影片
營業時間
今日營業
07:00 - 22:00
星期一至日
07:00 - 22:00
公眾假期
07:00 - 22:00
以上資料只供參考, 請與餐廳確認詳情
老公最鍾意食中式小菜，今晚我哋就揀咗去酒樓撐枱腳。環境光猛，跟般酒樓的格局相若，設有多張四人圓枱，亦有數張大圓枱，地方都幾寬敞闊落。枱上有多份餐牌，有海鮮孖寶、多款小菜、鮑參翅肚、煲仔、湯羹、粉麵飯、海鮮系列、特惠孖寶、明爐燒味、晚巿優惠、$1特惠等。孖寶 ($298) 有數款選擇，不同組合定價不同。見到嗰勁大嘅海鮮位置，新鮮生猛，必點海鮮，所以今晚就揀魚配蝦。清蒸海南瓜子斑 即點唔止即蒸，仲即捉，夠晒新鮮生猛。熱辣辣上枱，蒸得合時，啖啖肉，白滑鮮味，淋啲豉油，伴些蔥花絲更好味！最喜歡當然是魚腩位，相當肥美，滑嘟嘟。白灼生猛海生蝦 以白灼的方式烹調，最能嚐到原有的鮮味。大大隻，色澤鮮橙，非常新鮮。肉質爽嫩彈牙，蘸些辣椒豉油，鹹鹹地，辣辣地，但還是不作任何添加，原有味道最美味。竹笙鼎湖上素($108) 用料豐富，有爽口嘅雲耳、雪耳、多款雜菌、清甜嘅紅蘿蔔和翠綠爽嫩嘅菜心，還有爽滑嘅竹笙，唔算油唔算鹹，美味！加一元系列有唔少選擇，揀咗極品BB豬 （+$1 ），二至四位有¼隻，超值！加上見到師傅即場燒，好有誠意，新鮮熱辣，正！BB豬烤至皮紅潤帶點焦色，咬下去卜卜聲，好香脆。脆口的豬皮下帶一層薄薄的肥膏，吃起來不太油膩，甘香油潤，而BB豬嘅肉質果然不同，相當嫩口，肉味香濃，正！
繼續閱讀
有別於一般火鍋店的擁擠，半島保留中式酒樓的開揚格局，高挑樓底與充足桌距讓人放鬆。裝潢雖非走時尚路線，但整潔的圓桌與明亮的燈光令人吃得開懷。芫荽皮蛋＋沙嗲鴛鴦鍋皮蛋湯底清澈鮮甜，芫荽很香；沙嗲濃郁帶微辣。刺身拼盤新鮮任食火鍋竟附送刺身拼盤！三文魚厚切且油脂甘香；甜蝦軟糯帶甜，北寄貝爽脆無腥味。極級牛頸脊「阿翁極級牛頸脊」大理石紋油脂分布均勻，輕涮5秒即捲成粉嫩玫瑰色。入口瞬間化開的牛油香氣，肉質柔嫩無筋！環球海鮮盤帶子肥厚鮮甜、龍躉片皮脆肉滑，生蠔飽滿無金屬味。特別推薦涮鱔片——魚皮膠質豐厚，肉質緊實無土腥，在芫荽湯中輕涮最能突顯鮮味。墨魚滑與蝦滑亦打得彈牙，可見手打誠意。意外驚喜是「蠔皇鮑魚扣鵝掌」，鮑魚嫩中帶韌，蠔汁鮮味直透中心；鵝掌燜至膠質黏唇，筋膜盡化。「至尊水餃皇」亦值得專程來吃——薄皮裹着四隻完整鮮蝦，蝦肉爆破感十足，韭菜餡比例恰到好處。自助區配料區整潔有序，醬料區備齊沙茶醬、炸蒜等十餘款配料，自調醬汁空間大。人均$300左右的任食價位，能同時享受刺身、頂級牛肉、活海鮮與手工餃類，在將軍澳區實屬難得。
繼續閱讀
呢一間酒樓食過中菜好出色，今日再同屋企人嚟食啦🥳海南文昌雞雞肉浸得啱啱熟💯，皮爽肉滑有雞味。最正係啲雞凍凝住喺皮肉之間，點埋薑蔥蓉鮮味更加突出😝椒鹽鮮魷即炸上枱熱辣辣🔥，外層脆粉薄身唔油膩。鮮魷肉厚彈牙，椒鹽炒得夠香口，加埋炸蒜片同辣椒粒惹味到停唔到口😍啫啫蝦干通菜煲通菜夠嫩唔老😋，蝦干鹹香提鮮。上枱時啫啫聲熱氣騰騰，蒜頭同豆豉爆得香😛，鑊氣十足。菜莖保持爽脆，食到尾都唔出水😎法式燒汁一口牛牛粒外層焦香👅，內裡保持粉嫩鬆化。燒汁甜中帶黑椒辛香，洋蔥絲索晒汁好入味，配白飯食啱啱好🌟
繼續閱讀
今日同個朋友去咗將軍澳廣場「半島漁港」開餐，之前幫襯過覺得OK，今次再encore！ 叫咗個$398優惠三寶套餐，幾抵食！白汁明蝦球啲蝦大大隻，彈牙又掛汁；菠蘿咕嚕肉酸甜度啱啱好，外脆內軟冇「嚡」口；清蒸石斑夠晒鮮，火候掌握得幾好，豉油吊味唔會死鹹。三個餸份量十足，兩個人都食到捧住個肚走！ 另外叫咗兩支啤酒$33.8，好抵飲，啤酒夠凍，邊食邊飲，傾吓偈，好爽！總括來講，呢度價錢合理，碟頭夠大，味道穩陣，絕對係街坊飯堂之選！下次想慳慳地食海鮮小菜，應該會再來！
繼續閱讀
今晚同朋友打邊爐，酒樓地方寬敞，坐得夠舒服，啱晒一邊打俾爐一邊傾偈，一至四$298，八點半後仲有八折，咁嘅質素，好抵。一坐低首先揀咗湯底先，我哋揀左澳門豬骨鍋，湯底香濃醇厚，飲落骨香味十足，唔會太油膩，打邊爐一流！刺身拼盤都唔輸蝕，起初都以為係噱頭野，打邊爐有埋刺身咁，但八爪魚、北寄貝、甜蝦全部都夠新鮮，三文魚切得又厚身，入口即溶，食完好滿足。打邊爐已經夠豐富，仲有鮑魚鵝掌，煮得好入味好淋，鮑魚估唔到咁大隻，爽口彈牙，我好鐘意食。牛頸椎肉質嫩滑，脂肪分布平均，落湯一煮已經香氣四溢。至尊水餃皇好大隻非常足料。海鮮拼盤真係新鮮到不得了，帆立貝肉質爽甜，入口滑溜，低脂又健康，點煮都咁鮮味。青口大大隻，肉厚多汁，冇腥味，落湯一煮就食得，啖啖海水味，食完好滿足。生蠔就更加唔使講，鮮味爆燈，煮三分鐘啱啱好，唔會縮水，入口滑溜又帶少少奶香，正！羊肉片新鮮無羶味，薄切易熟，入口嫩滑，羊味突出，配埋湯底一齊食又暖胃又惹味。鱔片大大片，爽口彈牙，仲帶少少脆，煮熟後鮮甜冇腥味，真係好有水準。鵝腸爽脆有嚼勁，落湯一燙就食得，啱晒鍾意口感嘅朋友。蔬菜爽脆，丸類彈牙，連湯底都飲得出心機，唔會太鹹或者味精重，飲完都唔會口渴，最後連啲豬骨都食埋飲品選擇多，有冷泡茶、啤酒、汽水，啱晒打邊爐時解渴。最欣賞佢哋任飲任食，價錢中等
繼續閱讀