協和車仔美食 (已結業)

這天到觀塘探看爹媽，順道買菜兼吃午餐。雖然裕民坊重建一搞幾十年，昔日的旺地被推倒，工程依然進行得如火如荼。沒有了商舖林立人流興盛的裕民坊，許多街坊小店便遷移到較上一點的物華街位置。雖然物華街的一段不能獲得賠償重建，但廣漠的人潮都迫到這裡來，需求大而供應少，生意也愈做愈有。想吃地道美食，這一條街有眾多選擇：狗仔粉、茶餐廳、冰室、新之食。要再貼地一點，咱們則可沿路直走到協和街去。生於廝長於廝，在觀塘區長大的小的，對這遍地痞古舊的橫街窄巷就是有一份絲絲的感情。儘管老伴大叫這兒人口老化，商店不能追及時代。不過小的卻是甘之如怡，反而在這骯髒地痞的處所發掘出一份彌足珍貴的人情味。協和街由於毗鄰多家中學，學生午飯放學最喜歡吃些便價的街頭小食，於是車仔麵檔便應運而生。有趣的是協和街之車仔麵檔開完一家又一家，在街頭相連的舖位，竟屹立著兩家不同的店子。分別是「協和車仔美食」與及「一碗」。就裝修而言「協和」比較簡單，採用傳統茶記形式，至於「一碗」則較有心思，灰水泥外牆中有格格方窗，招牌以一大横木匾配以紅漆字體，店內的白色瓦磚亦貼有些黑白古著海報，主打懷舊風。檯椅以一系列的大圓木桌配膠凳，雖然擠著一堆堆的應該

其實見就見到呢間店好耐,不過觀塘真係多野食揀好多時呢D都唔會首選,今次終於有機會食下,款式多,味道佳,而且車仔麵店黎講環境唔錯唔會污糟,少有地無咩劣評既餐廳!讚 

由以前個名係源記時已開始幫襯，因為附近工作關係，間中都會食下，突然心血來潮寫一下吧。車仔麵大家都應該唔會陌生，更加唔會好期待有好高質素的車仔麵，因為間間都差唔多。協和呢間其實都係車仔麵黎嫁姐，雖然佢有飯食，但我從來只食佢車仔麵，因為佢啲車仔麵真係唔錯，起碼牛腩係一舊舊唔係碎濕濕一粒粒就算。最有誠意的就係碗麵有迷你蝦乾，為湯底帶來一點點不平凡。仲有就係激高性價比，31蚊3餸麵，凍飲都只係5蚊，希望佢唔會做唔住。牛腩真心必食加埋沙嗲醬，正嫁不過如果覺得貴就係好食的朋友，請按上一頁，呢度無服務無音響無環境無靚裝修無靚廁所，三十幾蚊食車仔麵唔好咁多要求唔該。

觀塘區這條街有兩間車仔麵檔，只係一鋪之隔，絕對是競爭對手，隔離那間我食過兩次，而這間我是第一次食的，我發覺這間食物的選擇種類較多，起碼呢度有飯嘅選擇啦，亦有一些小食嘅選擇。至於味道方面，我覺得大家不相伯仲，好似我今次食嘅豬手同埋那間食的豬手，大家都是比較林身也很入味， 另外，我今次叫了這個炸春卷雖然浸在湯中，但外表也是keep到的脆，不錯，整體來說兩間餐廳嘅食物質素都是正面，不相伯仲，就算連價錢都是一模一樣，莫怪乎兩間都是常常坐滿客。

車仔麵係香港美食其中一種，由中學生到大人都會食，而家價錢平，又大碗，又飽肚。😃觀塘協和街、係和樂邨對面有一間車仔麵，佢有近20款配料俾你揀，菜都有幾種，我叫左豬紅、咖喱豬皮、娃娃菜、油麵、麻辣汁小辣。三個配料既份量都好多，豬紅有成5舊，質感結實好入味，夾起絕對吾會散，超級推薦中意食豬紅既人揀！🤓另外，我覺得其中一個配料要係菜，因為菜會吸收晒湯既精華，如果你個湯係辣湯更加正！😍😍咖哩豬皮又厚又爽口，好重咖哩味，每一個配料都甘重料，我呢碗價錢只係33蚊，車仔麵尼講真係好掋呀！🗣快d尼試啦👅

之前朋友帶我去食過一次，就覺得好抵食，味道又唔差，而家到處都搵唔到甘平的車仔麵啦，位於街市附近，都是街坊學生之選👍兩餸車仔麵＄26 ,三餸車仔麵30一蚊，四餸車仔麵＄36 ,五餸車仔麵＄42 ,真心抵食，而且份量多。每次必點炸燒賣，雞翼，豬扒，招牌辣汁，他的辣汁還有蝦乾蔥花，非常嘢味👍我一般都要求多蔥花都蝦乾。滷水雞翼好入味，雞翼一咬下去，肉骨分離，雞肉好滑。炸燒賣表層還有少少椒鹽味。豬紅好大舊，又係滷到好入味，魚蛋貢丸雪藏貨，在此不提了。

開工飯堂又黎喇！協和車仔面，係我番工食lunch成日會去既車仔麵檔！不過太多餐廳想寫，一路都未有時間寫，不過呢間車仔麵真係平靚正，行開觀塘想食碗麵，不妨試下呢間！我帶男朋友去試左次，然後佢之後都成日話要食呢間喇！睇睇個餐牌，兩餸都係$26，三餸都係$31，我通常都揀三餸或四餸，因爲佢d餸都好食，同埋勁多款呀！好似無見過車仔麵檔有咁多餸揀架！仲要全部一樣價錢，有d車仔麵鋪，肉類 、魷魚等係會收貴d架！食肉獸既我可以揀好多肉喇！！呢間車仔麵既特色，應該係係d餸上面會加上櫻花蝦，令車仔麵更香，我就好喜歡，另外唔怕辣一定要試麻辣汁，辣辣地更好味。我通常最鐘意叫豬紅、牛腩，豬紅好嫩滑好入味，牛腩唔會韌，肥瘦剛好，另外豬手都值得推薦，每份有兩大隻，爽口彈牙！今日想扮健康，所以叫多兩條菜。呢碗係男朋友既，都係豬紅、牛腩，雲吞係鮮蝦豬肉雲吞，平時收工時間就會見到呀姐係門口包，鮮蝦爽口，因為食過更好味，呢度既雲吞屬一般水準，至於墨魚丸，大可不試。平民車仔麵，地方細細，通常做學生哥同街坊生意，而家係我同同事既飯堂！希望佢保持水準 。

其實轉手以來，第二次來了。今晚13度，特別想來碗麵。最近工作愈見忙碌，連維修的工作也要幹了，在這世道裡，能慰勞疲倦的身軀，不過一餐飽飯。第二次來，必有因由，這裡的麵，很夠熱。要知道坊間一般麵店，為應付忙碌用餐的食客，麵都煮至半熟，就隨便一燙，淋湯和料頭就奉客。這不過是一碗沒有靈魂的麵。但這間新店，兩次光顧，都沒令我失麵。車仔麵我幾乎都點油麵，因為沒有鹼水味，比較便利處理，通常一煮就好，比較少中伏。料頭通常不會點現成貨如廚師腸，午餐肉之類，能買到的四方皆一樣，還有甚麼能說？我會點的多半是牛腩豬手豬軟骨，能觀之火候用心程度，豬扒豬頸肉類，看的是處理肉的程度，有沒有醃得太過或不夠等，比較少點是滷水雞翼，因為多半浸煮到太熟。湯頭通常以煮菜湯加以腩汁，看的有沒有夠味，味精下得如何。最後能加的辣醬辣油也是店中點睛之筆，必點。今晚點4餸，沙嗲汁，油麵。要等5分鐘左右上桌，這個時間非常好，以證明要花心思去煮的。上桌時，很夠熱。點了牛腩味道夠出手也大方，豬手淋唯獨不夠味，糖醋豬軟骨是黑醋做的，不錯可惜放湯就不夠味，最後蠔油冬菇，用料上乘，冬菇厚身又夠淋滑，可説必點之選。麵上灑上蝦乾點綴，沙嗲汁滿意，非常

諗唔到可以咁好味！菜飯啲菜心新鲜又多！豬手冇毛又淋！鹵水汁鸡翼，大腸入味！云吞水餃新鲜！糖醋排骨，手撕鸡正！連沙嗲酱，麻辣酱都咁好味！牛腩，蠔油東姑，炸魚片头，炸燒賣更係一绝！