十里茶香 (已結業)

買左一杯黑糖芋圓鮮奶同一杯熱咖啡。黑糖芋圓鮮奶要左正常甜度，無少甜，但飲唔到有黑糖同奶味，而且感覺好似溝左水咁，味道好淡好稀。芋圓質感好差，有d係硬既，好似未煮得淋？無芋圓應有既煙un口感同味道，飲左幾啖已經唔想飲，最後飲左一半就掉左。另外要左一杯熱既咖啡，味道就正常既。唔知係咪生意差定點，做緊7折優惠，但呢個質素，真係令人失望，好難再吸引人再去幫襯。唯一好既野係，杯既設計幾方便，打開細蓋位就可以放飲筒入去，唔洗好似平時要用力插入去杯膜，搞到飲品彈出黎。

飲品名字叫「叢中一點紅」其實是「抹茶紅豆鮮奶」，飲落去味道太淡，根本沒有抹茶的甘味，而且紅豆外觀太細粒，但又不會太軟。味道太淡，沒有抹茶的甘味，紅豆外觀太細粒。

其實店面同menu都見到有落足心思，飲品名亦切合店名有點詩意，唯飲品應該有好大的進步空間。忘了飲品名稱，直說就是黑糖芋圓奶茶，我叫了微糖，基本上真的不甜，挺合我心意，可能是這關係，所以都感受不到黑糖香氣，而且真的完全沒有茶香，更有點淡，這時覺得有點中伏的危機，試埋芋圓，就知道真的中伏了芋圓完全冇味，是很煙韌的，但就淡得尤如食緊粒膠，其實我見佢用普通膠杯裝著芋圓都覺得心感不妙，因為芋圓要好食，除了材料要新鮮，最重要的一定是浸糖水，糖水能更突出芋頭、番薯的味道，使之更香，不浸糖水也要沈少許糖令它帶點甜，同珍珠同一道理，一定要浸甜它才出味的。希望貴店可以愈做愈進步吧。這杯茶有七折，$25左右，但我飲了兩啖就無飲了，可以想像味道幾咁出事。

無下次，我叫左個芋泥波波，正常應該係攪拌變泥，點解我杯野變成咁！係一塊塊芋頭，真係懶到呢？！唔想做生意唔洗咁！完全係亂嚟，無奶香無茶味，仲要用呢個價錢？10蚊都唔會有人買！送俾我都唔飲。見圖就知我講乜。

呢排上環出job， 見到呢間鋪新開 仲係試業中。.限時優惠 買二送一，啱啱好我地三個人。可以Enjoy呢個優惠。.🌼芋頭鮮奶 熱 $30我飲呢個 覺得唔會好甜 有鮮奶味但唔多重，芋頭味好淡。但因為無太甜 所以我都幾鍾意。btw 冇講小甜，可能本身個甜度係比較淡。鍾意飲甜d嘅可能會覺得冇乜味。但呢個係主打，見到有個特別符號。.🌼洛神花茶 熱 $30🌼黑糖薑母茶 熱 $30.仲有印花收集卡，滿十個可以送一杯嘢飲。.食完嘢過來買一杯 都幾好！

最近，我發現上環信德中心3樓的澳門廣場，開了一間台式飲品店 <十里茶香>！位於澳門廣場近電梯口位置，自從另一間台式飲品店 <一芳> 結業後，整個商場的而且確缺乏這類型的台式飲品店！店子是外賣飲品店，在裝潢上卻不馬虎，還增添心思！ 加上梅花圖案的牆身，色彩繽紛的小紙傘裝飾點綴，生色不少之餘，好讓食客打卡影相！供應：招牌奶茶系列、波波冰系列、鮮奶系列、雪沙系列、甜絲絲系列、果茶系列等！店方連飲品名，也改得好有意境啊！落墨相思夢 (黑糖紅豆布丁燒仙草) $39 中杯裝 *半糖店方特別加入黑白淡奶泡製奶茶，令其口感更香滑順喉！入口先嚐到濃重奶茶味，紅豆沉澱底部顯得較甜，中和後，甜度適中！布丁蛋味濃郁滑不留口，燒仙草口味微甘，比前者更軟身，這杯是口感豐富的台式飲品，絕對滿足我！我幾欣賞杯蓋設計，簡單打開小蓋子，直接插入飲筒就可以嘞！十分方便！起碼唔使大力用飲筒篤穿即啤杯蓋！

“爍玉流金(大)”($36)又比我發現一間新台飲店🤣位於信德中心3樓個美食廣場叫咗呢杯流心奶黃波波冰🤤飲品個底係鮮奶沙冰加埋啲香濃嘅奶黃醬就變成奶黃奶昔🤤真係超級多奶黃醬掛杯☺️好邪惡😆再加埋啲珍珠飲完成杯已經飽咗🤣