千賀水產の鮮鍋道場 (已結業)

聞名己久，任食火鍋+放題+最最最吸引係-食6個鐘，幾經艱苦，才book到位，充滿期待！Book咗五點半枱，六個大人，個個身型健碩，被安排㨈坐六人卡位，卡位頗窄，出入頗困難，要求換不是卡位的枱，被拒絕理由是：我們只有六個人不是七個人，若七個人便可以坐兩張枱4人枱！唉呀，冇法呢！通道寬濶，有酒店氣勢，自助食品種類繁多，飲品也有數十種...琳琅滿目但自助食品不見出色呢，縱使有百多款可揀，但無一款精彩，無一款好吃，可惜！例如： 炸蠔，但不新鮮，有點異味... 沙律，只有一款，蘋果及粟米粒，平凡 炸魚皮，響玲，不脆，厚將粉 蒸點心，一般 火腿，不好吃，無refill，成晚都係果隻 豬紅，難食 熱葷，不吸引也不好吃倒不如，俾心機，做好d，十款精選，便夠了打響頭炮的三款送上的刺身盤，款式不太多，尚可海鮮盤，份量大，帶子，聖子，鮮蠔，皆鮮甜安格斯牛肉，好味其餘點叫的火鍋料，失色...羊肉，羶味很重，難入口魚片，不新鮮....每人$3xx要考慮，是否再來！！（題

上次試過銅鑼灣總店，今次再試下佢開嘅觀塘第二店，海鮮盤就同銅鑼灣一樣唔錯，熟食方面就無總店咁多，火鍋丸類都少過，無限添加有個醬爆疆汁丸想再添加侍應話無得加，但係銅鑼灣店係有，加上個添加牌係有呢樣嘢，總結來講都還可以，但都係會食返銅鑼灣店，價錢仲會平過觀塘些.

昨晚放假前同班同事一齊食放題lunch, 係觀塘廣場上面，地方都好大，我地一行10人唔洗訂位都有得walk in，我地食午市60分鐘環球放題$68 另加一，有海鮮沙律區：沙律🥗菜都好新鮮爽脆，壽司🍣區有三文魚、呑拿魚壽司，味道都唔錯，仲有熟食區：岩岩有炸起既雞鎚，好入味，雞肉都好嫩滑，XO炒腸粉，咖哩魚旦，咖哩角都熱辣辣脆口，仲有我最愛既脆薯角，仲有各款飲品（非酒精）任飲，蜜桃🍑茶都幾好飲，最後仲有甜品，牛奶雪糕🍦、生果等等，最尾仲送每人一樽迷你紅棗燕窩，真係物超所值，堅飽又抵食！下次會再黎encall!😋👍+++++++++++++++如果大家喜歡💕我寫既食評，麻煩比個❤鼓勵一下我，我會寫更多更好既食評比大家！😊

2019年4月2日 星期二今日返工太辛苦，所以放工就即刻約咗女朋友同埋佢屋企人去觀塘食放題豪擦一餐，以慰藉我疲累嘅心靈搭lift一上到去轉右就見到門口入到去坐低左，店員就拎住餐牌同我哋講解任食嘅情況同埋一開始會送到黎嘅食物。可以任點嘅食物雖然唔太多，不過可以好似自助餐咁出去拎嘢食返黎喺出面就見到有好多個大雪櫃放咗唔同種類嘅飲品，比較特別嘅有好多唔同嘅韓式飲品，喺香港比較少見到，而我最鍾意嘅就係個梨茶，飲落去甜甜地得黎仲有一粒粒梨肉首先送到上嚟即係刺身拼盤，有三文魚，應該係魚腩嘅部位，所以食落去好肥美。仲有北寄貝同虎蝦，新鮮得來又彈牙。最重要係仲有象拔蚌刺身，一咬落去好爽口同鮮甜之後黎既係海鮮盛合，全部海鮮都好新鮮，其中鮑魚成隻手掌咁大，淥熟咗之後好容易就離殻，食落有咬口。而其他蜆類都無食到沙，證明洗得好乾淨。脆肉鯇好鮮甜，d骨好容易發現同挑出黎安格斯牛小排，見到油脂嘅分布好平均，食落去成個口都充滿牛肉味韓國珍寶餃子，睇得出裏面嘅餡料好豐富，一切開裏面嘅肉汁爆曬出嚟，除咗肉之外仲有蔬菜喺裏面，所以食落去爽口之餘口感都唔錯打邊爐打到咁上下當然希望有甜品可以試吓，行到出邊竟然見到成個雪櫃都放

觀塘廣場不嬲都好多嘢食，好似係車仔麵、掃街小食、台式飲品，嚟掃街真係一流。但唔講唔知，原來15樓都有嘢食架。今日M佬帶我去到千賀水產の鮮鍋道場，呢度食物選擇超多，而更重要係任飲任食時限係六個鐘，真係由晚餐食到宵夜都得！剌身係按人頭安排份量，有三文魚、北寄貝、赤蝦、象拔蚌同希靈魚！剌身用冰墊底，以確保新鮮。我就最鍾意赤蝦，成隻手掌咁大隻，夠膠口彈牙。同樣用冰墊底，以確保新鮮。海鮮有鮑魚、扇貝、大蜆、脆肉鯇魚腩、海蝦同沙白。放入火鍋湯底，即時令鮮味提升，我就最鍾意鮑魚，好有口感！牛肉色澤紅潤，牛味濃郁。按人頭份量仲有同，熱推係薑汁貢丸，一咬落去，啲薑汁就大爆發，好正！食物選擇好多，甚至比唔少酒店豐富，有壽司、沙律、點心、湯、熱熏、海鮮、港式小炒、雞奕同切肉等，真係俾多兩個胃我都唔夠用。喺自助餐區有丸類、蔬菜，食幾多攞幾多，亦可以order唔同嘅肉類同配料，好似有豚肉、水魷、魚皮餃、墨魚滑等等，應有盡有！除咗一般嘅紙包同罐裝飲品，驚喜仲有花茶同唔少自家製選擇，總數大概有50樣。有韓國雪條、雀巢雪糕、軟雪糕、芝士蛋糕同水果！

由於早前生病，已經有一段時間沒有打邊爐，今晚一於食盡佢！朋友唔講真的不知道原來觀塘廣場樓上有餐廳😳而且今次光顧的是放題🤤一進餐廳就已經看到不同款式的食物專區，形式和款式真的能媲美酒店自助餐！店員安排我們坐卡位，坐得舒適。先選鍋底，選了新品冬瓜雞白鍋，清清地，感覺不會太熱氣😜海鮮、刺身和幾款火鍋美食會按人頭送上，海鮮有睇頭，刺身新鮮，安格斯牛小排牛味豐富，薑汁貢丸夠特別！另外還有十幾款火鍋料可以向店員落單追加，出面還有不同種類的菜和丸等火鍋料可以自己㨂選。除了火鍋料，外面還有幾十款美食，包括沙律、壽司、熟食、甜品和飲品，真的是多得不能盡試！今晚完全是一次過滿足幾個願望，簡直是大滿足！

開心老友聚會，慶祝升職及生日，原來生日月份係有優惠嘅你，生日個位有八折同行者也有九折款式好多， 魚生嗰啲係按人頭到齊嚟一個魚生拼盤。 打邊爐啦亦都會有一個火鍋嘅海鮮拼盤俾你⋯⋯有鮑魚有生蠔有花甲好鮮甜魚生方面赤背牡丹🦐北寄貝好新鮮甜品都有雪糕啦⋯⋯乳酪啦。蛋糕🎂，生果飲品就真係好多款式任你揀，打邊爐唔飽唔緊要有好多熟嘢炒飯都有，中式點心 小籠包都OK呀！仲有鳳爪我都有食。仲有薑汁冰糖燕窩。如果你想另外食一啲特別的也可自費其他野野

今次係同朋友嘗試中午自助火鍋四個鐘， 首先真係要讚下佢哋嘅服務態度， 一去到門口，個帶位員都好有禮貌 咁解釋 番畀我哋聽嗰時間係點計 。入到去坐低侍應都好詳細咁解釋畀我哋知有啲乜嘢係送畀我哋食既（ 刺身拼盤和 海鮮拼盤），然後又教我哋點樣去order食物，連收野嘅嬸嬸嘅服務態度都好好。 食物方面款式都有好多 ，淨係食熱葷都夠飽。 而且每張枱都包一次性嘅 刺身 同埋每人一樽燕窩。 當然收咁嘅價錢，唔好期望食物質素會好高，只可以講你會食得好飽，但係質数和味道就見仁見智。 但我個人覺得，這個價錢有咁多嘢食都算係抵。

觀塘廣場上面開了一間食店，一上去已經見平到好多人。四人被安排坐卡位，很闊落。一坐下我們就叫湯底，跟住出動去拎野食。基本的醬油調味都齊，係自取。飲品嘅種類都很多，除咗酒類要另外收費。其實自助區的食物都很多選擇，有飽肚的壽司、冷盤、沙律、點心、甜品、生果，各式各樣。味道不錯，但千萬不要吃太多、否則吃不下其他食物。刺身好新鮮，雖然追加要另外加錢。個海鮮併盤好正，部分海鮮也可免費追加。個安格斯牛好正，肥瘦適中。甜品很多樣化，人均三佰蚊有此質素，岩曬大食的朋友仔。

平時食放題通常會去MK/銅鑼灣今次一行四人試下新開一排係觀塘既放題入到去地方光猛整齊清潔,而且坐位都非常寬敞,對比以前放題既地方通常要做沙甸魚,今次特別舒服呢間既食物同一般日式放題有Ｄ唔同首先包左一盤日式刺身,質素幾高,如果有特別喜好就可以加錢另叫之後再包埋一般打邊爐放題,任飲任食而且仲送埋一碟安格斯牛小排,分量不少而且質素高,有牛味又軟滑同埋仲會有一盤海鮮打邊爐用,有貴妃/蜆/帶子/鮑魚/海蝦/脆肉鯇魚腩/花甲,份量好多而且海蝦非常新鮮,我地額外追加基本係自助區只係食左少少野,刺身+牛+海鮮已經飽了而且飲品種類極多,包有一款岩口味！

千賀水產享Fb已有介紹個呢間喇，好特別特色，覺得太有級數的火鍋，一於去試下先，地點就近官塘地鐵超方便呢！門口侍應生好有禮貌招呼入坐，地方果然好大啊！原來火鍋時間可以食足6小時㗎，好長啊！✨✨✨✨湯底有好多選擇，朋友話想試下日式壽喜鍋，湯底好甜呢？如果怕甜就唔係太好，因為真的好甜架。😅先來個頭盤:✨象拔蚌五品刺身盛，有三文魚，北寄貝刺身，赤蝦刺身，當然唔少得象拔蚌仔啦!賣相好靚呀有啲唔捨得食添。🌷🍁😊😀旬之海鮮盛合:賣相一流還有一支好似桃花做裝飾🌸有鮑魚 帶子 大蜆 脆肉鯇魚腩和海蝦和極尚安格斯牛小排。呢一個食完仲可以無限追加添😍，當然梗係要追㗎啦，我哋叫咗美國穀詞肥牛 蜆 蝦 墨魚滑 日式蟹柳 水魷魚魚皮餃 芝士魚皮餃等等。😄😄👍👍配埋自助餐好多美食呀，好豐富呀，本人覺得最特別嘅呢有一種飲品薑汁燕窩冰糖😋😋是用細細小樽裝住好特別，哈哈❤我哋兩個飲咗八小樽呀!飽到呢！😅

食了兩星期清清地減左2磅，今晚一舖清袋🤣🤣，胃食為食也是值得的！今晚去觀塘接男友收工他說訂了檯帶我食好野，原來就是在觀塘廣場樓上的 「千賀水產」食放題。😋😋哇..未開始先行一個圈，地方寬闊舒適，火鍋料，熟食熱葷，甜品沙律及各種冷熱飲品任飲任食，款式種類頗多包羅萬有！魚生刺身、海鮮美食千賀水產按照人數份量送上。🥢刺身鮮甜爽口又肥美！海鮮鮮甜，鮑魚夠鮮！少量火鍋料都是跟餐提供，唔夠可以再點，不過我就選擇食其他！湯底選擇都睇到我心大心細，款款好吸引，最後我決定了壽喜鍋，湯底香甜可口！😁熟食太吸引我了！韓國餃子超有睇頭，餡料是椰菜少肉不錯不錯！食過火鍋飽到漲爆，不過我都不會放棄甜品美食，這樣才是完美的一頓大餐。😋重點一提記得要食翻樽紅棗冰糖燕窩補補佢！🤣

收工約埋舊同事 聚一聚 講下d 八掛野 之外緊係要搵一間方便大家既餐廳啦 可以大飲大食 又可以慢慢暢談原來觀塘廣場 都有好野食觀塘站B2出口 只需步行兩分鐘15/ F 千賀水產の鮮鍋道場 門口好有日本特色  環境干淨 企理 一入去 已經比大大既放題bar枱 吸引住 款式包羅萬有 迎合不同人既口味 先環繞四周一圈 睇睇 甜品會不定時更換 客人拿曬就會轉另一樣甜品出來 呢轉吾岩 好快就會有另一轉 頭盤海鮮及刺身按每人份量 之後仲有無限追加 野食  呢碟雪花肥牛 夠簿又吾痴牙 好味道不得了 叫左四五轉 呢d 全都係自助的 仲有一邊係熟食區 已經煮好曬 好似自助餐咁  eg :炸雞 🍗麥樂雞  炒四季豆  油麦菜 蒸魚 等等..食過咁多間放題  呢間最多選擇而且味道 無乜邊樣差

在觀塘工作的舊同事又有新發現，公司附近開左一間千賀水產之鮮鍋道埸，是酒店式任飲任食自助餐。今晚就叫埋我去試試，餐廳地方都好大，地方整潔。自助餐有中、西、日等菜式，食物款式多不勝數，就譲我們細細品嚐一下吧！飲品種類很多，客人總可選到自己喜歡的飲品。熟食除了熱葷外，連點心都有，蒸鯇魚、賴尿蝦、雞翼和炒花甲等，食過不停。另外還有壽司，其中有我最愛的三文魚腩壽司，三文魚腩新鮮，魚油齒頰留香，十分美味！火鍋配料蔬菜類和丸類，款式多又新鮮。另外肉類和海鮮類是請侍應落單送上的，一樣都好新鮮。多款湯底中，我們選擇了黑蒜油豬骨鍋，湯濃郁帶黑蒜香味。肥牛新鮮，醬爆薑汁貢丸真的好香薑味但不會辣，韓國珍寶餃子大隻又好味！海鮮盛合：有鮑魚、蝦彈牙，蜆、魚鮮甜，材料新鮮，味道鮮美！多種火鍋配料任食，新鮮又美味！最後當然是食甜品，除了柜內的甜品和生果，記得食返樽冰糖燕窩，這款貴價甜品都是任食，不過錯過啊！還有自製的軟雪糕，考考自己的技術！

同同事行完山，諗住食返餐勁既，有同事話黎食哩間千賀水產，一開頭意為係d任食火鍋，都冇話抱住咩特別既期待上到黎觀塘廣場15樓，見門口又幾靚入到去嘩一聲勁多人，勁多野食，好似自助餐咁，真係眼花繚亂一埋位點左個出面少有既壽喜鍋湯底，然後就急不及待出咗去覓食佢呢度分咗好多個區域，大致上分為甜品區，有蛋糕、啫喱、雪糕、雪條等等中間有啲小菜區，有炒菜牙、蒸魚牙、炸雞翼、串燒等好多餸選擇後面有d自助餐先有嘅手切豬髀肉、牛扒，跟燒汁或者黑椒汁，任君選擇，另外仲有啲中式點心、碗仔翅，炸物近門口嗰邊有即點即切嘅刺身，壽司，沙律另外亦都有一張枱係課火鍋配料，丸同腸等，蝦同肉就要自己點最後飲品當然又係自己拎自己斟啦一開始佢地會跟埋一盤刺身同火鍋海鮮，所以唔好咁急拎太多野食同點咁多野食住，費時浪費食物啦！食左一個鐘到就已經飽晒，呢度仲係任食六個鐘頭影真超值最後飲埋碗燕窩先走