半熟工房 (黃大仙中心北館) (已結業)

其實都好耐冇食半熟蛋糕，記得5年前食個芝士味係好重，所以今年屋企人生日就買番個試下，$198 半磅？（都好似冇）。價錢貴唔貴就見人見智啦，但真係食落冇咩芝士味，似食緊雲尼拿蛋糕咁，中間得啲好厚既cream, 同三層薄既海錦蛋糕就咩都冇，但賣$198，只能講依個價錢可以有更好既芝士蛋糕選擇，同埋expect 中間啲cream會有芝士味但都係冇咩味。而外層既絨絨都唔係芝士粉，因為屋企人都有整開蛋糕，外層食得出係餅乾粉，所以成個蛋糕完全唔吸引，只能夠用填飽肚黎形容，芝士味亦唔突出，比較失望。。。。同埋塊生日牌係standard 冇得加字，因為分開用膠袋裝而唔係用盒裝或者直接放上蛋糕，變左拎出黎啲朱古力字已經痴住個膠袋面，化開哂完全睇唔到個字寫咩，呢個亦都係店家冇諗到既問題。。。整體：唔推介依款蛋糕

薄荷朱古力蛋糕無論買比男定女都幾適合，因為唔算貴又好食😋一打開個盒就聞到好香嘅薄荷朱古力味。而且佢嘅牌係餅乾黎嘅，比起一般甜到漏又唔好食嘅朱古力牌好好多🥰🤩 呢個size一家五口食都好足夠添～

由於openrice之前有優惠 甘就選擇左屋企附近既呢一間半熟工房做下午茶來招待客人 今次全部選擇咗焦糖芝士撻 面頭嘅焦糖脆脆唔錯 芝士撻就同出邊所買嘅唔太大分別 但係因為有優惠嘅關係所以算性價比可以 但其實佢門市都有優惠 如果未試過嘅都可以一試

半熟工房可以話係幾年前掀起芝士撻熱潮嘅店鋪! 直至現在, 半熟工房仍不斷擴張, 其中一個成功之處就係product diversification, 而不是單賣芝士撻或芝士蛋糕。《Oreo莎莎》 呢款蛋糕係2020年中的新產品! 不太喜歡朱古力的我, 一見呢個蛋糕就以為會唔好食, 但壽星女喜歡, 當然係主角話事啦! 一食落口就發現...我錯了...🤭 Orea忌廉濃郁香醇, 細滑得嚟並沒有過甜情況。加上面層放了Oreo餅、麥提莎和金莎, 全部都係童年零食, 增添一份親切感!☺️原個蛋糕價錢只需$190, 夠5-6人分享, 比起其他連鎖餅店, 百幾蚊只得少於半磅的迷你蛋糕, 經濟實惠!

The staff at Wong Tai Sin was extremely polite and helpful while I was encountered some problem from the order at Tsim Sha Tsui Branch.