點知是個惡夢的開始....!食物豬牛雞都是炸出來的製作方式(不論菜名是什麼!), 味道一般最差係炸得好黑好硬,油多,D肉又鞋冇咩味!呢間店我唔會再去,費事傷心, $$又貴！…查看更多

因為個friend想食海南雞飯於是即上網，到呢間店再睇埋食評好似好得咁，定去試試！當日叫海南雞套餐和鴛鴦球炒面套餐和炒菜。等一陣就上湯和包個湯味道ok但塊蒜蓉又硬又凍咬一啖就冇再食，跟住上海南雞買相唔得D雞亂晒好似摷過咁夾一舊入口不夠熱有D凍肉又鞋冇咩味、都唔知食緊乜我定放棄呢碟試埋個炒面，材料都好足但味道一般最差係D面炸得太黑好硬呀點食總之最食得入口就只得碟炒菜囉！經過今次之經驗所得食評並信唔過我都懷疑會唔會係食店自己寫上去博宣傳！呢間店我必定唔會再去囉！…查看更多