千賀水產の鮮鍋道場 (已結業)

好耐都未試過食到咁盡興啦，一心諗住嚟食放題火鍋。 萬萬都估唔到呢間千賀海鮮，做出嚟嘅食物數量，有如去到酒店食自助餐咁，嘢食多到根本食唔曬，食唔停。刺身，壽司吧蔬菜，菇類丸類，芝士腸等等沙律吧熱盤，有魚有雞，食晒會換盤 咁啱我哋又係頭嗰幾台嚟嘅客人。六點就開始食，熱盤嘅選擇非常之多有魚，有雞，蔬菜，豬頸肉咖哩，麻辣小龍蝦，應有盡有。連酒店獨有嘅即切肉眼牛扒都有。嘢飲亦都琳瑯滿目，有自家製嘅飲品，亦有好多罐裝飲品款式。最喜歡佢自家製嘅水果茉莉花茶，我飲完又飲都冇飲其他飲品呀。其實我哋火鍋先係我哋嘅主菜。叫咗個昆布鍋，套餐有海鮮拼盤，牛肉，羊肉，蝦滑魚滑，仲有刺身。真係食唔停手，如果唔係要趕住去睇戲我諗我哋要坐到十點十一點先至走呀。而且食物質素中上，300蚊既價錢，由頭食到尾，食到捧腹而走，真真正正抵到爛就係呢啲。

我29/12/2018去食，首先我打電話去訂位完全打唔通，要親身去訂位，間餐廳講明食6個鐘，我食了兩個鐘左右，有個侍應走來說因為有人等想收走我個煲！我想問有人等個煲定有人等個位！味道都係中上，不停出唔同的熟食不過完全唔對名，如果有食物敏感的人又或者是有宗教信仰的人食錯了，分分鐘可以告佢！

平時不會寫食評，今次唔寫唔得，真心覺得難食,忍唔住上來寫下! 昨晚剛吃完，真心覺得唔好食，那個海鮮盤唔新鮮，肉質不彈口亦冇味! 相比官塘有一間磯燒放題，人地既海鮮盤係新鮮不欺場。湯底點了雙拼窩，其中一邊是沙嗲湯，但完全冇沙嗲味，唔知點解仲有一點腥味。講真，稻香d湯底仲好過佢! 刺身亦麻麻地，又係冇乜味，感覺唔多新鮮。連加一成3舊水一位，確實不值! 冰糖燕窩簡直嘥氣，只是一樽糖水加半粒紅棗罷了! 熟食中規中舉，唔算難食。以這個價錢，有很多好的選擇，這個係嘥我quota!

在觀塘附近返工，最近聽同事講開咗一間千賀水產，有打邊爐，好似酒店放題好多野食，我哋急不及待即刻定位放工後食。約到店內環境好大，外面放着好多中西美食，感覺好似酒店自助餐，非常吸引。冷盤有新鮮凍蝦，沙律自助吧等😋因為見到好多火鍋配料，海鮮及蟲草花，所以我地點了個淸湯底。新鮮扇貝好似手掌咁大隻，好厚肉肉質鮮甜，生蠔一啲都唔腥，啖啖肉點了辣椒豉油，非常爽口好味。刺身色澤紅潤，非常新鮮，款式較多。😋牛肉入口即溶，紋理清晰，識落牛肉味濃，👍👍👍淨係丸類都有多款選擇👍連點心都有，太多選擇，所以每樣試少少👍紅棗燕窩，飲落有少少燕窩肉，青青甜甜好好飲，我哋每人飲咗三四樽😋😋😋

見到Facebook 報導，影到好豐盛抵食咁，就同朋友過黎試下，一坐底開鍋，會送啲無得添加既：海鮮拼盤、靚牛肉、刺身拼盤、花膠鴨掌海鮮拼盤：有帶子、鮑魚、兩款蚌、蝦、蜆、脆肉鯇；蝦、蜆可以無限添加；全部海鮮都好新鮮，脆肉鯇就靭咗啲靚肥牛：呢盤無得添加既肥牛好嫩，肉質好靚刺身拼盤：放題水準啦⋯⋯ ok既花膠鴨掌：把鬼.... 全碟野無味又凍，連條菜都硬過人.... 送都唔太想食湯底：我地要咗個濃雞花膠湯底，淡到呢.... 同水差唔多，仲夠膽話自己係濃湯，但最攪笑既係，個湯淡就點火鍋豉油啦，但連豉油都係淡既........其他任食火鍋料：好一般，最好食係個蜆，夠鮮味，唔點醬油都好食；任食既肥牛好靭；其他火鍋料都乏善足陳自助餐區：除左打邊爐食物，仲會有啲自助餐食物可以攞，個buffet主打花膠燕窩，個燕窩稀到好似淨水加糖；壽司款式唔多亦唔吸引；有啲熱食但都係唔吸引自助甜品：款式唔多，佢自製既甜品全部好一般，軟雪糕冰多過奶，淡既總結：好一般，全部野都淡既又偷工減料；服務員嚴重不足，叫親啲伙記落單，佢哋一定好好口咁話轉頭幫你，但一轉無回頭，所以真係試一次，無下次了.....

一入場已經好吸引，一邊是即做壽司，前菜小食和沙律吧，前面是火鍋配料，熱飲和火鍋醬油，令一邊係熱食，蒸點心，湯和炸物，原來還有燒牛肉，行前小小有甜品，雪糕和飲品櫃。食品種類好多，環境衛生整潔，感覺好好。入座後，先選湯底和報人數，因為是每位計算。火鍋跟海鮮盤，兩款海鮮滑，極上安格斯牛小排，醬爆手打薑汁貢丸和象拔蚌刺身盤，全是每人一份。象拔蚌刺身好鮮甜，蝦又大又甜。火鍋海蝦都好甜彈牙。而熱食係會轉款的頭轉取了雞亦，想再食多次，點知轉了蝦球，大大粒，面脆內又多蝦，啖啖蝦肉。

大概一年前食過銅鑼灣鮮鍋道場火鍋放題，食到捧住個肚走，行都行唔到，其實一直想再去，但小弟家住九龍區，真係唔係幾提得起勁過海，最近朋友同我講觀塘廣場開左分店，唔使考慮，即去喇。每位價錢係$278六小時放題+火鍋任飲任食，仲有多款指定美食，一次性提供湯底選擇相當多，且好有特色，我地揀左人參雞湯底，參味都幾濃喎海鮮盛合有多款海鮮拚盤，即劏即食，其中貴妃蚌又大又鮮甜，鮑魚厚肉彈牙，海蝦大大隻頭有羔刺身拼盤甜蝦超大隻又夠粗身，彈牙又鮮甜，三文魚肥美肉厚，希靈魚甜味夠，所有刺身都很新鮮極上安格斯牛小排牛小排肉質夠腍，油花好夠，牛味又濃，一食就知高級野雙目海鮮滑墨魚滑夠晒墨魚味，爽口彈牙，鯪魚滑有濃香果皮味，肉質同樣彈牙醬爆手打薑汁貢丸貢丸真係做到爆汁，一咬開即溢出大量薑汁飲品櫃選擇多到，韓式飲品有多款，仲有酸梅湯及紙包罐裝飲品火鍋生料亦級多選擇，丸類，蔬菜多到不得了點選左幾款生料，魚皮餃是四海，質素當然好，黑豚肉夠瘦，薄薄地索埋湯幾好味，水魷新鮮有咬口多款熱葷都有供應，炸三文魚骨唔錯冷盤亦有唔少選擇，醉豬手酒味都幾濃，仲有多款沙律菜連點心都有一個專屬櫃位，試左小籠包幾好味，入邊都幾多湯，皮又夠薄最

去觀塘除了逛APM 之外，有時都會逛下觀塘廣場，望一望上去見到個新招牌寫住（千賀水產15/F），原來是新開的，就立刻相約家人去試吓！☝🏻2佰幾蚊一位又幾抵食，酒店式Buffer 又幾吸引一行入去飲品櫃已經有五，六個，超多種類！最吸引當然飲呢個甜甜紅棗味，重有燕窩！胡椒豬肚湯湯底，先滾D卜卜蜆，加強湯底鮮甜味先！每檯都有個海鮮拼盤，扇貝好鮮甜，好大隻，蠔好肥美！蟲草花都是煲湯必備，落哂佢先煲一煲！重有埋個刺身拼盤，🐟三文魚肥美，油脂分佈均勻，賣相已經好靚！👍🏻👍🏻即蒸點心，火鍋配料，甜品雪糕，真係乜都有得食！

最近天氣時冷時熱，今天剛好稍涼一點，最適合去吃火鍋，前兩天有朋友說附近有間新的火鍋放題，所以相約一起大吃一頓。之前見過於旺區同樣類型的食肆價錢一般偏貴，但這裡平日價錢尚算經濟，食物質素及份量也不錯，而且這裡地方又大又舒適。今晚揀選這個胡椒豬肚湯底，真材實料，用來做火鍋湯底很特別，火鍋配料沾了胡椒湯的辣味，連醬油也不需要了。由於今天我要加班遲到，他們不等我就開餐，不過我的一人份量海鮮及刺身也排得很靚哦~ 鮑魚同蚌我最喜歡，還有蝦刺身，同樣又新鮮又甜。怕熱氣的我，為了健康最近都多吃了蔬菜，這裡居然有鮮淮山/萵荀/秋葵，正！除了指定的食物外，還有冷盤/熱燻/甜品等等，其中一個紅酒牛肉我很欣賞，牛味濃郁又夠淋，好滋味。聽店員說熱燻會不斷有新款，因為太八卦，每次出新款就夾回來吃，這次真的第二朝都不用吃早餐了。還有超多飲品選擇，蘆薈粒飲品是我至愛，還有熱花茶及玄米茶，飯後一杯可以消消滯添！

同事話觀塘廣場最近開左間新放題，約我放工去試下，終於又可以放縱一下個胃啦我地叫左麻辣湯底同壽喜燒湯底，麻辣湯底好香我地2個人，所以按人頭送上海鮮！帶子大大隻，好鮮，而鮑魚同蜆，蝦都好正，總括來講食得過刺身都係按人頭上，食落去就正常野，可以接受！極上安格斯牛小排好得，非常好食，估唔到咁高質，墨魚滑食落去都幾彈牙我地再叫左肥牛同豬肉食，呢2樣任來食講真係算好好，係高質，好滿意！雞肉好滑岀面仲有好多熟食，豬手同紅酒燴牛炆到好軟身，夠火喉！仲有一個辣雞都好好食估唔到有燒牛肉食，好驚喜吖，而且味道係唔差有好多蒸野食，燒賣，排骨，鳳爪，包等.....海鮮區同壽司區，同樣都有好多選擇，真係花多眼亂岀面仲有蔬菜區，仲有好多丸類野飲方面有好多選擇，仲有女士最愛嘅花茶，打完邊爐飲返杯消下滯甜品區，有雪糕，生果同cake, 都幾好食！呢間放題感覺好似去左食酒店放題咁，有好多種類，而且價錢仲唔貴，日後又多左一間餐廳選擇食晚飯啦

今天公司委派我到觀塘APM 分店開會，會後即興約了同事去食放題😊。同事就提議去觀塘廣場15/F 新開了「千賀水產の鮮鍋道場」辛勞一天，享受一下啦！進入店座位擺設空間也闊落，也設置很多獨立區域，可以一班人聚在一起好地方👍👍這裡可以食足6 小時嘅放題，只不過＄278😬😬可以慢慢來啊！先來一碟有5種刺身，三文魚、象拔蚌、甜蝦、希靈魚、北寄貝，急不及待品嚐，入口味道鮮甜無比😋，🦐甜蝦大大大隻👍👍店員再送來碟海鮮拼盤，鮑魚、蝦、魚、象拔蚌、蜆、樣樣有些，嘅晒我啲眼闊肚窄嘅人😍😍我點了湯底是波士頓龍蝦鍋，鍋中放入了原隻龍蝦和豐富配料，可提升湯底濃郁有甘甜味道，食落龍蝦肉質爽口😋😋再加送來極上安格斯牛小排🥩，肉質夠淋，係我嘅至愛😘火鍋配料，擺放整齊👍👍🥘熟食區域，有很多類食物👍👍飲品櫃🥤都有很多飲品選擇👍👍甜品🍮擺放櫃裡，能夠保持甜品新鮮👍👍吃到飽，滿足的一餐火鍋放題😋😋

朋友想食.......所以帶我來......即慶2人行.......坐位不迫夾，大部份是4人枱........店內都幾大，仲有好多位沒人坐.....是晚星期四.....價錢是$278加一.......任食6小時........包自選湯底一個，另有5款食品按人數提供......另外仲有一些食物是任點的.......當然.....有某些食物可加錢order啦......選了冬瓜雞白湯底...朋友仔試飲完即話好味.......之後就開始上‘’按人數‘’比既食物......先來刺身......有三文魚/油甘魚/象拔蚌/希靈魚/赤蝦......基本上都不錯......三文魚同油甘魚較肥美.......其他尚算新鮮......跟住有肥牛.......是安格斯牛小排.....超軟腍......好味......而海鮮都算唔錯，有帆立貝/貴妃蚌/蝦/蜆/鮑魚/脆肉鯇/蠔........貴妃蚌有點沙.......蝦彈牙......蠔同鮑魚都好味......脆肉鯇就太細件，冇乜肉食到........仲有鯪魚滑/墨魚滑同薑汁貢丸.........2款魚滑都彈牙，不錯.....貢丸食時要小心......入面啲薑