千海水產海鮮火鍋放題

營業中

休息中

上星期收工同朋友去左荃灣廣場～呢餐一個月前約，超期待2小時自選時段成人放題$348/位，勁豐富一嚟先揀湯底，番工咁辛苦，女士當然要補補佢，金湯花膠雞鍋就啱晒我地啦，湯滾起試左啖，好濃郁，雞件嫰滑，花膠大塊肉類：澳洲M5和牛 ～ 牛味濃郁～好大塊美國牛肩胛片 ～ 食落幾嫰滑，份量十足豚肉片 ～ 大大塊～幾juicy羊肉片 ~ 朋友話唔錯最興奮莫過於出去撈海鮮，任撈任煮，不停補貨，店員會比個牌仔你，海鮮會先幫佢地洗白白，行個圈就可以拎蝦：大頭蝦 ～ 超驚喜，蝦頭爆晒膏，肉質鮮甜彈牙，食完再encore 仲有基圍蝦、九節蝦～都唔錯幾大隻蜆：白蜆、沙白、美國蜆、花甲、馬刀貝種類好多，大隻肥美，鮮甜無沙，啖啖肉仲有花螺、鮑魚😆多到唔知撈咩好花螺好爽口，鮑魚彈牙蟹：有藍蟹、三點蟹、花蟹一公一乸，熟左唔記得撈左咩，但好爆膏肉質厚質一梳梳，乸既膏比較香濃生蠔 ～ 大隻肥美牛舌 ～ 火喉剛好，好juicy燒生蠔 ～ 海量蒜鋪面好惹味醬爆糍粑 ～ 軟糯口感，紅糖一咬爆出嚟脆皮鮮奶卷 ～ 唔會太甜都唔錯蒲燒鰻魚 ～ 肥美軟糯鐵板鵝肝多士 ～ 勁邪惡我地每人兩件，好厚超香魚皮 ～ 就咁食十分酥脆，浸一浸食又得

今日在荃灣廣場體驗了一頓別開生面的海鮮放題自助撈海鮮款式多樣，九節蝦、基圍蝦，大頭蝦，以及各種蟹類如肉蟹和花蟹、 還有鮑魚和海螺等新鮮海味， 活躍生猛， 即煮即吃，無疑是海鮮愛好者的夢幻之地。火鍋肉類方面，澳洲 M5和牛、美國牛肩胛片、羊肉片和豬梅片等， 絕對能滿足肉食者的高要求。生蠔好大隻，肉質肥美，鴨血幼滑。炸物有燒乳鴿、漿爆糍粑和鮮奶卷脆香美味；燒物有蒲燒鰻魚和香草羊鞍，口感滋味 鐵板鵝肝多士創意和美味結合。中式點心如蝦餃、燒賣和小籠包也不容錯過，烤焗榴槤蜜味可口。整體而言， 放題不緊食材新鮮，種類繁多，還提供了舒適的用餐環境 ，是與家人朋友聚餐的理想選擇。

今日去左食好hit既千海，真係有啲驚喜！最大賣點一定係佢個即撈海鮮區，有大頭蝦、九節蝦、基圍蝦、蜆、沙白、鮑魚、花蟹、三點蟹等等，全部都係任撈任煮、無限量補貨，想點煮都得，啲海鮮真係夠新鮮，啖啖都爽口彈牙。除咗海鮮，佢哋啲肉類都唔馬虎，有美國肩胛肉同澳洲M5和牛，油花靚得嚟唔膩，燒生蠔都夠香，仲有啲特別小食例如醬爆糍粑、魚皮，好啱啲鐘意試新嘢嘅朋友。飲品方面有清酒、梅酒、啤酒同冷泡茶任飲，飲品種類選擇都幾好唔怕揀唔到，甜品仲有巴斯克蛋糕同Häagen-Dazs雪糕，完美收尾。兩個鐘自由時段，成人$348一位，以佢個海鮮質素嚟講，真係幾抵食。鐘意食海鮮或者放題嘅人絕對值得一試，記得預先book位，唔係好易full！#香港美食 #香港美食 #香港必食 #香港探店 #香港打卡 #香港旅游 #香港必喝 #香港放題探店 #香港放題店 #香港好去处 #香港推荐食品

同屋企人冇預約下去，已經有心理預備等一段時間，始終冇預約，都預左。由7點半，等到8點15分入場個轉，咁岩差一張後補冇得入，但已到8半，諗住等多陣9點入場都OK啦。 入到場，海鮮都重有，但都係貝殼類多，蝦就得一款，海鮮區有見到個名牌同缸入面名海鮮唔同，蝦就一半半新鮮，有D反左肚，主要撈D 會郁的，放題$400有海鮮都算係咁啦，食到最後都飽，2小時唔夠，都食唔切已經到11點收鋪。 10：45左右已經有人提就收，都明白的，但心諗重有野未食哂，不如放埋落去食埋佢。好快轉眼到11點，前後每1分鐘就一個人過來講要收，直情停埋我地電叫我地走，我都明白收工大過天，但我媽見到D 蝦未食哂好浪費，諗住是但拎個王子面袋埋佢先啦，其實只係4隻蝦，跟住前後有冇兩個女職員話唔可以帶走，但媽媽心諗只係幾隻，唔想浪費，都係拎先走，跟住其中一個短髮女職員又再過來，態度好差講唔可以拎走，重有D 發晦氣的語氣去講，有冇必要咁的語氣同態度去清場，話哂都係客，清場都可以好多方式。 其實都明白唔可以拎走，但我地又唔係拎個膠盒故意去帶走，佢地2-3個同事加埋個經理圍住，好似好大件事咁，連個經理都企埋過來，有必要幾隻蝦都叫個經理過埋

大家認得隻巨型招財貓嗎？無錯，佢就系千海水產嘅icon，每間舖門口都有一個，見到佢就知無去錯地方啦😜近期大熱嘅千海水產，好多人都去打卡朝聖，由其是宜家踏入暑假，好多系外地讀書嘅朋友仔，親戚們都返黎香港，甘就梗系要帶佢地去食返餐，大人細路都啱。雖然今日食最尾一part（晚上8點半），不過出面啲食物依然充足，補貨亦快，抵讚👍蟹🦀痴嘅我，今日食左好多蟹，鮮甜實肉又多膏，朋友就瘋狂食紅蝦🦐，我地個湯底本身系椰子雞湯，再上滿滿嘅海鮮，食條菜都甜啲🤣😋食飽飽，再食個燒菠蘿解膩，正呀！😍

同N年唔見既朋友食飯, 當然帶佢去食好西, 去食活海鮮放題---千海水產海鮮火鍋!! 荃灣/旺角/九龍灣均有分店, ⏰限時120分鐘, 有新鮮海鮮即撈即煮, 仲有超犯規自取區,超過30+款火鍋配料, 完勝同價位放題!!🍲「湯底」今次我地揀左鴛鴦鍋---蟹皇海鮮鍋/重慶麻辣湯 (麻辣湯慎點, 堅系好辣)🥩「肉類」套餐包括左四種肉類-澳洲M5和牛/美國牛肩胛片/澳洲羊肉片/美國豬梅肉片, 最推薦澳洲M5和牛，牛味濃郁, 唔太肥又唔太瘦🦐 「新鮮海鮮區」最重點活動---出去撈海鮮🦐!任撈任煮，🦪有白蜆、沙白、花甲… 🦀 蟹有三點蟹、花蟹…🦐有虎蝦, 基維蝦…, 仲有鮑魚, 全部都非常新鮮, 拎完海鮮，比店員清洗乾淨, 店員會比個牌仔你✨「炸物/小食」QR code落單既小食大約有芝麻雞翼、榴槤炸彈、炸鮮奶卷、燒牛舌、燒蠔、燒乳鴿及糍粑等等，當中最推薦芝麻雞翼同燒牛舌!! 自助區自助區既範圍非常大，食物種類亦都非常多, 包括丸類,蔬菜,生果,冷盤,點心,燒榴槤, 中式糖水, 海鮮粥等等都有供應。仲有打邊撈必食既午餐肉,響鈴,炸魚皮,生根等等都有得夾。其中最推薦系燒榴槤, 勁香濃又creamy💡

近期hit爆既一間任食火鍋長期都大堆人龍系出面主打系任撈任夾海鮮池場地十分大，裝修都好堂皇坐又好舒服出面配料區好大，應有盡有飲品櫃簡直巨型重要有生啤自己任斟跟住到主角海鮮池當日大概有蝦，蟹，鮑魚大蜆，花螺，白鱔，翡翠螺全部都可以揀啲新鮮生猛重點推介有鮑魚，九節蝦，勁大只白鱔，好彈牙撈完可以比入面員工幫手清潔埋番位就上個鍋底了要左鴛鴦，清啲既豬骨湯好濃既龍蝦頭湯除咗海鮮靚，啲牛系澳洲和牛黎而且啲熟食都勁高質燒蠔，燒牛舌大推最後食埋水果，雪糕超滿足影唔哂，寫唔哂啲野勁多，質素都十分高

同朋友去咗呢間食海鮮嘅火鍋放題😍一入到見到海鮮區真係嚇親，都幾多款式！而且海鮮仲係到郁來郁去，超新鮮！所以一坐低已即去海鮮區，自己拎住鐵兜去撈，有蟹、蝦、鮑魚、蜆、螺等，見到店員會不停補貨，Keep住出嚟都見到有足夠海鮮比顧客任撈😆，呢點值得讚！火鍋湯底我地選咗鴛鴦鍋，一半係金湯花膠雞鍋，一半係清甜椰子雞鍋，椰子雞鍋真係好清甜，仲有雞肉係湯底喔！花膠湯都好足料，真係有花膠，我哋仲去咗配料區拎多幾條花膠熬湯底，好香濃！香濃嘅湯底配上新鮮海鮮真係好正！食咗超多隻大頭蝦，隻隻都好飽滿，蝦肉彈牙，完全食到鮮味十足！仲有花蟹，好鮮甜！鮑魚同蜆肉都好新鮮😍😍除左海鮮外，出面自助區都有好多火鍋配料可以選擇！其中特別之處係有生蠔做火鍋配料，隻隻都大隻飽滿，食幾多隻都冇限制！食肉既朋友都唔洗擔心，有澳洲M5和牛、美國牛肩胛肉、豬肉羊肉都任君選擇！靚肉吸埋個湯底，實在係盡收精華！如果鐘意食住熟食打邊爐都唔怕，呢度除左好多款前菜涼菜任拎，都有多款熟食！其中燒乳鴿真係令人津津樂道，入口熱辣辣，脆炸香口！仲有鐵板鵝肝多士，食落啖啖鵝肝香！蒜蓉燒生蠔都好香口！最後仲有甜品，超多選擇，好驚喜Häagen-Dazs雪

食即撈海鮮重緊要乾淨衛生，响香港食就比較有信心啲。聽聞千海水產都開咗一年，口碑唔錯，今日就去試吓。午餐時段有180分鐘，好似好耐，其實都要分秒必爭，同時間競賽。跟住 以下步驟就冇錯喇。今日啲攻略好成功。💪🏻攻略1：入會做會員，可以減$20+送超大環保袋攻略2：早到早排隊，入場第一時間，攞鮑魚，蟹，拎去俾人洗，因為要等，遲咗勁多人，有排等。攻略3：返埋位點湯底，點大鍋，唔點鴛鴦鍋。空間大啲，可以多放海鮮。最好揀啲同海鮮配搭到嘅湯底，例如，花膠雞，椰子雞，冬陰功之類。攻略4：出去攞啲熟食（有小龍蝦，點心，涼菜，烤榴槤），火鍋配料（花膠，螺片）用嚟熬湯，醬料，飲品。而呢個時候，湯底同海鮮都差唔多到，可以返埋位喇。攻略5：再次出動攞蝦類，蜆類，可以响自助沖洗區洗一下。唔駛排隊。攻略6 ：有問題搵職員，萬事有商量👍🏻（隔離枱阿姐教嘅）食物方面海鮮新鮮就冇難食嘅可能，鮑魚彈牙，蝦肉爽口。用apps 可以order 牛肉，豬肉，雞肉，種類較少，始終海鮮先係主角嘛！熟食都可以用apps 落單，有鵝肝多士，乳鴿，紅糖糍粑，仲有木瓜糖水都唔錯。環境/服務方面坐位有少少迫，唔算闊落。但服務員收拾執枱都好勤快

千海水產海鮮火鍋放題🦞🍲不停補貨無限量任撈任煮.位於荃灣既千海水產海鮮火鍋放題，最近成為海鮮控熱點！自助撈海鮮區域以無限量供應著名，食客可以隨意撈取新鮮海鮮，並交由師傅即場處理，保證鮮味十足💦.新鮮海鮮，任撈任煮這間餐廳特色就係「即撈即煮」，店內設有多個養殖池，裡面放滿了鮑魚、三點蟹、海蝦、貴妃蚌等各式各樣既海鮮。食客可以親手撈取自己喜歡海鮮，然後交給店員處理，整個過程既有趣又新鮮👏.自助區域既海鮮新鮮得令人驚嘆，隨時可以撈到活生生既螃蟹、蝦等等！我特別推薦鮮活鮑魚，肉質鮮嫩，與火鍋湯底融合，味道絕妙🥢.火鍋配料及小食除海鮮外，千海水產仲提供多款火鍋配料，如澳洲M5和牛、花膠、脆鯇魚片、蔬菜、丸類、響鈴、炸魚皮、鵝腸等等，絕對可以滿足唔同食客既需求。自助區及手機落單選擇多達120款，包括鵝肝多士、乳鴿、羊架等小食，仲有Häagen-Dazs雪糕同生啤供應，令人食得好過癮🍧.價格合理最重要係價格相宜，幾百蚊就可以享受無限量海鮮盛宴。每一啖都係鮮美享受，食到飽真係好水滿足😋.總結千海水產海鮮火鍋放題唔單止提供新鮮海鮮，仲有多樣火鍋配料、小食，令人每次黎都有新驚喜。如果你係海鮮愛好者，呢度絕

N年唔見一次既友人，當然要book定好西帶佢食，午市人龍勁長，好彩book定穩陣🥲活海鮮放題，食物選擇非常多元化，除左QR落單，海鮮、火鍋配料、甜品、飲品、小食、前菜等都係自助區，任君選擇海鮮客人揀完海鮮可交由職員清洗，5-10min後就攞得。活海鮮夠晒新鮮，部分蟹、蝦仲肥美多膏，鮑魚鮮嫩爽彈，蜆類都唔錯，食落無沙，海鮮新鮮，點煮都好味😋職員不斷refill，唔怕無得食烤榴槤想食真心要企附近等出爐😂因爲一放出來就秒清，成功攞到3大舊☺️榴槤飽滿多肉，口感十足，而且幾鮮甜，烤過更香口😋所有鮮榴槤及榴槤副產品其實我都唔食，獨愛烤榴槤😍烤菠蘿爆汁多甜🤤鮮膩清新烤物炸物蝦丸爽口彈牙，一咬就爆汁，味道唔錯；鵝肝多士香脆濃郁；炸雞翼香脆嫩滑；烤蠔唔算好大隻，勝在夠新鮮；紅糖磁粑酥香煙韌，黑糖漿唔算太甜，不過岩炸起小心辣口；西京魚烤副外層微焦香脆，魚肉幾嫩滑火鍋配料蔬菜幾新鮮爽脆，部分都幾鮮嫩；花膠軟滑黏口水果蜜瓜香甜多汁，比想像中高質前菜藤椒魚皮辛香微辣，爽脆可口飲品甜品最鍾意飲自家製金枯檸檬水，酸甜解膩；食埋haagen dazs雪糕，3HRS任食真心滿足抵食☺️友人食完仲話會推薦俾其他人😂睇來佢好

千海水產是一間在香港爆紅的【即撈海鮮火鍋放題】餐廳品牌，主打新鮮、生猛、任食的海鮮火鍋體驗。即撈海鮮池：店內設有大型水池，養殖多款活海鮮. 更會不停補貨無限量任撈任煮.//金湯花膠雞鍋湯底濃郁鮮甜的金黃色湯不僅味道出眾，還具有滋補養顏的功效。「必食之選」//即撈海鮮池真係非常吸引，水質乾淨、海鮮新鮮度極高.海鮮種類豐富. 供應充足.店員即場清洗處理，乾淨衛生。//澳洲M5和牛油花分佈均勻，入口即化//美國肩胛牛肉片：肉味濃郁，口感紮實。//美國豬梅肉片：肉質嫩滑，脂肪比例適中.//澳洲羊肉片：肉質細嫩、羶味低//鵝肝多士：外脆內滑，油香濃郁。//炸乳鴿：皮脆肉嫩.滷水入味.//香草羊鞍：外層香草酥皮，內裡羊肉嫩滑多汁非常之軟熟。肉唔會柴。//榴槤：香氣濃烈.口感綿密.非常好味.//燕窩木瓜.都唔錯.之前食過。放題菜式太豐富。眼花撩亂！好似參加美食馬拉松，但肚皮容量有限，只能精挑細選。這個放題攻略大家參詳一下。

講到香港邊到食海鮮cp值高一定要黎千海水產試試🦀.呢到嘅重點推介 鮮活海鮮區十幾款海鮮任撈 不停補貨無限量供應😍職員們仲會幫手處理乾淨遞比職員換個牌仔 等5-10分鐘左右就可以返去認領頭先嘅戰利品🥳然後一嘢車哂佢地落鍋準備開餐 食完再戰下一round😋.打邊爐必備嘅靚牛一定唔少得熟食區超驚喜 居然有燒榴連😳火鍋配料都有啲少見款式 好似田雞同雞子甜品飲品又係多到爆 總有一款啱你心水😌.呢間海鮮火鍋放題真係長期爆滿 想試就要早啲訂枱啦😜

從來未試過咁忙嘅邊爐朋友係火鍋fans所以基本上每次聚會都會試下唔同嘅火鍋店早排同佢就試左呢間成日網上見到嘅任食海鮮好彩一早上網book左位果日見到現場好多人等緊walk in間店好大間坐得都好舒服野飲甜品種類都好多唔同類型嘅啤酒都有入面仲有個好大嘅海鮮bar可以比你自己拎海鮮比佢地沖水入面有蟹、蝦、峴、鮑魚全部都好新鮮撈蝦果陣都會跳跳下嚇親我地果晚Total 食左3轉海鮮基本上全程都係食緊野, 拆緊殼不過佢啲肉就認真麻麻反而佢個鵝肝多士同燒鰻魚就有D驚喜成餐飯兩個鐘太多野要做下次再揀嘅可以試下食lunch 3個鐘應該就會無咁辛苦

呢間即撈海鮮嘅火鍋放題，開咗咁耐都仲係咁有人氣😮 呢晚同朋友嚟咗荃灣分店，食咗佢2個鐘45分鐘嘅加時版，可以食得盡興啲。鴛鴦鍋嚟得呢度梗係想主打食生猛海鮮，所以嗌咗兩款海鮮湯底🍲♦️蟹皇海鮮鍋我哋用咗呢邊嚟淥蟹同埋蝦，個湯底更加鮮味。♦️龍蝦頭鍋呢邊淥菜同牛肉，味道都唔錯。即撈海鮮有一個好大嘅區域即撈海鮮，我哋呢日試咗大頭蝦、鮑魚、九節蝦、花蟹、藍蟹、三點蟹、白蜆同埋花螺，啲海鮮真係好新鮮，彈彈跳咁勁生猛。撈完海鮮之後就可以將成籮海鮮交俾店員清洗🧽 好快就攞得㗎啦😍 真係好新鮮，拎嚟打邊爐都好鮮甜👍🏻 仲見到店員會不時refill啲海鮮，整個體驗都唔錯，有得玩又有得食。肉類呢個套餐包括咗四種肉類，有澳洲M5和牛、美國牛肩胛片、澳洲羊肉片及美國豬梅肉片。當中我最鍾意嘅就係澳洲M5和牛，一碟有兩片，都好容易預份量🐮炸物用QR code落單嘅食物有芝麻雞翼、榴槤炸彈、脆皮鮮奶卷及醬爆糍粑，芝麻雞翼勁Juicy。另外回本之選一定係鐵板鵝肝多士、皇牌燒乳鴿王同埋川味鮮燒蠔🦪 我哋仲嗌咗鹽燒牛舌、西京燒比目魚、蒲燒鰻魚同埋燒香草羊鞍🐑 鵝肝雖然有啲邪惡，連埋多士一齊食，風味十足。自助區呢度自助區嘅範圍