千両 (V City)

營業中

休息中

已經好一排冇幫襯過千両，之前咁啱上網見到外賣買一送一，覺得相當抵食，於是外賣返屋企同家人嘆吓，係新鮮嘅，性價比十足。於是就決定下午茶去V city度會一會佢嘅堂食，當日係公眾假期，都等咗幾個字先可以入去。 試左一套$68的清酒三杯小品，三小杯清酒的味道略顯單一，缺乏層次感，作為一個體驗，性價比頗高，適合淺嘗，又或者真係非常初體驗清酒嘅朋友，可以算係摸索一下自己嘅口味。 先上既係-吞拿魚蓉蓉海膽手卷，上菜擺盤都幾精緻，吞拿魚蓉，海膽新鮮，搭配紫菜同埋一個脆餅口感層次豐富，唔錯。然後仲嗌咗個咩20周年餐牌嘅大吞拿魚腩配飄雪鵝肝壽司，上菜嘅時候應即時煙燻，儀式感足夠，煙燻過嘅吞拿魚腩係比較油香，鵝肝碎就唔係好覺有乜分別。之後食咗個二人極上刺身拼盤，帶子肥美，刺身蝦都相當飽滿最後，係日本兵庫縣生蠔，$48一隻，價格合理，生蠔的新鮮程度令人滿意，不過本身餐牌上面係寫住附有清酒凍，店員話已經過咗個promotion，所以冇清酒凍，我認為應該落單之前同我講返。 當天正值繁忙時段，人手明顯不足，每道菜之間的等候時間較長，用餐體驗稍微受到影響。

今晚來到千両壽司，品嚐了一場令人難忘的蠔之盛宴。千両一向以新鮮的食材和高品質的料理聞名，這次的體驗更是讓我對他們的生蠔料理留下了深刻的印象。環境與服務：千両的裝潢簡約而雅致，木質的桌椅和柔和的燈光營造出舒適的用餐氛圍。服務員態度親切，對菜單的介紹非常詳細，讓人感到賓至如歸。生蠔拼盤：這次的主角當然是生蠔！我們點了一份生蠔拼盤，裡面包含了來自不同產地的生蠔，每一隻都肥美飽滿，閃耀著誘人的光澤。日本兵庫縣高本生蠔：這款生蠔口感清爽，帶有淡淡的海洋鹹味，餘韻甘甜，非常適合初次嘗試生蠔的人。日本兵庫縣枕生生蠔，這款生蠔肉質豐腴，口感濃郁，帶有堅果和奶油的香氣，是生蠔愛好者的最愛。每一隻生蠔都經過了精心的處理，去除了內臟，只留下最鮮美的部分。搭配上檸檬汁、辣醬和特製的醋汁，更能激發出生蠔的鮮味。

三人行點了三個午餐，星期日都有套餐。每一個餐都包一粒蕨餅、一杯飲品（果茶或咖啡）、一碗麵豉湯、一個沙律菜和一件南瓜。天婦羅的炸物的粉不厚夠脆口，所有刺身或壽司的材料都很新鮮，夠厚身。牛肉烏冬(牛肉雖薄但勝在不肥有牛肉香味）而烏冬雖是幼身但都彈口的。整體是好味！坐卡位，環境是舒服的，乾淨，枱面剛可放到三份餐。所有職員都好有禮貌

午市套餐試下，點知又中伏首先個侍應，求其放個盤落枱本身有隻碟同筷子放枱中間，佢吾移開，求其放餐盤，基本上係有1/3盤係零空放枱邊，勁差!酸菜係雪櫃拎出尼，冰凍嘅，連隻碟都係冰凍沙津菜粒蕃茄，又係雪櫃直出，凍到入吾到口天婦羅啲炸粉，好劣質，又厚，又油成個餐仲要158直係好難食

星期六行開V city見到千両有lunch set，好似好抵咁就入咗去。啲嘢食超大份。炙燒壽司配牛肉烏冬 $158千兩一般正常質素，烏冬都算煙靭。不過佢送嗰舊蕨餅就一般唔夠煙靭，亦都唔夠黃豆粉。滑蛋吉列豬扒餐 $148一上枱食咗個滑蛋好似落咗半樽豉油咁，但係佢都肯換過啲新蛋俾我就算係咁。其他嘢食都係一般千兩水平。

星期日諗住去食餐好，去咗千両食lunch.叫咗個特選刺身．吉列豬扒飯同極尚刺身角切飯。每個套餐都有前菜同麵豉湯，非常開胃。吉列豬扒炸到好脆，入面又唔會太乾身。配合滑蛋一齊食非常飽肚。 另外極尚刺身角切飯刺身，10分新鮮。 最後每人一杯即磨咖啡，非常香濃提神。 星期日想食餐好的話，千兩都係一個唔錯ge 選擇。

平日去開MOKO 千両，服務非常好，仲做埋會員今日去vcity 試下，問今日時令鲜鱼刺身套套餐係乜鱼，樓面竟然講吾出，搞左好耐返尼講話賣哂然後我點左個定食，前/左附近遲我叫order.D野食到，食埋，催左兩次，终於等左45 mins 一個普通牛肉烏冬套餐食物味道好，但服務差，又漏單樓面吾熟menu

以前晚上食過千兩，單點的話每人食$200-$300都唔太飽肚，所以都覺得比較貴。最近突然有朋友介紹可以黎食午餐，話性價比高d，呢個餐$108加一，都幾多野食，有天婦羅、壽司、烏冬、湯同果茶。壽司佢應該即點即造所以等得比較耐。但感覺上呢個價位，份量都幾足夠，款式又豐富！而且壽司都新鮮、天婦羅炸得好香脆，環境又坐得幾舒適，係杯果茶好似太甜了，除左呢樣野都值得再encore！下次會再試下佢地其他set🥳

百両定食$1️⃣0️⃣8️⃣定食包含前菜丶沙律丶麵豉湯丶炸物丶烏冬丶飲品煮南瓜🎃一粒沙律菜麵豉湯壽司🍣六件炸蝦🍤一隻芝士薯餅🧀🥔一件湯烏冬🍜冰果茶🥤炸物最好食，湯烏冬就煮得太淋身。壽司唔錯，話晒佢都係貴價版嘅元氣壽司。冰果茶太甜。整體我俾75分。有回頭，下次試吓其他午市定食。是日消費💰$118.8 (已加一）

千両牛肉烏冬定食Set：包括4款壽司+炸蝦炸魚+牛肉烏冬+湯三文魚壽司好肥美，入口充滿油脂😋so yummy帶子壽司亦都好肥美新鮮，每件壽司都好新鮮。牛肉烏冬，牛味濃郁，烏冬有咬口👍🏻炸🍤鬆脆，放咗一陣食，都冇問題。滑🍳豬扒飯定食蛋滑溜配上炸豬扒一流，份量都好大份，配飯一流，另外都有湯同沙律🥗喜壽燒定食豆腐、大蔥、菜都好入味，牛肉都好味，配埋白飯，又係食唔停口😍樣樣都好好食😋，一定會再黎食！

昨日去午餐，門口那位接待員真不知所謂，我表明一位，並等待帶位入去，但佢景然用stop我嘅手勢，都唔知咩意思及咩服務態度😏我根本沒有意圖進入去！本來打算即走，但因太肚餓就算😒入到去，另一位小姐不懂電腦落單，用人手落，又係落錯咗！好了，到我去埋單，張單又係錯的🤨，個接待員出咗三張單先至係我嗰張😏一句唔好意思都冇，如果唔check 單就俾多咗一份錢！之前好嘅一班服務員，好似已經唔見晒！雖然食物尚可，但我諗我會少去點！

我朋友到屯門v city食晏，朋友介紹千兩日本料理，睇落門面唔錯！唯獨是接待員和收銀員是同一人，所以要等收銀完成所有收費後先至可以帶我們進餐廳！入到餐廳後感覺舒適寧靜，好有去咗日本嘅感覺！我和朋友都選擇了午餐！而我選擇的是角切魚生飯午餐，朋友選擇了炸豬扒飯和千両午餐！我的角切魚生飯，有湯、沙律菜和甜品，而份量都相當大！性價比高；湯內還有一個蝦頭，所以有好香嘅蝦味；沙律亦都感覺新鮮甜美，至於甜品有驚喜，燉蛋內有一隻小小嘅帶子和蝦！食落亦都香滑！而朋友的炸豬扒飯睇落去亦都唔錯，而千兩午餐嘅壽司亦都比較新鮮！值得一提嘅就係綠茶，飲落香醇美味，感覺係用唔錯嘅綠茶粉開成的！總括來說都係一個值得推介嘅午餐地方。

千兩不是第一次吃了，只不過第一次到屯門V city分店，平時我通常都到IFC的千兩。兩間格局都是優雅非常適合與朋友聚會閑談，不過V city這間地方更加寬敞，座位與座位之間留有空間，不會聽到旁邊其他食客的談話內容。今晚與朋友選取了A4黑毛和牛壽喜燒，味道不錯，湯汁濃厚，和牛就正常沒有太驚喜但可以添加和牛壽司方面我們選取了極上魚鮮壽司這個保持到水準，肉質解凍適中，非常新鮮還有不同魚肉的味道，不會有雪氣味。但我要重點講的是這個清酒蒸生蠔，簡直垃圾中垃圾，一開始只是一個煲蓋住上枱，完全不知是甚麼，沒有火爐在底，根據服務員指示要蓋著幾分鐘才可打開進食，因為會蠔身會帶酒香多些，打開後發現好像在煲生蠔昆布湯，完全沒有清酒香漂出來，打開兩隻蠔殼後，肉身又細又硬，沒有清酒味，好像白烚一樣，煲水就只有昆布味，很伏。極度不建議大家試食。

服務員經驗明顯不足，服務差。想落單見到你，但係走咗去，反應慢、落錯單、連上菜都很笨拙，倒瀉嘢，就咁就走咗去。幾位服務員都好似發緊夢咁。未試過一間咁差嘅千良，對不起呢一個價錢同品牌。

今日同朋友黎到屯門v city行街，又想食下日本野，見到個門面咁高級但野食唔算貴，就決定食呢間。平日中午1點左右，人流唔算多，2人枱大約等左5分鐘就入得，仲安排左卡位比我地坐。我叫左「百両定食」，朋友叫「千両刺身壽司便當」，叫完好快送上枱，賣相正常，感覺會食得飽～百両定食入邊包括沙律、7塊壽司、天婦羅同埋烏冬。所有野都好正常，$108加一價錢算係好合理。朋友個刺身壽司餐係$168，佢見到我個餐睇落同佢個份量差不多，覺得我個餐抵食好多