55
5
0
港鐵銅鑼灣站 B 出口, 步行約6分鐘 繼續閱讀
電話號碼
28118977
附加資料
No vip room
營業時間
今日營業
09:00 - 23:00
星期一至四
09:00 - 23:00
星期五至六
09:00 - 23:45
星期日
09:00 - 23:00
公眾假期
09:00 - 23:00
公眾假期前夕
09:00 - 23:00
付款方式
AlipayHK 支付寶 現金 八達通 Apple Pay Google Pay 微信支付
其他資料
Wi-Fi
酒精飲品
VIP房
當面支付
招牌菜
叉燒燒鵝套餐 乳豬油雞套餐
食評 (69)
等級4 2020-11-12
117 瀏覽
廣東燒味,最矜貴是燒鵝,源自台山,傳說是來自南宋亡國皇宮厨師。另一源頭是香港的深井,炭燒燒鵝名揚中外,結合了台山的燒味技藝,和潮州人的煮鵝心得。燒鵝是香港具代表性的「伴手」禮物。 我愛食鵝。香港早已有燒鵝茶餐廳,但市井味濃,不就腳,局限它的發展。燒鵝專門店在香港大有可為。 古時九龍是以獅子山為地標象徵,香港島則以鵝頭山為象徵。鵝頭山即是銅鑼灣的利園山,因香港商人利希慎購入而易名。你去利園山道,發覺山已夷為平地,鵝頸橋下,溪澗亦填平。鵝身變成灣仔行車主幹線,位於鵝腳的灣仔街市變化較小。 鵝店以中環和深井為兩大中心,並已名揚海外,成為騰飛天鵝。港島鵝區反而少有鵝踪。 近年驚見數間鵝店現身在鵝頸橋下。位置就腳,價格平民化,呼應百年鵝形風水傳說。鵝形地旺市集,故銅鑼灣成為商業中心。 此店在「鵝頸」之下,兩店遙對如兩翼。右翼的較著名,較為茶餐廳化。此店離「鵝咀」崇光百貨公司較遠,風格走向偏向是傳統燒味店,名為餐室,實際是舊式燒味店競爭力較遜。欣賞它是會定時派飯做慈善。 香港燒鵝是千店千味,各有調味配方,各人各有喜愛。我認為關鍵是燒烤後能夠及時上檯。 此店店名有千錘百鍊,樂在其之意,有超越中環一樂燒鵝店的烹煮誠意。用意隱藏,宜高度標榜燒鵝為招牌食物。餐牌很多元,有四川口水鷄和廣東手撕鷄等。原是招客好橋,郤未突出樂脆燒鵝主題。 食樂脆燒鵝,宜以此套餐為先。食具似青花瓷為飾,添傳統中國飯店味道。這是鵝义雙拼飯,义燒水準一般,有十件之多。樂脆鵝脆軟甘味腴,令我饞涎欲滴。入口爆脂汁盈,鵝味迂迴盪漾,歷久不散,酣暢淋漓,齒頰留香。更滋味是開胃小碟,此店有人手製千味醬,價比xo醬,酸中有甜,可外賣一樽88元,半數錢供派飯給弱勢社群。 燒鵝專門店宜有自製甜酸醬。傳統燒味店手製梅子醬,目的在解油膩開胃納。現代的甜酸醬宜有千味,帶來多元口感。此店的心思去了醃手拍青瓜和黑木耳。此套餐包一小碟千味青瓜,夾帶燒鵝伴吃,頓感味道無窮。各店燒鵝調味均不會重手,澳門黑椒燒鵝亦不例外。近年的燒鵝不會肥胖,長肉不增肥膏,要入口爆滋,汁濺味蕾,賴醬汁護航。 千味醬偏辛辣,宜減椒加酸梅,成為伴鵝食青瓜均宜的良醬,一如北京人食烤鴨,不建議直接啃着吃, 因為鴨皮脂肥,會油花四濺。他們一口皮肉,一口蔬,一口醬。 北方人食烤鴨,伴食白色的荷葉餅。廣東人食,首選瀨粉。香港人識食,下午茶時段才食鵝,只吃數件,伴以瀨粉湯解油膩。南北人文化差異,雲泥之別。此店的燒鵝瀨粉,賣40元,包飲品,比附近幾檔便宜。對面店的燒鵝,是煙燻的,鵝肉嫣紅,屬新派風格,似吃西餐。對比之下,此店的色澤紅艷,肉質細嫩,味道醇厚,肥而不膩。灣仔街市近三角街亦有新開燒鵝店,花巧為飾,更顯此店較平實。 繼續閱讀
(以上食評乃用戶個人意見 , 並不代表OpenRice之觀點。)
等級2 2020-10-14
239 瀏覽
Lunch sets (連凍飲)*用左MTR app $50 coupon—以下為個人主觀意見—-乳豬油雞飯套餐 (原價$91)整體覺得乳豬同雞嘅份量係幾足嘅, 但係乳豬皮比較淋冇做到脆身嘅效果, 油雞亦都有小小老。-千味手撕雞飯套餐 (原價$87)手撕雞有驚喜!!佢自己獨家嘅手撕雞醬係幾好食嘅,佢係比出面正常嘅手撕雞多咗一種泰式嘅味道令到個手撕雞一啲酸酸甜甜嘅感覺 令到個感覺更加多咗層次配飯食更加一流。整體成個套餐佢配嘅涼拌青瓜都ok不過我認為有點過酸, 湯亦都唔錯, 不過如果冇coupon去食嘅話就有點太貴喇雖然係銅鑼灣地段。CP值 7/10 (有coupon)賣相 6.5/10味道 6.5/10 繼續閱讀
(以上食評乃用戶個人意見 , 並不代表OpenRice之觀點。)
等級4 2020-10-09
147 瀏覽
作為一個廣東人,久唔久總要食一次燒味。圍繞着我工作嘅地方有不下六至七間燒味店,當中最出名有千樂、強記、甘牌及棋哥,都係標榜自己燒鵝出名。不過我今日要講嘅唔係燒鵝,而係燒味店入邊比較豪華嘅選擇——乳豬飯。呢度嘅乳豬飯叫做無雙乳豬飯,一隻乳豬喺度買大約要$800 ,而午餐乳豬飯加嘢飲盛惠61蚊。呢度嘅乳豬皮脆肉滑又足料,而且唔會太鹹,亦都唔會有太多骨。師傅總會切走皮同肉之間嘅脂肪,所以食起上嚟都唔會覺得太肥。另外值得一提嘅係佢嘅奶茶都做得非常出色,奶香茶香都夠。而且呢間亦係一間良心小店,每逢星期六都會派飯盒俾長者。大家有行開過嚟就支持一下啦。 繼續閱讀
(以上食評乃用戶個人意見 , 並不代表OpenRice之觀點。)
等級3 2020-08-08
444 瀏覽
今日中午出銅鑼灣工作,快快手做完之後又去千樂食燒鵝😂😂😂😂😂😂😂😂香港人食燒味呢樣野真係一排無食,個心會羅羅亂所以結論係 燒味係一定有得做!!今次又食叉鵝飯,叉燒食半肥瘦用中國豬燒既真係好食過用什麼黑毛豬燒既!啖啖油香、微焦味,正!呢度燒鵝係必食,d鵝油香到,配飯真係食唔停口!塊鵝皮又脆,點埋梅子醬👍👍👍👍👍👍食完真係大滿足!一間咁正既燒味鋪中午都坐唔滿,何況其他食肆只能講句香港人加油! 繼續閱讀
(以上食評乃用戶個人意見 , 並不代表OpenRice之觀點。)
等級4 2020-07-01
535 瀏覽
香港人好多人都鍾意食燒味我都唔例外、阿哥話發現咗一間燒味店啲燒味好好食咁今日就過左嚟試、夏天咁鬼熱、即刻叫返個清涼嘅千味手帕青瓜、酸酸甜甜好消暑、佢哋話呢一隻自家釀制嘅醬好白搭、炒海鮮又得、整茄子都得、買一樽仲會捐一盒飯比長者!堅好食即刻想買一樽返屋企、輪到呢個燒味拼盤!呢啲真係真燒味啦、個叉燒冇得彈、透明呢個我以為係肥豬肉原來係根嚟㗎係爽嘅!好好味呀我第一次食有根嘅叉燒!老闆娘話一隻豬丶好少!今日我走運了!佢話原來係用新鮮豬肉整嘅、切雞中間係有啫喱的!油香肉爽!個燒鵝好香、乳豬真係好味皮脆肉香!呢個價錢加埋呢個質素簡直性價比高!阿哥真係冇介紹錯!見到佢哋啲私房足了燉湯下次一定要試埋!真心推介呢一間燒味店 繼續閱讀
(以上食評乃用戶個人意見 , 並不代表OpenRice之觀點。)