半島漁港/阿翁火鍋館

營業中

休息中

老公最鍾意食中式小菜，今晚我哋就揀咗去酒樓撐枱腳。環境光猛，跟般酒樓的格局相若，設有多張四人圓枱，亦有數張大圓枱，地方都幾寬敞闊落。枱上有多份餐牌，有海鮮孖寶、多款小菜、鮑參翅肚、煲仔、湯羹、粉麵飯、海鮮系列、特惠孖寶、明爐燒味、晚巿優惠、$1特惠等。孖寶 ($298) 有數款選擇，不同組合定價不同。見到嗰勁大嘅海鮮位置，新鮮生猛，必點海鮮，所以今晚就揀魚配蝦。清蒸海南瓜子斑 即點唔止即蒸，仲即捉，夠晒新鮮生猛。熱辣辣上枱，蒸得合時，啖啖肉，白滑鮮味，淋啲豉油，伴些蔥花絲更好味！最喜歡當然是魚腩位，相當肥美，滑嘟嘟。白灼生猛海生蝦 以白灼的方式烹調，最能嚐到原有的鮮味。大大隻，色澤鮮橙，非常新鮮。肉質爽嫩彈牙，蘸些辣椒豉油，鹹鹹地，辣辣地，但還是不作任何添加，原有味道最美味。竹笙鼎湖上素($108) 用料豐富，有爽口嘅雲耳、雪耳、多款雜菌、清甜嘅紅蘿蔔和翠綠爽嫩嘅菜心，還有爽滑嘅竹笙，唔算油唔算鹹，美味！加一元系列有唔少選擇，揀咗極品BB豬 （+$1 ），二至四位有¼隻，超值！加上見到師傅即場燒，好有誠意，新鮮熱辣，正！BB豬烤至皮紅潤帶點焦色，咬下去卜卜聲，好香脆。脆口的豬皮下帶一層

半島漁港/阿翁火鍋館📍：將軍澳唐德街1號將軍澳廣場1樓L1-104號舖🚗：將軍澳地鐵A2出口 步行8分鐘📞：+852 2368-3588💲：~HKD100/head for dimsumFood quality✔️：鮮蝦菜苗餃、流沙奶黃包👌🏼：半島水晶蝦餃、蟹籽燒賣皇、瑤柱火腿灌湯餃、蠔皇鮮竹卷、百花釀魚肚、蒜蓉蝦春卷、鮮蝦腐皮卷、蜜汁叉燒腸粉❌：椰汁紅豆糕總結：🤔話說我爸同我講想去半島飲茶 我打咗嗰突 後尾發現此半鳥非彼半島 真係令人貽笑大方 今次嚟飲茶🫖所有小點都正正常常 唔貴合理又幾好食 唔怪得咁爆場🤔蝦餃 燒賣皇同灌湯餃都大舊足料👍🏼🤔蠔皇鮮竹卷 百花釀魚肚同蜜汁叉燒腸粉都唔錯👏🏼🤔炸物嘅鮮蝦腐皮卷同蒜蓉蝦春卷就比較普通😋比較推薦係鮮蝦菜苗餃同流沙奶黃包 前者飽滿蝦都大粒 後者流沙包流沙效果一流😜😨好大間酒樓同埋超爆場 繁忙時段要輪候 服務就太忙冇咩人留意到你 舉手要舉一段時間先有人理你🫨

有別於一般火鍋店的擁擠，半島保留中式酒樓的開揚格局，高挑樓底與充足桌距讓人放鬆。裝潢雖非走時尚路線，但整潔的圓桌與明亮的燈光令人吃得開懷。芫荽皮蛋＋沙嗲鴛鴦鍋皮蛋湯底清澈鮮甜，芫荽很香；沙嗲濃郁帶微辣。刺身拼盤新鮮任食火鍋竟附送刺身拼盤！三文魚厚切且油脂甘香；甜蝦軟糯帶甜，北寄貝爽脆無腥味。極級牛頸脊「阿翁極級牛頸脊」大理石紋油脂分布均勻，輕涮5秒即捲成粉嫩玫瑰色。入口瞬間化開的牛油香氣，肉質柔嫩無筋！環球海鮮盤帶子肥厚鮮甜、龍躉片皮脆肉滑，生蠔飽滿無金屬味。特別推薦涮鱔片——魚皮膠質豐厚，肉質緊實無土腥，在芫荽湯中輕涮最能突顯鮮味。墨魚滑與蝦滑亦打得彈牙，可見手打誠意。意外驚喜是「蠔皇鮑魚扣鵝掌」，鮑魚嫩中帶韌，蠔汁鮮味直透中心；鵝掌燜至膠質黏唇，筋膜盡化。「至尊水餃皇」亦值得專程來吃——薄皮裹着四隻完整鮮蝦，蝦肉爆破感十足，韭菜餡比例恰到好處。自助區配料區整潔有序，醬料區備齊沙茶醬、炸蒜等十餘款配料，自調醬汁空間大。人均$300左右的任食價位，能同時享受刺身、頂級牛肉、活海鮮與手工餃類，在將軍澳區實屬難得。

呢一間酒樓食過中菜好出色，今日再同屋企人嚟食啦🥳海南文昌雞雞肉浸得啱啱熟💯，皮爽肉滑有雞味。最正係啲雞凍凝住喺皮肉之間，點埋薑蔥蓉鮮味更加突出😝椒鹽鮮魷即炸上枱熱辣辣🔥，外層脆粉薄身唔油膩。鮮魷肉厚彈牙，椒鹽炒得夠香口，加埋炸蒜片同辣椒粒惹味到停唔到口😍啫啫蝦干通菜煲通菜夠嫩唔老😋，蝦干鹹香提鮮。上枱時啫啫聲熱氣騰騰，蒜頭同豆豉爆得香😛，鑊氣十足。菜莖保持爽脆，食到尾都唔出水😎法式燒汁一口牛牛粒外層焦香👅，內裡保持粉嫩鬆化。燒汁甜中帶黑椒辛香，洋蔥絲索晒汁好入味，配白飯食啱啱好🌟

今晚同朋友打邊爐，酒樓地方寬敞，坐得夠舒服，啱晒一邊打俾爐一邊傾偈，一至四$298，八點半後仲有八折，咁嘅質素，好抵。一坐低首先揀咗湯底先，我哋揀左澳門豬骨鍋，湯底香濃醇厚，飲落骨香味十足，唔會太油膩，打邊爐一流！刺身拼盤都唔輸蝕，起初都以為係噱頭野，打邊爐有埋刺身咁，但八爪魚、北寄貝、甜蝦全部都夠新鮮，三文魚切得又厚身，入口即溶，食完好滿足。打邊爐已經夠豐富，仲有鮑魚鵝掌，煮得好入味好淋，鮑魚估唔到咁大隻，爽口彈牙，我好鐘意食。牛頸椎肉質嫩滑，脂肪分布平均，落湯一煮已經香氣四溢。至尊水餃皇好大隻非常足料。海鮮拼盤真係新鮮到不得了，帆立貝肉質爽甜，入口滑溜，低脂又健康，點煮都咁鮮味。青口大大隻，肉厚多汁，冇腥味，落湯一煮就食得，啖啖海水味，食完好滿足。生蠔就更加唔使講，鮮味爆燈，煮三分鐘啱啱好，唔會縮水，入口滑溜又帶少少奶香，正！羊肉片新鮮無羶味，薄切易熟，入口嫩滑，羊味突出，配埋湯底一齊食又暖胃又惹味。鱔片大大片，爽口彈牙，仲帶少少脆，煮熟後鮮甜冇腥味，真係好有水準。鵝腸爽脆有嚼勁，落湯一燙就食得，啱晒鍾意口感嘅朋友。蔬菜爽脆，丸類彈牙，連湯底都飲得出心機，唔會太鹹或者味精重，飲完都

前幾日同屋企人去咗位於將軍澳嘅半島漁港食晚飯🥢，酒樓招呼得唔錯，而且又坐得幾舒服😌，我地試咗佢哋嘅海鮮孖寶、$1 BB乳豬🐽同瑤柱扒西蘭花🥦首先，海鮮孖寶我哋揀咗金蒜銀絲蒸聖子皇同燒乳鴿，蒸聖子皇有四隻，賣相幾靚，聖子皇肉質鮮嫩，蒸得啱啱好，唔會過熟，而且金蒜嘅蒜香味好濃郁，撈飯食一流🍚。至於燒乳鴿方面，兩隻乳鴿外皮酥脆，肉質亦都幾嫩滑多汁，同時亦都唔會過於油膩。而BB乳豬係+$1 就有，超抵食🤩，BB乳豬外皮好脆，而入面嘅肉同樣都幾嫩滑，口感唔錯👍🏻另外瑤柱扒西蘭花🥦，西蘭花煮得啱啱好，唔會過淋，有咬口，而且瑤柱亦都好有鮮味，煮出黎個汁餸飯食好正🙌🏻

同家人去左飲茶 話將軍澳呢間酒樓幾抵食 就過黎試下 間酒樓好大間 所以平日lunch 只係等左5分鐘就有位 燒賣（3粒）-可以接受 中間既肉都有些咬口 蟹籽略嚴少左少少 每粒唔夠均勻咸水角- 味道正常 料比較少蝦餃（2隻）- 外形飽滿 蝦肉都唔少 好食 值得叫牛肉腸-腸粉皮偏厚 一般般炒米粉- 幾香 有些紅洋蔥咁 幾惹味蓮藕煎魚餅-比較少見切碎左既蓮藕溝魚餅 味道都唔錯 有新鮮感鳳爪排骨飯-排骨冇咩肉 鳳爪比較乾身 飯正常叉燒包-味道正常 可以試金錢肚-夠腍 味道都唔錯 可以試馬拉糕-份量好多 但味道唔錯燕麥糕-比較特別 有些咬口 值得一試紅棗糕-比較煙韌 味道唔錯 值得一試總結係點心幾抵食 係地板比較濕滑 同埋上手倒瀉咗粥喺地下都冇人見到 就比客人入坐

今晚同班老友嚟返呢間街坊酒樓，之前都嚟過，個個都話正！首先係文昌雞，皮爽肉滑，雞味濃郁，點埋薑蔥油，簡直係絕配，啲肉一啲都唔「鞋」，食到停唔到口。 跟住上枱嘅係清蒸藍瓜子斑，條魚蒸得啱啱好，肉質嫩過豆腐，連平時唔食魚嘅朋友都搶住夾。 生扣大連鮑魚，真係驚喜！鮑魚厚身彈牙，扣得入味又唔會韌，個汁撈飯可以食多兩碗。清炒白菜仔，就普通啲，但勝在夠鑊氣，菜又嫩，清清哋平衡返成餐飯。 菠蘿咕嚕肉，酸甜適中，外脆內軟，啲肉仲好juicy！豉汁蒸鱔，就更加冇得輸，鱔肉肥美，豉汁香濃，送酒一流。最後嗰碟煎蠔餅，蠔仔好多，煎得金黃香脆，幾正。總括來講，呢間酒樓，座位寬闊，食物高質，下次一定再encore！

呢間酒樓環境幾乾淨企理，坐得舒服，適合同大班朋友聚餐👨👩👧👦。服務員手腳幾快，換碟都算密，十分推介👍🏻 $1 文昌雞 (1隻)🐔 真係抵食！雞肉幾滑，皮薄唔肥，雖然係優惠價但份量足4個人食。而且仲有豉油汁同薑蓉。 清蒸藍瓜子 🐟 魚肉蒸得啱啱好，夠鮮甜。豉油唔會太鹹，墊底嘅蔥絲吸晒魚汁好正！ 生扣大連鮑魚 (4隻)鮑魚size幾大隻，煮得淋得嚟有咬口 蜜桃菠蘿咕噜肉 (例)🐷個汁酸甜適中，咕噜肉炸得脆身。蜜桃同菠蘿新鮮，開胃得嚟唔會太膩。 煎蠔餅 (例）🦪蠔仔份量幾多，感覺似蠔加蛋餅，點下魚露幾正。 整體黎講，呢餐抵食夾大件，特別係$1雞真係好划算！

香港地已經好少地方無限時任食，適合三五知己一路食一路傾，有幾款湯底可以揀，我哋揀咗先食重慶辣雞鍋：雞肉嫩滑，香辣度適中，好惹味，之後仲可以轉芫荽皮蛋湯打邊爐環球海鮮盤：有海蝦、八爪魚仔、扇貝、青口，聖子都好新鮮，正到爆刺身拼盤：估唔到酒樓刺身都有依啲質素，刺身厚切新鮮，好有驚喜牛頸脊：油花分布均勻，牛味濃郁，食落好嫩滑，食左好多碟，好滿意至尊水餃皇：皮薄餡多，食落口感豐富蠔皇鮑魚扣玉掌：鮑魚大隻彈牙，同鴨掌都好入味（只提供一次)食完呢啲再食雞煲，都已經飽咗一半，最後轉湯底打邊爐，配料都好多選擇，有肉、海產、丸、餃子、蔬菜和面類任飲我覺得鱔片同鵝腸都好好食，好脆口，不停encore，店員服務好好，主動加湯收嘢食材新鮮無限任食值得一試

話說上個周末去咗將軍澳廣場嘅「半島漁港」，呢間餐廳以新鮮海鮮為賣點，食材每日直送，質素保證！🤩 今次我哋重點試咗幾道推介菜式，每款都係鮮味爆燈，絕對值回票價～等我逐樣同大家慢慢講！👇👇**清蒸藍瓜子斑🐟** 一上枱就被佢清新嘅賣相吸引，魚身雪白，油亮亮嘅，鋪上簡單嘅蔥絲同薑絲，蒸得啱啱好，魚肉細緻嫩滑，入口即溶，仲帶有天然嘅鮮甜味，完全唔需要過多調味，已經好滿足～✨**豉汁蒸大鱔🦈** 大鱔肉質厚實又彈牙，配上濃郁嘅豉汁蒸出嚟，啲豉香味滲入每一絲魚肉，鹹香味濃但又唔會搶走魚嘅鮮味，呢個真係必點之選！🤤**一蚊餸：白切雞🐔** 呢個一蚊餸真係抵到笑！白切雞雞皮爽滑，雞肉鮮嫩，仲帶少少雞油香，配埋佢哋嘅特製薑蔥醬，味道簡單得嚟又令人回味～一蚊食到咁高質，真係無得輸！🔥**白灼海蝦🦐** 鮮活海蝦一斤，白灼到啱啱熟，保留咗蝦嘅鮮甜同彈牙口感，蝦殼輕易可以剝開，沾少少醬油就已經好好味，呢個真係蝦迷嘅天堂～🦐💕**食後感：** 每一道菜都保持住高水準，食材夠鮮，味道清而不淡，啱晒鐘意海鮮同原汁原味嘅朋友～而且價錢合理，份量十足，食得飽又開心，真係無論家庭聚餐定朋友飯局都啱晒！😌

海鮮孖寶（$228起）好抵食，可以自由選擇兩款，有菜有肉有海鮮有主食選擇！超級推薦！同屋企人揀咗-清蒸藍瓜子 $298份量足，唔會好細條魚，清蒸方式保持魚的鮮甜，搭配大量蔥絲，沒有腥味，撈飯最啱另一款揀咗-燒乳鴿（2隻）燒製後乳鴿外皮十分酥脆，調味剛剛好另+$108 竹笙頂湖上素竹笙吸收了高湯的鮮甜，搭配菜心同大量雜菌，清爽脆口晚市必點 +$1 燒味 （2-4位） 至尊燒鵝皇 （星期1-5晚市，公眾假期除外）濃郁的燒香氣，燒鵝外皮帶有微微炭焦香，鵝肉肉味濃厚，油脂豐富，好鍾意佢哋嘅酸梅醬，鵝肉沾點酸梅醬後多咗種酸酸甜甜嘅味，更開胃清新👍🏼👍🏼

今日帶朋友去將軍澳廣場半島漁港食晚飯，之前食過佢地嘅一蚊燒鵝覺得唔錯，今次食過返尋味。酒樓面積好大，座位都好寬敞，坐得好舒服。我哋叫咗一蚊燒鵝，一啖咬落去，皮脆肉嫩，仲帶有少少煙燻味，實在好好味！跟住我哋又點咗清炒莧菜，清脆爽口，完全唔油膩，正好平衡咗燒鵝嘅豐腴。翠塘滑豆腐都唔可以錯過，豆腐滑得如絲，配上蝦仁和帶子，滲透入豆腐入面，口感一流。然後上湯焗海蝦伊麵，海蝦好新鮮，伊麵吸咗湯汁後更加入味，真係唔捨得停口。最後，仲有吊燒雞，雞肉嫩滑，皮脆肉Juicy，真係食到我哋心滿意足。整體嚟講，半島漁港真係唔錯，唔單止食得好，環境又好，絕對值得再返嚟！

發現 成日去嘅AEON樓下… 竟然有間好味中菜~ 超級大間, 仲要有優惠! 等嘢食嘅時候, 唔想睇電視/撳手機…可以睇魚樂無窮~ 打理得好好, 乾淨企理, 我忍唔住 慢慢睇, 開心心~ 仲可以睇師傅燒乳豬~ 我又係睇咗好耐… 好開心我哋揀咗: 海鮮孖寶 $298藍瓜子 拼 金銀蛋浸時蔬孖寶抵食喎,有海魚食, 仲要唔細條架, 咁開心嘅!?份量震驚咗我哋, 係超級足料!莧菜好嫩口, 完全冇渣, 我哋都忍唔住一路食一路讚~ 至尊燒鵝皇 $1 我地呢份係例牌 (2-4人量)p.s 逢星期一至五晚市 . 只限堂食成件事 好認真! 1/4 隻原來都幾多架~有個爐暖住, 食得慢都唔怕凍晒~ Nice!椒鹽鮮魷 $128份量口感都唔錯啊~近近地,原來係有坐得寬敞嘅好味中菜~店長勁親切, 同事們都好友善啊, 我同屋企人黎緊放假會黎飲茶的~

今日咁次 夜晚就去左打邊爐食完都覺得唔錯 我哋叫左個雞煲 雞煲啲醬汁好好味 少辣少麻 岩岩好 但肉質叿算係新鮮 不過唔算難食 都可以嘅因為係雞煲 服務員話食完可以換湯底 咁我哋換左清湯 清湯有白蘿蔔同白菜仔 都好足料 一開始有一碟刺身 刺身數量唔多 另外有一碟熟食 入面有鮑魚鵝掌 打邊爐材料 款式都多選擇 整體我覺得牛肉好味 魚皮好脆海鮮都ok 丸類就一般般 有啲韌蔬菜種類都幾多 唔係得3-4款飲品種類唔算多 但都可以接受既因為都多人 所以服務員都好忙 要等都算值得食