十八番

營業中

休息中

係K11行街，度度都係人，諗住food playground 啲小店，睇落賣相唔錯，價錢比一般food court貴，見有位，應該值得試下，行左幾間，見呢間有日式牛扒，就試吓呢間「十八番」，叫左網燒牛扒定食，望落去都唔錯，初時都見56成熟，夠冧都可接受食到，但食到一半，生到完全食唔到，又多筋，同佢講，只話整返熟比你，下？！我食過～食唔到，再煮熟？！有冇諗衛生問題架🙄🙄完全唔覺得自己有問題！唔會有下次！

真係從未食過咁垃圾嘅仲要俾$168個鰻魚蛋包飯。鰻魚又乾又無味，連鰻魚sauce都唔捨得俾，D飯又唔熱，搞到成個餐好似隔夜咁….. 真係唔知想點。收得168 唔該俾番少少heart

好耐無食日式咖哩，見到呢度foodcourt有唔少選擇，見到呢間十八番專係賣日式咖哩同日式料理，點左漢堡扒咖哩蛋包飯同沙拉炸餃子！漢堡扒咖哩蛋包飯份量都幾多下，好大碗！日式咖哩好香甜好惹味，撈飯一流! 漢堡扒係好厚，裡面係滿滿既肉汁，一咬就肉汁四溢，好好食! 蛋好香好滑，而且仲有沙律醬、紫菜碎同白芝麻在蛋上，加上大量蘿蔔粒係咖哩裡面，好豐富! 而沙拉炸餃子炸得好香脆，裡面有豬肉同菜，好有口感! 仲附送埋麵豉湯👍🏻

這天去尖沙咀行街，行一陣就去食飯😋食飽飽就繼續買買買！美食廣場餐廳選擇很多，我選擇了這日式美食-網燒牛扒定食配唐揚炸雞。牛扒定食非常豐富，牛扒不會靭，咬開亦有肉汁。它的份量十足，調味不濃不淡，我很滿意！麵豉湯味道普通，但熱騰騰的湯，喝下去還是舒服的。套餐包括的米飯米香味不重，但很圓潤、粒粒分明，食很好吃的米飯！我還品嚐了唐揚炸雞，這個炸雞裡頭很多汁，外皮亦很香脆，配搭的醬汁是酸甜醬，味道是匹配的，但在日式料理，這個配搭比較有趣吧！

Ordered to go at the counter, but they mistakenly take the order as dine-in. Nonetheless, when I was at the counter to get my food, the old lady at the counter throw me a plastic bowl and asked me to pack the food myself, which was absolutely ridiculous. I asked her nicely to pack it for me, but she turned back and walked away. Not sure what was wrong about this restaurant, but I surely will not recommend anyone to dine here anymore.

十八番網燒牛扒定食Grilled Steak Set大大片薄切網燒西冷牛扒，肥膏比例均勻，令牛扒唔會太乾身，肉質豐富，非常滋味。伴菜喺加咗柚子汁嘅沙律，口感清新。很喜歡加上海苔蛋香鬆嘅日本白飯，增加味道層次。流心蛋柚子沙律Molten Egg Yuzu Salad流心蛋柚子沙律十分豐富，生菜、羽衣甘藍、蕃茄仔等。醋味比較濃。流心蛋濃郁。唐揚炸雞Chicken Karaage唐揚炸雞外面酥脆，裏面雞肉嫩滑。可以點一啲酸辣醬，提升味道，同時增加濕潤感。靜岡蜜瓜梳打Musk Melon Cider靜岡蜜瓜梳打日式樽身很吸引，蜜瓜濃郁且香甜，帶出冰涷清新快意。

今天到尖沙咀K11 Musea 購物並選擇了在B2層的Food Playground吃個快餐。我和友人最終選擇在十八番點了兩個日式定食。～吉列炸蝦咖喱蛋包飯單是3隻大大隻炸蝦的賣相已令人垂涎欲滴，入口更見其實力。包裹著極薄炸粉的大蝦連頭和尾新鮮炸起，脆漿包裹着又滑又香的蝦肉，入口非常香脆好味。熱騰騰的炸蝦雖然給人一點熱氣的感覺，但這香噴噴的美食確實令人難以抗拒。滑蛋包裹著軟綿的米飯配上日式咖喱汁十分滋味，日式咖喱一點也不辣，味道卻頗濃郁，甜味較特出。汁內除了有鮮甜可口洋蔥外，還有小薯粒和紅蘿蔔粒，令口感和味道更多元化。～網燒牛扒定食一大塊燒約六成熟的牛扒上碟時已預先切好，牛扒的中心還呈粉紅色，入口感覺牛味突出，肉質鬆化不會韌，與伴碟的沙律菜一起吃，更教人滿足。定食的米飯份量十足，配上牛扒來吃飽肚又滋味。兩個定食均配有味道濃郁的味噌湯，湯內有滑滑的小豆腐粒和片片日式紫菜，製作絕對不馬虎。吃過這頓簡單又好味的日式定食後，我們又繼續在商場內逛遊，享受快樂的時光。

food playground 內的日式定食🥢..假日就是人多，係K11 Musea 搵食不容易，隨便係basement 既food playground 吃飯🍽，有間日本野有牛扒吃，就去試試。Menu 選擇不多，牛扒定食、鰻魚蛋包飯、丼飯、小食炸雞、餃子都有，簡簡單單吃個飯。🔸網燒牛扒定食 $158一大塊牛扒，外皮焦香而內裡粉嫩。🔸溫泉蛋牛丼 $88牛肉質素算不錯，加上溫泉蛋令飯粒更滑。..就這樣。。簡簡單單吃個便飯。..×××××ש尖沙咀梳士巴利道18號K11 MuseaB2層Food Playground..

黎過K11 Musea food court好幾次都有唔少餐廳選擇，每次都可以揀試新野 早咗放工嚟到，難得有好多位，想坐高或者矮凳都得😎😎左揀右揀之下，揀咗依間：十八番主要係食日本定食有好大路嘅牛肉飯、咖喱、吉列豬扒價錢包埋湯，以依個商場黎講，價錢都唔算貴朋友揀咗依款溫泉蛋牛丼本身味道比較淡，建議取餐嘅時候，順便拎埋牛扒汁或者鰻魚汁，自行添加落去，咁成件事就會升華晒😂😂不過幾欣賞佢哋嘅牛肉，份量多，細心D睇，係冇乜肥膏！大型連鎖店幾十蚊一大碗嗰啲，基本上超過一半都係肥膏啦🤔🤔除咗牛肉之外，仲有啲蔬菜，感覺又健康少少蒲燒原條鰻魚蛋包飯出色！雖然蛋包飯通街都係，但係佢哋個蛋好好食！牛油味好突出，好滑！鰻魚質素唔錯，好肥美，厚身，自己落多啲鰻魚汁，餸飯超正！

🐻尖沙咀糧食🐻🐮網燒牛扒定食 配白飯味噌湯牛扒比想像中驚喜，有肉味，唔會好似茶餐廳個種牛扒加滑肉粉。如果厚身多少少就更好！牛扒始終都係簡單調味就夠。🐷厚切吉列豬扒定食 配白飯味噌湯吉列豬扒夠厚身，炸得夠脆身，食落去一啲都唔油膩，加埋沙律醬同豬扒醬真係好好食😋🐻小評語：可惜定食配菜和沙律菜份量略嫌不足，整體來講建議定食份量可以稍為增加。價錢品質比較之下，吉列豬扒性價比比較高。📍 十八番 (尖沙咀)尖沙咀梳士巴利道18號K11 MuseaB2層Food Playground味道😋:🌕🌕🌕🌕🌑性價比💰:💵💵💵回訪度🤤:🥴🥴🥴

K11 Musea大家都知無論係食嘢定係買嘢都係特別貴，咁就試吓佢哋嘅food court，其實選擇都幾多唔同種類嘅嘢食都有。第一間嘅係《十八番》，認真有驚喜，叫咗個牛扒定食🥩，熟度啱啱好，仲有少少嫩粉紅色，除咗筋位冇咩好挑剔，雖然唔算係好靚嘅牛，但係煎得啱啱好味道搭夠👍🏻旁邊嘅白飯仲配咗飯素

聖誕就到，已經開始周圍去打卡，其中一個一定會去K11 Musea，但平民嘅我地又邊捨得去舖頭食飯吖，好彩佢basement 有個" food playground " ，選擇多，價錢又大眾化啲～我地揀咗食 「 日本野 」！有間叫十八番食蛋包飯同咖喱飯。咖喱唐楊炸雞爆丼 $103聞到咖喱好香濃，睇到好濃唔會稀，份量都多絕對夠撈成碗飯！米飯都粒粒煙韌，幾好咬口。唐楊炸雞都好香口，脆脆哋啲肉又嫩，完全唔乾，撈埋咖喱汁好味。原條鰻魚蛋包飯 $192開會都唔敢嗌，因為份量大怕食唔晒，但原條鰻魚又好吸引，最後嗌咗嚟試吓，所以無嗌小食嚕。鰻魚好肥美，入味又唔會太多汁過膩，蛋又有沙律醬，好夠味。信洲蜜瓜梳打 $24橙味汽水$15

K11 muse food court 食物多元化，環境唔錯，又幾有氣氛，所以晚上通常爆客🙈 經過見到呢間嘅鰻魚蛋包飯賣相唔錯，就決定食呢間啦～ 我地等位都等咗10分鐘先有～ 值得讚嘅係，有人keep住執枱👍🏻鰻魚蛋包飯賣相係有加分嘅❤️ 原條鰻魚醬汁香濃魚肉彈牙又軟嫩，半熟滑蛋配白飯冇得頂😍 跟咗一杯麵豉湯，幾夾幾好飲！溫泉蛋牛丼牛肉量好多，而且醬汁入味，撈埋蛋液來食口感好滑～唐揚炸雞雞件脆卜卜，內裏十分juicy！甜酸醬汁好味👍🏻有四五件都幾抵食😃

同朋友去K11 musea 行街睇戲，足足可以hae足一日，到晚上時間當然肚餓要食嘢啦，我哋就簡單去咗地庫food Court， 一眼就睇中 「 十八番 」，想食佢個原條鰻魚蛋包飯！兩個女仔食唔到咁多嘢，所以嗌左一個蛋包飯share，再加多兩個小食同一個沙律。《 原條鰻魚蛋包飯 $192 》份量大，鰻魚肥美長過隻碟，肉有彈性又幾厚肉，食得出鰻魚幾新鮮。而下層嘅蛋色澤黃金，入口嫩滑有蛋香味濃，再加上沙律醬更惹味，全部材料一齊撈飯食好正。追加 《 日式沙拉炸餃子 $32 》-個皮好薄，角位好脆口，肉餡入味，加沙律醬提味。《 流心蛋柚子沙拉 $32 》流心蛋清甜蛋味濃，沙律菜有super food "羽衣甘藍"，好健康！《 唐楊炸雞 $32 》炸雞好脆薄，雞肉嫩滑有肉汁，配埋甜酸醬更提味。加配《 綠茶可樂 $24 》食唐揚食物配汽水好消膩～

K11 Musea B2層有一個環境好好嘅food playground, 行到攰想試咗日本菜就揀咗一間食😎🤌🏻蒲燒原條鰻魚蛋包飯鍾意食鰻魚嘅我一定叫呢個🤣而佢真係原條咁上菜，未食已經覺得興奮😆鰻魚燒得不錯，咬落淋身唔硬，雞蛋整得都好滑，仲加咗沙律醬，味道更加豐富😋不過唔知係咪疫情關係，飯碟都轉咗做即棄用具，賣相方面有少少影響🤣🤌🏻 漢堡扒咖哩蛋包飯啖啖都有醬同埋雞蛋好正，漢堡扒都大舊而且比想像中juicy ，好多汁撈飯正, 蛋包飯嘅醬汁都係偏甜，所以怕辣嘅朋友唔洗驚🤣份量同樣好多好滿足🤌🏻 提子梳打見到日版飲品覺得特別吸引啲🤣🤣 飲落比平時真係好飲咗，日本🇯🇵咩都好🤣雖然價錢比平時嗰food court 貴少少，但環境上真係舒服好坐👍🏻🚩 十八番 (尖沙咀)尖沙咀梳士巴利道18號K11 MuseaB2層Food Playground#addifoodie #addifoodie尖沙咀#foodie #hongkongfood #drawing #香港美食 #吃喝好去處 #週末好去處 #goodfood #周圍食 #香港插畫 #情侶美食 #HKcouple #hongkongdraw