影片
以上資料只供參考, 請與餐廳確認詳情
食家推介
前日（4-5-2025 Sun）晏晝同老公落荃灣食晏，去邊喥食？佢話蹄花湯，話𠲖o家有飯食。啊，咁好啦。我哋嚟到都full full地，我哋喺出面等同睇menu，見到選擇少咗好多，我就鎖定要$38.00嘅豬頸肉蓋飯，老公要$38.00嘅紅燒豬腸蓋飯，我哋再要一個$35.00嘅淨蹄花湯。店員自動端上兩杯凍綠茶，呢個味道淡甘嘅。冇耐，所有食物都到齊，每碗蓋飯都有一隻滷水蛋同支竹，睇見我嗰碗豬頸肉唔似平時食到嘅爽彈豬頸肉，食落，似豬腩多啲，佢好夠腍又唔係柴皮，而且入味，唔錯。滷水蛋味道同口感都正常，支竹味道亦夠濃。老公嘅紅燒豬腸呢，加咗辣椒，豬腸乾淨冇異味，唔錯。淨蹄花湯嘅豬手都好腍，味道清淡舒服，蘸佢嘅汁好香唔辣，好味。今次冇上次咁多選擇，慶幸我哋舊年有食過（上次食評係2024年1月11日刊登嘅呢篇：https://www.openrice.com/zh/hongkong/review/%E5%A5%BD%E5%91%B3-e5233350）。
繼續閱讀
叫佢走青完全係冇走過啲青，仲要係勁多蔥成件事係錯晒。搞到完全係冇晒胃口去食成個飯同啲枝竹搞到一啲都唔想掂。最慘係買到返到屋企先至發現係冇走到啲蔥。諗住食飯啦點知比啲蔥搞到冇晒引呢間咁嘅餐廳仲留喺度仲有乜意義呢！
繼續閱讀
今日諗住食涼皮就一枝箭咁衝入鋪頭點知坐落睇餐牌 無左涼皮 得返涼面同埋多左好多蓋飯款色本身都無問題 但發現涼麵唔知點配啲餸 因為啲餸變哂$15半份起跳 所以涼面加餸整體價格會上升都無問題 咁食返蹄花米線食緊之制 咁啱個位坐喺望到廚房嘅見住老細將一袋袋煮好左嘅牛腩？？（似紅燒牛肉啲色水）倒出嚟 即係…？真心本身好鍾意嚟食涼皮 啲餸啲汁好都正同埋難得一間有得堂食嘅涼皮 唔似葵廣嗰啲外賣但唔知點解咩原因變成咁？ 成平上升？？我眼見入嚟買外賣嘅仲叫緊涼皮同口水雞如果鍾意蹄花同肥腸都仲可以嚟食
繼續閱讀
食過幾次青瓜絲葱油拌麵+口水雞組合必食 枱枱都叫 見之前 OpenRice D網友食評都係呢個推介 惹味同好大份 青瓜量好多好健康但見到最新餐牌已停左賣呢幾樣野😹😹即刻就無辦法再入了
繼續閱讀
都幾好食，豬手好淋～價錢唔貴，份量多，夠飽肚，有免費綠茶即棄餐具感覺衛生涼面好食，唔係葵廣果種好厚身CP值高又有位坐好似新開無耐已經好多人八點左右坐到滿哂要搭枱
繼續閱讀